Dagur - 17.08.1982, Blaðsíða 1

GULLKEÐJUR^
8 K. OG 14 K.
ALLAR LENGDIRS
VERÐ FRÁ
KR. 234.00 ^
GULLSMIÐIR
SIGTRYGGUR & PÉTUR
AKUREYRI
65. árgangur
Akureyri, þriðjudagur 17. ágúst 1982
88. tölublað
Nýtt og reykt
kjöt í kössum
til Danmerkur
„Yið erum að hefja útflutning á
dilkakjöti til Danmerkur og
það lítur mjög vel út með þá
sölu,“ sagði Sævar Hallgríms-
son framleiðslustjóri hjá Kaup-
félagi Svalbarðseyrar í samtali
við Dag.
„Það sem um er að ræða er út-
flutningur á unnu dilkakjöti í heil-
um skrokkum, einn skrokkur í
kassa og er sumt kjötið nýtt og
sumt reykt. Lærin og hryggurinn
er nýtt kjöt, frampartar úrbeinað-
ir og reyktir og rúllupylsa unnin úr
slögunum.
Við sendum sýnishorn af þess-
ari framleiðslu til Danmerkur og
þeim líkaði mjög vel. Núna erum
við því að ganga frá sendingu á
200 skrokkum og ég veit ekki bet-
ur en að þeir séu allir seldir. Þetta
lítur mjög vel út og allt bendir til
þess að áframhald verði á þessu,
við erum a.m.k. mjög bjartsýnir á
að svo verði.“
Verðið sem fæst fyrir þessa
framleiðslu er mun betra en al-
mennt gerist er dilkakjöt hefur
verið selt á markað erlendis til
þessa. Hafa tölur verið nefndar í
því sambandi og mun að sögn
ekki fjarri lagi að allt að 30%
hærra verð fáist fyrir kjötið ef það
er selt á þann hátt sem Kaupfélag
Svalbarðseyrar hefur nú gert.
Vorvaka ’82:
Hallinn
háttí
200 þúsund?
„Eg hef ekki spurst fyrir um
reikinga vegna Vorvöku ’82
alveg nýlega, en línurnar varð-
andi þá hljóta að fara að skýrast
mjög bráðlega,“ sagði Helgi
Bergs bæjarstjóri á Akureyri í
stuttu spjalli við Dag.
„Það hefur ekkert verið ákveð-
ið með það hvort þessir reikning-
ar verði sérstaklega gerðir upp til
birtingar eða hvort þeir verði látn-
ir bíða þess að reikningar bæjar-
ins liggi fyrir. En ég geri þó ráð
fyrir því að þetta verði tekið
saman sérstaklega til þess að
menn geti áttað sig á því hvernig
Vorvakan hefur komið út.
Það liggur alveg ljóst fyrir að
það varð stórkostlegur halli á
Vorvökunni. Það var reyndar
aldrei reiknað með öðru en hall-
inn verður mun meiri en við
reiknuðum með. Menn voru að
gera sér í hugarlund að hallinn
yrði um 100 þúsund krónur en það
verður meira og jafnvel upp undir
200 þúsund. Að vísu fer þetta eftir
því hvernig hlutirnir verða gerðir
upp. Það er ýmislegt sem kostað
var til vegna Vorvöku sem hefur
nýst í sambandi við fleiri sýningar
s.s. sýningu á húsnæði fyrir aldr-
aða, tónleika sem haldnir voru í
Skemmunni og Flugdagurinn
fékk lánuð skilrúm sem voru út-
búin í sambandi við Vorvökuna.
Það fer eftir því hvort Vorvakan
verður látin bera allan kostnaðinn
eða honum skipt eitthvað upp
hver endanleg útkoma verður
varðandi halla á Vorvökunni,“
sagði Helgi Bergs.
Ljósmynd: KGA
Á Dagverðareyrí,
Siglufjörður:
Aur-
skriða
fella
bæinn!
í gærmorgun á milli kl. 7 og 8
féll aurskriða úr fjallinu Hafn-
arhyrnu sem stendur fyrir ofan
Siglufjarðarbæ. Þetta var stór
og mikil skriða sem hélt ferð
sinni þar til hún var komin
alveg niður í bæ.
Menn gátu fylgst með skriðu-
fallinu allt þar til það nam staðar á
Suðurgötunni og var þá þar 10
metra hár bingur á götunni.
Skriðan hagaði sér þannig að hún
virtist nema staðar öðru hvoru, en
fór svo af stað aftur. Hluti skrið-
unnar fór alveg. upp að nýbyggðu
húsi Sigurðar Hlöðverssonar
tæknifræðings. Fór skriðan að
einu horni hússins, en þá virtist
sem allur kraftur væri úr henni svo
skemmdir urðu eki umtalsverðar.
Hinsvegar er lóð hússins full af
grjóti og drullu.
Undir skriðunni er hitaveitu-
stokkur og óttast menn að skriðan
kunni að hafa skemmt stokkinn
þótt hann væri niðurgrafinn. Var
unnið að því í gær að kanna það
og veita vatni úr skriðunni í þann
farveg að hitaveitustokkurinn
væri ekki í meiri hættu.
Skriða þessi kom úr sama gili og
snjóflóð hafa oft komið úr á Siglu-
firði, en aurskriður sem þessi eru
sem betur fer sjaldgæf fyrirbrigði
á Siglufirði. S.B.
Lá við stórbruna í porti BTB:
Brennuvargur á ferð
Litlu munaði að um stórbruna
yrði að ræða á fímmtudags-
kvöld er eldur kom upp í porti
við Byggingavöruverslun BTB
við Glerárgötu.
Talið er nokkuð víst að um
íkveikju hafi verið að ræða, og var
kveikt í timbri í portinu. Talsvert
brann af timbri og einnig náði
eldurinn að læsa sig í þakskegg
hússins. Slökkviliðinu tókst þó að
hefta frekari útbreiðslu eldsins,
e» litlu munaði að þarna yrði
stórtjón.
Rannsóknarlögreglan biður þá
sem urðu varir við grunsamlegar
mannaferðir í námunda við timb-
urport BTB um 23.30 á fimmtu-
dagskvöldið að hafa samband við
sig.
„Þeir fara ekki hér innfyrir
— Ræll við Jósavin Arason bónda í Amamesi um álver
Nýlega birtist niðurstaða stað-
arvalsnefndar um iðnrekstur
eftir athugun á 10 stöðum sem
til greina koma að hentuðu
undir álver. 5 staðir af þessum
10 hefur staðarvalsnefnd úr-
skurðað að komi til greina. •
Einn þessara staða er svo-
kallað Dysnes í landi Arnar-
ness í Arnarneshreppi.
Blaðið hafði samband við
Jósavin Arason bónda á Arn-
arnesi og spurðist fyrir um af-
stöðu hans til þessarar niður-
stöðu.
„Ég er náttúrulega alfarið á
móti álveri,“ sagði Jósavin „og ég
held mér sé óhætt að segja að þeir
ábúendur sem ég hef talað við hér
í kring séu allir á móti þessu. Mál
þetta hefur að vísu ekki enn verið
tekið fyrir á hreppsfundi og er
mér því ókunnugt um afstöðu
margra hreppsbúa, t.d. Hjalteyr-
inga.
Staðarvalsnefnd var hér á ferð-
inni í vor en sumum hreppsnefnd-
armönnum var ekki kunnugt um
það fyrr en löngu seinna. M.a.
kom nefndin hingað í Arnarnes
en þeir hafa ekki komið síðan og
þeir fá ekkert að fara hér inn fyrir
til þess að rannsaka neitt hér hjá
mér. Ég held ég geti fullyrt það að
þeir sem eru á móti álveri hér í
hreppnum séu töluvert fleiri en
þeir sem eru því fylgjandi. Eftir
því sem staðarvalsnefnd tjáði mér
í vor yrði þetta um ferkílómetri
sem færi undir umsvifasvæði og
þar yrði ekki ráðlegt að vera með
nokkra skepnu miðað við þann
hreinsibúnað sem áætlað væri að
notast við í álverinu. Þá er ekki
um það að ræða að ein jörð verði
óbyggileg heldur en jarðir í ná-
grenninu líka.
Ef t.d. álver kæmi
hingað í Arnarnes við landamerk-
in þá yrði óbúandi í Arnarnesi,
Fagraskógi, Kambhóli, Skriðu-
landi, Baldursheimi og Bragholti.
Ytri-Bakki gæti farið vegna
norðanáttar og jafnvel fleiri bæir.
Ég hef einnig heyrt nefndan þann
möguleika að reisa álver í landi
Gilsbakka. Þá færi Gilsbakki,
Sjávarbakki, stór hluti af
Hvammi, Ós að miklum hluta,
Búland, Pálmholt, Bragholt og
Ytri- og Syðri-Bakki.“