Dagur - 30.11.1984, Blaðsíða 3

30. nóvember 1984 - DAGUR - 3
Hver var
þessi
maður?
Ætli það sé ekki rétt, að hafa blönd-
una allt að því háalvarlega að þessu
sinni. Ég ætla að byrja á því að aug-
lýsa eftir upplýsingum um þennan
myndarlega mann, sem er á mynd-
inni hér að ofan. Hann var almennt
kallaður Ástar-Brandur og var einn
af þeim kynlegu kvistum sem lifðu
með þjóðinni á fyrri hluta aldarinn-
ar. Ástar-Brandur flakkaði víða um,
var þekktur hlaupagikkur, þótti
þindarlaus. Sagan segir, að eitt sinn
hafi hann tekið óbeinan þátt í víða-
vangshlaupi frá Reykjavík til Þing-
valla. Enginn keppandi hafði roð við
Brandi og var hann kominn langt á
undan öðrum hlaupurum áður en
leiðin var hálfnuð. En þá varð
Brandur svangur, þannig að hann
skokkaði heim á næsta bæ og þáði
góðgerðir. Brandur mun vera fæddur
í Barðastrandarsýslu, en hann bjó síð-
ustu árin á Akranesi og lést þar. Nú
veit ég að margir muna Brand og vil
biðja alla þá sem geta gefið mér ein-
hverjar upplýsingar um lífshlaup
hans að slá á þráðinn í 24222 og
spjalla við mig.
Dansaði og
söngá
meðan tugt-
húsið brann
Það eru margar sagnir til um Ástar-
Brand. M.a. er sagt að hann hafi
kveikt í gamla tukthúsinu í Búðagili,
eða Lækjargili, eins og það ágæta gil
er nú oftar nefnt nú til dags. Þetta
hús stóð þar sem nú er barnaleik-
völlur norðan við Lækjargötu 6 og
mun hafa verið „ráðhús“ bæjarins í
þá tíð. En lögreglan var gjörn á að
stinga Brandi þar inn og þess vegna
á hann að hafa kveikt í húsinu. Síðan
segir sagan, að Brandur hafi stigið
dans og sungið við raust uppi á Höfð-
anum á meðan tugthúsið brann. En
sem sagt, ef einhver kann að segja
mér sögur af Brandi hefði ég gaman
af að heyra þær.
Efnikgur
íœknir?
Ég má til með að lauma hér að einum
húsvískum. Þannig var að ungur og
efnilegur Húsvíkingur var að læra til
læknis - og það sem meira var - hann
vildi verða skurðlæknir. Fyrsta „al-
varlega“ aðgerðin var að fjarlægja
botnlanga úr ungum manni úr Aðal-
dalnum. Þegar aðgerðinni var lokið
leit yfirlæknirinn á sjúklinginn, en
þegar hann sá útlit hans - eða öllu
heldur þegar hann sá ekki það sem
hann vildi sjá - þá reif hann í hár sitt
og öskraði:
- Hversu oft þarf ég að segja þér
fíflið þitt, að botnlangi líkist fingri -
það hefur þú að vísu skilið virðist
mér - en þú hefur ekki áttað þig á að
hann er að innanverðu.
Blóm
afbeðin
Mér hefur borist eftirfarandi bréf frá'
Hlíf Einarsdóttur, formanni Geð-
verndarfélags Akureyrar, enda von-
um seinna að það félag léti málefni
mín til sín taka. Bréfið er þannig.
„Hr. Gísli Sigurgeirsson.
Þú setur á svið gamansögu um slys-
farir þínar í blaðinu Degi nýlega.
Allt í lagi með það. Það er auðvelt að
taka það eins og það er talað og þarf
ekki að hneyksla neinn, að undan-
teknu einu orði í blaðinu 16. nóvem-
ber. Þar segir þú sem svo, að ýmsir
muni nú loksins halda, að þú sért nú
loksins orðinn alveg „klikk“ konunni
þinni til mikillar smánar. Og þar kem
ég að erindinu. Það er mjög leitt til
þess að vita, að svona orð skuli sjást
á prenti í dag. Jafnvel þó í gríni eigi
að vera sagt. Það eru nógir fordómar
gagnvart geðsjúkdómum og eitt af
því versta er það, að það er álitið
skammarlegt að eiga við geðræn
vandamál að stríða.
Það sem kemur mér til þess að
senda þér þessar línur er það, að mér
finnst greinilegt að þú í hugsunar-
leysi hefur notað sömu orð og allir
aðrir gera. Og það er það versta að
svona er talað og hugsað. Það er ekki
á góðu von þegar tíðarandinn er
svona. Enda er það svo, að þeir sem
eiga við geðræn vandamál að stríða
fara með það serh mannsmorð, reyna
með öllum ráðum að leyna vand-
ræðum sínum og leita sér ekki hjálp-
ar fyrr en í algcrt óefni er komið.
Það er ekki skammarlegt að vera
„klikkaður“ heldur afskaplega sorg-
legt og fólk má alveg senda konunni
þinni blóm þess vegna. Kær kveðja.“
Taki þeir til sín sem eiga.
Vissulega búa margir þeir sem eru
sjúkir, eða á einhvern hátt fatlaðir,
við fordóma samfélagsins, hvort
heldur sem þeir eru vangefnir, lík-
amlega bæklaðir eða geðsjúkir, svo
dæmi séu nefnd. En ég hygg að þetta
sé að breytast, m.a. fyrir opna fjöl-
miðlun um þessi efni á undanförnum
árum. En það tekur sinn tíma að
uppræta aldagamla fordóma. Ég held
að ég sé tiltölulega laus við slíkt og
mér finnst það satt best að segja
hvorki sorglegt né skammarlegt að
vera svona „létt-klikkaður“. Mér
finnst það raunar frekar skemmti-
legt. Þess vegna eru blóm og kransar
afbeðnir. En bestu þakkir fyrir bréfið
Hlff.
Fjölskyldu-partý !
Nei, nei, þessi mynd er ekki tekin í fjölskyldusamkvæmi hjá háaðlinum á Akureyri í upphafi aldarinnar. Hér er að
vísu um fjölskyldu að ræða, en hún samanstendur af persónum í leikriti Kambans, Við sem skiljum. Og leikendur eru
f.v.: Kristjana Jónsdóttir, Björg Baldvinsdóttir, Nanna Jónsdóttir, Gestur Einar Jónasson, Þórey Aðalsteinsdóttir,
Aðalsteinn Bergdal, Svanhildur Jóhannesdóttir, Theodór Júlíusson og Þráinn Karlsson. Sitjandi eru Marinó Þor-
steinsson, Þórhalla Þorsteinsdóttir og Sigurveig Jónsdóttir. Myndin er tekin á heimili Ragnheiðar O. Björnsson við
Hafnarstræti. Mynd: GS
SKIPASAL/V
Nú getum við aftur boðið
viðskiptavinuin okkar þjónustu við
kaup og sölu báta og skipa.
Okkur vantar allar stærðir báta á skrá.
Bjóðum til sölu:
Nýendurbyggðan 130 tn. bát.
Frekari upplýsingar á skrifstofunni.
Benedikt Ölafsson hdl.
Amaro-húsinu II. hæð. Sölumaður: Ragnar Breiðfjörð Ragnarsson
Síminn er 25566. sími 20040. Kvöld og helgar 23303.
FASTEIGNA& fj
skipasalaSSI
NORÐURLANDS Íl
I Vín um helgina
Aðventustemmning í hámarki.
Hrafnhildur Vigfúsdóttir verður við aðventuskreytingar.
Efni til skreytinga.
Ný sending af jólastjörnum fyrir hverja helgi.
Heitt á könnunni
alla daga.
Veitingar ^ T
tfl kl 22 alla daga \ f SZSf*
Njótið helgarinnar í Vín.