Dagur - 28.10.1983, Blaðsíða 12
faldlega spólaði í viðkomandi og
þeir voru margir sem fengu þá að
snýta rauðu, það má alveg koma
fram.
- Er þetta ekki þversögn. Að
feiti maðurinn berji ekki frá sér?
- Jú, en þetta var sem sagt á
mínum yngri árum en eftir að ég
komst á fullorðinsár, var orðinn
fjölskyldufaðir þá gekk það ekki
lengur. Þá fór ég bara inn í brynj-
una.
- Pú skeytir kannski skapinu á
lóðunum nú?
- Kannski. Ég fæ vafalaust vissa
útrás í lyftingunum og eitt sem ég
varð var við þegar ég var kominn
yfir versta kaflann og var jafnvel
farinn að segja öðrum til, þá komu
yfir mig vissar kenndir. Djöfullegar
kenndir. Það komu til mín menn á
æfingunum uppi í Lundarskóla og
báðu mig um að segja sér til og þá
vildi ég allt í einu fara að þjarma að
þeim. Láta þá gera einhvern and-
skotann sem þeir réðu ekki við.
Sem betur fer varð aldrei af þessu
en það hvarflaði að mér að sýna
mína yfirburði. Svo var það eftir
páska að það kom talsvert af
mönnum á æfingar, stuttir, mjóir,
langir og feitir sem allir áttu það
sameiginlegt að vera í slæmu lík-
amlegu ástandi. Þegar ég sá þessa
menn þá bráði af mér og ég fylltist
vorkunnsemi og viðhorf mitt
breyttist gjörsamlega. Nú er ég
boðinn og búinn til að hjálpa til
eins og ég get og við erum það allir
sem æfum þarna. Ég vil því ein-
dregið hvetja fólk til þess að koma
á æfingar, konur jafnt sem karla.
Ég get skýrt þeim frá minni reynslu
ef það mætti verða einhverjum að
gagni. Allar íþróttir eru góðar ef
fólk vill þjálfa sig og ná af sér auka-
kílóunum, að vísu misjafnlega góð-
ar en með réttri þjálfun og matar-
æði þá næst árangur.
Öll föt ónýt
- Hvað með hlaup og sund?
- Bæði hlaup og sund virka vel.
Ég hljóp sjálfur mjög mikið í sumar
þegar ég starfaði í Hvanna-
lindum við landvörslu á vegum
Náttúruverndarráðs. Ætli ég sé
ekki búinn að hlaupa 1500-1600
km síðan ég byrjaði að hlaupa sl.
vor. Á tímabili hljóp ég 150 km á
mánuði og þetta gaf alveg hörku-
brennslu. En ég tapaði orku varð-
andi lyftingarnar.
- Hvað með önnur áhugamál.
Hafa þau orðið að þoka fyrir lyft-
ingaáhuganum? Ertu orðinn „lóða-
frík“?
- Ég verð líklega að viðurkenna
það að ég hef tekið ástfóstri við lóð-
in og það er ansi margt sem ég hef
orðið að leggja til hliðar. Ég hef
t.d. ekki áhuga á bílum lengur, þó
einhverjum kunni að virðast það
ótrúlegt. Ég sé það nú að mér hefði
verið nær að fægja á mér vömbina
í stað þess að bóna bílhúddið. En
það er eitt sem ekki má vanrækja
Flosi Jónsson aðstoðar Konráð við að komast í „stálbrókina“ sem
notuð er I ■ kraftlyftingum.
og það er fjölskyldan. Þetta var
mjög erfitt í mínu tilviki vegna þess
að ég þurfti að leggja svo hart að
mér. Ég stundaði þessar æfingar
þó í samráði við fjölskylduna og
með hennar samþykki en það var
jafn erfitt þrátt fyrir það. Ékki gat
ég tekið fjölskylduna með mér á
þessar hörkuæfingar en á meðan
bílaáhuginn var fyrir hendi þá gat
fjölskyldan alltaf tekið meiri þátt í
því. Komið með í fjallaferðir og
fleira í þeim dúr. Það er því bráð-
nauðsynlegt að eiga góða konu,
sem sættir sig við að sjá minna (og
minna) af manni en ella.
- Hefur þessi megrun ekki kost-
að þig stórfé, bara vegna fata?
- Jú það var mikið tjón. Það var
ekki eitt. Það var allt sem fór nema
sokkarnir. Ég get ekki einu sinni
notað úrið mitt lengur og giftingar-
hringinn þarf ég að láta þrengja. Ég
hef samt sloppið nokkuð vel úr
þessum fatamálum því kunningi
minn er umboðsmaður fyrir ýmis
bandarísk fyrirtæki og ég hef fengið
föt hjá honum á mjög skikkanlegu
verði og sumt, s.s. auglýsingaföt
hef ég fengið ókeypis. En það
breytir því ekki að ég á nú þrenn
ónýt jakkaföt, fimm, sex spari-
skyrtur, annað eins af vinnuskyrt-
um og vinnubuxum, staka jakka
eina fjóra eða fimm, þrjá frakka og
svona mætti lengi telja. En ég syrgi
ekki fötin, ætli ég geymi þau ekki
bara til minningar um þetta ævin-
týri.
12 - DAGUR - 28. október 1983
Gamlar myndir
Hér í Helgar-Degi munu á næstunni birtast myndir úr ljósmynda-
plötusafni Hallgríms Einarssonar og sona hans sem nú er unnið að
„copyeringu“ á.
Allar þessar myndir eru ónafngreindar í safninu og viljum við heita
á Akureyringa og aðra þá sem telja sig þekkja myndirnar að klippa
þær úr blaðinu og senda, ásamt nöfnum, til Pedromyndir, Hafnar-
stræti 98, eða láta frá sér heyra með öðrum hætti.
Þá viljum við benda á að „album“ með myndum úr safninu liggur
frammi í Amtsbókasafninu hér í bæ. Væri vel þegið ef bæjarbúar,
einkum þeir eldri, vildu líta þar inn og sjá hvort þeir þekkja þessar
myndir og ef svo væri að skrifa nöfnin í „blokkir“ sem þar munu einn-
ig verða. Minjasafnið á Akureyri.
Myndin er af:
Askrift, afgreiðsla,
auglýsingar. rA
Sími 24222
Sm