Dagblaðið Vísir - DV - 25.09.1982, Side 4

4
DV. LAUGARDAGUR 25. SEPTEMBER1982.
„Blaðið hefur mikla þýðingu
i kosningabaráttu Friðriks"
segir Jóhann Þórir Jónsson sem ritstýrir
og gefur út dagblað í tengslum við
ólympíuskákmótið í Sviss
„Ég tel þaö sérstakan viðburö aö
viö Islendingar skulum hafa fengið
tækifæri til að gefa blaðið út. Og það
er víst að það hefur mikla þýðingu í
kosningabaráttu Friöriks sem er
mjög tvísýn,” sagði Jóhann Þórir
Jónsson, ritstjóri tímaritsins Skák,
en hann hefur nú gert samning við
mótshaldara ólympíuskákmótsins í
Luzem í Sviss um að gefa út dagblað
á meðan á skákmótinu stendur.
Olympíuskákmótið er að þessu
sinni haldiö samhliöa þingi FIDE.
Það byrjar þann 31. október og
stendur fram til 16. nóvember. Búist
er við mikilli þátttöku. Talið er að
um 90 sveitir keppi í karlaflokki og
um fjörutíu til fimmtíu í kvenna-
flokki. Þátttakendur á skákmótinu
verða því um þúsund talsins. Þing
FIDE hefst síðan 10. nóvember, og
verður einnig í Luzem í Sviss.
„Samningurinn við mótshald-
arana felst í því að gefa út dagblaö. I
því verða allar skákirnar í mótinu,
myndir af öllum þátttakendum og
nokkrar athyglisverðustu skákimar
verða jafnan birtar. Þá verða frum-
birtar greinar um skák. önnur er um
baksvið einvígisins 1972 í Reykjavík.
Hún er eftir Guðmund Þórarinsson,
stórmerkileg grein sem örugglega á
eftir að vekja mikla athygli. Guð-
mundur verður með aðra grein um
Manntafl eftir Stefan Zweig sem er
fræg saga. Aðalsöguhetjan er herra
B. Ætlar Guðmundur að færa rök
fyrir því að herra B hafi verið Islend-
ingur. Þá verða einnig í blaðinu
viðtöl við menn á mótinu og greinar
umhverja umferðfyrir sig.
Biaöiö verður 48 síöur lesmál, auk
auglýsinga. Og þaö virðist vera
mikill áhugi á að auglýsa í blaöinu.
Það verður m jög vandað og til dæmis
skreytt litmyndum. Það kemur út á
ensku, hugsanlega þýsku og ef undir-
tektir verða góðar gefum við þaö út á
íslensku og sendum það heim,” sagði
Jóhann ennfremur.
— Hversu margir munu vinna að
útgáfu blaösins?
„Svisslendingar verða með mikla
sveit af mönnum sem taka skákirnar
saman og ganga frá þeim í blaðið.
En þeir sem fara meö mér út og
skrifa viðtölin, greinamar og velja
fallegustu skákirnar eru þau Birgir
Sigurösson, Guðmundur Arnlaugs-
son og konan hans. Þá mun blaða-
maður, sem getur skrifað á ensku og
helst þýsku einnig fara út með mér.
Einnig fara fjórir til fimm setjarar.
— Hvernig kom þaö til að þú fékkst
þetta verkefni?
„Svisslendingarnir settu sig í sam-
band við mig og buðu mér að vera
útgefandi og ritstjóri blaðsins. Þeir
höföu rætt við Friðrik og hann sagði
þeim frá blaöinu sem ég hafði gefiö
út í Reykjavík 1972 í einvígi þeirra
Spasskys og Fishers. En það er líka
staðreynd að það hefur gengið mjög
illa að gefa út blöð á þeim ólympíu-
skákmótum sem haldin hafa veriö
fram að þessu. Ég lít á það sem
heiður að við skulum hafa fengið
þetta og ef vel tekst til verður
útgáfan rós í hnappagat okkar
Islendinga.
Jóhann Þórir Jónsson, ritstjóri
tímaritsins Skák. Mótshaldarar i
Sviss fróttu af vel heppnaðri út-
gáfu hans á skákblaði þegar Fish-
er og Spassky tefldu i Reykjavik
1972. Þeir buðu honum þvi að
gefa út svokallað Ólympíuskák-
blað. „Tel þetta mikinn heiður
fyrir okkur íslendinga," segir
Jóhann.
— Fylgir þessu einhver fjár-
hagsleg áhætta fyrir þig?
„Já, þessu fylgir talsverð áhætta.
Blaðiö verður selt og miöað við
markaðinn eins og ég tel hann vera í
dag, sýnist mér þetta koma halla-
laust út. Þá má minna á að eftir
fyrstu fjórar umferðir, tíu og þá
síðustu verða þau blöð sem þá hafa
verið gefin út sett í sérstakt bindi og
gefin út. Skákmótið mun því koma út
í þremur bindum. Og það ætti að
vera glæsileg jólagjöf.”
Aðspurður sagði Jóhann að þessi
útgáfa opnaði örugglega ýmsar
leiðir í framtíðinni. Menn hefðu til
dæmis rætt um að halda ólympíu-
skákmótiö á Islandi að tveimur
árum liðnum og þessi blaðaútgáfa
hjálpaöi örugglega til við að fá það
mót.
— Hvað um möguleika Friðriks til
að ná endurkjöri, hafa þeir aukist aö
undanförnu?
„Það er mjög erfitt að segja til um
það á þessari stundu. Ef hann nær
ekki fimmtíu prósentum atkvæða í
fýrstu umferð getur allt skeð, þvi þá
þarf að kjósa aftur og þá um þá tvo
sem flest atkvæðin hlutu í fyrstu um-
ferðinni.
Aöalspurningin væri því sú hvert
atkvæði þess, sem dottið hefði úr í
fyrstu umferð færu. Við vonum þó
það besta og erum vissir um að
blaöaútgáfan verður Friðriki mikill
styrkur,” sagði Jóhann Þórir að
lokum. -JGH.
Unglingaheimili ríkisins 10 ára:
Við leysum vandamálin með
því að tala út um hlutina
— segir Kristján Sigurðsson, forstöðumaður Unglingaheimilis ríkisins
Unglingaheimili ríkisins er tíu ára
um þessar mundir. Það hóf starf-
semi sína í húsinu númer 17 við
Kópavogsbraut þann 1. september
1972. Starfsemin hefur aukist mikið
frá upphafi og nú er stofnunin í
fjórum deildum bæði í Reykjavík og
Kópavogi.
A líflegum fundi sem starfsfólk og
nokkrir unglingar á heimilinu héldu
nýlega með blaðamönnum kom fram
að á annaö þúsund manns hafa leitað
til heimilisins frá upphafi. Starfs-
fólkið sagði að í fýrstu hefðu tölu-
verðir fordómar verið í garð heim-
ilisins, en þeir hefðu minnkað mjög á
síðari árum. Stofnunin væri fyrir
unglinga af öllu landinu, sem ættu í
einhverjum erfiðleikum.
Margir krakkanna eiga í vand-
ræðum á heimili sínu, önnur koma
vegna þess að þau hafa lent í afbrot-
um og svo er mikið af krökkum,
sem leita aðstoðar vegna þess að
þeim finnst sjálfum þau eiga í vand-
ræðum og vilja fá lausn á þeim
Þegar gengið er um húsakynnin að
Kópavogsbraut 17 vekur það athygli
hve snyrtileg þau eru. Og ekki er
annað aö sjá en samvinnan sé góö á
milli starfsfólks og unglinganna.
„Hér er talað út um hlutina og
vandamálin leyst,” sagði Kristján
Sigurösson forstöðumaður Unglinga-
heimilisins. Hann kvaö aðspuröur að
ríkið ætti aö hans mati að fara hægt í
stækkun stofnana fyrir vistun ungl-
inga. Vistun unglinga væri fýrst
lausn, þegar enginn annar möguleiki
væri fyrir hendi, og því bæri að hafa
stærð stofnana í lágmarki til þess að
jafnframt yröi leitað annarra ráða.
En hver er árangur unglinga-
heimilisins?
„Það er mjög erfitt að meta
árangur þeirra sem hverfa héöan.
Það fer eftir því hvernig við skil-
greinum orðið árangur. En í könnun,
sem gerð var fýrir fimm árum af
afbrotasérfræðingi, sem vann hér,
kom í ljós að 70 prósent þeirra sem
voru í meðferð til lengri tíma virtust
búa við eðlilegar aðstæöur, eftir að
af heimilinu var farið. Er þá átt við
aö þau eigi heimili, tolli í vinnu eða
stundi skóla. Hinir virtust eiga í
erfiðleikum við að bjarga sér á.eðli-
legan hátt, komust i kast við lögin
eða lentu í ýmsum félagslegum
vandræðum eins og drvkkju til
enda er urinið i þeim anda," sagði Kristján
,,£g er sannfœrður um að unglingaheimilið hefur aðstoðað marga unglinga og gerir enn,
Sigurðsson, forstöðumaður Unglingaheimilis rikisins á blaðamannafundinum. Hann er longst til vinstriá myndinni.
DV-mynd: Einar Ólason.
dæmis,” svaraði Kristján Sigurðs-
son.
Stofnunin starfar í fjórum
deildum. Neyðarathvarf unglinga að
Kópavogsbraut 9, Meðferðarheimilið
að Kópavogsbraut 17, Sambýlið að
Sólheimum 17 og Unglingaráðgjöfin
aðSólheimuml7.
Þegar rætt er um að á annaö
þúsund manns hafi leitað til
unglingaheimilisins er eingöngu átt
við þá sem gist hafa í Neyðarat-
hvarfinu eða dvalið á Meðferöar-
heimilinu. AIls munu 144 unglingar
hafa dvalið frá upphafi á Meöferðar-
heimilinu til lengri eða skemmri
tíma, þannig að flestir þessara
tveggja þúsunda hafa verið vistaðir
til bráðabirgða í Neyðarathvarfinu.
A Meðferðarheimilinu Kópavogs-
braut 17 er rekinn skóli, sem vistar
10 nemendur og hefur verið svo frá
upphafi. Skólaárið er frá 1.
september til 31. maí og eru þá
starfandi 12 manns á heimilinu, tveir
kennarar, sálfræðingur, matráðs-
kona og átta uppeldisfulltrúar. Á
sumrin er skipulögð vinna fyrir
krakkana. Vinna þeir við fiskveiðar,
grisjun stööuvatna og fleira sem til
fellur.
A blaðamannafundinum voru ljóð
eftir nokkra unglingana afhent.
Eitt ljóðanna hljóðar svo:
Eg beið eftir frelsi,
þóbjartsýn ég var.
En stal ég síðan pelsi
ogekkertáþví bar.
Halla
Að lokum má geta þess að í tilefni
a&nælisins verður opið hús fyrir alla
að Kópavogsbraut 17 á morgun,
'sunnudaginn 26. september, frá
klukkan 13.00—15.00.