Dagblaðið Vísir - DV - 19.11.1991, Qupperneq 5

ÞRIÐJUDAGUR 19. NÓVEMBER 1991.
5
Fréttir
Frestun álvers kom verktakafyrirtækjum í opna skjöldu, segir Pálmi Kristinsson:
Töluverðar uppsagnir hjá
verktökum fyrirsjáanlegar
„Við töldum okkur hafa vissu fyrir
þvi að framkvæmdir vegna nýs ál-
vers mundu hefjast næsta vor. Við
höfum verið að funda um þær síð-
ustu vikur. Frestun framkvæmda
kom okkur því alveg í opna skjöldu.
Verktakafyrirtæki höfðu fulla
ástæðu til að ætla að framkvæmdir
færu af stað fljótlega eftir áramót.
Þar sem ekkert verður úr þeim um
sinn blasir ekkert nema umtalsverð-
ar uppsagnir við,“ sagði Pálmi Krist-
insson, framkvæmdastjóri Verk-
takasambands íslands, í samtali við
DV.
Fjöldi verktakafyrirtækja hafði
gert ráð fyrir framkvæmdum vegna
álvers í áætlunum sínum fyrir næstu
ár. Hefðu álversframkyæmdir farið
af stað eins og til stóð hefðu um 400
ársstörf orðið til við virkjanafram-
kvæmdir á næsta ári. Jarðvegsvinna
og hafnargerð hefði þá einnig hafist
en bygging sjálfs álversins 1993.
Áætlað var að hún tæki tvö ár.
„Það eru hin afleitu áhrif sem
menn eru að horfast í augu við. Ég
tel fullvíst að mörg verktafyrirtæki
hafi haldið að sér höndum í uppsögn-
um vegna fyrirsjáanlegra álvers-
framkvæmda. í ljósi núverandi stöðu
neyðast menn hins vegar til að end-
urskoða þá afstöðu sína.“
Pálmi sagði að erfitt væri fá tölu-
lega niðurstöðu vegna frestunar ál-
versframkvæmda. Hins vegar hefðu
verktakafyrirtæki unnið töluvert að
eigin verkefnum, byggingafram-
kvæmdum, um hríð í þeirri góðu trú
að eftirspum mundi vaxa. Hann
sagði að með tilliti til markaðarins í
dag mætti segja að um dulbúið at-
vinnuleysi hefði veriö að ræða.
Pálmi sagði vonlaust að meta hve
margir verktakar kæmu við sögu við
byggingu álvers þar sem enginn vissi
hvernig tilhögun framkvæmda yrði
háttað. Hefði verið búist við að einn
erlendur verktaki fengi allt verkið.
Til viðmiðunar nefndi hann álver
sem Alumax er að láta reisa í Kanada
og er hhðsætt fyrirhuguðu álveri á
Keilisnesi. Þar heföu verið 200 verk-
samningar í gangi fyrir utan virkj-
anaframkvæmdir.
Traust fyrirtæki fjárfesti nú
„Við vitum fjölda ársstarfa og fyr-
irtækin höfðu svigrúm til að bæta
þeim á sig. Nú verður þetta svigrúm
óútfyllt, auk þess sem samdráttur er
merkjanlegur annars staðar í þjóðfé-
laginu. Við höfum hvatt til erlendar-
ar lántöku til að auka opinherar
framkvæmdir á'næsta ári en forsæt-
isráðherra hefur ekki tekið vel í þær
hugmyndir. Það verður eitthvað
meira en lítið að koma til annars
staðar frá. Mörg traust fyrirtæki eru
með fjárfestingaráform á prjónunum
en hafa haldið að sér höndum. Þau
ættu að láta til skarar skríða í lægð-
inni sem nú er.“
-hlh
DAIHATSU APPLAUSE
Daihatsu Applause fæst bæði með fjórhjóladrifi og framhjóladrifi. Með framhjóladrifi kostar hann frá 979.000 kr. stgr. á götuna. Með fjórhjóladrifi og
Qviðjafnanlegum aksturseiginl.eikum kpstar.hanr) frá 1.098.000, Jcr. stgr. á götunq., SöJuaðili Daihgtsu á íslandt er, Prjmbpi'g hf. Faxafeni 8,, sími,91 - 685870.