Alþýðublaðið - 09.06.1967, Blaðsíða 5

Vinstri jafnaðarmaður skrifar:
Við höfum reynt þig, Hannibal
í SÍÐASTA tölublaði blaðs þíns hvetur þú vinstri
Alþýðuflokksmenn til þess að ljá þér fylgi í kom-
andi kosningum og reyna hvaða áhrif það hafi.
★ VIÐ hrifumst snemma af þér sem ungum manni.
Virtum dugnað þinn, málsnilld og sköruleika.
Við kusum því að' efla þigr til áhrifa innan
Alþýðuflokksins.
★ OKKUR fannst, sem þú værir ákjósanlegur leið-
togi þeirrar baráttu okkar — að sameina alla
lýðræðissinnaða vinstri menn í einum og sama
flokki, Alþýðuflokknum.
Við börðumst því af öllum mætti fyrir fram-
gangi þínum innan Alþýðuflokksins og utan.
★ SÚ barátta var oft hörð, því margir flokks-
bræðiir okkar treystu þér ekki enda þótt þeir
mætu þig á marga lund,
en við trúðum þér, Hannibal og treystum.
★ BARÁTTA okkar bar þann árangur, að við feng
um þig kjörinn formann Alþýðuflokksins árið
1952 og neyttum afls atkvæða okkar til þess að
berja niður alla andstöðu gegn þér á flokks-
þinginu.
Þá færðum við þér hið langþráða vald, Hanni
bal.
★ BARÁTTA okkar bar þann árangur, að mið-
stjórn Alþýðuflokksins var skipuð traustum stuðn
ingsmönnum þínum, eingöngu.
Þá færðum við þér hina langþráðu aðstöðu,
Hannibal.
★ BARÁTTA okkar bar þann árangur, að tþér var
jafnframt fengín í hendur ritstjórn Alþýðublaðs-
ins, stærsta málgagns flokks okkar.
Þá tryggðum við þér hin langþráðu áhrif.
Hannibal.
★ BARÁTTA okkar bar einnig þann árangur, að
þú varst kjörinn forseti A.S.Í. árið 1954.
Þá fengum við þér í hendur fjöregg íslenzkr-
ar verkalýðshreyfingar, sem við höfðum náð
úr greipum kommúnista.
★ TIL þess að tryggja samstöðu stuðningsmanna
þinna, stofnsettum við félag, er við nefndum
Málfundafélag jafnaðarmanna. Það félag átti
að sjá um framkvæmd skoðana okkar og hug-
sjóna innan Alþýðuflokksins.
Það félag fengum við þér í hendur, Ilanni-
balt
★ MEÐAL þinna fyrstu verka sem formaður Al-
þýðuflokksins var, að þú lézt birta áskorun frá
þér til Alþýðuflokksmanna í Kópavogi þess efn-
is, að þeir greiddu framboðslista kommúnista
atkvæði.
Þá reyndum við hvernig þú beittir valdi þínu,
Hannibal.
★ MIÐSTJÓRN Alþýðuflokksins, sem eingöngu var
skipuð stuðningsmönnum þínum frá fornu fari,
mótmælti þessari áskorun þinni. Þau mótmæli
neitaðir þú að birta í Alþýðublaðinu, sem rit-
stjóri blaðsins.
Þá reyndum við hvernig þú beittir áhrifum
þínum, Hannibal!
★ STUÐNINGSMENN þínir, bæði innan miðstjórn-
ar og utan, hvöttu þig sem formann Alþýðu-
flokksins til þess að lýsa yfir þeim sjálfsagða
hlut, að Alþýðuflokkurinn stæði að baki löglega
samþykktum framboðum Alþýðuflokksmanna um
allt land. Því neitaðir þú eindregið.
Þá reyndum við hvernig þú framfylgir lýð-
ræðinu, Hannibal!
■k ÞEGAR þú glataðir trausti margra einlægustu
stuðningsmanna þinna með þessum vinnubrögð-
um og þér fannst vera farið að halla undan
fæti fyrir þér í Alþýðuflokknum þá leiðtaðir þú
samstarfs við kommúnista til þess að geta enn um
sinn haldið einhverjum völdum einhvers staðar.
Til þessara verka notaðir þú félagsskap þann.
sem við höfðum fengið þér í hendur. Málfunda-
félag jafnaðarmanna.
Þá reyndum við drengskap þinn í verki,
Hannibal!
★ ÞÚ neitaðir fram á síðustu stundu í ítrekuðum
viðræðum við dyggustu stuðningsmenn þína úti
á landsbyggðinni, að til stæði samstarf eða sam-
vinna við kommúnista af þinni hálfu. Á sama
tíma fullyrtir þú við viðsemjendur þína að stuðn
ingsmenn þínir úti um land fylgdu þér að mál-
um og myndu flestir þeir forystumenn Alþýðu-
flokksins þar, sem þig höfðu stutt, fúslega taka
sæti á framboðslistum kommúnista.
Þá reyndum við hreinlyndi þitt, Hannibal!
★ ÞÚ gekkst til samvinnu við kommúnista og stofn
aðir ásamt þeim stjórnmálaflokk, sem stefnt
skyldi gegn okkur, gegn Alþýðuflokknum. Þú
hefur sjálfur nú undanfarið lýst réttilega, bæði
í ræðu og riti, samstarfsmönnum þínum í þeim
flokki og í ljós hefur komið, hver áhrif lýðræð-
issinnaðra vinstri manna í þeim samtökum eru,
þegar til kastanna kemur. Þetta vissir þú allt
saman fyrir, þegar þú lagðir hagsmuni lýðræðis-
sinnaðra vinstri manna í sölurnar í samstarfi við
kommúnista.
Þá reyndum við hve hugsjónir okkar og skoð-
anir stóðu föstum fótum hjá þér, Hannibal!
★ AÐ lokinni stofnun Alþýðubandalagsins færðir
þú kommúnistum sem morgungjöf heildarsamtök
verkalýðshreyfingarinnar í landinu. Það kom
skýrt í ljós á síðasta þingi A. S. í. hverjir þar
ráða. Þú barst fram tillögu um stjórn samtak-
anna á breiðum grundvelli. Sú tillaga þín naut
fylgis okkar Alþýðuflokksmanna, en var felld
af þínum eigin mönnum, kommúnistum.
Þá reyndum við hvað orðið hefur af sam-
tökum launastéttanna í þínum höndum, Hanni
bal!
★ ÞÚ lýsir því jafnframt yfir, að takmark þitt sé
að sameina alla lýðræðissinnaða vinstri menn
undir eitt merki. Alþýðuflokkurinn hefur gert
ítrekaðar tilraunir til samkomulags við fylgis-
menn þína í Alþýðubandalaginu. Alþýðuflokks-
félagið sendi m. a. nú í vor Málfundafélagi jafn-
aðarmanna bréf, þar sem hvatt var til sam-
starfs. En þú kýst heldur að berjast fyrir því
að kommúnistar hljóti uppbótarsæti á Alþingi
fyrir þinn atbeina.
Þá reyndum við hver hugur fylgir máli hjá
þér, Hannibal!
★ ÞAÐ er rétt, sem þú segir í blaði þínu, að það
sé draumur okkar Alþýðuflokksmanna að lýð-
ræðissinnuð vinstri öfl sameinist í einum flokki,
Alþýðuflokknum. Við teljum að leiðin til þess að
svo megi verða sé ekki sú að fylgja þér.
Við höfum reynt ÞIG, Hannibal!
Stúdentsefni i Reykjavík mótmæla
EINS og kunnugt er, hefur þjóð-
hátíðarnefnd ákveðið að leggja
niður hátíða'höld og dans á göt-
um höfuðborgarinnar á þjóðhá-
tíðardaginn, 17. júní. Þess í stað
ákvað nefndin, að haldin skyldi
samkoma í Laugardal um dag-
inn, en að kvöldi þjóðhátíðar-
dagsins yrði hver að sjá um sig
sjálfur.
Nú hafa öll stúdentsefni í R-
vík, um þrjú hundruð ungmenni,
scnt borgarstjóra bréf, þar sem
þau mótmæla eindregið ákvörð-
un mefndarinnar og skora jafn-
framt lá 'hann að beita áhrifum
sínum til þess, að ákvörðun þjóð
hátíðarnefndar verði breytt í
fyrra horf, enda telji þeir helgi
dagsins glataða, ef farið verði
að tillögum nefndarinnar.
Hér fer á eftir bréf stúdents-
efnanna:
Hr. borgarstjóri, Geir Hallgríms-
son.
Við undirrituð stúdentsefni
Menntaskólans í Reykjavík, vor-
ið 1967 og stúdentsefni Verzlun-
arskóla íslands, vorið 1967, mót-
mælum hér með eindregið þeirri
ákvörðun þjóðhátíðarnefndar að
ieggja niður hátíðahöld og dans
á götum miðborgarinnar að
kvöldi þjóðhátíðardagsins, 17.
júní. Jafnframt viljum við mót-
mæla flutningi hátíðahalda dags
ins úr hjarta borgarinnar.
S. 1. laugardag birti eitt dag-
blaðanna hér í borg frétt um
breytingu á tilhögun hátíðahalda.
í Reykjavík á þjóðhátíðardag-
inn, 17. júní. Formaður þjóðhá-
tíðarnefndar, Valgarð Briem,
gat þess í viðtali við blaðið, að
ákveðið væri að leggja niður all
ar útiskemmtanir að kvöldi dags
ins, auk þess sem önnur hátíða-
höld yrðu flutt brott úr mið-
bænum. Enginn rökstuðningur
gaf til kynna réttmæti þessarar
ákvörðunar, sem vekur almenna
undrun og reiði borgarbúa. Jafn
framt segir, að til þess sé ætlazt,
að hver og einn skemmti sér eft-
ir beztu getu um kvöldið í heima
húsum eða á skemmtistöðum.
Sízt skulu 'hér vanmetin ágæt
störf þjóðhátíðarnefndar, sem
m. a. mun beita sér fyrir hús-
dýrasýningu og þjóðfatasýningu
á bökkum sundlaugarinnar nýju
í Laugardal. Okkur býður þó
í grun, að allur annar blær verði
yfir þessum hátí^ahöldum en
verið hefur á undanförnum ár-
um, auk þess sem ýmsir þeir,
sem til þessa hafa tekið þitt í
gleði dagsins, muni nú heima
sitja. Liggja til þess gildar á-
stæður.
Framhald á 15. síðu.
9. júní 1967 - ALÞÝÐUBLAÐIÐ 5