Dagur - 22.01.1986, Blaðsíða 1
Fjárhagsáætlun Hitaveitu Akureyrar 1986:
í fyrsta sinn greitt
af erlendum skuldum
í gær var fjárhagsáætlun Hita-
veitu Akureyrar fyrir.árið 1986
lögð fyrir bæjarstjórn Akur-
eyrar til staðfestingar. E.t.v. er
það markverðast í þessari áætl-
un að í henni er í fyrsta sinn í
sögu hitaveitunnar gert ráð
fyrir því að veita fé af tekjum
veitunnar til að greiða af er-
lendum lánum.
Niðurstöðutölur tekna og
gjalda í áætluninni eru 256 millj-
ónir króna. í afborganir af er-
lendum lánum fara 72,4 milljónir
króna. Til greiðslna á þessum af-
borgunum er gert ráð fyrir að
taka ný lán að upphæð 62,7 millj-
ónir . króna. Mismunurinn
verður greiddur af tekjum veit-
unnar og er það eins og áður seg-
ir í fyrsta sinn sem ráðist er í að
greiða af erlendum skuldum
Hitaveitu Akureyrar.
Reiknað er meö 35% verð-
bólgu á árinu og til að mæta
henni er gert ráð fyrir 17,4%
gjaldskrárhækkun 1. júlí.
Heildarútgjöld, án vaxta, eru
54 milljónir króna, þar af fara
21,9 milljónir til kaupa á raforku
til dælingar og endurhitunar í
varmadælum. Af þessum 21,9
milljónum króna fara 6,4 milljón-
ir í greiðslu á söluskatti og verð-
jöfnunargjaldi. Það hefur verið
krafa þeirra hitaveitna sem nú
eiga í fjárhagserfiðleikum að
söluskattur og verðjöfnunargjald
verði fellt niður af þeirri raforku
sem veiturnar kaupa til dælingar á
heita vatninu, með þeim rökum
að verðjöfnunargjaldið sé hugsað
til þess að jafna hitunarkostnað
landsmanna og því sé lítið rétt-
læti í því að það sé lagt á íbúa
þeirra svæða sem búa við hærra
húshitunarverð en þeir sem njóta
niðurgreiðslnanna. „Við gjör-
byltum ekki rekstri hitaveitunnar
með þeim 6,4 milljónum sem
þarna er um að ræða, en margt
smátt gerir eitt stórt,“ sagði Wil-
helm Steindórsson hitaveitu-
stjóri.
Wilhelm sagði ennfremur að
þessi áætlun væri spor í rétta átt
en það væri hægt að gera betur og
yrði að gera betur ef takast ætti
að koma fjárhag hitaveitunnar í
traustari skorður.
Hákon Hákonarson, formaður
stjórnar- hitaveitunnar, sagði að
þessi fjárhagsáætlun markaði
tímamót í sögu hitaveitunnar þar
sem nú er í fyrsta sinn gert ráð
fyrir afborgunum af erlendum
skuldum fyrirtækisins. Einnig tók
hann undir þau orð hitaveitu-
stjóra að bæta mætti hag hitaveit-
unnar með niðurfellingu sölu-
skatts og verðjöfnunargjalds, en
fleira þyrfti að koma ti! svo tekj-
ur hitaveitunnar mættu aukast.
Það mætti t.d. gera með þeim
hætti að þeir sem hita með raf-
magni skipti yfir í hitaveitu sem
yrði til mikils hagræðis fyrir bæði
fyrirtækið og notendur. Það yrði
að leita áfram allra leiða til að
létta þungum byrðum af notend-
um Hitaveitu Akureyrar.
Á blaðsíðu 5 er viðtal við Wil-
helm þar sem hann útskýrir m.a.
árangur af breyttu sölufyrir-
komulagi Hitaveitu Akureyrar.
-yk.
Dregið í krossgátunni. Stefán Hallgrímsson, eigandi Hljómvers, dregur úr tæplega 1000 lausnum sem bárust. Uin-
slögin voru vandlega hulin þegar drátturinn fór fram. Mynd: KGA.
Kolbeinsey ÞH 10.
Ishaf hf. fékk Kolbeinsey:
„Tel ekki
að skipið
standi undir
þessu verði“
- segir Tryggvi Finnsson sem gefir ráð fyrir
að félaginu verði lagt til verulegt eigið fé
„Ég er fyrst og fremst ánægður
með að málið skuli vera komið
í höfn. Við ætluðum okkur
aldrei að spenna bogann alveg
svona hátt, en annað var ekki
hægt úr því sem komið var,“
sagði Tryggvi Finnsson for-
stjóri Fiskiðjusamlags Húsa-
víkur þegar Ijóst var í gær að
íshaf h.f. á Húsavík fengi
togarann Kolbeinsey keyptan
af Fiskveiðasjóði.
Upphaflegt tilboð íshafs var
upp á rúmar 60 milljónir króna.
Fiskveiðasjóður krafðist þess
hins vegar að fá 178,8 milljónir
fyrir skipið, sem er tryggingar-
verðmæti þess. Þarna munar því
talsverðu.
Er Tryggvi var spurður hvort
hann teldi vera rekstrargrundvöll
fyrir skipið á þessu verði, svaraði
hann:
„Ég tel ekki að skipið standi
undir þessu verði, en ég geri ráð
fyrir að hlutafélaginu verði lagt
til verulegt eigið fé og þannig ætti
þetta að sleppa."
í gær voru opnuð hjá Fisk-
veiðasjóði tilboð í tvo aðra tog-
ara, Sigurfara frá Grundarfirði
og Sölva Bjarnason frá Bíldudal.
Fjórir nafngreindir aðilar á
Hornafirði áttu hæsta tilboðið í
Sigurfara og nam það 190 millj-
ónum. Haraldur Böðvarsson
Akranesi bauð 187,5 milljónir og
Útgerðarfélag Akureyringa átti
þriðja hæsta tilboðið sem nam
177,8 milljónum króna. Þvínæst
kom Skagstrendingur á Skaga-
strönd með 172 milljónir, þá
Siglunes Grundarfirði með 168,3
milljónir, Hraðfrystihús Grund-
arfjarðar 165 milljónir, Sæberg
Ólafsfirði 165 milljónir og Þor-
björn hf. Grindavík 150 milljón-
ir.
í Sölva Bjarnason bárust 6 til-
boð og þar áttu heimamenn, Út-
gerðarfélag Bílddælinga, hæsta
tilboðið og nam það 150,5 millj-
ónum króna. Bjarni Andrésson
Tálknafirði var með 147,1
milljón, Jón Erlingsson og Haf-
liði Þórsson Sandgerði 132,5
milljónir, Siglfirðingur hf. Siglu-
firði 131,5 milljónir, Gunnvör
ísafirði 128 milljónir og Þorbjörn
hf. Grindavík 85 milljónir króna.
Svavar Ármannsson hjá Fisk-
veiðasjóði vildi að það kæmi
skýrt fram að tilboðin hafa ekki
verið metin með tilliti til greiðslu-
tíma og greiðslutrygginga og ætti
eftir að meta tilboðin með tilliti
til þess. BB/gk-.
Dregið í jóla-
krossgátu Dags
í gær var dregið úr réttum
lausnum í jólakrossgátu Dags.
Alls bárust um 950 lausnir.
Dregið var í versluninni
Hljómveri, en verðlaunin eru
einmitt glæsileg hljómtækja-
samstæða frá Onkyo, Það er
ekkert vafamál að um einhver
stórglæsilegustu verðlaun sem
veitt hafa verið í krossgátu hér-
lendis er að ræða.
Stefán Hallgrímsson eigandi
Hljómvers dró úr innsendum
•lausnum og \ inningshafinn er . . .
Þetta er að verða dálítið spenn-
andi! Áður en við upplýsum hver
hinn heppni er, skal tekið fram
að Ólafur Ásgeirsson aðstoðar-
yfirlögregluþjónn á Akureyri var
viðstaddur er dregið var í gær.
Þannig að ekkert fór á milli mála.
En þá er það vinningshafinn ...
Sú heppna er Sigurlaug Þ. Gunn-
arsdóttir, Skarðshlíð 26 d. Sigur-
laug hafðu samband við Dag!
-mþþ