Dagblaðið Vísir - DV - 19.10.1983, Blaðsíða 2
2
DV. MIÐVIKUDAGUR19. OKTOBER1983.
Niðurstöður skoðanakönnunar DV um fylgi
ríkisstjérnarinnar:
Hvað segja þau?
Samkvæmt niðurstöðum skoðana- að 48,2% þeirra sem spurðir voru, afstöðu, voru 63,5% fylgjandi stjórn-
könnunar DV, um fylgi ríkisstjórnar- kváðust vera fyigjandi ríkisstjórninni inni en 36,5% andvígir.
innar, sem birtar voru í blaðinu í gær, og 27,7% andvigir. Óákveðnir voru DV leitaði til þingmanna stjómmála-
styður töiuverður meirihluti kjósenda 20,7% og 3,5% vildu ekki svara. flokkanna og spurði þá álits á ofan-
stjórnina. Voru helstu niðurstöður þær Ef aðelns voru teknir þeir sem tóku greindum niðurstöðum. -JSS
Geir Gunnarsson,
þingmaður
Alþýðubandalags:
„Nýjar ríkis-
stjórnir
njóta dágóðs
fylgis”
„Mér koma þessar niðurstöður
ekkert sérstaklega á óvart. Það er
mjög venjulegt að nýjar ríkisstjómir
njóti dágóðs fylgis, jafnvel eitthvað
umfram fylgi stjómmálaflokka,”
sagði Geir Gunnarsson, alþingismaður
Alþýðubandalagsins.
„Einnig ber á það að líta að allt
síðasta þing hafði þáverandi ríkis-
stjóm ekki meirihluta á þingi og það
setti sitt mark á stjórnmálin. Fólk vill
aö það sé fyrir hendi ríkisstjórn sem
hefur afl til aðgerða. Ég tel, aö hvaða
ríkisstjórn sem hefði tekið við hefði
notið þeirrar afstöðu almennings.
En niðurstöðumar segja þó ekki alla
söguna. Þama er fjöldi fólks sem tekur
ekki afstööu. Eg tel aö þegar fólk hefur
búið við þessa stórfelldu kjaraskerð-
ingu um enn lengri tíma en nú er liðinn
þámuniþessartölurbreytast.” -JSS
Stefán Valgeirsson,
. þingmaður
Framsóknarflokks:
„Hefur mikinn
meirihluta”
„Það er erfitt aö meta slíka niður-
stöðu að öðm leyti en því að auðséð er
að ríkisstjómin hefur mikinn meiri-
hluta. Það má reikna með því að mikill
hluti af því fólki sem vill ekki tjá sig sé
í raun og veru hlynntur ríkisstjórn-
inni,” sagöi Stefán Valgeirsson, þing-
maöur Framsóknarflokksins.
„Það má reikna með því að umrædd-
ur hópur sé óánægður með sín kjör og
vissulega em margir sem dæma ríkis-
stjórnina út frá eigin hag í augnablik-
inu, sem er vitaskuld eölilegt.
En ég átti von á niðurstöðum sem
þessum. Það veröur að gera sér grein
fyrir þvi aö það eru stærstu flokkarnir
sem standa aö ríkisstjórainni. Miðaö
viö þær horfur, að við séum að ná
tökum á verðbólgunni, ef ekkert
kemur fyrir, átti ég von á þessu. Mér
er það hins vegar ljóst að það eru
greiðsluörðugleikar hjá mörgum og
það em þeir sem ekki eru ánægðir en
hugleiða þaö ekki að við getum ekki
skipt því endalaust sem ekki er til. Hitt
má svo deila um hvort skiptin séu rétt-
Iát.” -JSS
Sigríður Dúna
Kristmundsdóttir,
þingmaður
Kvennalista:
„Mjög ein-
hliða
mynd”
„Þessar niðurstöður koma mér ekki
á óvart,” sagði Sigríður Dúna
Kristmundsdóttir, þingmaður Kvenna-
lista.
„Sú mynd sem hefur verið gefin af
þvi sem ríkisstjórain hefur verið að
gera hefur verið mjög einhliða.
Stjómarandstaða hefur lítið komist
með sinn málflutning. Hún hefur ekki
komið honum á framfæri þar sem hún
er málgagnslaus. Þingið er fyrst að
koma saman núna, þannig að núna er
umræðan fyrst að hef jast.
Engu að síður má ef til vill segja að
þessar niðurstöður sýni það að fólk sé
að vona að bráðum komi betri tíð með
blóm í haga, eins og skrifað stendur.
En niðurstaðan er í sjálfu sér ekki
ósennileg miðað við þær forsendur sem
éghefáðurnefnt.”
-JSS
Bfað likum Irntur mun glæsileg ferja leysa fíóabátínn Baldur afhólml iður en langt um Hður.
Jóhanna Sigurðardóttir,
þingmaður
Aiþýðuflokks:
„Stjórnin
stendur ekki
mjög traust-
um fótum”
„Það má gera ráð fyrir að rikis-
stjómin njóti ekki trausts þeirra sem
em óákveðnir. Sé þaö hlutfall reiknað
með þeim sem andvígir eru ríkis-
stjóminni stendur hún ekki mjög
traustum fótum,” sagði Jóhanna Sig-
uröardóttir, þingmaður Alþýðuflokks-
ins.
„Það er því eins gott að stjórnin láti
hendur standa fram úr ermum og sýni
hörku á öðrum sviðum en í launamál-
um.
Eg tel líka að þessi niðurstaða endur-
spegli aö ríkisstjórnarflokkarnir hafa
mun betra tækifæri til aö koma sínum
sjónarmiðum á framfæri í gegnum
fjölmiðla og blaðakost heldur en
stjómarandstaðan. Niðurstöður sýna
ennfremur að það er því miður orðið
greipt í huga margra aö ríkisstjómin
sé að gera eitthvaö raunhæft í efna-
hagsmálum, jafnvel þótt eingöngu sé
um kmkk í launin að ræöa. Meðan
ríkisstjómin heldur áfram að fá viður-
kenningu fyrir slíkar aðgerðir eins og
þessi skoðanakönnun virðist bera með
sér þá óttast ég að það veiti stjóminni
lítið aöhald sem geti leitt til þess að
ekkiverðibreyttumstefnu.” -JSS
Kristín Kvaran,
þingmaður
Bandalags
jafnaðarmanna:
„Hvenæráttar
fólk sig á
hvert stefrar?”
„Mér finnst mjög eðlilegt að
skoðanakönnun DV sýni þetta fylgi
ríkisstjóminni í vil,” sagði Kristín
Kvaran, alþingismaður Bandalags
jafnaðarmanna.
„Stjóminni hefur tekist aö sýna
fram á varanlega lækkun veröbólgu og
launafólk er ekki farið að finna fyrir
raunverulegum afleiðingum afnáms
samningsréttarins vegna þess að enn
eiga eftir að dynja yfir hækkanir á t.d.
vöruverði og þjónustu, og þar með
rýrnar kaupmátturinn.
önnur ástæða, sem gerir það að
verkum að fólk áttar sig ekki á þessu
ennþá, er sú að í fjárlagafrumvarpi er
reiknaö með því að laun hækki á bilinu
4—6% á næsta ári. I þjóöhagsáætlun er
gert ráö fyrir 5% gengisbreytingu til
hvorrar áttar, eins og það segir þar.
Verði gengið fellt, segjum um 5% á
næsta ári, er búið að slétta út þá launa-
hækkun sem er fyrirhuguð. Ef við
segjum að veröbólgan veröi, eins og
reiknað er með, 20% á ársgrundvelli á
næsta ári þá þýðir það einfaldlega 20%
launaskerðingu í viðbót viö þá sem er
orðin nú þegar. Maður hlýtur því að
spyrja sig fyrst og fremst hvað h'ði
langt þangað til fólk fer aö átta sig á
þvíhvertstefnir.” -jss
Pálmi Jónsson, þingmaður Sjálfstæðisflokksins:
„Koma ekki
á óvart”
„Vitaskuld ber að taka allar
skoðanakannanir með fyrirvara. En
þær hafa þó viljað gefa ákveðnar bend-
ingar og þessar niöurstöður koma ekki
neitt sérstaklega á óvart,” sagöi Pálmi
Jónsson, þingmaður Sjálfstæðisflokks-
ins.
„Það ber að hafa það í huga að
núverandi ríkisstjórn er mynduö af
tveim stærstu flokkum þjóðarinnar og
hefur því mikiö fylgi. ”
-JSS
L'tið að gera hjá flóabátnum Baldri:
2 milljónir í
hönnun Breiða
fjarðarferju
Veitt hefur verið 2 milljóna króna
heimild til að halda áfram hönnun og
módelprófun á væntanlegri Breiða-
fjarðarferju sem leysa á flóabátinn
Baldur af hólmi.
Nýja ferjan, sem enn hefur ekki
hlotið nafn, mun vera um 200 tonn að
stærð, 32 metra löng, 9 metra breið,
rúma 15 fólksbíla og taka 130 manns í
sæti í reyksal. Líkt og flóabáturinn
Baldur mun nýja ferjan þjóna Breiða-
fjarðarbúum og gestum þeirra og sigla
á milli Stykkishólms og Brjánslækjar
með viðkomu í þeim eyjum sem eru í
byggö.
Flóabáturinn Baldur siglir nú
tvisvar í viku um Breiðaf jörðinn og á
skrifstofu útgerðarinnar í Stykkis-
hólmi fengust þær upplýsingar að lítið
væri að gera. Svo mun einnig hafa
veriðísumar.
-EIR.