Dagur - 10.07.1985, Síða 7

6 - DAGUR - 10. júlí 1985
10. júlí 1985-DAGUR-7
Bjartari horfur í atvinnumálum
- Ræða Finnboga Jónssonar framkvæmdastjóra flutt á aðalfundi Iðnþróunarfélags Eyjafjarðar fyrir skömmu
Finnbogi Jónsson framkvæmda-
stjóri Iðnþróunarfélags Eyja-
fjarðar flutti á aðalfundi félags-
ins hinn 28. júní erindi um at-
vinnumál á Eyjafjarðarsvæðinu
undir heitinu „Bjartari horfur í
atvinnumálum“. Finnbogi varð
góðfúslega við þeirri ósk okkar
að fá þetta erindi til birtingar og
fer það hér á eftir.
Inngangur
Atvinnumál Eyjafjarðarsvæðisins
hafa, sem kunnugt er, verið mikið
til umræðu meðal almennings og í
fjölmiðlum á síðustu árum. Kjarn-
inn í þeirri umræðu hefur verið sá,
að algert svartnætti væri framundan
og nánast ekkert nýtt væri á döfinni
sem hleypt gæti nýju blóði í'at-
vinnulífið á þessu svæði. En er það
virkilega svo að ekkert hafi áunnist
og allt sé hér á niðurleið. Er Eyja-
fjörður sá „dauðadalur“ sem mátt
hefur skilja á umfjöllun dagblaða á
síðustu misserum?
Hér á eftir verður reynt að leita
svara við þessum spurningum. Um-
fjölluninni mun ég skipta upp í
þrjá þætti. í fyrsta lagi mun ég gera
grein fyrir þróun atvinnulífs frá
1980 til 1983, sem eru þau ár sem
nýjustu tölur í þessum efnum ná
yfir. I öðru lagi mun ég rifja upp
hvað áunnist hefur í atvinnumálum
frá 1983 til dagsins í dag. Að síð-
ustu mun ég svo reyna að leggja
mat á núverandi stöðu atvinnumála
við Eyjafjörð og framtíðarhorfur.
Þróun atvinnulífs frá 1980-1983
Eins og flestum er kunnugt hefur
dregið mjög úr fjölgun íbúa við
Eyjafjörð eftir 1980 og allra síðustu
ár nánast verið um stöðnun að ræða
í fólksfjölgun eða jafnvel fækkun.
Árið 1980 var íbúatala Eyjafjarðar-
svæðisins 19.513 en árið 1983
19.981. Aukning á þessum þremur
árum er aðeins um 2,4%. Á sama
tíma fjölgaði landsmönnum í heild
hins vegar um tæp 4,0% sem er
60% meiri fjölgun. Þótt íbúatalan
gefi ákveðnar vísbendingar um
þróun atvinnumála segir hún ekki
alla söguna. Betri mælikvarði í þeim
efnum er þróun ársverka, þ.e.a.s.
hversu mörg heilsársstörf eru unnin
á hverjum tíma. Samkvæmt upplýs-
ingum Framkvæmdastofnunar
ríkisins var fjöldi ársverka í öllum
atvinnugreinum í Eyjafirði á árinu
1980 samtals 8218 en á árinu 1983
hins vegar 8756. Aukningin nemur
538 ársverkum sem jafngildir 6,5%
aukningu. Á sama tíma fjölgaði
ársverkum á landinu í heild um
8,8%. Samkvæmt þessu höfum við
haldið okkar hlut betur í fjölgun
starfa en í fólksfjölguninni sem
slíkri.
I töflu 1 kemur fram hvernig
þessi aukning ársverka skiptist á
einstakar atvinnugreinar. í þremur
greinum af níu er um fækkun að
ræða, þ.e. í landbúnaði, byggingar-
iðnaði pg í samgöngum, fiskveiðar
standa í stað en í öðrum greinum er
um fjölgun að ræða.
Mestur samdráttur er í bygging-
ariðnaði og nemur hann hvorki
meira né minna en um 150 ársverk-
um eða tæpum 15 prósentustigum
á þremur árum. Á árunum 1976-
1980 voru byggðar á Eyjafjarðar-
svæðinu u.þ.b. 230 íbúðir á ári að
meðaltali. Þetta svarar til þess að
byggt hafi verið yfir tæplega 3000
manns á umræddu 4 ára tímabili
meðan fólksfjölgunin á sama tíma
var um 1300 manns. Það má því
segja að um óhjákvæmilegan og að
nokkru leyti eðlilegan samdrátt hafi
verið að ræða í byggingariðnaði
upp úr 1980. Engu að síður hlýtur
svo mikill samdráttur á svo
skömmum tíma að vera mjög
óæskilegur með tilliti til framtíðar-
stöðu þessarar atvinnugreinar á
svæðinu.
Fækkun í landbúnaði nemur tæp-
um 70 ársverkum frá 1980 til 1983
eða um 10 af hundraði. Þetta er í
samræmi við þá þróun sem átt hef-
ur sér stað í landbúnaði almennt í
landinu og reyndar hefur fækkunin
ar ársverkum um tæp 160 eða rúm-
lega 19% og svo þjónustugreinarn-
ar en þar fjölgar um hvorki meira
né minna en 522 ársverk sem jafn-
gildir 15% aukningu á þremur
árum.
Iðnaðurinn, að frátöldum bygg-
ingariðnaði, kemur viðunandi út í
þróun atvinnuþátttöku á þessum
árum, en samtals koma til 70 ný
störf í þessari grein á tímabilinu.
Hlutfallsleg aukning nemur 4,1%
samanborið við 3% á landinu í
heild að meðaltali.
Varðandi fiskveiðarnar er rétt að
geta þess að bæði á árunum 1981 og
1982 voru sjómenn fleiri en á árinu
1983 eða um 520 samanborið við
486 árið 1983. Þessi samdráttur
stafar m.a. af því að einum togara
Útgerðarfélags Akureyringa, Sól-
bak var lagt á þessum tíma eins og
kunnugt er. Sjá nánar töflu 2.
Þegar á heildina er litið er ekki
hægt að segja annað en þróun at-
vinnulífs við Eyjafjörð hafi verið
mjög viðunandi á árunum 1980-
1983 ef undan er skilinn samdráttur
í byggingariðnaði og landbúnaði.
Á miðju ári 1983 ríkti hins vegar
veruleg óvissa varðandi framtíðar-
þróun í atvinnumálum byggðar-
lagsins.
í skýrslu samstarfsnefndar um
mönnum sjálfum, einstaklingum og
fyrirtækjum og samtökum þeirra.
Hún benti hins vegar á, að til að
halda eðlilegu byggðajafnvægi við
höfuðborgarsvæðið þyrfti að koma
til stóriðja í einhverri mynd eða
stóraukin hlutdeild í fyrirsjáanlegri
aukningu þjónustustarfa í landinu.
En hver hefur hin raunverulega
þróun orðið á þessum tveimur
árum frá því að umrædd úttekt var
gerð á stöðu og horfum atvinnulífs
við Eyjafjörð.
Hefur eitthvað áunnist í atvinnu-
málum á sl. tveimur árum?
Sem kunnugt er hefur íbúum í
Eyjafirði ekki fjölgað frá 1983. Á
Akureyri hefur þvert á móti verið
um fækkun að ræða tvö ár í röð og
sama gildir um ýmis önnur sveitar-
félög á svæðinu. Ég tel að ákveðnar
vísbendingar séu nú um að þessi
þróun sé að snúast við og að við
getum vænst þess að íbúum við
Eyjafjörð fari aftur að fjölga þótt
það verði ekki í sama mæli og var
fyrir 1980. En af hverju skyldi þá
þróunin vera að snúast við? Megin-
skýringin er auðvitað sú staðreynd
að þrátt fyrir allt hefur ýmislegt
nýtt komið til sögunnar á síðustu
tveimur árum sem rennt hefur
styrkari stoðum undir atvinnulífið
víða verið meiri. Það má til dæmis
nefna að á Austurlandi var sam-
dráttur í ársverkum á sama tímabili
yfir 20% og að meðaltali yfir landið
í heild var fækkunin um 6%. Að
fækkunin skuli vera meiri hér, en
nemur landsmeðaltali kemur mér
þó á óvart með tilliti til þess hve
Eyjafjörðurinn er í rauninni hag-
kvæmt landbúnaðarhérað.
Helstu vaxtagreinarnar á tíma-
bilinu eru fiskvinnslan, en þar fjölg-
iðnþróun í Eyjafirði, sem út kom
um þetta leyti var bent á að gera
þyrfti verulegt átak í atvinnumálum
ef tryggja ætti áframhaldandi og
æskilega fólksfjölgun á svæðinu á
komandi árum. Nefndin var þó
ekki þeirrar skoðunar að algert
svartnætti væri framundan þar sem
hún taldi að fjölmargir möguleikar
væru til nýsköpunar í atvinnumál-
um við Eyjaförð sem unnt væri að
hrinda í framkvæmd af heima-
á svæðinu.
Mig langar að nefna hér nokkur
dæmi:
Í. í árslok 1983 kom til Akureyrar
nýr togari, Akureyrin, sem gerður
er út sem frystitogari. Á milli 35 og
40 manns hafa atvinnu af þessari út-
gerð en með margfeldisáhrifum á
þjónustustarfsemi og annað má
fullyrða að tilkoma þessa togara
hafi ekki skapað færri en 100 ný
störf á svæðinu.
TAFLA 1
Skipting mannafla á atvinnugreinar 1980 og 1983.
Ársverk.
Breyting
1980 1983 ársv. í %
1. Landbúnaður 668 601 -67 -10,0
2. Fiskveiðar 486 486 0 0
3. Fiskvinnsla 824 982 158 + 19,2
4. Iðnaður 1791 1864 73 +4,1
5. Byggingar 1008 859 -149 -14,8
6. Verslun 960 1125 165 + 17,2
7. Samgöngur 455 418 -37 -8,1
8. Bankaro.fi. 266 324 58 +21,8
9. Þjónusta 1761 2097 336 + 19,1
SAMTALS 8218 8756 538 +6,5
TAFLA2
Skipting mannfjölda eftir atvinnugreinum 1981 og 1983 í Eyjaflröi.
Ársverk Ársverk Breyting (%)
1981 1983
Landbúnaður 654 601 -53 (-8,1)
Fiskveiðar 527 486 -41 (-7,8)
Iðnaður 1) 3676 3705 +29 (+0,8)
Þjónusta 2) 3595 3964 +369 ( + 10,3)
Samtals 8452 8756 +304 (3,6)
1) Fiskvinnsla °g byggingariðnaður meðtalin.
2) Verslun, bankar, samgöngur og önnur þjónusta.
2. Útgerðarfélag Akureyringa hef-
ur fest kaup á nýjum togara í stað
Sólbaks. Rekstur slíks togara þýðir
um 60-70 ársverk auk margfeldis-
áhrifa. Miðað við árið 1983 sem var
það ár þegar mest óvissa rfkti hér í
atvinnumálum þýða þessir tveir
togarar 50% aukningu á togaraút-
gerð frá Akureyri með tilheyrandi
áhrifum á aðrar atvinnugreinar.
3. Um áramótin 1983/84 kom nýr
184 tonna togari til Grenivíkur.
Þótt hann hafi að hluta til komið í
stað tveggja minni báta sem seldir
voru af staðnum er þarna um aukin
afköst i útgerð að ræða. Varðandi
þennan togara má einnig nefna að
hann er gerður út með línubeit-
ingarvél sem er nýjung í útgerð við
Eyjafjörð.
4. Sjávarútvegurinn í landinu al-
mennt hefur átt í miklum rekstrar-
erfiðleikum á síðustu árum. Út-
gerðar- og fiskvinnslufyrirtæki á
þessu svæði hafa þó staðið þessa
erfiðleika af sér hlutfallslega betur
en fyrirtæki víða annars staðar á
landinu og jafnvel skilað hagnaði
þegar hliðstæð fyrirtæki á öðrum
stöðum hafa sýnt verulegt tap. Af
þessum ástæðum svo og þeirri stað-
reynd að afkoma fiskvinnslunnar er
mun betri á þessu ári er fjáhags-
legur grundvöllur stærstu útgerð-
arfyrirtækjanna hér til frekari upp-
byggingar og nýsköpunar á næstu
árum hlutfallslega góður. Raun-
verulegt eigið fé Ötgerðarfélags
Akureyringa hf. fyrir skatta er t.d.
vart undir 400 millj. króna og er
ÚA trúlega fjárhagslega sterkasta
fyrirtæki sinnar tegundar í landinu.
5. J3yggð hefur verið rækjuverk-
smiðja á Árskógsströnd sem veitir
hátt í 30 manns atvinnu sem er
mjög mikið í ekki stærra byggðar-
lagi. Þá hefur verið endurbyggð
rækjuverksmiðja á Dalvík og farið
fram fjárhagsleg endurskipulagning
á Söltunarfélagi Dalvíkur hf. sem
skapar forsendur fyrir frekari upp-
byggingu þess fyrirtækis á næstu
árum.
6. Horfur í iðnaði eru nú verulega
bjartari en var á árinu 1983. Má
t.d. nefna að hjá Slippstöðinni hef-
ur ástandið að verulegu leyti snúist
við. I stað fjölda uppsagna sem
horfur voru á fyrir um 1-1 Ví> ári síð-
an er nú skortur á starfsmönnum
a.m.k. í ákveðnum iðngreinum.
Umfangsmikil viðhaldsverkefni eru
fyrirsjáanleg út allt þetta ár og
Slippstöðin hefur haslað sér völl á
erlendum vettvangi með nýlegum
samningum við Kanadamenn.
7. Mikil framleiðslu- og veltuaukn-
ing hefur orðið hjá Niðursuðuverk-
smiðju K. Jónssonar á síðustu miss-
erum m.a. í kjölfarið á umfangs-
miklum nýfjárfestingum hjá fyrir-
tækinu. Starfsmannafjöldi í fram-
leiðslunni sem slíkri hefur að vísu
ekki aukist að sama skapi, sem
einungis verður að telja jákvæða
þróun en ljóst er að peningaveltan
ein skapar margfeldisáhrif og þar
með aukna atvinnu í öðrum grein-
um.
8. Á árinu 1983 kom til sögunnar
nýtt fyrirtæki, Gúmmívinnslan,
sem er eina fyrirtækið utan Reykja-
víkur sem hefur með höndum sóln-
ingu á stórum hjólbörðum. Þá er
þetta fyrirtæki að hefja framleiðslu
á gúmmíbobbingum og gúmmí-
mottum úr hráefni sem áður fór á
haugana og er það alger nýjung
hér á landi.
9. Á þessu ári var hafinn rekstur
kjarnfóðurverksmiðju hjá Fóður-
stöð KEA og KSÞ en áður var allt
kjarnfóður fyrir nautgripi og sauð-
fé til Eyjafjarðarsvæðisins innflutt.
Verksmiðjan selur framleiðslu sína
auk þess vestur í Húnavatnssýslu
og austur í Þingeyjarsýslur. Unnið
er að undirbúningi á að hefja fram-
leiðslu á svína- og kjarnfóðri.
10. Framleiðsla á votfóðri fyrir
loðdýrarækt hefur verið endur-
skipulögð með stofnun sérstakrar
fóðurstöðvar á Dalvík fyrir allt
Eyjafjarðarsvæðið. Loðdýrarækt
vex hröðum skrefum á svæðinu og
hefur aukist um allt að 50% á
tveimur árum og reyndar meira ef
tekið er tillit til útrýmingar á sýkt-
um stofni. Á árinu 1983 voru 12
loðdýrabú í Eyjafirði en með nýj-
um umsóknum sem nú liggja fyrir
má gera ráð fyrir að þau verði tæp-
lega 30 á næsta ári.
11. Starfsfólki hjá Iðnaðardeild
Sambandsins á Akureyri hefur
fjölgað frá árinu 1983, m.a. vegna
mikillar aukningar í fullvinnslu á
skinnum en hún hefur tvöfaldast á
síðustu tveimur árum. Eftirspurn
eftir framleiðslu skódeildarinnar,
sem lá við að yrði lögð niður fyrir
þremur árum, er nú meiri en um
margra ára skeið og rekstrargrund-
völlur traustari.
12. Efnaverksmiðjan Sjöfn vinnur
um þessar mundir að gangsetningu
nýrrar verksmiðju til framleiðslu á
dömubindum og bleium. Auk þess
hefur fyrirtækið þróað ýmsar nýjar
afurðir á síðustu árum innan hins
hefðbundna framleiðslusviðs fyrir-
tækisins.
13. Rafeindaiðnaður hefur nú náð
fótfestu á Eyjafjarðarsvæðinu með
endurskipulagningu og stofnun
hlutafélagsins DNG hf. og fjár-
hagslegri þátttöku ýmissa fyrir-
tækja á Reykjavíkursvæðinu í
þessu sambandi.
14. Stofnað hefur verið nýtt fyrir-
tæki á Dalvík, Sæplast hf., sem
starfrækt er allan sólarhringinn
fimm daga vikunnar, til framleiðslu
á plastkörum og brettum. Fyrirtæk-
ið framleiðir bæði fyrir innlendan
og erlendan markað og unnið er að
þróun nýrra vörutegunda sem mun
fela í sér enn frekari framleiðslu-
aukningu á næstu árum.
15. Stofnað hefur verið fyrirtækið
AKVA sf. á Akureyri, sem mun
hafa með höndum framleiðslu á
ýmsum drykkjarvörum auk þess
sem það mun reyna fyrir sér með
útflutning á vatni til neyslu erlend-
is.
16. Hafinn er rekstur tveggja fisk-
eldisfyrirtækja við Eyjafjörð, ann-
ars á Dalvík og hins í Ólafsfirði.
Með þessum fyrirtækjum er lagður
grundvöllur að landnámi þessarar
nýju og áhugaverðu atvinnugreinar
í Eyjafirði og unnið er að athugun-
um á fleiri verkefnum á þessu sviði.
17. Stofnað hefur verið fyrirtækið
ÍSTESS hf. í samstarfi við norska
aðila, og mun það fyrirtæki gegna
lykilhlutverki í framleiðslu á laxa-
fóðri fyrir fiskeldisstöðvar á fslandi
á komandi árum auk þess sem um
útflutning verður að ræða. Þá mun
fyrirtækið einnig framleiða þurr-
fóður og íblöndunarfóður fyrir vax-
andi loðdýrarækt á íslandi, en þess
konar fóður er nú alfarið innflutt.
18. Hjá Plasteinangrun hf. hefur
orðið mjög mikil aukning í fram-
leiðslu á útgerðarvörum á síðustu
árum og er nú svo komið að fyrir-
tækið annar vart eftirspurn þrátt
fyrir að fyrirtækið sé nú rekið allan
sólarhringinn alla daga vikunnar.
Söluhorfur næstu misseri eru mjög
góðar og jafnvel í sjónmáli stór-
verkefni sem ekki verður mætt
nema með nýjum fjárfestingum í
framleiðslutæk j um.
19. Stofnað hefur verið nýtt fyrir-
tæki í Ólafsfirði, Sæver hf., sem
hefur að markmiði kavíarfram-
leiðslu, rækjuvinnslu og ýmsa aðra
framleiðsiu á niðurlögðum og/eða
niðursoðnum sjávarafurðum.
20. Rekstur Vélsmiðjunnar Odda
hefur tekið verulegum stakka-
skiptum frá árinu 1983 þegar mikill
samdráttur varð á hinu hefðbundna
framleiðslu- og þjónustusviði fyrir-
tækisins. Þessum samdrætti hefur
fyrirtækið mætt með þeim hætti sem
ber að gera og þörf er á á nokkurra
ára fresti í öllum rekstri, þ.e.a.s.
með vöruþróun og með því að
hasla sér völl á nýjum sviðum.
Fyrirtækið er nú að festa sig í sessi
m.a. sem tækjaframleiðandi fyrir
sjávarútveginn, bæði fyrir innlend-
an og erléndan markað. Þetta er
svið, sem er mjög áhugavert en hef-
ur allt of lítið verið sinnt hér á landi
fyrr en á allra síðustu árum. Starfs-
mannafjöldi frá árinu 1983 hefur
aukist um meira en 30% af þessum
sökum.
21. Ýmis smærri fyrirtæki hafa
komið til sögunnar á síðustu árum
á sviði iðnaðar og öðrum sviðum
sem of langt mál væri að rekja en
slík fyrirtæki eru mikilvægir hlekkir
í samtvinnaðri keðju atvinnulífsins
á svæðinu. í þessu sambandi má
nefna þjónustufyrirtæki í prentiðn-
aði s.s. HS vörumiða, pökkunarfyr-
irtæki í matvælaiðnaði s.s. Tinda-
fell, og ýmis smærri fyrirtæki sem
veita þjónustu og ráðgjöf á ýmsum
sviðum, sem í allt of miklum mæli
hefur hingað til verið sótt til
Reykjavíkur. Þá má nefna ýmsar
ótaldar nýjungar hjá starfandi fyrir-
tækjum s.s. pökkunarverksmiðju
Kjötiðnaðarstöðvarinnar o.fl.
22. Lagður hefur verið grundvöllur
að stóraukinni ferðamannaþjón-
ustu á Akureyri og nágrenni á
næstu árum. Unnið er að allt að
þrefaldri stækkun á Hótel KEA,
nýtt fyrirtæki, Hótel Stefanía, hef-
ur þegar hafið rekstur og ákvörðun
hefur verið tekin um þriðju stór-
framkvæmdina á þessu sviði, bygg-
ingu Hótels Goðafoss.
23. Á sl. ári var stofnað fyrirtækið
Samver hf. sem ætlað er að gegna
veigamiklu hlutverki á fjölmiðlun-
arsviði á næstu árum, en þar er ým-
islegt að gerast um þessar mundir
sem kunnugt er og mjög mikilvægt
að Eyfirðingar taki virkan og stóran
þátt í þeirri þróun sem þar er fyrir-
sjáanleg.
24. Fjölmargir veitingastaðir hafa
risið hér á svæðinu á allra síðustu
árum, sem gegna vissulega mikil-
vægu hlutverki í mannlífinu og
verða til að auka hvers konar ferða-
mannaþjónustu. Má í þessu sam-
bandi t.d. nefna Laxdalshús á Ak-
ureyri, Sæluhúsið á Dalvík, Brekku
í Hrísey og Vín í Hrafnagilshreppi.
25. Að lokum má svo nefna að á
síðasta ári tók Verkmenntaskólinn
á Akureyri formlega til starfa og
þar er virkilega um merka nýjung
að ræða í skólamálum á svæðinu og
sem mun gegna lykilhlutverki í allri
verkmenntun sem aftur er forsenda
enn frekari landvinninga í hagræð-
ingu og nýsköpun atvinnulífsins hér
sem annars staðar á næstu árum.
Niðurstöður
Ég hef hér að framan rifjað upp
ýmislegt sem áunnist hefur í at-
vinnumálum hér á sl. tveimur
árum. Að mínu mati er það alls
ekki svo lítið. Upptalning þessi er
heldur engan veginn tæmandi, að-
eins 25 dæmi, sem komu fljótt upp
í hugann við samantekt þessa er-
indis. Vissulega hafa einnig ýmis
blóm fallið á tímabilinu en þó er ég
þeirrar skoðunar að nýjungarnar
yfirgnæfi það sem miður hefur
farið.
Varðandi stöðu atvinnumála nú
á miðju ári 1985 er margt sem
bendir til að hún sé tiltölulega góð
og horfurnar bjartari en verið hefur
um nokkurt skeið. Það sem skyggir
vissulega á og sá skuggi er óneitan-
lega stór er ástandið í byggingar-
iðnaðinum. Um ástandið nú segir
það e.t.v. sína sögu að á Akureyri
hefur verið sótt um tvær einbýlis-
húsalóðir það sem af er þessu ári.
Eins og ég hef áður vikið að hlaut
vissulega að verða verulegur sam-
dráttur í byggingariðnaði upp úr
1980 miðað við hvað mikið hafði
verið byggt þar á undan. í dag er
umfang byggingarframkvæmda
hins vegar komið langt niður fyrir
það sem eðlilegt getur talist. Til
þess að jafna svona miklar og
óæskilegar sveiflur í þessari at-
vinnugrein væri að mínu mati eðli-
legt að opinberir aðilar og sveitar-
félög höguðu sínum framkvæmdum
þannig að meira væri byggt þegar
samdráttur er í almennum hús-
byggingum og minna þegar þensla
er á íbúðamarkaðinum. Staðreynd-
in er hins vegar sú að þessu virðist
þveröfugt farið. Nú er til að mynda
mikil þensla í íbúðabyggingum á
höfuðborgarsvæðinu. Á sama tíma
eru opinberar framkvæmdir á því
svæði í hámarki. Á landsbyggðinni
er samdráttur í íbúðabyggingum og
á sama tíma samdráttur í opinber-
um framkvæmdum.
Einhvern veginn hef ég þó á til-
finningunni að byggingariðnaður-
inn hafi þegar náð botninum og að
bjartari tíð sé framundan í íbúða-
byggingum á næsta ári. Ég held
einnig að munur á fasteignaverði á
Akureyri og í Reykjavík muni
minnka verulega á næstu misser-
um. Vaxandi peningavelta í kjölfar
aukins afla og framleiðsluaukning-
ar á svæðinu mun kalla á aukin
verkefni í byggingariðnaði.
Ef frá er talið núverandi ástand í
byggingariðnaðinum tel ég að iðn-
aður í Eyjafirði standi á tiltölulega
traustum fótum.
Horfur í sjávarútvegi eru allt aðr-
ar en þær voru fyrir aðeins einu ári.
Lífsskilyrðin í sjónum hafa batnað
til muna og útflutningsverð hefur
farið hækkandi.
f landbúnaði í heild má gera ráð
fyrir að um óhjákvæmilegan og
áframhaldandi samdrátt verði að
ræða. Eyjafjarðarsvæðið er hins
vegar eitt besta landbúnaðarhérað
í landinu, ekki síst fyrir nautgripa-
rækt og þess vegna tel ég mjög
óeðlilegt að veruleg minnkun eigi
að verða hér á þessu svæði, umfram
það sem þegar er orðið, þ.e.a.s. á
svæði þar sem hvað ódýrast er að
framleiða mjólk í landinu.
í sauðfjárræktinni hlýtur hins
vegar að verða samdráttur en með
tilliti til stórfelldrar aukningar í loð-
dýrarækt neita ég að trúa því að um
verulegan samdrátt verði að ræða í
landbúnaði í Eyjafirði á næstu
árum þegar á heildina er litið.
Umfangsmikill vöxtur hefur ver-
ið í þjónustugreinum hér á síðustu
árum eins og fram kom á töflu 1 og
2. Á því þarf að verða áframhald
en við verðum að fá ný verkefni á
þessu sviði. Þar er efst á blaði stofn-
un útibús frá Háskóla íslands á Ak-
ureyri þegar haustið 1986. Þá
ákvörðun verðum við að knýja í
gegn á allra næstu mánuðum. Því
verður ekki trúað að stjórnvöld
jarðsetji þá hugmynd eins og þau
hafa gert með aðrar hugmyndir
sem hafa verið á lofti í þessum
efnum á síðustu mánuðum s.s.
byggðastofnun og þróunarfélag.
Háskóla verðum við að fá og það
eru engin rök fyrir að neita þeirri
sjálfsögðu kröfu.