Dagblaðið Vísir - DV - 17.08.1983, Blaðsíða 32

32
DV. MIÐVIKUDAGUR17. AGUST1983.
Sviðsljósið
Sviðsljósið
Sviðsljósið
Blóðiö
hressir
Flestir hafa einhvern tímann á
ævinni séö bíómynd um Drakúla
greifa, þennan með vansköpuðu
augntennurnar sem beit fólk í
hálsinn og þambaði blóðið úr
því. Ábyggilega hafa flestir
hugsað sem svo að þessar mynd-
ir væru hin mesta della, og það
væri ekkert að hræðast. En því
miður, málið er nefnilega það að
blóðsugur eru til.
Fyrir nokkru voru gerðar opin-
berar niðurstöður úr rannsókn
sem tveir sálfræðingar í Suður-
Afríku gerðu á fólki sem er haldiö
þeirri áráttu að geta ekki verið í
rónni nema það fái sína tíu dropa
af blóöi. Dr. Robert Hemphill sál-
fræðingur sagði blóðþamb vera
sálrænt en ekki yfirnáttúrlegt
fyrirbæri. Hann og Dr. Tuviah
Zabow sálfræðingur spjölluðu við
einn 19 ára blóöþjórara og sagði
sá orðrétt: „Mér hefur alltaf
geöjast litur og bragð blóðs.
Fengi ég ekki nóg af því þá átti ég
það til að skera sjálfan mig og
sleikja sárið. Einnig var ég van-
ur að slíta hausana af fuglum og
sjúga blóðugan strjúpann. Eg
verð rólegri eftir að ég er búinn
að fá blóðsopann minn og ef ég
fengi hann reglulega þá yrði ég
ábyggilega mun rólegri.” önnur
27 ára gömul blóðsuga sagði að
árátta þessi heföi leitt hana til aö
kaupa blóðskammta reglulega í
sláturhúsi, sem var öllu skyn-
samlegra en það sem hún hafði
gert áður, þ.e. aö stika um
kirkjugarða um nætur í leit að
nýjum gröfum sem liún gæti
rænt.
Rannsóknin leiddi ennfremur í
ljós að þeir sem þömbuðu blóð
voru vel staddir fjárhagslega,
myndarlegir og með greind yfir
meöallagi. Einnig kom fram að
kvenkyns blóösugur voru ánægð-
ar með að drekka eigiö blóð, en
karlmennimir réðust frekar á
fólk og særöu til þess að svala
blóöþorsta sinum.
Móðurleiði
Ástralir eru forvitið fólk, og fé-
lagsvísindamenn í höfuðborg-
inni Sidney langaði að fá svar við
þeirri spurningu hvort mæðrum
þætti það virkilega gaman að
vera mæður. Spumingin:
„Finnst þér gaman að vera móð-
ir?” var lögð fyrir 72 mæður þar í
borg og fullur helmingur þeirra
svaraði spumingunni neitandi,
fannst það leiðinlegt hlutskipti.
Ástæöur þessarar furðulegu
niðurstöðu sögðu fróðir vera, í
fyrsta lagi að margar mæöur
eyddu svo miklum tíma með
bömum sínum að þær eignuðust
enga vini eða áhugamál utan
heimilisins. I öðru lagi yrðu
mæður of tilfinningalega tengdar
börnum sínum og þegar þau yrðu
eldri og sjálfstæðari og þyrftu
minna á mæðrum sínum að
halda, sökktu mæðumar sér í
þunglyndi. Allt þetta leiddi svo til
að mömmunum fannst þær ekki
hafa neinn tilgang í lífinu og
fylgdi því, eins og áður sagði,
þunglyndi og lítil sjálfsvirðing.
Eftir mikla yfirlegu duttu sál-
fræðingamir niður á nokkur ráð
til að sporna viö þessu.
1. Reyndu að venja þig á að
skilja barniö eftir hjá bamapiu
og reyndu að finna þér einhvern
starfa utan heimilisins. Þú ættir
að rjúfa tengslin við börnin
snemma og reyna að vera þeim
frekar félagi.
2. Reyndu að halda góðu sam-
bandi við eiginmann þinn.
3. Talaðu við bömin og gerðu
þeim skiljanlegt aö þú ert ekki
neinn einkaþræll.
4. Losaðu þig við ímyndina um
móðurina sem fórnar öllu fyrir
börn sín.
BENSON
ÁPLÖTU
Sé maðurinn á myndinni kynntur
sem Robert Guillaume hrista eflaust
flestir hausinn af undmn og spyrja
hvaða fýr það sé nú eiginlega. Sé hann
hins vegar kynntur sem þjónninn Ben-
son úr Löðri, ættu menn aö þekkja
drenginn. Eins og myndin ber með sér
þá er Robert fleira til lista lagt en að
leika önuga þjóna. Fyrir einum áratug
eða svo þótti hann nefnilega liötækur
ryþma- og blús-söngvari en lagði það á
hilluna fyrir leiklistina. Nú hefur hann
tekið upp þráðinn þar sem f rá var horf-
iö og brá hann sér í hljóðver í Holly-
wood þeirra erinda að taka upp eina
plötu. Ekki er vitað hvenær hún er
væntanleg á markaðinn.
RISAR KEPPA
Þessi mynd vann tH verdlauna sem iþróttamynd ársins 1982, en hana
tókRússinn Youri Tutov i körfuboltaleik sem fram fór milli kvennalida
Sovétrikjanna og Bandarikjanna i fyrra. Myndin sýnir þvi réttilega leik
á milli.risa, en eitthvað virdist sú litla vera sneggri þegar hún smeygir
sér fram hjá rússneska fjallinu sem var/a nær þvi ad snúa sér vid til
þess ad stödva trit/una.
ÞAÐ ER FÓTUR
FYRIR ÞESSU
„Betur sér Ijós en auga,"
sagði karlinn, og stakk út úr
sér augað.
Strákurinn á bænum sýnir „stellið"undirpúddunni. Fæturnir
gera ekki betur en að þvælast hver fyrir öðrum enn sem
komið er og berstþvípúddan um eins og krabbi.
Þetta er nú ekki ljóti andarunginn
sem menn sjá þama á myndinni held-
ur fjögurra fóta fiöurfé. Arne Rasmus-
en er kjúklingabóndi í Danmörku og
var hann einn góðan veöurdag að
slátra 30.000 kjúklingum þegar hann,
mitt í öllu blóðbaðinu, rak augun í fóta-
mergðina undir umræddum kjúklingi.
Ame hélt að hitinn væri loks að gera út
af við hann en þegar hann áttaði sig á
hvers lags var þá slíðraði hann kutann
og ákvað að leyfa þessu fyrirbæri að
lifa. Nú lifir þetta gagl í góðu yfirlæti á
bænum enda orðið gæludýr og segja
má að vanskapnaður þessi hafi bjarg-
að því frá að lenda í gráöugum kjafti
einhvers neytandans. Strákurinn á
bænum er búinn að smíða handa fugl-
inum búr og þar fær hann að dúsa
þangað til hann getur staðið á eigin fót-
um.
Einkalíf
opinberað
Það hefur lengi verið sagt að frægt
fólk eigi sér ekkert einkalíf, og það er
satt, því að fjölmiðlar vítt og brertt
keppast um að birta frásagnir af flestu
því sem þeim viðkemur og er ekkert
þar heilagt. Hér kemur sýnishorn af
einni slíkri.
Brenda Arnoud heitir þeldökk leik-
kona sem einhver man kannski eftir úr
Bond myndinni Live and let die.
Brenda sagði í viðtali frá nóttu einni
sem hún átti með manni einum sem
töluvert hefur verið í fréttum upp á síð-
kastiö, og er sá enginn annar en David
Bowie. Brenda mátti vart mæla þegar
hún minntist næturinnar eftirminni-
legu og sagði hún :„Ég skal sko segja
þér það að karlinn sá veit nákvæmlega
hvað hann er að gera. Mér leið eins og
rafmagnsstraumi hefði verið hleypt í
mig. Þá nóttina leið mér eins og drottn-
ingunni af Saba.” Skyldi drottning sú
nokkum timann hafa þekkt Bowie?
Málsháttur
dagsins