Dagur - 23.03.1984, Blaðsíða 3

23. mars 1984 - DAGUR - 3
Skugga-
Sveirn
brást
Blönduósingum
Svo bregðast krosstré sem önnur
tré; meira að segja Skugga-
Sveinn getur fótbrotnað. Leikfé-
lag Blönduóss hafði hugsað sér
að setja Skugga-Svein Matthíasar
á svið undir leikstjórn Eyþórs
Árnasonar. En ekki tókst betur
til en svo, að Skuggi sjálfur lenti
í bílslysi og fótbrotnaði þegar
aðeins vika var liðin af æfinga-
tímanum. Pá voru góð ráð dýr.
Og þó. Leikarar á Blönduósi
voru ekkert að tvínóna við hlut-
ina, heldur ventu sínu kvæði í
kross og æfa nú Spanskfluguna af
miklu kappi. Frumsýning verður
væntanlega í lok mánaðarins.
Halldór
Halldórsson
setur sögu
Soíla á bók
Fararsnið mun vera komið á
Halldór nokkurn Halldórsson
frá blaðinu íslendingi, samkvæmt
heimildum Dags. Margar ástæð-
ur munu liggja þar að baki, en
opinbera ástæðan mun vera sú,
að Halldór ætli að fara að skrifa
bók. Og bókin á að fjalla um Jón
nokkurn Sólnes, ævi hans og
störf. Það er viðamikið verkefni,
enda hefur Jón aldrei verið smár
í sniðum. Þess vegna mun Hall-
dór ekki sjá sér fært að skrifa ís-
lending samhliða Sólnes-sögu.
Það mun vera bókaútgáfan Örn
og Örlygur sem ætlaivað gefa
bókina út.
Akureyrar-
útvarpið
dafnarvel
Akureyrardeild Ríkisútvarpsins
hefur dafnað vel í gamla „Reyk-
húsinu“ við Norðurgötu, en brátt
kemur að því að starfsemin verð-
ur flutt í nýja útvarpshúsið á
„Kennedy-höfða“. Velgengni
Akureyrardeildarinnar má þakka
Jónasi Jónassyni, útvarpsstjóra
okkar norðanmanna, enda er
hann reyndasti dagskrárgerðar-
maður Ríkisútvarpsins og hann
hefur verið heppinn með sam-
starfsfólk. Ríkisútvarpið við
Skúlagötu missti því vænan spón
úr aski sínum þegar Jónas flutti
norður. Þetta kom glöggt fram á
ráðstefnu sem nýlega var haldin
um málefni Akureyrardeildar-
innar. Þar höfðu þeir Hjörtur
Pálsson, dagskrárstjóri, og Ævar
Kjartansson, dagskrárfulltrúi,
framsögu og komu þeir víða við.
Kom m.a. fram í máli þeirra að
Ríkisútvarpið í Reykjavík vant-
aði reynsluríka dagskrárgerðar-
menn. Töldu þeir jafnframt að
norðanefnið væri heilt yfir betra
en það efni sem framleitt er við
Skúlagötu.
á Skúlagötu
Þeir Hjörtur og Ævar töluðu ekki
sérstaklega vel um Ríkisútvarpið
sem „stofnun“, þar sem „tré-
hestagangur“ stjóranna væri til
að hamla starfseminni, eins og
Ævar orðaði það. Hann gaf líka
umsögn um útvarpsráð, sem
hann sagði til lítils annars en að
koma „gæðingum“ sínum í vinnu
hjá Ríkisútvarpinu - og margir
þeirra gæðinga væru „ótalandi
fífl“.
Aðspurður sagði Hjörtur
Pálsson, að það væri lítið lifandi
samstarf milli framkvæmda-
stjórnarinnar og þeirra sem ættu
að sjá um dagskrána. Taldi hann
að þetta sambandsleysi og reip-
tog sem af því skapaðist skaðaði
stofnunina, þannig að hún væri
óhæfari um að gegna því hlut-
verki sem henni væri ætlað.
Verða
reykingar
barmaðar í
innanlandsflugi?
Hugsanlegt er að reykingar verði
bannaðar í innanlandsflugi með
lögum, sem verða til umfjöllunar
á því Alþingi sem nú situr. Það er
jafnvel hugsanlegt þó slík lög
verði ekki sett, að reykingar
verði samt sem áður bannaðar.
Flugleiðir hafa sem sé hug á að
kanna vilja farþega sinna í þess-
um efnum og verði yfirgnæfandi
meirihluti þeirra með banninu
verður það sett á. Raunar hefur
Flugfélag Norðurlands haft for-
ystu í þessum efnum, því reyk-
ingar hafa verið bannaðar í vél-
um félagsins síðan 1976.
Um rökin fyrir reykingabann-
inu segir í nýlegum „fn-pósti“:
Flugvélarnar, sem notaðar eru til
innanlandsflugsins eru svo litlar
að ómögulegt er að bjóða upp á
reyklaus svæði eins og tekst í
stórum þotum. Fyrir utan óljós
óþrif sem af reykingum stafa, þá
vex einnig viðhald á loftræsti-
tækjum flugvéla og rafeindatækj-
um, sem eru mjög viðkvæm fyrir
tóbaksreyk. Síðast - en ekki síst
- er svo eldhættan, því þar sem
reykur er þar er eldur, eins og
máltækið segir.“
Hugur í Ijóma
Það hefur glatt leikfélagsmeðlimi í skammdeginu mikið hvað
sýningum þess er nú vel tekið. Eftirfarandi kvæði barst þeim
nýlega í pósti. Þar sem skáldið lét ekki nafns síns getið, langar
L.A. að biðja Dag um að koma á framfæri bestu þökkum fyrir
þennan uppbyggilega skálskap.
Hugur í Ijóma (Raulist: Blessuð sértu sveitin.)
Gleðivædda góða stund
gamán var í þínum örmum,
glaður á þinn gekk ég fund,
grámi horfinn mér úr lund.
Fagnar þér mín sálin sæl,
sigurdísin minna vona.
Kom þú aftur helst um hæl,
hugljúf stundin vertu jafnan svona.
Þú merka leikhús Ijáðir mér
Ijúfar stundir, angurblíðar.
Því ég fell að fótum þér,
fangaður, svo á mér sér.
Lengist frægðarferill þinn,
farnist þér um langa daga.
Hug og hjörtu allra vinn,
hamingjan þín verði ætíð saga.
Einn gamansamur leikhúsgestur,
alvarlegur þó.
Vinsamlegast aflið ykkur nánari upplýsinga á
skrifstofunni í Hafnarstræti 107 (4. hæð) sími
21604.
Ö3 r5P
Byggingaverktakar Akureyri
Glæsilegt
ijölbylishiis
Átta íbúðir 2ja, 3ja og 4ra herbergja.
Sex íbúðanna með sér sólskála.
Geymslur í hverri íbúð og í sameign, þvottahús í hverri íbúð.
Sameign ekki nema 15% af heildarrými hússins.
íbúðirnar eru mjög bjartar vegna nýstárlegs
byggingarlags.
Eigum til afhendingar í byrjun maí nk., fjórar
íbúðir fullbúnar 84 (2), 94 og 109 m2 að stærð
fyrir utan sameign.
Einnig er fyrirhugað að reisa svona hús á lóð
nr. 6 við Múlasíðu og afhenda íbúðirnar til-
búnar undir tréverk á næsta ári.