Dagblaðið Vísir - DV - 11.08.1983, Blaðsíða 2

2
DV. FIMMTUDAGUR11. ÁGUST1983.
Ganga menn með
sprengju í vasanum?
I Alþýöublaðinu í gær er sagt frá
því að með skömmu millibíli hafi tvö
dauðaslys orðið hér á landi sem að
nokkru eða öllu leyti megi rekja til
þess að svokallaöir plastkveikjarar
eða einnota k\'eikjarar, hafi
sprungið í höndum fólks. Er þama
um að ræða gaskveikjara úr plasti
sem kaupa má í öllum búðum.
Segir blaðið að í öðru tilfellinu hafi
slikur kveikjari sprungið í höndum
manns sem var úti á Granda. Hafi
hann fengið hjartaáfall og fallið í
höfnina. 1 hinu tilfellinu hafi verið
um aö ræöa konu sem hafi látist af
brunasárum er slíkur kveikjari
sprakk og eldur kom upp.
Njörður Snæhólm hjá Rannsóknar-
lögreglu rikisins, sem hefur í sínum
fórum skýrslur um öll dauðsföll er
koma til kasta rannsóknarlögregl-
unnar, sagði er við spurðum hann
um þetta að hann kannaðist ekki við
að hér hefðu orðið dauðaslys sem
rekja mætti ótvírætt til þessara
kveikjara.
Hann sagði að i sambandi við
dauðsfall sem varð úti á Granda
heföi komiö upp eldur í bíl sem í var
einn maður. Hann hefði fundist
látinn í fjöruborðinu og talið að hann
hefði reynt að slökkva í sér í sjónum.
Engin vitni hefðu verið aö þeim
atburði og ekkert sannað hvemig
eldurinn heföi kviknað.
Um hitt tilfellið sagðist hann ekki
hafa neinar skýrslur né vita hvaða
mál það væri. Eftir því sem DV hefur
komist næst mun Alþýðublaðiö þar
eiga við slys þegar eldri kona lést af
völdum brunasára nú nýlega. Mun
konan hafa verið flutt á s júkrahús og
komist þar til meðvítundar i smá-
tima. Hafi hún þá sagt að hún hafi
verið að kveikja sér í vindlingi með
plastkveikjara og hann sprungiö i
höndum hennar.
Vitað er að kveikjarar þessir eru
stórhættulegir og hafa víða erlendis
hlotíst af þeim stórslys og jafnvel
banaslys. Hefur notkun þeirra verið
bönnuð á mörgum vinnustöðum um
allan heim, sérstaklega þar sem
menn eru innan um opinn eld, eins og
t.d. á járnsmíðaverkstæðum og
víöar. Þá hafa mörg flugfélög
bannað áhöfnum sínum og jafnvel
farþegum að nota slíka kveikjara um
borð í vélum sínum. Hafa orðið
nokkur dauðaslys í flug\'élum sem
ótvírætt má rekja til þessara plast-
kveikjara.
-klp-
Plastkveikjari, elnnota, sem talinn er stórhættulegur. Fjölmarglr menn e°"g°
með slíka kveikjara á sér. ! DV-mynd Einar Úlason.
OKKUR TÓKST
AÐ FÁ ' A
hfíFÁ^
TOYOTA COROLLA '82
IMÝJA - ÓKEYRÐA, Á MJÖG HAG-
STÆÐU VERÐI.
GREIÐSLUKJÖR - ÞÚ KEMUR OG
SEMUR.
OPIÐ VIRKA DAGA OG LAUGARDAGA
KL. 9-19.
BÍLASALAN BLIK
Skeifunni 8, sími 86477.
Plastkveikjaramir:
„Þetta er stór-
hættulegur hlutur"
— segir Þórir Hilmarsson, forstjóri
Brunamálastofnunarinnar
„Þetta er stórhættulegur hlutur
sem ber að varast, sérstaklega á
vinnustöðum þar sem menn fara
með eld,” sagði Þórir Hilmarsson,
forstjóri Brunamálastofnunarinnar.
„Það er ekki í verkahring Bruna-
málastofnuna rinnar að hlutast til um
að bann verði lagt við notkun þess-
ara kveikjara. Þetta heyrir undir
dómsmálaráðuneytið, en annars er
það lögreglan sem hefur eftirlit með
sprengjum, sprengiefnum og hlut-
umsemgeta valdiðsprengingu.” ■
Þórir á sæti í samnorrænni nefnd,
Nordex, sem fjallar m.a. um með-
ferð sprengiefnis, en þar komu
þessir kveikjarar til umræðu fyrir
tveim árum.
„Þar var okkur sagt frá slysum
sem orðið höfðu af völdum þessara
kveikjara,” sagði Þórir. ,,1 öðru
tilfellinu sprakk kveikjari í brjóst-
vasa manns og i hinu tilfellinu í
buxnavasanum. Astæðan var ókunn,
en báðir þessir menn létust af völd-
um áverka sem þeir hlutu af
sprengingunni.
Þaö var rætt um það í nefndinni
hvað gera ætti í sambandi við þessa
kveikjara, en engin ákvörðun tekin
þá. Menn álitu þó að þetta væri stór-
hættulegur hlutur og var talin full
ástæða að brýna fyrir fólki hættuna
sem því væri samfara að vera meö
svona kveikjara á sér.”
-klp-
Plastkveikjaramir.
Flugleiöaáhöfnum bannað
aö fara meö þá um borö
Meðal þeirra flugfélaga i heimin-
um sem hafa bannað áhöfnum sinum
að nota hina svokölluðu plastlweikj-
ara, eða einnota kveikjara, um borð í
vélum sinum eru Flugleiðir.
„Fyrir rúmlega þrem árum, eða
9. maí 1980, sendum við öllum
flugáhöfnum okkar bréf þar sem við
gáfum þau fyrirmæli að þær notuðu
ekki slíka kveikjara um borð í vélum
okkar,” sagði Leifur Magnússon,
framk\'æmdastjóri flugrekstrar-
sviðs Flugleiða.
„Eg held að þessum fyrirmælum
hafi verið fylgt í hvívetna. Það vita
allir sem koma nálægt flugi að þessir
k\'eikjarar geta verið hættulegir,
bæði í flug\'élum og annars staðar.
Ástæðan fyrir þessu var sú að við
fréttum um tvö slys sem höföu orðið
um borð í flugvélum af völdum þess-
ara kveikjara. Höfðu þeir sprungiö í
höndum fólks og banaslys orðiö í
báöum tilfellum.
Sum flugfélög hafa bannaðfarþeg-
um sínum að fara um borð í vélar
sínar með svona kveikjara. Við höf-
um enn ekki gert það, en það er tími
til kominn að kanna það mál, eða í
það minnsta að óska eftir því við þá
að þeir fari ekki um borð með svona
kveikjara í sínumfórum.”
-klp-
Plastkveikjararnir:
EITTLÍTID GATGETUR VALDID
MIKILLISPRENGINGU
„Ég veit ekki til að þessir
k\’eikjarar hafi valdið slysum á
vinnustöðum hér á landi,” sagði
Sigurður Þórarinsson, deildarstjóri
eftirlitsdeildar Vinnueftirlits ríkis-
ins.
„Ég hef aftur á móti heyrt og lesið
um slys sem hafa orðið af þeirra
völdum erlendis. Þessir kveikjarar
eru sérstaklega hættulegir á vinnu-
stööum þar sem menn eru með eld
eins og til dæmis á verkstæðum þar
sem unniö er með logsuðutækjum
eða við smergel.
Það sem gerist, þegar kveikjarinn
springur, er að gat kemur á
plasthulstur hans. Þarf ekki nema
lítinn neista eða þá að vindlingur
kemur við plastið og gerir gat á það.
Við þaö lekur gasiö úr kveikjaranum
út og þegar kviknar í því verður
sprenging og eldur, ” sagði Sigurður.
-klp-
Gulróf nabændur stof na félag
Stofnað hefur verið félag sunn-
lenskra gulrófnabænda. Var stofnfund-
ur haldinn sl. sunnudag.
Á fundinn voru mættir framleiðend-
ur á svæðinu frá Hvalfirði aö Lóma-
gnúpi. Fjörugar umræður urðu um
sölu- og markaðsmálin og voru fundar-
menn á einu máli um að þörf væri á
betri tengslum milli framleiðenda,
dreifingaraðila og neytenda.
Tilgangur og markmið félagsins er
meðal annars að beita sér fyrir umbót-
um í verðlagningu, sölu og markaðs-
málum, enn fremur að auka tengsl
framleiðenda og neytenda og beita sér
fyrir kynningu á næringargildi og holl-
ustu gulrófna. Stendur gulrófna-
framleiöendum úr öllum landshlutum
til boða að taka þátt í starfi félagsins.
-JSS