Alþýðublaðið - 27.10.1968, Blaðsíða 16

Reykjavík
Skín við röðli Reykjavíkin,
Rauðaráin, Tjarnarsíkin,
Holtið, Tröðin, bryggjubríkin,
Blesagróf og Kaplaskjól.
Framhjá arka fjörulallar,
forstjórar og hafnarkallar,
bítilhross og blöðruskallar,
bleyðimenni og hörkutól-
Hvar skal byrja? Hvar skal enda?
Hvert skal Pegasusi venda?
Vættir landsins vísa og benda
vitanlega á Arnarhól. r ^ ^
Hér er létt að liggja og yrkja,
líta um öxl til Guddu og Tyrkja:
himingnæf rís Hallgrímskirkja-
Hérna nær er Tobbukot.
Tukthúsið í typtun stranga
tekur margan þrjót til fanga, 1
réttvísin með rjóða vanga
reiknar þeirra lögmálsbrot.
Breiðum öxlum yppta fjöllin- i
Út og suður Bændahöllin
mænir yfir Melavöllinn
malarborinn, dýrlegt slot.
Við mér ótal bankar blasa, i
býr hér þjóð með fulla vasa,
ung og kát í glaumi glasa,
gefur skít í álfa og tröll.
Iðnó gamla er hýr á hána,
hlær við bæði sól og mána.
Bílastóðið teygir tána,
treður krap og vetrarmjöll.
Alþingi hér utar trónar,
eins og sokka lögin prjónar.
í dýrum skrúða drottni þjónar
Dómkirkjan við Austurvöll.
' } ' I
Vaxi dýrð þín víkin Reykja,
verði gott til brauðs og leikja,
gnógleg mjólk og grautarsleikja,
glerhákall og brennivín.
Heyr mig, ungi og aldni lýður,
eitt er það sem mest á ríður,
hvað sem öllu öðru líður,
uppi og niðri: lífsins grín.
Lærðu þetta litla kvæði,
lestu það í ró og næði,
það er fleytifullt með gæði,
fallegt eins og borgin þín!
Rússarnir hafa alltaf lagt mik
ið upp úr því að sigra í sem flest
um greinum á Olympíuleikjum
og oftast hafa þeir hangið í rass
inum á Bandaríkjamönnum
hvað þessu viðvikur, í Mexíkó
vildi þag hins vegar til, að Rúss
arnir komust ekkj einu sinni
með tærnar þar sem „auðvaldið“
hafði hælana og í ræðu, sem
Brésnéff formaður hélt fyrir
skömmu, var hann mjög harðorð
ur í garð rússnesku íþrótta-
mannanna og kvað þá verða að
ulympíu
herða sig að mun, til að geta unn
ið hina heimsvaldasinnana á
næstu leikjum.
Raunar er ekkert skrýtið að
Rússarnir skuli ekki hafa staðið
sig betur í Mexíkó, því alltént er
það einstaklingsframtakið sem
ræður sigrum í hverri íþrótta-
grein um sig, hver og einn
verður fyrst og fremst að stóla
á sjálfan sig. Rússarnir eru hins
vegar ekki neitt gefnir fyrir ein
staklingsframtakið, svo það kem
ur til álita hvorf þeir vcrða ekki
fyrst að skipta um stjórnmála
skoðanir áður en þeir geta farið
að búast við sigrum á Olympíu-
leikjum.
Hvað um það, fyrir leikana
voru Rússar bjartsýnir og gerðu
ofurlítið grín í blöðum. Við rák
umst á nokkrar grínmyndir í
rússnesku blaði og birtum við
þær hér með þeim ummælum að
Rússar geta svo sem verið
skemmtilegir, allavega gera þeir
heiðarlegar tilraunir til þéss.
Nærgætnj Mexíkaninn,
Velkominn til Mexíkó.
Markmaðurinn er órólegur í svefnj.
Gluggasmiðjan
Síðumúla 12
Sími 38220 - Reykjavík
hverfafundir
um
borgarmálefni
GEiR HALLGRÍMSSON BORGARSTJÓRI BODAR TIL FUNDAR UM BORGARMÁL MEÐ ÍBÚ-
UM SMÁÍBÚÐA— BÚSTAÐA— HÁALEITIS— OG FOSSVOGSHVERFIS í DAG 27- OKT.
KL. 3- E.H. í DANSSAL HERMANNS RAGNARS í MIDBÆ V/HÁALEITISBRAUT-
Borgarstjóri flytur ræðu á fundinum um borgarmálefni almennt og um málefni
hverfisins og svarar munnlegum og skrif’egum fyrirspurnum fundargesta- Fundar-
stjórn verður Hilmar Guðlaugsson, múrari og fundarritari Arnfinnur Jónsson, kennari-
(Fundarhverfi er öll byggð milli Kringlum ýrarbrautar og Elliðaáa, sem takmarkast
af Suðurlandsbraut í norður og bæjarmörkum Kópavogs og Breiðholti í suður).
Reykvíkingar
sækjum borgarmálafundina
IWtWWtWWWIWtWWMWVWWWIIWMWmMIWWMIWMW