Dagblaðið Vísir - DV - 11.05.1991, Blaðsíða 10

10
.1861 IAM .II HUOAQflAOUAJ
LAUGARDAGUR 11. MAÍ 1991.
Myndbönd
Ekki verða miklar breytingar' á
listanum milli vikna. Bird On a
Wire situr sem fastast í efsta sæti
listans og fuglinn sá virðist ekki
vera neinn farfugl. Darkman eftir
hrollvekjumeistarann Sam Raimi
kemur inn á listann með látum og
treðst beint í þriðja sætið. Þetta er
hrollur og spenna í bland og hand-
ntið mun vera í ætt við söguna af
Óvættinum í Óperunni. Kvik-
myndin Blue Heat, sem er hefð-
bundin lögreglu-glæpamanna áta-
kamynd með gamla jaxlinum Brian
Dennehy í broddi fylkingar, kemst
inn á listann í 10. sætið. Annaö er
með kyrrum kjörum.
1 (1) Bird On a Wire
2 (6) Young Guns il
3 (-) Darkman
4 (2) Another 48 Hours
5 (4) Impulse
6(3) Wild at Heart
7 (5) Freshman
8 (-) Breaking In
9 (-) Heart Condition
10 (-) Blue Heat
★★ Vt
Seinheppinn lífvörður
THAT SUMMER OF WHITE ROSES
Úlgefandi: Háskólabíó.
Leikstjóri: Rajko Grlic.
Aðalhlutverk: Tom Contl, Susan George
og Rod Steiger.
Bresk/júgóslavnesk, 1990 - sýningartimi
99 mín.
Bönnuö börnum yngri en 12 ára.
Tom Conti leikur í Sumri hvítra
rósa (That Summer of White Roses)
júgóslavneskan lífvörð á baðströnd
sem þráir það heitast að bjarga
manni frá drukknun. Myndin ger-
ist í seinni heimsstyrjöldinni þegar
nasistar réðu yfir Júgóslavíu. Sögð
er á einkar nærfærinn hátt saga
um mannlegan kærleika, grimmd
TOM CONTI SUSAN GEORGE
og hvernig aðstæður geta breytt
lífi fólks.
Baðvörðurinn Andrija er
kannski ekki alveg eins skarpur og
meðbræður hans en hann vinnur
það upp með hlýju í garð samferða-
manna sinna og sú hlýja hefur gef-
ið af sér trygga vini sem styðja
hann í blíðu og stríðu.
Andrija hefur búið sér til háf einn
sem hann ætlar að nota til að
bjarga fyrsta manninum sem hann
sér að er að drukkna. Það er svo
kaldhæðni örlaganna að þegar
stóra stundin rennur loks upp er
það grimmur nasistaforingi sem
hann bjargar og það reynist Andrj-
ia erfitt að útskýra fyrir löndum
sínum að hann hafi alls ekki vitað
hver það var sem hann var að
bjarga.
Tom Conti fer snilldarlega með
hlutverk baðvarðarins. Hann nær
að sýna okkur á mjög sannfærandi
hátt mann sem er seinni aö hugsa
en aðrir en býr yfir lífsgleði sem
aðrir öfunda hann af. Verður
Andrjia mjög eftirminnilegur í
meðförum hans. Aðrir leikarar
sýna einnig ágætan leik, má þar
nefna Rod Steiger i hlutverki besta
vinar Andijia og Önu sem er á
flótta og Andrjia tekur undir sinn
verndarvæng.
Sumar hvítra rósa er fyrst og
fremst hugljúf kvikmynd um
manniegar tilfinningar sem skilur
eitthvað eftir þegar sýningu lýkur.
-HK
★y2

Afturgenginn morðingi
HOUSE III
Útgefandi: Kvikmynd.
Leikstjórn: Jim Isaac.
Handrlt: Leslle Bohem.
Aóalhlutverk: Lance Henrlksen, Brion
James, Rita Taggart og Deedee Pfeiffer.
Amerisk - 1989.
Sýningartimi - 90 minútur.
Bönnuð innan 16 ára.
Rannsóknir hafa sýnt að unglingar
á gelgjuskeiði hafa afar gaman af
hrollvekjum í kvikmyndaformi þar
sem blóðið flæðir og einhvers kon-
ar yfirnáttúruleg skrímsli leika
lausum hala. Um þessa aðdáun
hafa verið skrifaðar lærðar greinar

■ ■* SKAN'CUNMNíiUAM n *•«
HQUSE
; mJmImÍ
THE HORKOK SHOW
sem setja aödáunina í samband við
vaknandi kynhvöt og leitina að
kynhlutverki. Flestir vaxa upp úr
þessu en sumir staðna á þessu stigi
og heillast af hrollvekjum alla ævi.
Fyrir vikið er þarna traustur neyt-
endahópur sem endurnýjast reglu-
lega og kvikmyndaframleiðendur
svara þörfinni með endalausum
seríum um afturgengna fiölda-
morðingja og fleiri skrímsl sem rísa
aftur í hverri myndinni eftir aðra.
House III er ein slík og vafamál
hvort eyða á mörgum orðum á
hana. Sagan er fengin að láni úr
frekar fátæklegum alþjóðlegum
hugmyndabanka hrollvekjufram-
leiðenda. Dæmdur fiöldamorðingi
tvíeflist í rafmagnsstólnum og
gengur síðan aftur og ásækir lög-
reglumanninn sem handsamaöi
hann. Bæði lögreglumaðurinn og
fiölskylda hans eru því í talsverðri
hættu nema takist að stöðva fianda
þennan í tæka tíð.
Allt sýnist þetta frekar kunnug-
legt og af vanefnum og metnaðari
leysi gert. Ekki er að efa aö nægt
blóð er í kúnni til þess að gera
nokkrar myndir í viðbót um óféti
þetta við mikinn fógnuð þeirra sem
það kunna að meta. Hinir verða
bara að yppta öxlum og horfa á
eitthvað annað. -Pá
★★
Einstæð og einstök móðir
STELLA
Útgefandi: Kvikmynd
Leikstjórn: John Erman eftir handriti
Roberts Getchell
Aðalhlutverk: Bette Midler, John Good-
man, Trini Alvarado, Stephen Collins
og Marsha Mason
Amerisk - 1990
Sýningartími 104 mínútur
Leyfö öllum aldurshópum
Stella er kjaftfor, lífsglöð barstúlka
sem lætur karlmenn ekki vaða yfir
sig á skítugum skónum. Hún fellur
fyrir lækninum Stephen Dallas og
verður ófrísk eftir stutt ástarævin-
týri. Stéttaskipting og stolt koma í
veg fyrir að þau giftist syo Stella
elur dóttur þeirra upp ein. Þegar
sú stutta kemst til vits og ára verð-
ur móðurinni ljóst að faðir hennar
getur í krafti peninga og ættarveld-
is veitt henni mun betri tækifæri í
lífinu en hún sjálf mun nokkurn
Myndasöguhetja
THE FLASH
Útgefandl: Stelnar hf.
Lelkstjórl: Robert Iscove.
Aðalhlutverk: John Weslery Shipp og
Amanda Pays.
Bandarísk, 1990 - sýningartími 90 mín.
Bönnuð börnum innan 12 ára.
Það hefur verið vinsælt á undan-
förnum árum að gera kvikmyndir
eftir hetjum teiknimyndasagna.
Nærtæk dæmi eru Superman, Bat-
man, Dick Tracy og The Punisher.
Nýjasta persónan, sem fær slíka
yfirhalningu, er Flash sem mundi
likast til vera sá sami og við þekkj-
um undir nafninu Hvellur. Kvik-
myndin, sem ber einfaldlega nafnið
The Flash, er undanfari sjónvarps-
myndaflokks sem ég hef engar
fréttir af hvemig hefur gengið.
The Flash ber það með sér að
vera sjónvarpsmynd. Ekki er eins
mikið lagt í hana og fyrmefndar
myndir en hún sleppur samt fyrir
hom tæknilega séð og í heild er hér
um ágæta afþreyingu að ræða fyrir
unnendur slíkra mynda. Aðstand-
endur hafa gert rétt í að um leið
og sýndir eru yfirburðir hetjunnar
þá er gert góðlátlegt grín að henni.
Það sem Flash hefur sér til ágæt-
is er að þegar hann vill það við
hafa getur hann auðveldlega
sprengt hljóðmúrinn aðeins með
því að spretta úr spori. Þetta kemur
sér vel þegar hann þarf að hefna
dauða bróður síns. Vandamálið er
hins vegar að það fer svo mikil
orka í þetta að honum veitir ekki
af fimm 16 tommu pitsum til að
metta hungur sitt eftir hlaupin.
Það er óþekktur leikari, John
Wesley Shipp, sem leikur aðal-
hlutverkið og gerir það nokkuð
vel. Þá er Amanda Pays sama
augnayndið og hún var í þáttaröð-
inni um aðra súperhetju, Max He-
adroom.
-HK
tíma geta.
Þetta er margþvælt drama, end-
urunnið upp úr eldri kvikmyndum.
Sagan hefur verið kvikmynduð
tvisvar áöur, árin 1925 og 1937, en
þá þótti Barbara Stanwyck fara
sérlega vel með aðalhlutverkið.
Hér er söguþræðinum lítillega
hnikað til í takt við tíðarandann.
Bette Midler leikur titilhlutverkið
og tekst það á köflum býsna vel.
John Goodman er harla góður sem
vinur hennar sem er tilbúinn til
þess að giftast henm hvenær sem
er en hefur annars lag á að ryðjast
pöddufullur inn í líf hennar á
óþægilegum stundum.
Þrátt fyrir góðan vilja og ágætt
efni verður sagan yfirborðskennd
og væmin þegar síst Skyldi en þó
er myndin vel þess virði að horfa
á hana vegna góðrar frammistöðu
leikaranna og meinfyndins texta á
köflum. Stella er að upplagi góð en
sagan hefur ekki staðist tímans
tönnsemskyldi. -Pá
★ J/2
Hitabeltisglæpir
NjGHT OF THE CYCLONE
Útgefandl: Bergvík hf.
Leikstjóri: David Irving.
Aðalhlutverk: Kris Kristofferson, Jeff
Meek og Marisa Berenson.
Bandarísk, 1990-sýningartimi 94 mín.
Bönnuð börnum innan 16 ára.
Kris Kristofferson leikur í Night
of the Cyclone lögreglumanninn
Stan Wozniak sem hefur helgað sig
starfinu. Dag einn lendir hann í
aðstöðu sem hann hefur aöeins
þurft að horfa upp á með augum
lögreglumannsins, eiginkona hans
fremur sjálfsmorð. Þessi atburður
verður til þess að einkadóttir hans,
sem er sýningardama, lætur sig
hverfa á sýningarferð um Kyrra-
hafseyjarnar.
Átburðir þessir verða til þess að
Wozniak lítur í eigin barm og sér
að hann hefur hvorki verið góður
eiginmaður né góður faðir. Hann
fer því að leita að dóttur sinni sem
hann finnur fljótt en í vafasömum
félagsskap.
Night of the Cyclone byrjar ágæt-
lega og heldur dampi fram yfir
miðja mynd en heldur slakur leik-
stjóri missir tökin í löngum loka-
kafla sem gerist í fellibyl miklum.
Kris Kristofferson hefur ávallt
talað frekar hægt en þegar hann
einnig hægir á hreyfingum eins og
hér þá er ekki við góðu að búast.
Myndin er aftur á móti tekin á fall-
egum stað og sumar tökur gleðja
augað. -HK
★ !/2
Morðóðir unglingar
YOUNG GUNS II
Lelkstjórn: Geoff Murphy.
Handrit: John Fusco.
Aðalhlutverk: Emilio Estevez, Kiefer
Sutherland, Lou Diamond Phillips,
Christian Slater og William Petersen.
Amerisk - 1990.
Sýningartími - 99 minútur.
Bönnuö innan 16 ára.
Sagan gerist í Nýju-Mexíkó árið
1878. Morðóðir unglingar með
skammbyssur að vopni sem síðar
voru hafnir upp til skýjanna sem
hetjur villta vestursins leika laus-
um hala en eiga undir högg að
sækja vegna vaxandi tilrauna yfir-
valda til þess að koma einhverjum
skikk á lög og reglu.
Þessir kappar ríöa um héruð og
særa menn til fylgis við sig og fella
menn þegar þeir liggja vel við höggi
að hætti Þorgeirs Hávarssonar.
Hér er ekkert til sparað en myndin
tilraun til þess að fylgja eftir fyrri
myndinni sem malaði gull og gerði
flesta ríka og fræga sem þar komu
við sögu.
Myndin er svo sem hvorki fugl
né fiskur. Ungar karlhetjur í aðal-
hlutverkum reyna eftir megni að
lifa sig inn í hlutverkin en tími
kúrekamynda af þessu tagi er því
miður liðinn. Áferðarfallegt iðnað-
arhandbragö á kvikmyndatöku og
ýmsum glæfraatriðum dugar þar
sorglega skammt. Esteves er einna
skástur í hlutverki Billy The Kid
og Kiefer Sutherland líkist föður
sínum meira og meira og verður
trúlega á endanum nothæfur leik-
ari.
Hér er ekkert nýtt á ferð en hafi
menn gaman af kúrekamyndum
með tilheyrandi linnulítilli skot-
hríð í 99 mínútur þá geta þeir hér
fengið talsvert fyrir sinr. snúð og
óhætt aö óska þeim góðrar
skemmtunar. .pá