Dagur - Tíminn Reykjavík - 10.05.1997, Síða 12

24 - Laugardagur 10. maí 1997
Jl;tgur-®TOttmt
^Dagur-®mttmt
{VLíitaxkrökur
Sigríður María Bragadóttir,
starfsmaður BSO á Akur-
eyri, býður lesendum til
veislu. Svínakótilettur bornar
fram með ostasósu og fylltum
sveppum ættu engan að svíkja
og hrefnukjötið í sparifótunum
er ekki síður spennandi. En
lendir hún ekki í vandræðum
með að útvega sér hvalkjöt?
„Nei, ekki eftir að Gunni í flsk-
búðinni hér á Akureyri fór að
selja þetta,“ svarar hún að
bragði.
Næst í Matarkrók er systir
Sigríðar, Rósa Bragadóttir, sem
búsett er í Reykjavík.
Hrefnukjöt í sparifótum
1 kg hrefnukjöt
1-2 bréf uxahalasúpa
3 msk. sveppasmurostur
200 g ferskir sveppir
1 poki frsonar gulrœtur
/1 rjómi
mjólk
smjörlíki eða olía til steikingar
Látið kjötið liggja í köldu
vatni í 5-10 mínútur. Skerið í
hæfilega bita, og berjið í þunn-
ar sneiðar. Veltið upp úr uxa-
halasúpu og látið kryddið fara
vel inn í kjötið. Steikið á pönnu
við góðan hita í 1-2 mínútur á
hvorri hlið og setjið í eldfast
mót.
Sjóðið gulræturnar eftir leið-
beiningum. Skerið sveppina
niður og veltið upp úr afgangin-
um af kryddinu (uxahaladuft-
inu) og látið brúnast aðeins á
pönnunni. Hellið smá mjólk og
rjóma útá og hrærið smurostin-
um saman við. Hellið afgangin-
um af rjómanum og smá slatta
af mjólk á pönnuna og látið
þykkna aðeins. Setjið gulræt-
urnar yfir kjötið og hellið sós-
unni að síðustu yfir.
Hitið í ofni á 200° C í 10-15
mínútur. Berið fram með soðn-
um kartöflum, hrásalati og
rauðkáli.
Kvöldjukk
1 poki makkarónukökur
/ dós perur
/ dós blandaðir ávextir
rauð vínber
súkkulaðispœnir
Z-Z l rjómi (eftir smekk)
Myljið makkarónukökurnar í
skál. Skerið perurnar í bita og
setjið ásamt helmingnum af
safanum, blönduðu ávöxtunum
og vínberjunum (skornum í
tvennt) yfir kökurnar. Stráið
súkkulaðispónunum yfir (því
meira því betra) og setjið þeytt-
an rjóma ofan á allt saman.
Sáldrið aðeins súkkulaðispón-
um yfir rjómann til skrauts.
Svínakótilettur
kótilettur (ca. 4 stykki)
ananashringir
sveppir
ostur
svínakjötskrydd
paprikukrydd
salt og pipar
smjörlíki eða olía til steikingar
pilsner
Steikið kótiletturnar á pönnu
og kryddið. Setjið í ofnskúfíú
ásamt smá af vatni og aðeins
pilsner og látið steikjast í ofni í
ca. 20 mínútur á 200° C. Takið
úr ofninum og raðið ananas-
hring á hverja kótilettu og setjið
eins mikið og hægt er af smjör-
steiktum sveppum á kjötið. Þek-
ið síðan með osti. Setjið í ofninn
aftur í ca. 10 mínútur og að síð-
ustu stillið á grill í 3-5 mínútur
eða þar til osturinn er orðinn
gullinn.
Sigríður María Bragadóttir.
Berist fram með ostasósu,
fylltum sveppum, bökuðum
kartöflum, maísbaunum og an-
anashringjum.
Ostasósa
1 dolla sveppasmurostur (teg-
undin í minni pakkningunum)
1 svínakjötsteningur
Z dós sveppir
Bacon Pieces beikonbitar (ca. 1
dl)
rjómi (má vera kaffirjómi)
mjólk
pilsner
krydd eftir smekk (t.d. sítrónu-
pipar, aromat, paprika, Season
All og hvítlaukssalt)
sósujafnari
Setjið smáslatta af mjólk í
pott og myljið 1 tening saman
við. Bætið smurostinum útí og
hrærið vel saman. Hellið svepp-
unum ásamt safanum, beikon-
bitunum, mjólk og rjóma (eins
og hver vill) í pottinn og hrærið.
Kryddið. Þykkið aðeins með
sósujafnara. Að síðustu smá
pilsner eða bjór (má sleppa).
Fylltir sveppir
sveppir
ostur
Mynd: GS
gráðostur
bjór
hvítlaukssalt
Skerið legginn úr sveppun-
um. Setjið ost í botninn, síðan
bita af gráðosti. Hellið í 2-3
dropum af bjór og stráið hvít-
laukssalti yfir. Veíjið inn í ál-
pappír og lokið vel. Hitið í ofni
við 200° C í 10 mínútur eða þar
til osturinn er vel bráðinn.
Þessa sveppi er einnig mjög
gott að hafa með grilluðu kjöti,
og með steinasteik eru þeir
punkturinn yfir i-ið.
Lasagne
m/eggaldin og osti
Lasagne er eins og sam-
loka. Hægt er að setja
næstum hvað sem er á
milli en samt er það áfram la-
sagne. Hér kemur ein uppskrift
þar sem fyllingin samanstendur
af eggaldin og osti. Ekta ítalskt!
lasagne blöð
2 stk. eggaldin (skerið í 1 cm
þykkar sneiðar)
1Z msk. salt
1 msk. olífuolía
3 bollar kotasœla
2 hvítlauksrif
2 tsk. maíssterkja
'/ bolli ferskur basil
Z bolli Parmesan ostur (rifinn)
nýmalaður svartur pipar
2 bollar spagettísósa
1 dós niðursoðnir tómatar
2 tsk. rauðvínsedik
1 bolli mozzarellaostur (rifinn)
Sjóðið lasagneblöð í saltvatni
(ath! sum lasagneblöð þarf ekki
að sjóða, sjá leiðbeiningar á
umbúðum).
Setjið eggaldinsneiðarnar í
skál, setjið VA msk. af salti yfir
og síðan vatn (nógu mikið til að
hylja). Setjð aðra skál yfir og
leyfið sneiðunum að sitja í
bleyti í 5 mínútur. Sigtið síðan
vatnið frá.
Smyrjið tvær bökunarplötur
og raðið eggaldinsneiðunum á.
Bakið í 7-10 mínútur. Snúið
sneiðunum við og bakið í aðrar
7 mínútur.
Á meðan beðið er eftir að
sneiðarnar bakist blandið sam-
an í matvinnsluvél kotasælunni,
hvítlauknum og maíssterkjunni.
Setjið blönduna í skál og bætið
basil og 2 msk. parmesan osti
saman við. Kryddið með salti og
pipar.
Blandið saman í aðra skál
spagettísósu, tómötum og ediki.
Saltið og piprið.
Þá er að byrja að raða í eld-
fast mót. Fyrst er það 1/2 bolli
af sósunni, þá eitt lag að la-
sagneblöðum. Næst kemur
helmingurinn af eggaldinsneið-
unum, 3/4 bolli af sósu og 1
msk. parmesan ostur. Setjð
aðra umferð af lasagneblöðum
og síðan kotasælublönduna.
Enn aftur lasagneblöð, þarnæst
afganginn af eggaldinsneiðun-
um og síðan 3/4 bollar af sósu.
Setjið síðustu msk. af parmesan
osti, aðra umferð af lasagne-
blöðum og sósu og endið síðan
á að setja mozzarella ost yfir
allt saman.
Setjð álpappír yfir og bakið í
30 mínútur. Takið álpappírinn
af og bakið í 10-15 mínútur í
viðbót. Látið standa í 10 mínút-
ur áður en borið er fram.