Dagur - Tíminn Reykjavík - 16.01.1997, Blaðsíða 14

26- Fimmtudagur 16. janúar 1996
Jlagur-®mrám
RADDIR FOLSINS
eiðis..
Heimilisfangið er: Dagur-Tíminn, Strandgötu 31, pósthólf 58,602 Akureyri
Sannfæring þmgmanna

Hr. ritstjóri,
í blaði yðar 8. janúar sl. er
grein eftir Helga Jónsson:
„Hugleiðingar um þing og
þjóð“. Þar sem í grein þessari
er ekki rétt vitnað í orð mín
verð ég að gera athugasemdir,
svo og við túlkun höfundar á
vissum greinum stjórnarskrár-
innar.
í grein Helga Jónssonar seg-
ir:
„Þegar Ólafur G. Einarsson
tók við embætti forseta Alþing-
is, lét hann í Ijós efa um að rétt
væri að ráðherrar hefðu kosn-
ingarétt á Alþingi".
Þetta eru ekki mín orð. Ég
ræddi hins vegar það álitamál
hvort ráðherra sem valinn er úr
hópi þingmanna eigi að gegna
þingmennsku samfara ráð-
herrastörfum. Ég hef verið
þeirrar skoðunar að svo eigi
ekki að vera, þ.e. meðan gegnt
er ráðherrastarfi láti viðkom-
andi af þingmennsku og vara-
maður taki sætið. í slíku tilviki
mundi ráðherrann ekki hafa at-
kvæðisréttt í þinginu en hefði
fullt málfrelsi eins og stjórnar-
skráin kveður á um. Á þessu
tvennu er munur.
Það er hins vegar röng túlk-
un hjá Helga Jónssyni að 51. gr.
stjórnarskrárinnar segi að ráð-
herrar hvorki megi né eigi að
koma úr hópi þingmanna.
Hugleiðingar greinarhöfund-
ur um hlutverk forseta lýðveld-
isins við skipun ráðherra bygg-
ist á misskilningi um stjórnskip-
un landsins.
Annað atriði sem ég þarf að
gera athugasemd við lýtur að
þeirri staðhæfingu greinarhöf-
undar að ég hafi í úrskurði sem
ég kvað upp á þingfundi 23.
maí 1995 ekki farið rétt með
ákvæði 48. gr. stjórnarskrárinn-
ar og raunar snúið þeim upp í
andhverfu sína. í 48. gr. segir
að alþingismenn séu eingöngu
bundnir við sannfæringu sína
og eigi við neinar reglur frá
kjósendum sínum.
í úrskurði mínum sagði m.a.:
„Alþingismenn eru í störfum
sínum eingöngu bundnir við
sannfæringu sína og standa að-
eins kjósendum skil gerða
sinna. Þeir eru ekki bundnir af
hæfisreglum í störfum sínum og
geta því tekið þátt í meðferð og
afgreiðslu allra mála á þinginu.
Það er einmitt ein af grundvall-
arreglum í stjórnmálum lýð-
ræðisríkja að þingmenn taki
ákvarðanir um hvaða hagsmuni
á að taka fram yfir aðra. Séu
þeir tengdir þeim með mjög
persónulegum hætti er þeim
auðvitað í sjálfsvald sett af sið-
rænum ástæðum að segja sig
frá máli. Það er þeirra ákvörð-
un og á þeirra ábyrgð.“
í þessum orðum mínum felst
ekki rangtúlkun á 48. gr. stjórn-
arskrárinnar. Um leið og þing-
menn eru samkvæmt stjórnar-
skránni eingöngu bundnir við
sannfæringu sína þá verða þeir
einnig að standa kjósendum
sínum reikningsskil gerða sinna
að liðnu hverju kjörtímabili. Að
því leyti bera þeir ábyrgð gagn-
vart kjósendum sínum.
Með þökk fyrir birtinguna.
Tveir fyrir einn
Undirritaður notar töluvert
þjónustu innanlandsflugs
Flugleiða og sá sér til
ánægju um síðustu helgi
hreint ágætis tilboð auglýst
í Morgunblaðinu. í auglýs-
ingunni stóð Gjugg í borg -
Tveir fyrir einn og var ekki
annað að sjá en flugleiðin
Akureyri-Reykjavík og aftur
til baka með tveggja nátta
viðkomu á Hótel Sögu byð-
ist á frábæru verði. Þegar
var haft samband við sölu-
deild Flugleiða í Reykjavík.
Þvi miður, ég tek
þetta til baka
Þar varð fyrir svörum afar
indæl kona sem upplýsti að
hægt væri að fljúga milli
Akureyrar og Reykjavíkur
með hótelgistingu fyrir um
12.000 kr. og gilti það verð
fyrir tvo! Annar greiddi en
hinn fengi frítt. Mikil var
gleðin þegar samið var á
staðnum og hin hlálega
upphæð skuldfærð af
greiðslukorti í gegnum
síma. Adam var stutt í
Paradís því skömmu seinna
hringdi sami starfskraftur
og sagðist hafa misskilið
auglýsinguna. Þetta væri
væntanlega aðeins gjaldið
fyrir einn. Ef einhver fengi
frítt (2 fyrir 1) þá væri mið-
að við einhver hámarksfar-
gjöld og hún hefði dregið
skuldfærsluna til baka á
kortinu.
Réttur korthafa
Spurningar vöknuðu og
ákvað ég að snúa mér til
lögfróðra manna. Þar upp-
lýstist að óheimilt er að
bakfæra skuldfærslu á
greiðslukorti með þessum
hætti og skiptir þá ekki máli
hvort starfsmaður Flugleiða
eða annarra fyrirtækja, ger-
ir mistök í starfi. Samning-
urinn er fullgildur og veita
verður þá þjónustu sem
samið hefur verið um. Þetta
skyldu landsmenn hafa
hugfast.
Fagleg viðbrögð
Ég tel óhugsandi að starfs-
maður Flugleiða hafi vísvit-
andi brotið lögin. Þegar leit-
að var til yfirmanna fyrir-
tækisins voru viðbrögðin af-
ar fagleg og niðurstaðan
varð sú að undirritaður var
beðinn afsökunar og sagt
að fyrra samkomulag gilti.
Breyttist því ólund í ánægju,
enda kostnaðarlítil ferð
framundan í höfuðborgina!
Allir geta gert mistök og
Flugleiðir fá prik fyrir
hvernig þeir tóku á málum
að endingu. Hitt er sýnt að
auglýsingar fyrirtækisins
eru eitthvað athugaverðar,
þegar ekki einu sinni starfs-
fólkið getur stautað sig
fram úr þeim. Hvað þá með
viðskiptavinina?
Umsjón: Björn Þorláksson.
Snjóflóðið á
Súðavík, 16. janúar
1995, minnst
Faðmurinn kaldi úr
Jjallsins hlíðum
féll yfir bœinn með
bylgjunum stríðum.
Velti um húsum: Og vinunum
völdum,
vafði um snjóhvítu líkblœju
tjöldum.
Hjarta mér svíður og harminum sleginn,
horfi og skelfdur á
slysanna teiginn.
Lýs eilífa Ijós
myrkan og viðsjálan veginn.
Drottinn minn varðveittu
vinina mína,
vefðu um þá Ijósið og birtuna
þína.
Og gefðu mér styrk til að
stríða að nýju,
styðja þá hrelldu og veita þeim hlýju.
Launa svo bros sitt ég
börnunum megi
þótt beri og örin að lokanna degi.
Gefi eilífa Ijós
styrkinn á vorbirtu degi.
Leitarsveitir sem liðið oss
veittuð,
lagni og þreki á váslóðum beittuð.
Hjartans þökk fyrir hjálparstörfin
sem hafið þið innt þegar
mest var þörfin.
Launi ykkur Drottinn
þess best hver biður,
bœnahug þennan nú
alþjóð styður.
Vorsins komandi tíð
veittu þrek hverja nýrœktun viður.
Gunnar S. Sigurjónsson.
Vestmannaeyingar eru orðnir svakalegir þreyttir
á því að háls,- nef- og eyrnalæknir skuli aldrei
koma reglubundið til Eyja eins og aðrir sérfræð-
r ingar. Til Eyja koma augnlæknar, kvensjúk-
dómalæknar, barnalæknar, svo eitthvað sé nefnt, en aldrei
háls,- nef- og eyrnalæknir. Fyrir vikið þurfa foreldrar
ungbarna sem þurfa rör í eyrun eða láta athuga eyrnabólg-
ur að fara til sérfræðinga í Reykjavík með óheyrilegum til-
kostnaði vegna ferðanna og vinnutaps sem af þeim hlýst.
Eyjamenn heimta úrbætur.
m Það er ótrúleg ókurteisi sem mörg verslunar- og
þjónustufyrirtæki á höfuðborgarsvæðinu sýna
viðskiptavinum sem hringja utan af landi. Þeir
/r eru látnir hanga í símanum langtímum saman á
meðan sá sem er verið að reyna að ná í spjallar
í símann eða er á fundi í stað þess að símadaman bjóði við-
skiptavininum að taka niður símanúmerið svo hægt sé að
hringja í hann.
Það er lítil stoð í því fyrir langþreyttan viðskiptavininn að
skipa símadömunni að taka niður símanúmerið og segja
henni að láta viðkomandi hringja. Yfirleitt hringir viðkom-
andi ekki fyrr en eftir dúk og disk, ef hann hringir yfirleitt.
Það hljóta að vera til einhverskonar þjónustunámskeið fyrir
svona lið, bæði símadömurnar og ekki síður þá sem þarf að
ná í.