Dagblaðið Vísir - DV - 30.04.1991, Page 2

2
ÞRIÐJUDAGUB 30. APRÍU1991,,
Fréttir
Afar snöggri stj ómarmyndun Sjálfstæöisflokks og Alþýðuflokks lokiö:
Ný viðreisnarstjórn
tekur við völdum í dag
- verkaskipting og stefnuyfirlýsing samþykkt 1 báöum flokkum í gærkvöldi
Ný stjórn Alþýðuflokks og Sjálf-
stæðisflokks tekur viö völdum í dag.
Fráfarandi starfsstjórn undir forsæti
Steingríms Hermannssonar mætti til
síöasta ríkisráðsfundar síns á Bessa-
stöðum klukkan 11 í morgun.
Snæddur var hádegisverður í boði
forseta íslands. Eftir hádegi verður
fyrsti ríkisráðsfundur nýrrar ríkis-
stjórnar haldinn að Bessastöðum og
tekur ný ríkisstjórn þá formlega við
völdum.
Davíð Oddsson og Jón Baldvin
Hannibalsson luku formlegum
stjórnarmyndunarviðræðum Al-
þýðuflokks og Sjálfstæðisflokks síð-
degis í gær. Gengið var frá stefnu-
yfirlýsingu nýrrar ríkisstjórnar og
verkefnaskiptingu flokkanna innan
ríkisstj ómarinnar.
Verkaskiptingin
í hlut Sjálfstæðisflokks komu eftir-
talin ráðuneyti: Forsætisráðuneyti
og ráðuneyti Hagstofu, fjármála-
ráðuneyti, sjávarútvegsráðuneyti,
landbúnaðarráðuneyti, mennta-
málaráðuneyti, samgönguráöuneyti
og dóms- og kirkjumálaráðuneyti. Þá
fær Sjálfstæðisflokkur forseta Al-
þingis einnig í sinn hlut og formann
utanríkismálanefndar Alþingis.
í hlut Alþýðuflokks komu eftirtalin
ráðuneyti: Utanríkisráöuneyti, iðn-
aðarráðuneyti, viðskiptaráðuneyti,
heilbrigðis- og tryggingamálaráðu-
neyti, félgasmálaráðuneyti og um-
hverfismálaráðuneyti. Þá fær Al-
þýðuflokkurinn samstarfsráðherra
Norðurlanda í sinn hlut og formann
fjárveitinganefndar Alþingis.
Stefnuyfirlýsing
ríkisstjórnarinnar
í stefnuyflrlýsingu ríkisstjórnar-
innar kemur meðal annars fram að
hún ætli að beita sér fyrir aðhaldi í
ríkisfjármálum, stöðugu gengi ís-
lensku krónunnar og aðhaldi í
skattamálum. Stefnt er að því að
opna íslenskt samfélag og beita
markaðslausnum í efnahags- og at-
vinnumálum. Meðal meginverkefna
nýrrar ríkisstjórnar. Er talað um
sáttagjörð um sanngjörn kjör, endur-
skoðun sjávarútvegsstefnunnar þar
sem tekið verður tillit til byggðasjón-
armiða. Þá er talað um mótun land-
búnaðarstefnu þar sem beitt verði
sértækum jöfnunargjöldum gagn-
vart innflutningi á unnum búvörum
ef sá innflutningur verður leyfður.
Stefnt er að því að ljúka samningum
um nýtt álver sem fyrst. Stefnt er að
endurskipulagningu ríkisfjármála og
i því sambandi er talaö um að skatt-
leggja fjármagnstekjur. í húsnæðis-
málum er meiningin að efla eigna-
stefnu samhliða því sem uppbygging
félagslegra íbúða fer fram. Taka á
upp nýja stefnu i lífeyrismálum þar
sem lífeyrisréttindi verða samræmd.
Auk þessa er stefna ríkisstjómarinn-
ar um ýmsa aðra málaflokka talin
upp eins og á sviði Evrópumála,
menningarmála, umhverfismála og
heilbrigðismála.
Flokksráð og flokksstjórn
samþykkja
Stefnuyfirlýsing ríkisstjórnarinn-
ar var lögð fyrir flokksráðsfund sjálf-
stæðismanna í Valhöll í gærkvöldi
þar sem hún var einróma samþykkt.
Á flokksstjórnarfundi krata á Hótel
Sögu, sem einnig var haldinn í gær-
kvöldi, var stefnuyfirlýsingin einnig
samþykkt með miklum meirihluta
atkvæða.
í upphafi flokksráðsfundar sjálf-
stæðismanna, sem stóð í rúma
klukkustund, sagði Davíð Oddsson
meðal annars að þessi stjómarmynd-
un hefði verið sú stysta í sögu lýð-
veldisins en forseti fól Davíð umboð
til stjórnarmyndunar undir kvöld á
föstudag. Meginlínurnar og mesta
vinnan var unnin á tveimur fundum
í Viðey um helgina en lokasprettur-
inn, þar sem meðal annars var tekist
á um sjávarútvegsráðuneytið, fór
fram á borgarskrifstofunum í gær-
dag.
A flokksstjórnarfundi krata sagði
Jón Baldvin meðal annars í upphafi
fundar að sér þætti undrun sæta að
niðurstöðu í stjórnarmyndunarvið-
ræðunum skyldi náð á einungis
þremur dögum. Á fundinum, sem
stóð í tæpar fjórar klukkustundir,
urðu skoðanaskipti um stefnuyfir-
lýsingu ríkisstjómarinnar. Jón Bald-
vin sagði að þó yfirlýsingin væri jafn-
vel ekki nógu ítarleg mætti vinna
slíka vankanta upp á grundvelli
gangkvæms trausts. -hlh/kaa
Skiptar skoðanir voru meðal krata á flokksstjórnarfundinum í gærkvöldi um hverjir skyldu verma ráðherrasætin í næstu ríkisstjórn. Eftir leynilega atkvæða-
greiðslu kom hins vegar i Ijós að mikill meirihluti fundarmanna var samþykkur tillögu formanns flokksins. Þegar niðurstaðan varð Ijós ríkti fögnuður og
gleði meðal krata, nema ef vera skyldi meðal Suðurnesjamanna og verkalýðsfrömuða sem gjarnan vildu sjá Karl Steinar Guðnason meðal hinna útvöldu.
Á myndunum má sjá krata samfagna með nýbökuðum ráðherrum, þeim Jóni Baldvin, Jóni Sigurðssyni, Jóhönnu Sigurðardóttur, Sighvati Björgvinssyni
og Eiði Guðnasyni. DV-myndir GVA
Ráöherralisti Alþúðuflokksins samþykktur í gærkvöldi:
Sighvatur og Eiður eru nýir ráðherrar
- Reyknesingar vildu Karl Steinar í ráðherrastól
Tillaga Jóns Baldvins Hannibals-
sonar, formanns Alþýðuflokksins,
um ráðherrahsta flokksins var sam-
þykkt með miklum meirihluta á
flokksstjórnarfundi krata í gær-
kvöldi. Áður hafði tillaga Jóns Bald-
vins verið samþykkt samhljóða í
þingflokknum skömmu fyrir flokks-
stjómarfundinn.
Þrír núverandi ráðherrar flokksins
verða áfram ráðherrar í þeim ráðu-
neytum sem þeir sitja nú í, Jón Bald-
vin í utanríkisráðuneyti, Jón Sig-
urðsson í iðnaðar- og viðskiptaráðu-
neyti og Jóhanna Sigurðardóttir í
félagsmálaráðuneyti.
Sighvatur Björgvinsson verður
heilbrigðis- og tryggingamálaráð-
herra og Eiöur Guðnason umhverfis-
ráðherra auk þess sem hann verður
samstarfsráðherra Norðurlanda.
Töluverður þrýstingur um að Karl
Steinar Guðnason fengi ráðherra-
embætti kom frá fulltrúum Reykja-
ness sem töldu sig eiga kröfu á tveim-
ur ráðherrum. Þá var einnig tölu-
verður þrýstingur af hálfu fulltrúa
verkalýðshreyfmgarinnar í sömu
veru.
Töluverðs taugatitrings gætti með-
al fundarmanna fyrir fundinn í gær-
kvöldi og var loftið lævi blandið við
komu þingflokksins á fundinn. Var
aö sjá að þar væri ágreiningur um
skipan ráðherrastóla flokksins í
nýrri ríkisstjórn. Höfðu sumir við-
mælendur DV á fundinum haft af því
spurnir að til stæði að færa Jóhönnu
Sigurðardóttur úr félagsmálaráðu-
neytinu í heilbrigðisráðuneytið. Jó-
hanna mun hins vegar hafa þvertek-
iö fyrir slíkar hrókeringar. Aðspurð
vildu hvorki Jón Baldvin né Jóhanna
kannast við að ágreiningur hefði orð-
ið um þetta.
-hlh/kaa
Jón Baldvin um flokksstjornarfxmdmn:
Vonbrigði að ná ekki atvinnuráðuneytunum
„Hér urðu menn fyrir vonbrigðum
með þaö að ná ekki öðru hvoru at-
vinnuráðuneytanna sem kennd eru
við sjó og land við verkefnaskiptingu
flokkanna,“ sagði Jón Baldvin
Hannibalsson eftir flokksstjórnar-
fundinn í gærkvöldi.
Jón Baldvin kvaðst skilja þá
óánægju og þau skoðanaskipti sem
einkum hefðu komið upp meðal
Reyknesinga á fundinum vegna ráð-
herralistans. Þar hefðu komið til
byggðasjónarmið Reyknesinga sem
töldu sig eiga heimtingu á tveimur
ráðherrum, ekki síst vegna góðrar
útkomu í kosningunum í kjördæm-
inu.
„Stuðningur Reyknesinga var
einkum bundinn Karli Steinari
Guðnasyni. Þama fara saman sjón-
armið Reyknesinga og hins vegar það
sjónarmiö að æskilegt væri að hafa
einn af forystumönnum okkar úr
verkalýðshreyflngunni í ríkisstjóm-
inni,“ sagði Jón Baldvin.
Eiður Guðnason kvaöst ánægður
með ráðherraembættið.
„Þetta er það ráðuneyti þar sem
mikið er að vinna og mikiö aö vernd-
a,“ ssgði Eiður.
Þá var Sighvatur Björgvinsson
einnig mjög ánægður meö að vera
kominn í ráðherrahópinn.
í samtali við DV sagði Gunnlaugur
Stefánsson þinglokkinn standa heil-
an að þvi aö tryggja lífskjör og bú-
setu í landinu.
„Alþýðuflokkurinn ætlar að gera
þetta á grundvelli stjórnarsáttmál-
ans en síðan verður reynslan að
skera úr um hver árangurinn verð-
ur,“ sagöi Gunnlaugur.
-hlh/kaa
Stjórnarmyndun:
Atburðarásin
á mánudag
9.00 - Davíð Oddsson og Jón
Baldvin Hannibalsson fá um-
beöna skýrslu Rikisendurskoð-
unar um ríkisgármálin. í skýrsl-
unni kemur fram að halli ríkis-
sjóðs við næstu áramót veröi 12,2
milljarðar.
10.00 - Þingflokksfundur Sjálf-
stæðisflokks þar sem endasprett-
ur stjórnarmyndunarviðræðn-
anna er til umræðu, verkaskipt-
ing og stefnuyfirlýsing. Skýrsla
ríkisendurskoðunar er til um-
(jölhtnar.
11.00 - Friðrik Sophusson fær
skýrslu úr flármálaráðuneytinu
þar sem halli rikissjóðs er sagður
verða.8 milljarðar á árinu verði
ekkert aðhafst í ríkisflármálum.
11.45 - Kratar boðaðir á flokks-
stjórnarfund á Hótel Sögu um
kvöldið.
12.15 - Þingflokksfundi sjálf-
stæöismanna lýkur og Davíð
heldur á borgarskrifstofurnar.
12.30 - Jón Baldvin mætir á
borgarskrifstofurnar og síöasta
samningalota flokkanna um
stjórnarmyndun fer i gang.
12.30 - Þingflokksfundi Alþýðu-
flokks frestaö fram eftir degi.
Þingmenn krata ganga margir
um miöbæinn meðan beðiö er
eftir Jóni.
13.00 - Ólafur Ragnar Grímsson
stefnir blaðamönnum í Rúg-
brauðsgerðina þar sem hann
kynnir þriðju skýrluna um stöðu
ríkisflármála. Samkvæmt henni
verður halli ríkissjóös á árinu 6,4
miHjarðar,
15.30 - Jón Baldvin þeysir á t'und
þingflokks síns þar sem niður-
stöður viðræðna hans við Davíð
eru ræddar.
15.30 - 25 þingmenn Sjálfstæðis-
flokks koma hver á fætur öðrum
á fund Davíðs þar sem hann ræð-
ir einslega við hvern og einn
þeirra um skipan í ráðherrastóla.
15.45 - Formlegum stjórnar-
myndunarviðræðum Daviðs og
Jóns Baldvins er iokið. Fyrir ligg-
ur stefnuyflriýsing nýrrar ríkis-
stjórnar og verkefnaskipting
flokkanna innan hennar.
16.30 - Jón Baldvin hefur að
ræða einslega við sína þingmenn
um mönnun ráðherrastóla
flokksins.
21.15 - Flokksráðsfundur Sjálf-
stæöisflokksins hefst í Valhöll,
Fundurínn samþykkir stefnu-
yflrlýsingu nýrrar ríkissflórnar
og veitir þingflokknum umboö til
að skipa í ráðherrastóla að fengn-
um tillögum formanns. Þing-
flokksfundur boðaður klukkan
8.30 þriöjudag þar sem tillaga
Davíðs um ráðerralista verður
borin undir atkvæði.
21.25 - Jón Baldvin ber ráð-
herralista undir þingflokk sinn.
Uistinn samþykktur samhljóða.
Frekar þungt yfir fólki aö aflokn-
um fundinum þar sem „einn fékk
að iifa en öðrum var fórnað" eins
og einn þingmannanna orðaði
það.
21.50 - Þingmenn krata mæta til
flokksstjómarfundar á Hótel
Sögu. Þar fer fram umræða um
stefnuyfirlýsingu rikisstjórnar-
innar og ráðhen-aiista.
22.60 ~ Jón Baldvin lýkur ræöu
sinni á flokksstjórnarfundi. Um-
ræöur heljast með harðri gagn-
rýni Reyknesinga á að Karl Stein-
ar Guðnason skyidi ekki gerður
að ráðherra.
23.20 - Mikiar umræður og
skörp skoðanaskipti fyrirsjáan-
leg. Fundarstjóri takmarkar
ræðutíma.
02.10 - Flokksstjórnarfundi iýk-
ur. Stefnuyfiriýsing ríkisstjórnar
og ráöherralisti samþykktur.
Glaðlegt yfir krötum. Ráðherra-
hópurinn myndaöur af DV.