Alþýðublaðið - 10.06.1967, Blaðsíða 14

Ávarp til
stubningsmanna
A-listans
Á rúmlega 50 ára starfsferli hefur Alþýðuflokkurinn
ávallt átt í fjárhagserfiðleikum vegna nauðsynlegrar starfs-
semi sinnar. — Flokkurinn hcfur stuðzt við fylgi fólks, sem
lítið hefur verið aflögufært um fjármuni. — Þetta hefur þó
bjargazt með almennri þátttöku stuðningsmanna hans þótt
hver hafi þar ekki Iátið stóra skammta.
Nauðsynlegur kosningaundirbúningur hefur á síðari ára-
tugum vaxið mjög og krafizt síaukins fjármagns. — Það er
á þessu undirbúningsstarfi, sem Úrslit kosninganna geta oltið.
Þetta gera fjársterkari flokkarnir sér ljóst og spara þess
vegna í engu allan tilkostnað. Þessum þætti kosningabarátt-
unnar verður ekki mætt á annan veg. en með almennri fjár-
söfnun.
Alþýðuflokkurinn fcr þess vegna enn einu sinni bónarveg
til allra stuðningsmanna sinna og velunnara og biður þá,
hvern eftir sinni getu, að láta af liendi fó í kosniugasjóð
flokksins.
Fyrir hönd fjáröflunarnefndar munu eftirtaldir aðilar veita
fé móttöku: Emilía Samúelsdóttir, sími 13989 og Skrifstofa
Alþýðuflokksins í Rcykjavík, símar 15030 og 13374.
Fjáröflunardeild Alþýðuflokksins í Reykjavík:
Emilía Samúclsdóttir
Gylfi Þ. Gíslason
Eggert G. Þorsteinsson.
Nasser
Frh. af 2. síðu.
herskóla. Tveim árum síðar út-
skrifaðist hann þaðan sem liðs-
foringi og var sendur til Súdan.
Nasser varð fyrst frægur árið
1952, þegar liann var þátttak-
andi í herforingjaklíkunni, sem
hrifsaði til sín völdin í Egypta-
landi eftir að Moliammed Naguib
herforingi hafði komið Farúk
konungi frá völdum. Þótt Naguib
væri þjóðarleiðtogi í orði kveðnu,
varð það lýðum æ Ijósara, að
Nasser var hinn sterki maður
lierforingjastjórnarinnar, og ár-
ið 1954 var Naguib steypt úr for-
setastóli. Tveim árum síðar lagði
Nasser fram nýja stjórnarskrá,
þar sem forsetanum var fengið
meira vald í hendur. Þessi nýja
stjórnarskrá var samþykkt með
þjóðaratkvæði og á sama hátt var
Nasser valinn í forsetaembætti.
Á fyrsta ári sló hann eign sinni
á Súezskurðinn, sem Bretar og
Frakkar töldu sig ráða yfir, —
Bretar og Frakkar gripu til vopna
gegn Egyptum, en lutu í lægra
haldi. Nasser treystist í sessi,
og hann kom því einnig í kring,
að Sovétmenn lánuðu Egyptum
mikið fé til byggingar Aswan-
stíflunnar.
Nasser var árið 1955 á' fundi
æðstu manna Afríku og Asíu-
ríkja og lét mikið að sér kveða.
Eftir því sem tímar hafa liðið,
hefur hann stefnt að því að verða
leiðtogi sameinaðra Arabaríkja.
— En um leið og hann reyndi að
treysta bræðrabönd Arabaríkj-
anna, — sem vildu reyndar alltaf
slitna, varð hann æ fjandsam-
legri í garð ísrael. Árið 1956 kom
hann á sameiginlegri herstjórn
Egyptalands, Sýrlands og Jórd-
aníu, — og árið 1958 gengu
Egyptaland og Sýrland í Sam-
einaða Arabalýðveldið. — Þetta
bandalag slitnaði að vísu 1961,
— en árið 1963 var tilkynnt, að
Égyptaland, Sýrland og írak ætl-
uðu að mynda með sér bandalag,
en af því varð þó ekki, en á und-
anförnum árum hefur mikil ó-
eining ríkt meðal Arabaþjóðanna,
en loks urðu þær allar á'sáttar,
þegar til styrjaldar kom við ísrael.
Nasser sagði í ræðu sinni, að
það hefði liryggt sig ósegjanlega
að vita ísraelskar hersveitir her-
taka Jerúsalem og buga jórdanska
herinn, sem þó hefði barizt hetju
iega. Nasser þakkaði öllum þeim,
sem iögðu honum lið í styrjöld-
inni, en um Vesturveldin sagði
hann. ,,HcimsvaIdasinnar telja
Garnal Abdel Nasser óvin sinn.
Ég vil gera öllum það ljóst, að
Það er ekki bara Gamal Abdel
Nasser, sem er óvinur þeirra, __
heldur allur hinn arabiski heim-
ur“.
Strax eftir að Nasser lauk máli
sínu ætlaði þulurinn að tala en
gat það ekki fyrir gráti. Grátur
margra karla og kvenna heyrðist
á meðan þjóðsöngurinn var leik-
inn.
Á götum Kaíró safnaðist fólk
saman óg hrópaði: Við viljum
Nasser. Við slyðjum Nasser. Múg-
ur manns hólt til heimilis hans,
— fjöldi til þingsins, — en lög-
reglan reyndi að halda fólkinu í
skefjum.
VIÐBRÖGÐ HEIMSINS
Washington, Moskva, London,
Tel Aviv.
Það kom öllum á óvart, að
Nasser skyldi segja af sér og
sums staðar varð það mönnum
mikið áfall. Opinberir aðilar í
Wasliington sögðu, að fregnin
kæmi á' óvart og þó væri hún
ekkj nema eðlileg afleiðing hrak-
fara Egypta á vígvellinum. Opin-
berir aðilar í Moskvu létu ekk-
ert hafa eftir sér um þetta mál
í kvold, — en talið er, að fréttin
hafi komið yfirvöldum þar óþægi
lega á óvart og að valdaafsal
Nassers muni t'ákna minnkandi á-
hrif Sovétmanna á gang mála í
Austurlöndum nær.
Utanríkisráðherra Breta Ge-
orge Brown kallaði nánustu sam-
starfsmenn sína til fundar þeg-
ar í stað þegar þessi fregn
barst. Almennt mun þessi fregn
gleðja Breta, því að þeir kenna
Nasser um obbann af þeim erf-
iðleikum, sm þeir hafa átt í á
þessum slóðum, — ekki hvað
sízt í Aden og Suður Arabíu. —
í Tel Avív voru menn mjög glað-
ir yfir þessari frétt og innanrík-
isráðherrann, Galili sagði, að fall
Nassers veitti egypzku þjóðinni
tækifæri t'il að semja frið við
ísrael og láta af heimsveldis-
stefnu sinni.
ÖRYGGISRÁÐIÐ
Sýrland og ísrael samþykktu
í kvöld að fallast á nýjar kröfur
Öryggisráðsins um vopnahlé, —
en herir landanna hafa staðið í
bardögum í dag, og kenna hvor
öðrum um.
Arthur Goldberg, sendiherra
Bandaríkjanna í ráðinu, hafði áð-
ur lagt fram tillögu þess efnis,
að ráðið skyldi gera nauðsynleg-
ar ráðstafanir til þess að herir
ísraels, Jórdanfu, Sýrlands og
Egyptalands legðu niður vopn
þegar í stað og samkvæmt' tillög-
unni átti forseti ráðsins, Daninn
Hans Tabor og aðalritari Samein
uðu þjóðanna, U. Thant að gera
strax ráðstafanir til þess að
tryggja, að vopnahléið væri virt.
Nýjustu fréttir
Framliald af bls. 2.
og krafðizt þess, að Nasser væri
kyrr.
Öryggisráðið.
Egyptalandsstj. krafðist þess í
kvöld, að Öryggisráðið kæmi sam
an til skyndifundar vegna þess,
að ísraelsmenn hefðu gert loftár
ásir á Kairó í kvöld. Meðlimir
ráðsins sneru strax aftur til fund
arsalarins, þaðan sem þeir voru
nýfarnir, eftir að gengið hafði
verið frá vopnahléssamþykktinni.
Fréttastofum ber ekki saman um,
hvort loftárásirnar á Kairó í
kvöld hafi verið af ísraelskum rót
um runnar eða gerðar af Egypt-
um sjálfum til þess að spilla fyr-
ir ísrael.
Síðustu fregnir herma, að þjóð
þingið í Egyptalandi hafi ein-
dregið mótmælt því, að Nasser
segði af sér. „Þú ert okkar leið-
togi og forseti og það skaltu verða
svo lengi, sem við lifum,“ sagði
í tilkynningu frá þjóðþinginu.
Hreinn
Frh. af bls. 7.
hvort stærstir flokka, eða meðal
þeirra stærstu. Á alþjóðavett-
vangi er oft bent á Norður-
lönd sem fyrirmynd annarra ríkja
um félagslegan þroska, samvinnu
og einarða framkomu á alþjóða-
þingum. Er þetta m.a, afleiðing
félagshyggju jafnaðarstefnunnar?
— Alþýðuflokkurinn hefur,
þrátt • fyrir grundvallarskoðanir
sínar, aldrei steinrunnið, heldur
jafnan aðlagað stefnu sína að
breyttum tímum. Því hlýtur það
að vera kappsmál þeirra, sem
stuðla að víðsýni, ábyrgð og ár-
angri, að gera hlut Alþýðuflokks-
ins mestan í þessum kosningum
og ætíð annars.
Þess vegna kýs ég Alþýðuflokk-
inn.
Viimar
Frh. af. 7. síðu.
Að lokum skora ég á alla lýð-
ræðissinnaffa vinstri menn, að
þeir leggi frarn á morgun sinn
skerf til sameiningar íslenzkrar
alþýðu undir einu merki, merki
Alþýðuflokksins.
Tók bremsuljós
fyrir stefnuijós
Drengurinn, sem lézt í bifreiða
slysinu í Ártúnshverfi í fyrra-
kvöld var Guðjón Kjartansson,
15 ára, til heimilis að Barðavogi
44.
Gerðist atburðurinn með þeim
hætti, að Scania Vabis, vöruflutn
ingabifreið, var á leið vestur
Rofabæ. 3 piltar á vélhjólum voru
á sömu leið. Er bifreiðin kom að
gatnamótum Rofabæjar og Fagra
bæjar, sér sá sem var næstur fyr
ir aftan Guðjón, hvar rautt ljós
blikkar hægra megin á bílnum og
telur það vera stefnuljós. Allt í
einu beygir bifreiðin til vinstri
en þá er Guðjón alveg komin
fast að henni. Lendir hann á gang
bretti bílsins, kastast þaðan fram
fyrir bifreiðin. Félagi hans snögg
beygir til vinstri til að forðast
árekstur, en sér í þann mund,
hvar bifreiðin hefur stanzað og er
vinstra framhjól hennar ofan á
Guðjóni. Einnig segist pilturinn
hafa um leið séð, að vörubifreið-
in var búin að gefa stefnumerki
til vinstri.
Ökumaður bifreiðarinnar seg-
ist alls ckki hafa gefið stefnu-
merki til hægri, en hann hafi
hins vegar stigið á bremsurnar
til að minnka hraðann og því
kann bremsuljósið að hafa virkað
sem stefnuljós. Ökumaður vöru-
bílsins sagðist ennfremur hafa
hemlað snögglega, er hann varð
drengsins var. Fór hann þá út og
sá, að vinstra framhjólið var of-
an á Guðjóni. Hljóp hann þá aft
ur í bílinn og ók ofan af honum.
Hafði hjólið einnig farið yfir cndi
langt vélhjól Guðjóns.
Gamla konan, sem meiddist
hættulega í bifreiðarslysi á Reyja
ncsbrautinni sl. þriðjudag, lézt á
Landakoti í fyrrakvöld. Hafði kon
an verið fyrst flutt á slysavarð
stofuna og síðan á Landakot.
Knattspyrnumót
drengja í Reykja-
nesumdæmi í dag
í DAG heldur keppni í 3.
flokki drengja í knattspyrnumóti
Reykjanesumdæmis áfram. Kl.
4,15 leika Breiðablik og UMFK
í Kópavogi. Hinn leikurinn í
Kópavogi verður milli KFK og
Stjörnunnar í Garðahreppi. í
Hafnarfirði leika FH og Haukar
kl. 4.15.
Á sunnudagsmorgun leika Hauk
ar og FH til úrslita í 5. flokki í
Hafnarfirði og hefst leikurinn kl.
10,30.
Banaslys á
dráttarvél
ÞAÐ slys varð í gærdag að
Holtakotum í Biskupstungum, að
10 ára gamall drengur varð und-
ir dráttarvél og beið bana.
Ók drengurinn dráttarvélinni
og var að draga yfir túnið, er
hann lenti í ójöfnu, missti vald
á dráttarvélinni, og kastaðist úr
henni. Varð hann undir öðru hjól
inu og mun hafa látizt samstund-
is. Dr'áttarvélin hélt áfram og end
aði för sína á girðingu. Var hún
enn í gangi, þegar komið var að
henni og búinn að spóla töluvert
í jarðveginn.

Maðurinn minn og faðir okkar
GUÐNI PÁLSSON, skipsstjóri,
andaðist að Hrafnistu 9. ,þ. m.
Þórunn Magnúsdóttir og börn.
14 10. júní 1967 - ALÞÝÐUBLAÐIÐ