Alþýðublaðið - 06.06.1968, Page 2
mmm
Ritstjórar: Kristján Bersi Ólafsson (áb.) og BenediKt Gröndal. Símar: 14900 —
14903. — Auglýsingasími: 14906. — Aðsetur: Alþýöuhúsiö við Hverfisgötu,
Reykjavík. — Prentsmiðja Alþýðublaðsins. Sími 14905. — Askriftargjald kr.
120,00. — f lausasölu kr. 7,00 eintakið. — Útgefandi: Nýja útgáfufélagið hf.
Ódæði í Los Angeles
Enn eimu sinni hefur það
gérzt í Bandaríkjunum að gripið
hefur verið til byssunnar til að
þagga niður í pólitískum and-
stæðingi. Fjórum og hálfu ári
eftir að hinn ástsæli forseti John
F. Kennedy féll fyrir kúlu laun-
morðingja hefur bróður hans,
Hóbert F. Kennedy öldunga-
deildarþingmanni verið sýnt
banatilræði, og liggur hann nú
milli heims og helju á sjúkra^-
h.úsi.
Róbert F. Kennedy hefur
undanfarin ár haldið uppi merki
bróður síns. Á hann hefur verið
litið sem fulltrúa frjálslyndis og
jafnréttis; þótt hann sé af yfir-
stéttarfólki kominn og með
auðugustu mönnum, hefur lítil-
magninn í hinu bandaríska þjóð-
félagi skoðað hann sem sérstak-
an fulltrúa sinn. Auðvitað hefur
hann verið mjög umdeildur, og
hann hefur eignazt andstæðinga,
<
ekki síður en samherja, og því
er ekki að leyna að mörgum, sem
þó í sjálfu sér hafa samúð með
þeim málstað, sem Kennedy hef-
ur barizt fyrir, hefur þótt hann
sækjast eftir útnefningu til fram-
boðs við væntanlegt forsetakjör
með fullmikilli hörku og tillits-
leysi.
En hvernig stendur á því að
atburðir eins og þessir gerast í
einu helzta lýðræðisríki heims?
Hvers vegna eru pólitísk ofbeld-
isiverk tíðari í Bandaríkjunum en
annars staðar í hinum vestræna
heimi? Þessar spurniingar hljóta
að kvikna, nú þegar Róbert
Kennedy hefur verið sýnt bana-
tilræði, aðeins rúmum fjórum
árum eftir að Kennedy forseti
var myrtur og aðeins’ örfáum
mánuðum eftir að blökkumanna-
leiðtoginn Martin Luther King
hlaut sömu örlög.
Hér verður ekki gerð tilraun
til að svara þessu, en að ein-
hverju leyti! kann ástæðan að
liggja í vissum sérkennum
bandaríska þjóðfélagsins, og þá
einkum þeirri staðreynd að þar
umgangast menn skotvopn með
öðru hugarfari en við eigum að
venjast; mörgum þykir allt að
því sjálfsagt að mál séu gerð
upp með skotum, en ekki leyst
með friðsamlegum hætti. Þetta
kann að einhverju leyti að vera
arfur frá frumbýlingsárum og
landnámstímum fyrri aldar, þeg-
ar hnefarétturinn einn gat oft
og tíðum ráðið úrsliltum um líf
og dauða. En þetta viðhorf er að
sjálfsögðlu óþolandi í nútíma
þjóðfélagi.
Fréttirnar um ofbeldisverkið í
Los Angeles hafa slegið menn í
öllum löndum heims óhug og
harmi, ekki síður hér á íslandi
en annars staðar. Við Íslending-
ar eigum erfitt með að trúa því,
að til skuli vera menn sem halda
að nakið ofbeldi sé vænlegasta
leiðin til að skera úr um mál.
Slíkt hugarfar er okkur sem bet-
ur fer svo fjarlægt, að fyrstu við-
brögð margrá við slíku eru
furða og undrun yfir því, að
slíkt skuli geta átt sér stað. Þetta
viðhorf íslendinga á vonandi
aldrei eftir að breytast.
Stuðningsmenn Gunnars Thoroddsens efna fil almennra funda, sem hér segir:
/ Vestmannaeyjum kl- 21:00 í kvöld, fimmtudag, í Samkomuhúsinu. A Akureyri mánudaginn 10. júní kl. 20:30 í Sjálfstæðishúsinu.
Á Patreksfirði föstudaginn 7. júní kl. 20:30 í Skjaldborg. Á Egilsstöðum þriðjudaginn 11- júní kl. 20:30 í Valaskjálf.
Á Blönduósi laugardaginn 8. júní kl. 14:00 í Félagsheimilinu. Á Höfn i Hornafirði miðvikudaginn 12, júní kl. 20:30 í Sindrabæ.
Á Siglufirði sunnudaginn 9. júní kl. 16:00 í Hótel Höfn. Á Akranesi fimmtudaginn 13- júní kl. 20:30 (fupdarstaður auglýstur síðar).
Á Húsavík sunnudaginn 9- júní kl. 21:00 í Félagsheimilinu.
Gunnar Thoroddsen og kona hans mæta á þessum fundum. Fundir verða ennfremur haldnir á Sauðárkróki, á ísafirði, á Selfossi, í Hafnarfirði og Kópavogi auk Reykjavíkur. Fundar- tími verður síðar ákveðinn. Verði breytingar á framangreindri áætl un, munu þær tilkynntar sérstaklega.
g eéjuní 1968 -
Brefa—
KASSINN
BAKKARNIR
VIÐ SUNDIN
f
ÞEGAR loksins kemur vor á
íslandi, þ.e. vorveður sem því
nafni er hægt að nefna, vilja
íslendingar vera úti, og ég hefi
tekið eftir Því, að ein ökuleið
er sérstaklega vinsæl hjá
mönnum sem langar til að fara
á bíl sínum um bæinn á fögru
kvöld, og einu sinni enn gat
höfnin og svo með sjó fram
allan Grandann þar sem ösku
haugarnir voru fyrrum alla
leið vestur á Nes.
Ég fór þessa leið í bíl me<5
vini mínum á hvítasunnudags-
kvöld, og einu sinni enn gat
ég ekki látið vera að dásama
bæði hátt og í hljóði fegurð-
ina þegar litið er til hægri:
Sundin, Flóann og fjöllin.
En þegar litið er til vinstri
eða upp til borgarinnar verð-
ur jafnvel hinum kyrrlátasta
manni gramt í geði.
Ég ætla ekki að tala um rusl
í þetta sinn. Á undanförnum
blaðamennsku árum mínum
hef ég gert það svo oft að ég
er orðinn hundleiður á þvl
sjálfur. Ég ætla að minnast á
bakkana fram að sjónum. Það
eru fáir staðir fegurri í Reykja
vík og nágrenni en bakkarnjr
við Sundin alla leið innan úr
Elliðaárvogi og vestur í Rauð-
arárvík, og víða á þessu svæði
hefði verið ákjósanlegt að
reisa fagrar byggingar, jafn-
vel raðir snoturra íbúðarhúsa,
En ef einhvers staðar stendur
hús niður við sjóinn þá er það
einhver verksmiðjukumbaldi
eða ruslaskúr.
Þetta er ekki einleikið.
Ekki á einum einasta stað
alla þessa leið getur maður
stigið niður fæti, annað hvort
er þar möl og grjót eða svæð-
ið girt af leiðinlegum bygging
um.
Þessi svæði eru ekki ætluð
mannfólki, heldur verksmiðj.
um og rusli.
Hlutur mannsins sjálfs ejj
afskiptur.
Einn fallegasti staðurinn I
Reykjavík er Klöpp þar sem
olíustöðjn er framan við Skúla
götuna. Slíkur staður væri
heppilegur fyrir stóran veit-
ingastað. Hann yrði vinsæll hjá
utlendum ferðamönnum, og
meira að segja vinsælastur
þegar sjórinn ólgar mest, því
útlendingar eru komnir hing-
að til að sjá ísland eins og það
er. Þá langar til að sjá það
eins óblitt og það getur verið,
Framhald a ols. 10
ALÞÝÐUBLAÐIÐ