Dagur - 17.08.1982, Page 5

Kristján frá Djúpalæk á tali við Jónas Jónasson
Kári Jónasson, varafréttastjóri útvarpsins, ásamt Bimi Sigmundssyni, tækni-
manni, og Pálma Matthíassyni, sem ráðinn hefúr verið fréttaritari útvarpsins
á Akureyri.
Lárus Zophoníasson og Óskar Ingimarsson.
Ingvar Gíslason, menntamálaráðherra:
og gengi
fylgja þessari starfsemi
nú og ævinlega

Guðmundur Jónsson, framkvæmdarstjóri útvarpsins, ávarpaði gesti í hófinu
á Hótel KEA.
Kæru hiustendur.
Við stöndum á tímamótum í
sögu Ríkisútvarpsins.
Ríkisútvarpið er gróin menn-
ingarstofnun sem starfað hefur í
meira en hálfa öld. Stofnunin á
því að baki langa leið sem mörkuð
er áföngum eins og ferðalag þar
sem langt er á milli upphafs og
ferðaloka. Hvað Ríkisútvarpið
snertir spyr auðvitað enginn um
ferðalok en áfangana á leið þess
látum við okkur varða.
Hér verður ekki gerð sérstök
grein fyrir þróun Ríkisútvarpsins
í meira en hálfa öld en vart verður
annað sagt en að stofnunin hafi
vaxið og dafnað og að greina megi
marga áfanga á vegferð hennar.
Á þessari stundu er þess minnst
með hátíðlegum hætti að náðst
hefur enn einu sinni mikilvægur
áfangi á starfsferli Ríkisútvarps-
ins. Sá áfangi felst í því að upp frá
þessari stundu er hafin reglu-
bundin útvarpsstarfsemi á Akur-
eyri með föstu starfsliði, sem ekki
ber að sinna öðrum verkefnum en
þeim sem snerta norðlenskt út-
varpsefni.
Áð þessu máli hefur verið unn-
ið markvisst síðan 19. janúar
1981, þegar ég sem menntamála-
ráðherra skipaði 5 manna nefnd
til þess að „kanna hver væri efnis-
legur og fjárhagslegur grundvöll-
ur þess að Ríkisútvarpið ræki
fréttastofu með föstu starfsliði á
Norðurlandi." Fjórðungsþing
Norðlendinga hafði fjallað um
þessa hugmynd og ályktað um
hana á þingum sínum, enda skip-
aði ég nefndina í samræmi við
óskir Fjórðungsþings og í fullum
samráðum við framkvæmdastjóra
Fjórðungssambandsins, Áskel
Einarsson. Vil ég nota tækifærið
til þess að þakka Fjórðungssam-
bandinu frumkvæði í þessu efni
og framkvæmdastjóranum ágætt
samstarf við mig um málið.
Norðlenska útvarpsnefndin
lauk störfum og skilaði áliti sínu
til mín 3. nóvember 1981, þ.e.
fyrir u.þ.b. 9 mánuðum. Niður-
staða nefndarinnar var jákvæð og
skoðun hennar einróma um það
að efnislegur, fjárhagslegur og
tæknilegur grundvöllur væri fyrir
aukinni þátttöku Norðlendinga í
frétta- og dagskrárgerð Ríkis-
útvarpsins. Lagði nefndin til að
ráðinn yrði frétta- og dagskrár-
fulltrúi auk tæknimanns fyrir
Norðurland, með aðsetri á Akur-
eyri. Má segja að sú fasta útvarps-
starfsemi sem nú er að hefjast sé í
samræmi við álit norðlensku út-
varpsnefndarinnar frá 3. nóvem-
ber sl. Vil ég nota tækifærið til
þess að þakka nefndinni mjög
mikilvægt starf í sambandi við þá
ákvörðun að hefja útvarp frá Ak-
ureyri með þeim hætti sem nú
verður gert. í þessari nefnd áttu
sæti: Andrés Björnsson, útvarps-
stjóri, Vilhjálmur Hjálmarsson,
formaður útvarpsráðs, Hermann
Sveinbjörnsson, ritstjóri, Krist-
inn G. Jóhannsson, skólastjóri og
Knútur Hallsson, skrifstofustjóri
í mennamálaráðuneytinu, sem
var sérstakur fulltrúi minn í
nefndinni.
Eftir að ljóst varð í nóvember-
mánuði síðastliðnum að fljótlega
yrði unnið að því að koma upp
reglubundnu útvarpi frá Akureyri
varð í ráði milli mín og forráða-
manna Ríkisútvarpsins að kaupa
skyldi framtíðarhúsnæði fyrir út-
varpsstörfin á Akureyri og hefur
það verið gert. Því miður var ekki
unnt að hefja norðlenska útvarpið
í þessum nýju og rúmu húsakynn-
um að svo komnu, en unnið verð-
ur að því að gera húsið hæft til
notkunar svo fljótt sem verða má.
Það er von mín og vissa að þessi
fasta útvarpsstarfsemi á Akureyri
er upphaf þess að deildir Ríkis-
útvarpsins munu rísa í öðrum
landshlutum áður en langt um
líður.
Tveir menn hafa verið fastráðn-
ir til þess að vinna við útvarps-
stöðina á Akureyri, Jónas Jónas-
son, dagskrárfulltrúi, og Björn
Sigmundsson, tæknimaður. Hér
er um tvo ágætlega hæfa menn að
ræða og fylgja þessum inngangs-
orðum mínum heillaóskir þeim til
handa, enda mun starfið að sjálf-
sögðumæðaáþeim umfram aðra
menn, ekki síst á Jónasi Jónas-
syni, sem verður forstöðumaður
þessa norðlenska útibús Ríkis-
útvarpsins, aðaldagskrárgerð-
armaður og fréttamaður.
Þótt nú sé verið að hefja fasta
útvarpsstarfsemi fyrir Norður-
land á Akureyri ber að minnast
þess að síðustu 3 ár hefur Ríkis-
útvarpið ráðið yfir eigin húsnæði
til upptöku og sendingar útvarps-
efnis. Þetta húsnæði hér í Norður-
götu 2b hefur mikið verið notað
sl. 3 ár og aukið að mun framlag
Norðlendinga til dagskrárgerðar.
Vil ég leggja á það sérstaka
áherslu að starfsemin hér í
Norðurgötu á Akureyri hefur
reynst merkur þáttur í heildar-
starfi Ríkisútvarpsins og að sínu
leyti aðdragandi að fastri útvarps-
starfsemi á Norðurlandi.
Eins og ég sagði í upphafi máls
míns gefst ekki tími til að ræða al-
mennt um Ríkisútvarpið, þróun
þess, menningarhlutverk og stöðu
í þjóðfélaginu. Sú umræða verður
að bíða annars tækifæris. Útvarp-
ið fær sinn skerf af gagnrýni og er
ekkert við því að segja ef hún er á
rökum reist. Og síst vil ég draga
úr réttmæti þess að ræða hrein-
skilningslega og opinskátt málefni
Ríkisútvarpsins og stöðu þess í
samtímanum. Éghef talið eðlilegt
að útvarpsiögin frá 1971 verði
endurskoðuð og skipaði því á síð-
asta ári nefnd manna úr öllum
stjórnmálaflokkum til þess að
vinna að gerð nýrra útvarpslaga.
Þessi nefnd er að störfum undir
formennsku Markúsar Á. Einars-
sonar veðurfræðings og má vænta
þess að nefndin ljúki störfum á
næstu mánuðum.
Fjárhagur Ríkisútvarpsins hef-
ur farið batnandi síðustu 2 ár og
hallarekstri þess frá fyrri árum
breytt í eðlilega afkomu á árunum
1981 og 1982. Byggingsérstaks út-
varpshúss sem á sér langan að-
draganda miðar nú vel áfram og
unnið er að dreifikerfi eftir fastri
áætlun. Stefnt er að því að efla
sjónvarpsrekstur á næsta ári, m.a.
með lengingu sumardagskrár.
Fastur útvarpsrekstur á Akureyri
og kaup á stóru húsnæði fyrir
norðlenska útvarpsstarfsemi er
vottur um þróttmikið starf Ríkis-
útvarpsins og vitni um það að
stofnunin er í örum vexti og hefur
mörg járn í eldinum.
Ég fæ ekki séð að íslendingar
eigi betri kosta völ um almenna
útvarpsstarfsemi en að halda
áfram að treysta Ríkisútvarpið og
gera því kleift að vera sá frjálsi
vettvangur umræðu og menning-
arstarfsemi sém það hefur verið í
nærfelt-52 ár. En vissulega er
nauðsynlegt að auka fjölbreytni
útvarpsstarfseminnar.
Frá upphafi hefur Ríkisútvarp-
ið verið að vaxa og dafna þrátt
fyrir erfiðleika endrum og eins á
löngum starfsferli. Áfangarnir á
vegferð þess eru orðnir margir. í
dag minnumst við þess að einum
þessara mörgu áfanga er náð:
Fastri útvarpsstarfsemi á Norður-
landi.
Megi gæfa og gengi fylgja þess-
ari starfsemi nú og ævinlega.
Ingvar Gíslason, menntamálaráðherra, að flytja ávarp sitt í beinni útsendingu
úr hljóðhúsinu við Norðurgötu.
m ágú^t l9Q2 -O.AGUfl - 5