Dagur - 18.05.1984, Blaðsíða 7

Mt8.írffáf’i §é4--^M^\5fr^7
- Krístján Jóhannsson?
- Það er hann.
- Sæll gamli minn - og
vertu velkominn heim, hvern-
ig hefur þú það ertu ekki hress
og kátur?
- Já, sæll sjálfur, gaman að
heyra í þér. Jú, ég er hress að
vanda, það dugir ekki annað.
Það er að vísu svolítil ferða-
þreyta í mér enn, það hefur
verið talsverður þvælingur á
mér að undanförnu og um
margt að hugsa. En ég er í
toppformi.
- Þið ætlið að halda kons-
erta um helgina, til minningar
um konu þína, Dorriét
Kavanna. Ágóðinn á síðan að
renna í minningarsjóð. Hver
er tilgangur hans?
- Hlutverk þessa sjóðs
verður að styrkja efnilega
söngvara til náms erlendis og
við stefnum að því að úthluta
úr honum árlega.
- Verða það myndarlegir
styrkir?
- Já, það vona ég. Ég trúi
ekki öðru en okkur takist að
gera þennan sjóð það sterkan,
að viðkomandi söngvari fái
umtalsverðan styrk, þannig að
hann geti stundað sitt nám
áhyggjulaust. Söngnám er dýrt
og erfitt, þannig að fjárhags-
áhyggjum er ekki á bætandi.
Það er því von okkar að styrk-
ur úr sjóðnum verði til þess að
viðkomandi þurfi ekki að hafa
áhyggjur af því að eiga ekki
fyrir salti í grautinn, jafnvel
ekki fyrir grjónunum heldur.
Annars er ég hættur að hugsa
í grautum í þessu samhengi;
spaghettiið stendur orðið mag-
anum nær.
- Hvernig ætlið þið að finna
þá útvöldu?
- Það verður væntanlega
gert með söngkeppni, þar sem
umsækjendur reyna með sér
og 6-8 manna dómnefnd sker
úr um hver er styrksins
verður. Og í dómnefndinni
verða ekki eingöngu söngfugl-
ar, því það verður enginn mik-
ill söngvari af röddinni einni
saman. Það eru svo margir
aðrir eiginleikar sem þurfa að
koma til. Það þarf nefnilega
sterk bein í þennan bransa
skal ég segja þér. Það verður
enginn óbarinn söngvari. Við
ætlum því að komast hjá
öllum klíkuskap, en þess í stað
munu fagleg sjónarmið ráða
ferðinni við val á styrkþegum.
- Hvenær verður fyrst út-
hlutað úr sjóðnum ?
- Það er nú ekki fullmótað
ennþá, en ég vona að það
verði hægt á næsta ári. Að
sjálfsögðu fer það eftir því
hvernig okkur gengur að efla
sjóðinn nú í upphafi. Fram til
,£g verð
líldega að
setíast upp
a
• T •
íí
Kristján Jóhannsson á línunni
þessa hefur okkur gengið vel
og mörg fyrirtæki og einstakl-
ingar hafa lagt sitt af mörkum. ;
Síðan reiknum við með góð-
um tekjum af tónleikunum,
þar sem þegar er uppselt á
tónleikana í Háskólabíói og ég
trúi ekki öðru en Akureyring-
ar og nærsveitamenn leggi mér
lið sem fyrr með því að fjöl-
menna í Skemmuna. Ég get
líka lofað þeim því, að þeir fá
mikið fyrir sinn snúð.
- Hvað verður boðið upp á
í Skemmunni?
- Þetta verða óperutónleik-
ar. Við verðum með músík úr
Carmen, Tosca, Madame
Butterfly og fleiri óperum;
mjög fallegar aríur sem fólk
þekkir. Auk mín koma fram
á tónleikunum Antonella Pi-
anezzola, sópransöngkona,
sem er eiginkona hljómsveit-
arstjórans og píanóleikarans
Maurizio Barbacini og hann
leikur undir söng okkar. Þau
hjónin eru sannir listamenn og
miklir vinir mínir. Sömu sögu
er að segja um Kristin Sig •
mundsson, sem syngur á tón-
leikunum við undirleik Jónas-
ar Ingimundarsonar.
- Megum við búast við að
þið Kristinn takið dúetta
saman?
- Það er aldrei að vita, ef til
vill gerum við það. Það er
verst hvað hann er rosalega
stór, nærri tveir metrar á
hæð. Ég verð líklega að sitja
uppi á flyglinum, ha.ha . . . !
- Hvað tekur við hjá þér á
eftir þessu?
- Ég fer niður til Ítalíu og
held áfram að vinna, því ég er
með fjórar nýjar óperur í æf-
ingu. Þar á meðal er ein falleg-
asta ópera sem skrifuð hefur
verið og ég er óskaplega ham-
ingjusamur með; Don Carlo
eftir Verdi. Ég syng hana á
óperuhátíð í Dorset í Eng-
landi f ágúst. í næsta mánuði
syng ég í tveim Puccini óper-
um á Ítalíu, en eftir hátíðina í
Dorset fer ég til Bandaríkj-
anna, þar sem ég er meira og
minna samningsbundinn
næstu 3 árin. Það er óskaplega
spennandi að komast inn á
þann markað og vonandi tekst
mér að vinna þar sess.
- Hvað með hljómplötu?
- Hún er ákveðin, kemur út
- ja, líklega í október-nóvem-
ber ef allt gengur að óskum.
Þetta verður óperuplata og
hún verður tekin upp í
London eins og sú fyrri og
Maurizio Barbacini verður
stjórnandi Lundúnasinfón-
íunnar sem fyrr. Auk þess
vinnum við að hljómplötu
með söng Dorriét. Ég veit
ekki fyrir víst hvenær hún
kemur út. Ég hef unnið að þvf
að safna þeim upptökum sem
til eru með söng hennar. Þær
eru misjafnar að gæðum, en ég
trúi ekki öðru en okkur takist
að raða saman heillegri mynd
á plötu, þannig að söngur
hennar lifi.
- Það er langt síðan þú hef-
ur sungið fyrir okkur Akureyr-
inga, þitt heimafólk.
- Já, það er satt, það er allt-
af gott að koma heim og ég
hlakka til að syngja fyrir mitt
heimafólk og ég vona að allir
fái að heyra eitthvað við sitt
hæfi. Þetta er minningarkons-
ert um Dorriét og fyrirkomu-
lag hans verður svipað og var
á minningarkonsertum sem
vinir hennar héldu í New York
og heima í Verona á Ítalíu.
- Þakka þér fyrir spjallið
Kiddi og gangi ykkur vel um
helgina.
- Þakka þér sömuleiðis, við
sjáumst. -GS.
Föstudagur 18. mai:
Diskótek á tveimur hæöum,
Golli og Balli sjá um að allir fríki út.
Top 10 listinn valinn.
Laugardagur 19. maí:
Wembleystemmning
Knattspyrnuunnendur taka daginn
snemma og mæta á Baukinn og horfa
á beinu útsendinguna frá úrslitaleik
ensku bikarkeppninnar,
Everton: Watford
Aftur frábært diskóktek um kvöldið.
Tommi og Arnar koma öllum í gott skap.
Splunkunýjar myndir í videóinu frá Fálkanunr
Baukurinn opinn kl.
12.00-14.30 um helgar
og frá kl. 18.00 öll kvöld.
O
0
Q
Q
Q
Q
Q
Q
Q
Q
Q
|H| H-100 - staðurinn þar^B
sem þú skemmtir þér. S
mlij H-100 er opið öll kvöld
frákl. 18.00-01.00.
QQQQQQ QQQQQ
Q,
Skemmtun fyrir aldraða
verður haldin í Sjallanum sunnudaginn 27. maí
nk. kl. 15.00 á vegum Félags aldraðra, Lions-
klúbbsins Hængs og Félagsmálastofnunar Akur-
eyrar.
Gestur samkomunnar verður Halldór Laxness,
leikarar frá Leikfélagi Akureyrar munu flytja stutta
dagskrá úr verkum skáldsins.
Allir aldraðir velkomnir meðan húsrúm leyfir. Að-
gangur ókeypis. Þeir sem óska eftir að verða flutt-
ir heiman og heim eru beðnir að hringja í síma
22770 kl. 13-14 sunnud. 27. maí.
Kardemommu-
bærinn
eftir Thorbjörn Egner
Föstudagur 18. maí kl. 20.00.
Laugardagur 19. maí. Uppselt.
Sunnudagur 20. maí. Uppselt.
Miðasala opin alla virka daga frá kl. 15-18.
Laugardaga og sunnudaga frá kl. 13 og fram að sýningu.
Leikfélag Akureyrar.
Sími 24073.