Dagblaðið Vísir - DV - 30.06.1988, Blaðsíða 4

4
FIMMTUDAGUR 30. JÚNÍ 1988.
Fréttir _______________________________________
Þróunaraðstoð íslenskra stjómvalda:
Japanir féngu fimmfaldan
styrk á við þróunarlöndin
Sextán sinnum meira varið í matarstyrki til iðnrikja en í þróunaraðstoð
Tvö síöastliöin ár hafa íslensk
stjórnvöld variö rétt rúmum 100
núlljónum króna til aðstoðar viö þró-
unarlönd. Á sama tíma hafa stjórn-
völd greitt íbúum iðnríkjanna um
1.600 milljónir svo þeir séu fáanlegir
til þess aö borða íslenskt lambakjöt.
Lönd á borð við Japan, Vestur-
Þýskaland, Svíþjóð, Bretland, Noreg
og Danmörku hafa öll fengið hærri
styrki úr ríkissjóði til matarkaupa
en runnið hefur til samanlagðrar
þróunaraðstoðar íslenskra stjóm-
valda.
Á árunum 1986 og 1987 vörðu ís-
lensk stjómvöld 100 milljónum í þró-
unaraðstoð. Af einstökum löndum
fengu Grænhöfðaeyjar mest eða tæp-
ar 30 milljónir. Auk þess var varið
um 21 milljón til breytinga og við-
gerða á Feng, skipi Þróunarsam-
vinnustofnunar íslands sem notað
hefur verið á Grænhöfðaeyjum. Þá
var varið 13 milljónum til samnor-
ræns verkefnis í Mosambikk, 2,7
milljónum til sams konar verkefnis
í Tansaníu og og 0,5 milljónum til
Kenýa. Um 29,5 milljónir fara til
ýmissa stofnana Sameinuðu þjóð-
anna sem sinna þróunar- og hjálpar-
starfi. Eina framlagið þar sem tengt
er ákveðinni þjóð er til aðstoðar við
palestínska flóttamenn. Framlag til
þeirra var 760 þúsund á þessum
tveimur árum.
Þegar litið er til matvælaaðstoðar
íslendinga til iðnríkjanna koma
stærri tölur í ljós. Þannig námu út-
flutningsbætur vegna sölu á kinda-
kjöti til Japan rétt tæplega hálfum
milljarði á þessum tveimur árum.
Svíar fengu rúmlega 300 milljónir og
Færeyingar einnig. Danir og Norð-
menn fengu rúmar 100 milljónir og
Vestur-Þjóðverjar og Bretar rétt tæp-
lega það. Aðrar þjóðir fengu minna.
Útflutningur á kjöti til Frakklands
var styrktur með 25 milljónum eða
rétt tæplega það sem nemur framlagi
íslendinga til Grænhöfðaeyja. Hol-
lendingar fengu 14 milljónir, Finnar
Evrópa
Kanada
Afríka
Bandaríkin
Grænhöfða
eyjar
DV-kort Samúel
Þau lönd sem njóta aóstoðar íslenskra stjórnvalda. Svörtu löndin á kortinu njóta styrkja til kindakjötsáts að upp-
hæð 1.600 milljónir króna. Skástrikuðu löndin njóta þróunaraðstoðar að upphæð 100 milljónir króna.
13 milljónir, Lúxemborgarar fengu 4 Framlag íslenskra stjórnvalda til anna viö að bjarga sér sjálfir. Þróun-
milljónir, Bandaríkjamnenn 2,5 matvælaneyslu íbúa iðnríkjanna er arríkin fá um 6 prósent af því sem
milljónir og Belgar og Grænlending- því um sextán sinnum meira en aö- . iðnríkjunum er skammtað.
ar fengu tæpa milljón. stoð þeirra viö íbúa þróunarland- -gse
Ferðamönnum
blöskrar
verölagið
Erlendir ferðamenn eru afskap-
lega óánægðir með verðlag á Is-
landi. Þessi niðurstaða er lang-
mest afgerandi i skoðanakönnun
sem Flugleiðir og tímaritið Ro-
und Iceland hafa framkvæmt
meðal farþega flugfélagsins í vor
og sumar. Ferðamennirnir lýsa
flestir yfir ánægju með aðra þætti
ferðaþjónustunnar hér. Verðlag-
ið eitt sker sig úr.
Að sögn Steins Loga Bjömsson-
ar, fulltrúa forstjóra Flugleiða,
hafa nær allir þeir sem fylltu út
eyðublöðin kvartað yfir verölag-
inu hér. Annað hvort svaraði fólk
spumingunni um verðlag með
því aö þaö væri óánægt eða af-
skaplega óánægt.
„Þótt furðulegt megi viröast þá
svara um 90 prósent þvi játandi
þegar spurt er hvort þau vilji
koma aftur til íslands. Verölagiö
virðist því ekki nægja til þess aö
draga kjark úr fólki,“ sagði
Steinn Logi.
Áhrif verölagsins virðast þó
vera oröin töluverð. í samtali við
DV sagði Wilhelm Wessman,
framkvæmdastjóri Gildis á Sögu,
að verðlag á mat hérlendis hafi
orðið til þess að flestar banda-
rískar ferðaskrifstofur hafa tekiö
ísland af sölulistum sínum.
-gse
íbúar Árbæjar- og
Seiáshverfis vilja
sundlaug
Framfarafélag Selás- og Árbæj-
arhverfis hefur staðið fyrir und-
irskriftasöfnun þar sem skorað
er á borgaryfirvöld að hefja nú
þegar byggingu almenningssund-
laugar i Arbæjar- og Seláshverfi.
í gær vom borgarstjóra aíhent-
ir .þessir undirskriftarlistar og
um leið var skorað á hami að
hefja sem fyrst byggingu sund-
laugar í hverfinu. Borgarstjóra
var bent á að aö þrátt fyrir mlikla
stækkun hvei-fisins bólaði ekkert
á sundlaugarframkvæmdum.
Uni íbúar sundlaugarleysi ekki
lengur. -hlh
í dag mæHr Dagfari
Spámaður í föðuriandi
Þegar kosningar fara fram, er það
venjulegast svo að sá sigrar sem
flest fær atkvæðin. Þannig hafa
flestir íslendingar túlkað úrslit for-
setakosninganna á þann veg að frú
Vigdís Finnbogadóttir hafi hlotið
yfirburðasigur með 92,7% at-
kvæða, sem mun vera einsdæmi í
vestrænu lýöræðisríki.
Þennan sigur vann forseti íslands
vegna þess að kona nokkur úr
Vestmannaeyjum, 'Sigrún Þor-
steinsdóttir að nafni, hafði þá sér-
stæðu skoðun, að hún ætti að verða
forseti og gerði Vigdísi þann greiða
að komast á spjöld mannkynssög-
unnar með rússneska kosningu,
sem er heimsmet sem aldrei verður
slegið. En konan úr Vestmannaeyj-
um er sérstök að öðru leyti en því
að bjóða sig fram. Hún hefur fund-
ið það út, eftir aö atkvæðin voru
talin upp úr kössunum, að úrslitin
hafi alls ekki verið sigur fyrir Vig-
dísi. Sigrún lætur hafa það eftir sér
að í rauninni hafi hún sjálf sigrað.
Sigrún fékk reyndar ekki nema
rúmlega sex þúsund atkvæði, eða
rétt um fimm prósent atkvæða, og
er það út af fyrir sig merkileg stað-
reynd að sex þúsund manns skuli
finnast í landinu, sem sáu ástæöu
til að fara á kjörstað til að greiða
óþekktum frambjóðanda atkvæði
sitt. En Sigrún gerir lítið með þessi
sex þúsund atkvæði. Hún segir að
kosningaþátttakan hafi ekki verið
nema rétt rúmlega sjötíu prósent.
Þeir sem heima sátu eða áttu ekki
heimangengt á kjördegi hafi verið
á móti Vigdísi en með sér. Atkvæð-
in sem ekki voru greidd voru þann-
ig atkvæði Sigrúnar. Hún er til aö
mynda afar þakklát Vestmannaey-
ingum fyrir dræma kjörsókn sem
hún telur sönnun fyrir því að Vest-
mannaeyingar hafi í rauninni stutt
sig í þessari kosningabaráttu.
Þar til viöbótar segir Sigrún að
hún hafi orðið vör við mikla
óánægju margra kjósenda eftir
kosningarnar. Þeir eru óánægðir
með aö hafa kosið Vigdísi og dauð-
sjá eftir því. Sigrún hefur ekki frið
fyrir hringingum eftir kosningarn-
ar.
Ef hinum óánægðu er bætt við
þá sex þúsund sem kusu Sigrúnu
og þá sem sátu heima þá er orðið
mjótt á mununum og áhöld um þaö
hvor hafi verið kosin. Niðurstaðan
er því sú að Vigdís megi þakka fyr-
ir að hafa náð kjöri.
Nú er það út af fyrir sig nokkuð
nýstárleg kenning að kjósendur
sem styðja einn frambjóðanda gegn
öðrum, láti þann stuöning sinn ljós
með því að sitja heima. Einfaldast
fyrir þetta fólk er auðvitaö að fara
á kjörstað og kjósa þann sem það
styður. En Sigrún Þorsteindóttir
hefur aðra skoðun og vísar til þess
að sams konar aðferðir séu notaðar
af kjósendum í Póllandi, sem sitja
heima í stað þess að fara á kjör-
stað. í Póllandi viðgengst að vísu
sú venja að þar er aðeins einn í
kjöri og Pólverjar eiga því ekki
annarra kosta völ en sitja heima
ef þeir vilja ekki greiða frambjóð-
andanum atkvæði.
í forsetakosningunum um daginn
var aftur á móti um tvo frambjóð-
endur að ræða og ástæðulaust fyrir
hina óánægöu að láta sig vanta á
kjörstað. Heimafólk í Vestmanna-
eyjum gat þess vegna hæglega hóp-
ast á kjörstað og greitt Vestmann-
eyingnum Sigrúnu Þorsteinsdóttur
atkvæði sitt til að styðja hana til
forsetakjörs. Þetta gerðu Vest-
mannaeyingar ekki, heldur sat
annar hver maður heima og Sigrún
getur þannig hrósað góðri kosn-
ingu í Eyjum, jafnvel þótt hún hafi
hvergi fengið færri atkvæði. Þetta
heitir að vera spámaður í sínu föð-
urlandi. En það er þá vegna þess
að Vestmanneyingar þekkja Sigr-
únu betur heldur en aðrir íslend-
ingar.
Kenning Sigrúnar er sú að fólk
vilji virkara lýðræði og virkari for-
seta. Með því að láta kosningar af-
skiptalausar og hirða ekki um að
fara á kjörstað til að neyta atkvæð-
isréttar síns er fólk að heirnta virk-
ara lýðræði! Þaö fer að verða
spurning um, hvort ekki hafi veriö
misskilningur hjá þessum sex þús-
und kjósendum að kjósa spámann-
inn úr Vestmannaeyjum. Það hefði
verið sterkari stuðningur við Sigr-
únu að sitja heima í stað þess að
greiða henni atkvæöi? Næst þegar
forsetakosningar fara fram á Sigr-
ún að beita sér fyrir þvi að Vigdís
verði sjálfkjörin. Þá fer enginn á
kjörstað og þá getur Sigrun túlkað
úrslitin sem mikinn og góöan sigur
fyrir sig, vegna þess að öll þjóðin
situr heima!
Dagfari