Dagblaðið Vísir - DV - 12.10.1985, Page 24

24
DV. tAUGARDAGUR 12. OKTOBER1985.
----1---------------------------
HVER LIGGUR
LETI í 10 ÁR?
Rokkhjónin Lísa Pálsdóttir og Björgúlfur Egilsson flytja úr gamla höfuðstaðnum í þann nýja
„Það er erfiðara að vera á „bísan-
um” í Kaupmannahöfn en á netum á
Islandsmiðum,” segir Björgúlfur
Egilsson bassaleikari, nýkominn til
landsins eftir 10 ára dvöl í Kaup-
mannahöfn þar sem bassastrengir
hafa verið þandir, götur mældar og
bjórflöskur tæmdar. Og margt annað
reyndar. Með honum er eiginkona
hans, Lísa Pálsdóttir rokksöngkona,
en hún er ekki búin að vera nándar
nærri eins lengi í Kaupmannahöfn, eða
aöeins í 8 ár.
' Ástir og arkitektúr
Þau Lísa og Björgúlfur hafa rekið
rokkhljómsveitina Kamarorghestarn-
ir ásamt félögum sínum öll þessi ár í
Kaupmannahöfn. Upphaflega flaug
Lísa utan vegna þess að hún var ást-
fangin af íslenskum arkitektstúdent
sem þurfti að læra sitt fag í borginni
við Sundið og er reyndar búinn aö því.
Björgúlfur var kominn út löngu áöur
þó yngri sé, flutti úr landi aöeins 17 ára
gamall,.....ekki í fylliríi eins og rang-
lega hefur komið fram annars staðar
heldur af brýnni þörf”, eins og hann
orðar það sjálfur. Svo leið tíminn, Lisa
skildi við arkitektstúdentinn og fór
skömmu siöar að halla sér upp að bass-
anum hjá Björgúlfi sem ekki varð
falskariviðþað (þ.e.a.s. bassinn).
Lísa: Við flytjum ekki heim vegna
tónlistarinnar, frekar vegna barn-
anna. Þegar þau eru orðin tvö er nauð-
synlegt að hafa eitthvert öryggi.
Blankheitin, eins og þau gerast vérst í
Kaupmannahöfn, geta geriö þreyt-
andi.”
Björgúlfur: „Ég endurtek að þaö er
erfiðara að vera á „bisanum” í Kaup-
mannahöfn en á netum á Islandsmiö-
um en tónlistarlega séð höfum við ekk-
ert að sækja hingaö. Hér er ekki til
* neitt rokk, aðeins blöðrupopp og depró-
pönk. Ég byrja að spila rokk strax og
ég finn einhverja til að spila með, þó
svo það verði í bílskúr. ..”
Lísa: „Já, þó svo það verði ekki
nema fyrir sjálf okkur.”
Kamarorghestarnir ætluðu aö gera
út frá Kaupmannahöfn og verða
heimsfrægir og var lengi unnið að því í
alvöru. En svo fóru meðlimir sveitar-
innar að rífast svona eins og Bítlarnir
gerðu eftir að þeir uröu heimsfrægir,
þannig að þetta var ósköp svipað. Bara
með öfugum formerkjum.
Skóflan og Camelpakkinn
„I Kaupmannahöfn lifir fólk allt
öðruvísi lífi en tíðkast hér á Islandi og
x þá sérstaklega Islendingar sem eru bú-
settir þar. Þeir eru fjarri ættingjum og
fjölskyldum sínum þannig að vinimir
verða fjölskylda og míklu meiri tími
gefst til að rækta vináttubönd. Það er
kannski það merkilegasta viö líf Is-
lendinga í Kaupmannahöfn,” segja
þau hjónin.
— Er þetta ekki bara letilíf?
„Fjárans vitleysa,” segir Björgúlf-
ur. „Hver heldurðu að liggi í leti í 10
ár? Það er ekki þar með sagt að ég hafi
staðið niðri í skurði allan tímann þar
sem skóflan og Camelpakkinn eru
bestu vinimir. Lífið í Kaupmannahöfn
■“ er bara spuming um annan lífsstíl en
tíðkast hér á Islandi.”
— Oghvaðgeristnú?
„Mér finnst allt í lagi að skipta um
týpu á 10 ára fresti.”
Hún Lísa Pálsdóttir er í það minnsta
strax byrjuð að „skipta um týpu”. Hún
hóf Islandsdvölina með því aö kaupa
sér tíma á sólbaösstofu því á Islandi
eiga allir að vera brúnir. Hún fór beint
í bankann og fékk sér krítarkort því á
Islandi verða allir að eiga pening. Og
hún leigði sér hús úti á Seltjarnarnesi,
við hliöina á bestu sundlaug á Islandi,
því hér á landi verða allir að vera í fínu
formi. Allt þetta hefði talist til tíðinda í
Kaupmannahöfn — jafnvel hvert atriði
eitt sér.
Söngkonur á fertugsaldri
— En hvað gerir rokksöngkona á fer-
tugsaldri sem tekur sig allt í einu upp
og flytur frá Kaupmannahöfn til
Reykjavíkur?
„Ég syng og dansa í Litlu hryllings-
búöinni eins og stendur en annars
stefni ég að því að vera fyrsta rokk-
söngkonan á tslandi sem verður
amma,” segir Lísa en Björgúlfur orð-
arþaðöðruvísi:
„Ef Tina Turner getur þaö getur
Lísa það líka. Aldur kemur rokki ekk-
ert við. Rokkið er lífsstíll, sjáið bara
Mick Jagger og Rod Stewart, besta vin
Davíðs Oddssonar.”
Annars leggur Björgúlfur Egilsson
þaö til að dagurinn verði lengdur og
mánudagar felldir endanlega niður.
Það eru í stuttu máli fyrstu niðurstöð-
ur athugana hans á lifnaðarháttum Is-
lendinga eftir aðeins nokkra daga á
landinu.
-EIR.
Lisa Pálsdóttir og Björgúlfur Egilsson hölluöu sér upp að Reykjavíkurskiltinu áður en endanlega var haldið inn i höfuöborgina. ÐV-mynd KAE