Dagur - 18.03.1983, Side 8
Sveitahraðkeppni
Bridgefélags Akureyrar
hefst 22. mars kl. 20.00 í Félagsborg.
Stjórnin.
Bílaklúbbur Akureyrar
Aðalfundur
verður haldinn að Hótel Varðborg sunnudaginn
20. mars kl. 2 e.h. Kaffiveitingar. , .
Til fermingargjafa
Sálmabækur-Biblíur-Atlasar
og allar aðrar fáanlegar bækur.
Fermingarkort ir Pennar iF Pennasett
ir Hnattlíkön ir Skjalatöskur ir Feröa-
töskur ir Ritvélar * Skrifborösstólar
sími 22734 & 21713, Kaupvangsstræti 4, Akureyri
Dynheimar
Kvöldskemmtun
laugardagskvöldið
19. mars kl. 20.30.
Skemmtunin hefst meö sýningu Leik-
klúbbsins Sögu á rokksöngleiknum „Lísu
í Undralandi“. (Sýningum fernú óöum aö
fækka). Síöanheldurhljómsveitin 1/27tón-
leika og loks verður diskótek ’69 til kl.
01.00.
Miðaverð á alla skemmtunina aðeins 150 kr.
Dynheimar.
Frá Yfirkjörstjóm
Norðurlandskjördæmis
eystra
Framboðslistum vegna Alþingiskosninganna 23.
apríl 1983 ber að skila til formanns Yfirkjörstjórnar
Norðurlandskjördæmis eystra, Ragnars Stein-
bergssonar, hrl., Espilundi 2, Akureyri, fyrir kl.
24.00 þriðjudaginn 22. mars 1983. Framboðslist-
um skulu fylgja tilskilin gögn svo og nöfn umboðs-
manna listans.
Yfirkjörstjórnin kemur saman að Gránufélagsgötu
4, Akureyri, miðvikudaginn 23. mars 1983 kl.
13.00 til þess að fjalla um listana.
í Yfirkjörstjórn Norðurlandskjördæmis eystra
17. mars 1983,
Ragnar Steinbergsson
Jóhann Sigurjónsson
Jóhannes Jósepsson
Guðmundur Þór Benediktsson
Freyr Ófeigsson
UREINUIANNAÐ
Snjólaug Bragadóttir
Réttlætíð
er afstætt
Þessum pistli er ætlað að bera
nafn með rentu því ég hef hugs-
að mér að láta vaða á súðum um
ýmsa hluti, fara úr einu í annað.
Símatími útvarpsins á mánu-
dagsmorgnum er mjög þarfur
þáttur, þangað geta allir hringt
og fengið útrás fyrir það sem
þeim liggur á hjarta. Þeir sem
bara hlusta eiga eflaust líka sín
hjartans mál en oft á tíðum
heyra þeir einmitt í þessum þætti
að á því máli geta verið aðrar
hliðar. Það getur meira að segja
verið hjartans mál einhvers ann-
ars að með þveröfugri aðferð
náist mesta réttlætið. Áberandi
er nefnilega í þessum þætti
hversu margir benda á einhvers
konar ranglæti sem þeim finnst
viðgangast í daglegu lífi.
Réttiæti er bara svo skelfilega
afstætt hugtak, það sem einum
finnst fullkomið réttlæti getur
öðrum þótt hróplegt ranglæti.
Sumt af því sem ég tek hér fyrir
hefur borið á góma í þessum
mánudagssímatíma annað ekki.
Þá er hundahaldið í Reykja-
vík enn einu sinni orðið hitamál.
Vissulega finnst hundaeigend-
um réttlátt að þeir fái að hafa
sína hunda. Hinum finnst rang-
læti í þessu, annaðhvort gagn-
vart hundunum sjálf-
um eða þá að þeir skíta á götur
og gangstéttar, gelta og fara í
taugarnar á sumum. En hvaða
hlutur getur ekki farið í taugarn-
ar á manni ef maður lofar hon-
um að gera það?
í blöðum hef ég lesið að mæð-
ur í Reykjavík séu svo illa stadd-
ar að þær verði að hætta við að
hafa börn sín á gæsluvöllum
borgarinnar þar sem slík þjón-
usta sé ekki lengur ókeypis held-
ur kostar 10 krónur á dag fyrir
barn. Sumum finnst þetta hróp-
legt ranglæti, öðrum ekki og
benda til dæmis á að það sé rang-
læti að hinir sem ekki eiga börn
eigi að standa undir kostnaði við
barnagæslu í borginni. Því má
svo bæta við að hér á Dalvík
kostaði þegar í fyrrasumar 10
krónur að hafa barn á gæsluvelli
í fjóra tíma og hef ég ekki heyrt
nokkra manneskju tala um að
það sé of mikið. Eflaust verður
það hærra í sumar ef að líkum
lætur.
Eitt er það þó sem ég held að
fáum finnist réttlæti, þó það sé
bundið í lögum, en það er vísi-
töluhækkun launa. Bara hækk-
unin hjá þeim sem hæst hafa
launin jafngildir stundum öllu
mánaðarkaupinu hja þeim
lægstlaunuðu. Ef til vill hafa þeir
hálaunuðu svo dýrar venjur að
þeim veiti ekkert af þessu, það
gæti kannski nægt fyrir einum
símareikningi sem þeir fá ofan á
kaupið sitt. Þeir lægstlaunuðu
sleppa við svoleiðis útgjöld því
þeir hafa ekki efni á að hafa síma
yfirleitt, eða hvað?
Nú er hiti í bíleigendum,
þ.e.a.s. næstum allri þjóðinni,
vegna fyrirhugaðs vegaskatts á
bíla „krónu á kíló“- skattsins.
Má nærri geta hvort þeim á stóru
bílunum finnst hann ekki rang-
látur. Einhver ágætismaður
benti á í símatíma sl. mánudag
að samkvæmt eðlisfræðilögmál-
um um þunga, hraða og viðnám,
komi stóru bílarnir mörgum
sinnum fastar niður á vegina,
hlutfallslega, en þeir minni.
Væri þess vegna réttlæti í að
vörubílstjórar greiddu fleiri en
eina og iafnvel fleiri en tvær á
kílóið. Á öndverðum meiði var
hins vegar kona sem greinilega
þekkti til kjara vörubílstjóra.
Þeir lifðu sko engu sældarlífi og
ættu þess vegna helst að sleppa
við þennan skatt.
Hitt er svo annað mál að hin
gengdarlausa, íslenska skatt-
heimta af bílum og öllu sem
þeim við kemur, til dæmis bens-
íni, á hvergi sinn líka í heimin-
um og sjálfsagt þó víðar væri
leitað. Miðað við hana og miðað
við þjðartekjur á mann á íslandi
ættum við fyrir löngu að vera
farin að aka á hverjum einasta
vegarspotta vel slitlögðum.
Ástæðan fyrir því að svo er ekki
er meðal annars sú að bíleigend-
ur hafa verið gróflega sviknir
áratugum saman. Þessi og hinn
skatturinn og prósenturnar af
hinu og þessu hafa átt að fara f
vegina en ekki komist þangað.
Landsfeðurnir hafa eytt í óþarfa
í staðinn, æ, þá langaði bara svo
í þetta, eins og börnin segja og
fyrst peningarnir voru þarna því
þá ekki að nota þá?
Það er líka lögmál á íslandi að
skattur sem einhverntíma hefur
verið lagður á, kannski til eins
árs, kannski til bráðabirgða,
hverfur aldrei aftur, í mesta lagi
er skipt um nafn á honum.
Fram kom í símatímanum
margnefnda að styrkja ætti
vörubílstjórana, til dæmis með
því að greiða hluta af eldsneyti
bílsins, líkt og gert væri fyrir
sjómenn!!! Nú segir maðurbara
HA? Það er nefnilega þannig
hjá sjómönnum að áhöfn togar-
anna borgar olíuna að hluta. Sá
hluti er tekinn af aflaverðmæti
áður en hlutaskipti fara fram.
Þetta samsvarar því að skrif-
stofufólk borgi til dæmis raf-
magnsreikninga þess fyrirtækis
sem það starfar hjá. Ætli þá
kæmi ekki hljóð úr horni?
Að lokum langar mig til að
minnast á það flóð af sníkjum og
betli sem rignir inn á hvert heim-
ili landsins mörgum sinnum á
ári. Ég get hreint ekki liðið að
sífellt bætist við fyrirtæki og
stofnanir í þessu landi sem sjá
þarna tekjulind og leyfa sér að
senda almenningi „sníkjusnep-
il“ af einhverju tagi, jafnvel með
ákveðinni upphæð. Mér er alveg
sama hvort fólk vill kalla þetta
nísku í mér eða hreina mann-
vonsku, mér finnst þetta frekja
og áskil mér rétt til að láta heim-
ili mitt ganga fyrir uppihaldi
stofnana á suðvesturhorninu.
Ríkið fær víst nóg af manni samt
sem þessar stofnanir fá svo líka
þaðan.
Ef endilega þarf að gera þetta
svona ætti einungis að stíla þessa
sníkjusnepla á fólk sem hefur
yfir 400 þúsund eða svo í árstekj-
ur, það ætti að vera aflögufært,
gæti að minnsta kosti látið lág-
launabæturnar renna í svona
„góðgerðarstarfsemi".
Gamlarmyndir
Hér í Helgar-Degi munu á næstunni birtast myndir úr ljósmyndaplötusafni Hallgríms Einars-
sonar og sona hans sem nú er unnið að „copyeringu" á.
Allar þessar myndir eru ónafngreindar í safninu og viljum við heita á Akureyringa og aðra þá
sem telja sig þekkja myndirnar að klippa þær úr blaðinu og senda, ásamt nöfnum, til Minjasafn-
sins á Akureyri, Aðalstræti 58, eða láta frá sér heyra með öðrum hætti.
Þá viljum við benda á að „album“ með myndum úr safninu liggur frammi í Amtsbókasafninu
hér í bæ. Væri vel þegið ef bæjarbúar, einkum þeir eldri, vildu líta þar inn og sjá hvort þeir þekkja
þessar myndir og ef svo væri að skrifa nöfnin í „blokkir" sem þar munu einnig verða.
Minjasafnið á Akureyri.
Myndin er af:
V ■ 8l'-~ DAG U R íriáfs-1983