Dagur - Tíminn Reykjavík - 12.04.1997, Blaðsíða 4

16- Laugardagur 12. apríl 1997
^Drtgnr-®mrhtn
Hjónaband
listamanna
Danskir listamenn ífremstu röð flytja á næstu
dögum dagskrá í tali og tónum um œvi sam-
landa sinna, hjónanna CarlNielsens ogAnne
Marie. Hann var tónskáld og hún myndhöggvari
og var samband þeirra oft œði stormasamt.
Carl Nielsens er þekktasta
tónskáld Dana og Anne
Marie náði einnig miklum
árangri í list sinni. En framinn í
listunum tók sinn toll í einkalíf-
inu. Dóttir þeirra, Irmelin, hef-
ur gefið leyfi til að bréf sem for-
eldrar hennar skrifuðu hvort
öðru verði gerð opinber og er
dagskráin m.a. byggð á þessum
bréfum. Það er leikkonan Fritze
Hedemann sem les upp bréf
sem Anne Marie skrifaði og
Claus Lembek, óperusöngvari
við Hið konunglega leikhús í
Danmörku, les bréf Carls.
Píanóleikarinn Mogens Dalsga-
ard spilar síðan tónlist eftir tón-
skáldið á milli atriða en Mogens
er þekktur píanóleikari sem
hefur spilað um víða veröld. Að
auki mun Claus Lembek syngja
nokkur af lögum Carls.
Ferðalög og
framhjáhald
Margir hafa undrað sig á
stormasömu einkalífi tónskálds-
ins þar sem tónlist hans ein-
kennist af léttleika og glaðværð.
Hann og Anne Marie hittust í
París árið 1891, urðu yfir sig
ástfangin, og giftu sig aðeins
tveimur mánuðum seinna.
Fljótlega fór að reyna á sam-
bandið því vegna listar sinnar
var Anne Marie á endalausum
ferðalögum um Evrópu. Carl
sat einn eftir heima og þetta
leiddi til framhjáhalds. Á dag-
skránni munu flytjendur stikla
á stóru í ævi þeirra hjóna frá

Mogens Dalsgaard verður við píanóið á dagskrá sem danskir listamenn
flytja um tónskáldið Carl Nielsen og konu hans, Anne Marie, sem var tón-
skáld.
því þau kynntust og til dauða
Carls.
Hafnarfjörður,
Reykjavík, Akureyri
Dönsku fistamennirnir munu
flytja dagskrána þrisvar sinn-
um. Á morgun, sunnudag,
verða þeir í Hafnarborg í Hafn-
arfirði og hefst dagskráin þar
klukkan 15. Næstur í röðinni er
Leikhúskjallarinn í Reykjavík
og þar mæta þeir klukkan 21 á
mánudagskvöld. Lokasýningin
verður síðan í Deiglunni á Ak-
ureyri á þriðjudagskvöld klukk-
an 21. AI
Grænlensk snjóskulptiírahátíð
Vel á annað hundrað
manns unnu nýlega
hörðum höndum í nokkra
daga við að móta listaverk úr
snjó. Tilefnið var snjóskúlptúra-
hátíð í Nuuk í Grænlandi og
meðal þátttakenda voru íslend-
ingarnir Örn Þorsteinsson og
Anna Sigríður Sigurjónssdóttir.
Hátíðin var sú fjórða af þessu
tagi sem haldin er í Nuuk en ís-
lendingar hafa ekki tekið þátt
áður. Alls voru um 45 lið, þar af
11 erlendis frá en hin frá Græn-
landi. Hvert lið fékk úthlutað ca.
3x3x3 metra stórri snjóblokk
sem móta átti að vild og fengu
liðin að byrja á laugardags-
morgni og þurftu að ljúka fyrir
miðjan dag á þriðjudegi.
„Þetta var mjög strembið. Ég
held ég sé frekar röskur, hef
tekið þátt í mörgum maraþon-
um og er í fínu formi, en ég
kom mér eiginlega alveg fram á
bjargbrún og kom örþreyttur til
baka,“ segir Örn. Bæði hann og
Anna eru félagar í Myndhöggv-
arafélaginu í Reykjavík en
hvorugt hefur þó fengist við að
móta í snjó áður. „Ég er búin að
vera að höggva í stein og svo er
auðvitað reynslan frá því að
vera barn og búa til snjóhús."
Örn segir það hafi komið sér
og Önnu á óvart hve ljúft og
gott efni snjórinn só og spenn-
andi að vinna með hann. Hann
var líka ánægður með ferðina
að því leyti að þau kynntust
þarna mörgu skemmtilegu
fólki. „Þarna voru m.a. þrír
Tékkar sem hafa tekið þátt í
mörgum mótum af þessu tagi á
norðlægum slóðum.“
Nokkur verk voru verðlaun-
uð en verk þeirra Önnu og Arn-
ar var ekki þar á meðal. „Við
liðum svolítið fyrir að við vorum
bara tvö,“ segir Örn en sam-
kvæmt reglunum máttu íjórir
vera saman í liði. íslendingar
fóru þó ekki heim án verðlauna
því Örn upplýsir að í hinu
norska sigurliði hafi verið einn
íslendingur sem búsettur sé í
Noregi. AI
Séð yfir svæðið þar sem listamenn mótuðu fjölbreytt form úr snjóblokkum.
Freyvangs-
leikhúsið
Sýnum firna
fyndinn gamanleik:
„Meí> vífib
í lúkunum"
eftir Ray Cooney
Leikstjóri: Hákon Waagé
21. sýning laugard.
12. apríl kl. 20.30
Síðasta
sýningarhelgi.
Miöapantanir í síma
463 1195 milli kl. 18 og 20.
Á öðrum tímum er hægt aö
panta í gegnum símsvara.