Dagblaðið Vísir - DV - 23.11.1990, Blaðsíða 2

2
FÖSTUDAGUR 23. NÓVEMBER 1990.
Fréttir
Rafn Júlíusson póstmálafuUtrúi um reglugerðina um afhendingu pósts til skiptaráðanda:
Engin heimild til að
opna póst til annarra
- segir skiptaráðendur opna póst á eigin ábyrgð og þá á grundvelli annarra laga
Reglugerð, sem heimilar póstyfir-
völdum að afhenda skiptaráðendum
póst gjaldþrota einstaklinga, hefur
valdið umræðum og deilum. Efa-
semdir eru uppi um lögmæti þessa
og hefur umboðsmanni Alþingis
meðal annars verið falið að skoða
lagalega hliö þess. Telja margir að
með þessu sé yfirvöldum gert kleift
að komast yfir persónulegar upplýs-
ingar. Um leið sé verið aö bijóta trún-
að milli póstþjónustunnar og þeirra
sem nýta sér hana, jafnt viðtakenda
sem sendenda.
Umrædd reglugerð tók gildi 30.
mars í ár en að stofni til hefur um-
rætt ákvæði verið í gildi í á'ratugi. í
henni segir: „Hafi maður orðið gjald-
þrota og bú hans tekið til skiptameð-
ferðar má afhenda skiptaráðendum
eftir beiðni þeirra allar lokaðar
bréfa- og bögglasendingar til hans,
svo og póst- og póstkröfuávísanir,
nema almenn bréf sem árituð eru
„einkabréf' eða á annan hátt bera
með sér að þau séu einkabréf."
Að sögn Rafns Júlíussonar póst-
málafulltrúa, en hann tók þátt í
samningu reglugerðarinnar, er póst-
yfirvöldum skylt að flokka póstinn
þannig að tryggt sé að einkabréf séu
ekki afhent nema þeim sem þau eru
stíluð á. Hann segir slíka flokkun
hins vegar mjög erfiða í framkvæmd
og því verði að treysta skiptaráðend-
um til þess að opna ekki einkabréf.
Að öðru leyti kvað hann lög kveða á
um póstleynd og samkvæmt þeim
mætti ekki opna póst nema að und-
angengnum dómsúrskurði.
„Við afhendum einungis póstinn
samkvæmt beiðni skiptaráðanda. Ef
hann hins vegar opnar póstinn þá
er það gert á grundvelli annarra laga.
í raun og veru er okkur hins vegar
óheimilt samkvæmt lögum að af-
henda óviðkomandi aðilum upplýs-
ingar um það hveijir nota póstþjón-
ustuna eða gefa þeim tækifæri til að
afla sér slíkrar vitneskju."
Rafn segir af og frá að póstyfirvöld
veiti skiptaráðendum eða öðrum
heimild til að opna eða lesa póst sem
fer í gegnum stofnunina. Tilgangur
reglugerðarinnar sé einungis að
tryggja að póstsendingar gjaldþrota
einstaklinga komist til skila.
-kaa
Alþingi:
Ferðamálastefna
í 53 liðum
Á Alþingi hefur verið lögð fram til-
laga til þingsályktunar um að fela
ríkisstjórninni að framfylgja ferða-
málastefnu sem er í 53 liðum. Þaö er
ferðamálanefnd samgönguráðuneyt-
isins, er skipuð var 1. júní 1989, sem
samið hefur þessa ferðamálastefnu.
Ferðamálastefnan á að fela í sér
eftirfarandi meginmarkmiö: Að við-
urkenna ferðaþjónustu sem þjóð-
hagslega mikilvægan atvinnuveg. Aö
bæta lífskjör almennings með fjöl-
breyttu framboði ferða á hagstæðum
kjörum innanlands og til annarra
landa. Að valda sem minnstri röskun
á náttúru landsins. Að hafa jákvæð
áhrif á viðskiptajöfnuð landsmanna.
Að auka fjölbreytni atvinnulífsins í
landinu og nýta vaxtarmöguleika
ferðaþjónustunnar. Að efla þróun
byggðar í landinu. Að stuðla að því
að sem fiestir geti notið ferðalaga og
útivistar við góðar aðstæður. Aö
hvetja íslendinga til ferðalaga um
eigið land til að efla þekkingu sína á
náttúru þess, sögu og menningu.
Og síðan er bent á 45 leiðir að þess-
um markmiðum. Þingsályktunartil-
lagan er heil bók með hinum marg-
víslegustu gögnum um ferðamál.
______-S.dór
Síbrotamaður í
gæsluvarðhald
28 ára gamall maöur hefúr verið
úrskuröaður í gæsluvarðhald til 20.
desember næstkomandi vegna síend-
urtekinna brota sem hann hefur
framið í sumar og haust. Maðurinn
hefur margsinnis orðið uppvís aö
innbrotum og ávisanafalsi. Hann
kom úr fangelsisafplánun fyrr á
þessu ári. Sakborningurinn hefur
mjög ítrekað komið við sögu Rann-
sóknarlögregluríkisins. -ÓTT
Nú er unnið að því að leggja Ijósleiðara á milli húsa sem tilheyra Alþingi.
Að sögn Friðriks Ólafssonar, skrifstofustjóra Alþingis, erfyrirhugað að tölvu-
samtengja húsið í Vonarstræti 8, Þórshamar og Alþingishúsið og er lagn-
ing þessa Ijósleiðara liður í þvi. DV-mynd GVA
Skiptaráðandinn í Reykjavík:
Brjótumekki
rétt á neinum
„Við teljum okkur að sjálfsögðu
heimilt að skoða þann póst sem viö
fáum afhentan af póstyfirvöldum.
Heimildin er til staðar í reglugerð-
inni, annars mundum við ekki gera
þetta. Samkvæmt gjaldþrotalögun-
um er okkur uppálagt að gera ráð-
stafanir til að tryggja að allar eignir
gjaldþrota einstaklinga komi til
skipta. Ég fæ ekki séð að það sé brot-
inn réttur á neinum í þessu sam-
bandi,“ segir Ragnar Hall, skiptaráð-
andi í Reykjavík.
Ragnar segir að hér .í Reykjavík sé
sárasjaldan óskað eftir því við póst-
yfirvöld að fá póst gjaldþrota ein-
staklinga afhentan. Slíkt sé einungis
gert ef um sé að ræða rökstuddan
grun um að í bréfum kunni að felast
gagnlegar upplýsingar um íjárhag
viðkomandi eða að í þeim sé að finna
beinar greiðslur sem samkvæmt lög-
um ættu að fara til þrotabúsiiis.
Að sögn Ragnars er það einungis í
þeim tilvikum að um sé að ræða
gjaldþrot hjá sameignarfyrirtækjum,
sem skráö séu á nöfn einstaklinga,
að persónuleg bréf berist til skipta-
ráðenda. Hann segist ekki álíta að
það þurfi sérstakan dómsúrskurð til
að opna þessi bréf og að í raun hljóti
það að vera í hendi skiptaráðenda
að meta hvort nauðsynlegt sé að
skoða innihald bréfs.
„Það er hins vegar alveg ljóst aö
þegar bú manns er tekið til gjald-
þrotaskipta verður margs konar
röskun á högum hans. Ef hann ætti
til dæmis að geta fengið greiðslur í
gegnum póst, vegna þess eins að nafn
hans er ritað utan á bréf, þá yrði í
mörgum tilfellum mjög erfitt að
komast yflr allar eignir þrotabúa.
Við erum hins vegar ekki að sækjast
eftir því að fá að opna jólapóstinn.
Við erum ekki að þessu í þeim til-
gangi."
-kaa
Félag ungra lækna:
Biðstaða í samningamálum
„Það er óljóst hvað gerist í samn-
ingamálum Félags ungra lækna og
fjármálaráðuneytisins. Við bíðum
eftir að fulltrúar fjármálaráðuneytis-
ins hafi samband við okkur og boði
okkur á fund,“ segir Jón Hilmar
Friðriksson, formaður félagsins.
„Við munum bíða um hríð og sjá
hver framvindan verður, þangað til
verðum við ekki með neinar aögerðir
í gangi.“
Samningar Félags ungra lækna
hafa verið lausir síðan í júníbyrjun
og hafa fáir samningafundir milli
deiluaðila verið haldnir á þeim tíma.
-J.Mar
Kjördæmisráð Framsóknar á Reykjanesi velur framboðslista um helgina:
Sveinbjörn sækir að Jóhanni í öðru sætinu
Fundur kjördæmisráðs Fram-
sóknarflokksins í Reykjaneskjör-
dæmi veröur um helgina og þá verð-
ur framboðslistinn fyrir komandi
þingkosningar valinn.
Það þarf ekki að hafa mörg orð um
fyrsta sætið en þar mun landsfaðir-
inn sjálfur, Steingrímur Hermanns-
son, tróna eftir sem áöur. Formaður-
inn hefur hingað til sópað að sér at-
kvæðum og ef svo verður áfram virð-
ist frambjóðandi í öðru sæti vera
sæmilega öruggur með þingsetu eftir
kosningamar í vor.
Fleiri orðum verður þó að fara um
annað sætið. Sveinbjörn Eyjólfsson,
deildastjóri í landbúnaðarráðuneyt-
inu, hefur sagt DV að hann gefl kost
á sér í það sæti. Þar er nú Jóhann
Einvarðsson, 8. þingmaður Reyknes-
inga. Örlar á einhverri óánægju í
garð Jóhanns meðal framsóknar-
manna en undanfariö hefur orðiö
vart við óskir um að koma nýjum
manni í annað sætiö.
Umdeildur
Jóhann er umdeildur meðal fram-
sóknarmanna á Reykjanesi. Það þyk-
ir ekki gusta nægilega af honum.
Þrátt fyrir segulkraft formannsins
þar sem atkvæði eru annars vegar
þykir mönnum að kraftur Jóhanns
sé ekki að sama skapi mikill. Eins
Fréttaljós
Haukur L. Hauksson
og einn framsóknarmaður orðaði
það virðist Steingrímur draga hlass-
ið og Jóhann fljóta með. í þeim mikla
slag um atkvæðin sem fyrirsjáanleg-
ur er í Reykjaneskjördæmi þykir
ekki óvænlegt að hafa frísklegan og
áberandi mann í öðru sætinu.
Þaö hafa margir veriö nefndir í
sambandi við framboð gegn Jóhanni
í öðru sæti listans en enginn gefið
kost á sér enn nema Sveinbjörn.
Sveinbjörn er ungur og óþekktur.
Hann hefur þó starfað í flokknum í
um 15 ár. Hann er af framsóknarkyni
en móðir hans, Ragnheiður Svein-
björnsdóttir, var áðir vararitari
Framsóknar.
Enn aöeins Sveinbjörn
Fleiri hafa verið nefndir sem
kandídatar í annað sætið. Þar á með-
al eru Sigurður Geirdal, bæjarstjóri
í Kópavogi, Helgi Pétursson, út-
varpsstjóri Aðalstöðvarinnar, og Ní-
els Ári Lund, sem kemur úr land-
búnaðarráðuneytinu eins og Svein-
björn. Enginn þessara hefur þó gefið
kost á sér ennþá. Frestur til að gera
það er alveg frajji að fundi kjördæm-
isráðsins um helgina.
Þó Jóhann sé umdeildur þykir
hann hafa kosti sem lýsa sér í vinnu-
semi. Þannig hangsar hann ekkert,
klárar öll mál sem hann fær. Jóhann
nýtur ákveðinnar virðingar, meðal
annars sem formaður utanríkis-
málanefndar en óþægileg mál eins
og Hafskipsmáliö sitja líklega enn í
sumum framsóknarmönnum á
Reykjanesi. Það er því allsendis óvíst
hvort Jóhann sé öruggur í annað
sætið. Hann mun alla vega ekki geta
gengið inn á kjödæmisþingið og sótt
sér númer, númer 2. -hlh