Dagur - 12.12.1984, Blaðsíða 6
6 - DAGUR - 12. desember 1984
Myndir: KGA
Það var léttgræðgiskennd
stemmning á planinu fyrir utan
lögreglustöðina sl. laugardag.
Nú skyldi halda uppboð á ýmiss
konar góssi sem hinir og þessir
höfðu ekki getað staðið í skilum
með. Nú var tækifæri til að gera
góð kaup á markaðstorgi óham-
ingjunnar.
Meðal varningsins voru nokkr-
ir bílar, sem kunningi blaðsins
lýsti (nteð fullri virðingu fyrir
fyrrverandi og núverandi eigend-
um) sem „bölvuðum druslum".
barna var góss sem gert hafði
verið upptækt í smygli í Ólafs-
firði, hljómtæki sem fóru víst á
hærra verði en þau kostuðu út úr
búð. Sagt er að einhverjir fyrri
eigenda hafi boðið í (hvernig var
það annars - var kíkt inn í
tækin). Reyndar er það oft þann-
ig að fólk kann sér ekki hóf á
uppboðum sem þessum og sumir
roguðust heim með dót sem þeir
höfðu ekki hugmynd um til hvers
þeir áttu að nota.
Sérstæðasta uppákoman var
sennilega þegar boðnir voru upp
víxlar með kröfu á einhvern
mann á Vestfjörðum. Ekki á
hverjum degi sem hægt er að taka
slík víxlspor fyrir utan stöðina.
En uppboðið fór vel fram. Sig-
urður Eiríksson, fógetafulltrúi
stjórnaði öllu með mikilli rögg-
semi og var þetta hin besta
skemmtun mitt í skammdeginu.
- ESE
Sjónvarpstækið góða sem fór á einar 34 þúsund krónur.