Dagblaðið Vísir - DV - 21.02.1986, Blaðsíða 3

DV. FÖSTUDAGUR 21. FEBRÚAR1986
3
Fréttir Fréttir Fréttir Fréttir
Stofnun iðnþróunarsjóðs á Suðumesjum strönduð íbili:
TÖLUÐU VID AÐALVERKTAKA EN
VARNARMÁLASKRIFSTOFAN SVARAÐI
Talsmenn þess að stofna- iðn-
þróunarsjóð á Suðurnesjum til efl-
ingar atvinnulífinu þar hafa lagt
hugmyndina til hliðar í bili. Að
sögn Jóns Unndórssonar, iðnráð-
gjafa Suðurnesja, er meginástæðan
sú að ráðandi fyrirtæki á vinnu-
markaðnum á svæðinu, íslenskir
aðalverktakar sf., höfnuðu alvöru-
hlutdeild. Jón segir að raunar hafi
ekkert svar borist frá fyrirtækinu
sjálfu, heldur varnarmálaskrifstofu
utanríkisráðuneytisins.
„Það út af fyrir sig er hið sér-
kennilegasta mál að varnarmála-
skrifstofan skuli svara fyrir Aðal-
verktaka sem við vitum að er sjálf-
stætt fyrirtæki. Þetta fyrirtæki
heldur fjölmörgum iðnaðarmönn-
um á svæðinu í vinnu og sú þjón-
usta sem fyrirtækið rekur skilur
ekkert eftir sig sem byggjandi er á
til frambúðar. Arðurinn af rekstr-
inum er svo til allur fluttur til
Reykjavíkur," segir Jón Unndórs-
son.
„Við leituðum til forstjóra Aðal-
verktaka sem tók fyrst vel í okkar
mál. Síðan munu stjórnendur fyrir-
tækisins hafa falið vamarmála-
skrifstofunni að athuga raunveru-
legan áhuga sveitarstjórnanna á
þessu máli. Aldrei var rætt viétaðra
en þá í Keflavík og Njarðvík, eftir
því sem við best vitum. Síðan kom
það svar að Aðalverktakar vildu
gjarnan leggja fram 50 þúsund
krónur. Það var sannkallað rot-
högg. Við fórum fram á 4-5 milljón-
ir.
Það lá fyrir að sveitarstjómirnar
voru ekki gersamlega samtaka í
þessu máli,“ segir Jón, „Njarðvík-
ingar og Garðmenn vildu til dæmis
ekki gerast beinir aðilar heldur
leggja fram lítils háttar framlög og
í Vogum og Grindavík vom menn
alls ekki tilbúnir til þátttöku.
Raunar töldum við alltaf mikilvæg-
ast að aðilar í atvinnulífinu tækju
höndum saman um málið, sérstak-
lega orkufyrirtæki, verktakar og
launþegasamtökin.
Við, sem berjumst fyrir því að
skapa fjölbreyttara og traustara
atvinnulíf á þessu svæði fyrir fram-
tíðina, hljótum að harma að svona
fór þótt við höfum alls ekki gefist
upp. Afstaða Aðalverktaka vegur
mjög þungt í dæminu vegna þess
hve ráðandi það fyrirtæki er á
vinnumarkaðnum hér. Ég ætla að
vona að önnur viðhorf skapist þar
svo að ekki hrynji hér allt þegar
varnarliðsframkvæmdir minnka
verulega," segir Jón Unndórsson.
-HERB
LOKS BRUNNU BARÐASTAÐIR
„Ég sá ekki ástæðu til að kalla út
slökkvilið því það var til staðar
þegar eldurinn kom upp. Þetta var
víst brunaæfing," sagði Gunnar
Björnsson, hreppstjóri í Böðvars-
holti á Snæfellsnesi, síðdegis i gær.
Þá stóðu Barðastaðir í ljósum logum
á næsta holti við hann og i ljósa-
skiptunum var ekkert eftir nema
aska og lítilsháttar reykur.
Barðastaðir á Snæfellsnesi komust
í fréttirnar svo um munaði fyrir um
það bil tveimur árum þegar heil-
brigðisfulltrúi krafðist þess að bær-
inn yrði rýmdur og brenndur. Þá
bjuggu á Barðastöðum bóndi er lagði
stund á andarækt og ráðskona hans
og barn. Engin sérstök hús voru fyrir
endurnar þannig að fiðurfé og menn
bjuggu saman í íbúðarhúsinu. Var
haft eftir heilbrigðisfulltrúanum að
gólf hússins hefðu verið innbrennd
af andaskít.
Bóndinn, ráðskona hans og barn
neyddust til að flytja af jörðinni sem
var seld. Núverandi eigandi hefur
ekki búið að Barðastöðum en flutt
þangað viðlagasjóðshús.
Tilraun var gerð til að brenna
Barðastaði síðastliðið haust en þá
ók snæfellski brunabíllinn á brúar-
stólpa þannig að brennu var frestað.
í gær tókst betur til og nú eru Barða-
staðir allir.
-EIR
„Barðastaði skal brenna," var haft
eftir heilbrigðisfulltrúa fyrir tæpum
tveimur árum. Bærinn fuðraði upp í
gær að viðstöddu slökkviliði.
'
Tóbaksreykingar:
4.200 manns
dey ja f ram að
aldamótum
Landlæknir áætlar að 4.200 manns
látist af völdum tóbaksreykinga fram
að aldamótum. Til að sporna gegn
þessari válegu framtíðarsýn hafa
verið stofnuð hér á landi samtökin
RÍS 2000, Reyklaust ísland árið 2000.
Samtökin eru stofnuð að erlendri
fyrirmynd fyrir tilstuðlan Krabba-
meinsfélags íslands. Norræn krabba-
meinsfélög samþykktu á fundi sínum
í Finnlandi fyrir skömmu að vinna
að því að Norðurlöndin yrðu reyk-
laust svæði um aldamótin.
______________________-EIR
Hækkun á
vísitölu
byggingar-
kostnaðar
Það sem af er þessu ári hefur vísi-
tala byggingarkostnaðar hækkað um
2,4%. Síðastliðna 12 mánuði hefur
byggingarvísitalan hækkað um
32,6%, en hækkunin frá janúar til
febrúar á þessu ári jafngildir 32,9%
árshækkun. Hækkunin undanfarna
3 mánuði hefur verið 4,4% sem svar-
ar til 18,9% verðbólgu á heilu ári.
Sú hækkun sem orðið hefur á þessu
ári stafar annars vegar af 15% verð-
hækkun á steypu og sementi, eða um
1,4 % hækkunarinnar. 1% stafar
hins vegar af hækkunum á ýmiss
konar byggingarefni, innlendu og
innfiuttu.
Við uppgjör verðbóta á fjárskuld-
bindingar, sem samkvæmt samning-
um fylgja byggingarvísitölunni,
gilda hinar lögformlegu vísitölur sem
reiknaðar eru fjórum sinnum á ári
eftir verðlagi í mars, júní, september
og desember.
-S.Konn.
TORFÆRUBHJi
Á TOMBÓLUVERÐI
BJOÐUM 10 FIAT PANDA 4x4 MEÐ DRIFI AOLLUM
HJÓLUM,ÁRGERÐ 1984.
Verð aðeins kr.
298.000
með ryðvörn.
Til afgreiðslu strax. Greiðslukjör við allra hæfi.
Sýningarsalurinn er opinn virka daga frá 9-18, laugardaga frá 13-17.
umboðið,
r
Skeifunni 8, s. 688850.