Dagur - 22.01.1986, Blaðsíða 2
2 - DAGUR - 22. janúar 1986
_j/iðtal dagsins.
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 420 Á MÁNUÐI
LAUSASÖLUVERÐ 40 KR.
RITSTJÓRI OG ÁBYRGÐARMAÐUR:
HERMANN SVEINBJÓRNSSON
RITSTJÓRNARFULLTRÚI:
GÍSLi SIGURGEIRSSON
FRÉTTASTJÓRI:
GYLFI KRISTJÁNSSON
BLAÐAMENN:
ÁSLAUG MAGNÚSDÓTTIR, BRAGI V. BERGMANN,
GESTUR E. JÓNASSON, INGIBJÖRG MAGNÚSDÓTTIR (Húsavík),
YNGVI KJARTANSSON, KRISTJÁN G. ARNGRÍMSSON,
KRISTJÁN KRISTJÁNSSON, MARGRÉT Þ. ÞÓRSDÓTTIR,
AUGLÝSINGASTJÓRI: FRÍMANN FRÍMANNSSON
ÚTBREIÐSLUSTJÓRI:
HAFDÍS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Jeiðari_______________________________
Hveijir em bestu hags-
munir Fiskveiðasjóðs?
Málefni Fiskveiðasjóðs íslands hafa verið
mikið til umfjöllunar í fjölmiðlum undanfarnar
vikur vegna þeirra erfiðleika sem útgerðarfyr-
irtæki hafa lent í og uppboða á skipum þeirra
í kjölfarið. Hæst hefur borið uppboðið á Kol-
beinsey og útboðið á skipinu. Útgerðarfélag
Norður-Þingeyinga átti hæsta tilboð í skipið
en féll frá því eftir verulegan þrýsting. Að
sögn Norður-Þingeyinga skipti mestu þar um
hið bága atvinnuástand sem er á Húsavík eft-
ir að Kolbeinsey fór af staðnum. Útgerðarfé-
lag Akureyringa hafði þann fyrirvara á sínu
tilboði, sem var næsthæst, að það félli frá því
ef tilboðið yrði til þess að taka skipið frá Hús-
víkingum. Báðir þessir aðilar sýna lofsverða
víðsýni og tillitssemi.
Sama verður varla sagt um Fiskveiðasjóð.
Þar láta menn hart mæta hörðu og telja sig
vera að gæta hagsmuna sjóðsins, sem út af
fyrir sig er gott sjónarmið. Hins vegar mega
starfsmenn og stjórn Fiskveiðasjóðs ekki
gleyma því þjóðfélagslega hlutverki sem
sjóðurinn gegnir. Hann var settur á laggirnar
af stjórnvöldum og í honum sitja menn sem
eiga að hafa yfirsýn yfir flesta þætti útgerðar
og fiskvinnslu. Hvernig getur það t.d. sam-
ræmst bestu hagsmunum Fiskveiðasjóðs að
svipta nýtt, fullkomið og vel búið frystihús
Húsvíkinga hráefni til vinnslu þegar þess er
gætt, að Fiskveiðasjóður hlýtur að hafa lánað
fé til uppbyggingar fiskvinnslunnar á
staðnum?
„Ef Kolbeinsey er seld frá staðnum vaknar
spurning um nýtingu á þessari miklu fjárfest-
ingu og hvort Fiskveiðasjóður telur það sam-
ræmast sínum bestu hagsmunum að frysti-
húsið fái ekki hráefni og lendi í greiðsluerfið-
leikum. Stjórnarmenn sjóðsins verða líka að
huga að því að ekki verði búið til nýtt dæmi
sem ekki gengur upp og fer á sömu leið,“
sagði Guðmundur Bjarnason, alþingismaður,
í viðtali við Dag um þetta mál. Hann sagði
ennfremur:
„Það er ljóst að ef Húsvíkingar missa Kol-
beinsey verður að koma önnur lausn á mál-
inu, nýtt skip til staðarins, bæði vegna fjár-
festingarinnar 1 fiskiðnaðinum á staðnum og
vegna atvinnuástandsins. Með tilkomu nýs
skips er verið að ganga gegn fiskveiðistefn-
unni eða hagsmunum einhvers annars
byggðarlags sem síðan þarf að fá lausn sinna
mála,“ sagði Guðmundur Bjarnason, og
minna má á í þessu sambandi stjórnarsátt-
mála ríkisstjórnarinnar um að koma í veg fyrir
atvinnuleysi.
„Er mikill fjölmiöla-
áhugamaður"
- segir Gestur Kristinsson fréttaritari Dags á Blönduósi
„Ég er Hafnfirðingur, alinn
upp í Kópavogi og er kominn
af Reykvíkingum. Þetta er
mjög góð blanda. Samt ekki
sunnlenskur í húð og hár, því
ég get rakið ættir mínar hingað
í Húnavatnssýslu, en amma
mín var héðan.“ Þessi bland-
aði viðmælandi okkar er Gest-
ur Kristinsson nýráðinn frétta-
ritari Dags á Blönduósi. Ætl-
unin er að kynna manninn á
bak við fréttaritarann í þessu
viðtali, ef við megum orða það
svo skemmtilega.
Það sem okkur leikur einna
fyrst forvitni á að vita, er hvenær
Gestur flutti til Blönduóss og
hvers vegna.
„Við fluttum hingað í maí árið
1984. Konan mín er héðan af
Blönduósi, en henni kynntist ég
reyndar fyrir sunnan. Ég er pípu-
lagningameistari, vann sjálfstætt,
fór á hausinn. Langaði ekki að
byrja á baslinu upp á nýtt þannig
að við ákváðum að flytja hingað.
Gera tilraun. Hún hefur tekist
ágætlega. Ég starfa sem pípu-
lagningameistari hjá kaupfélag-
inu og það er alveg ágætt.“
- Nóg að gera?
„Það er mjög bylgjukennt. Ég
hef síðan í ágúst í fyrra svo til
eingöngu verið að vinna að við-
gerðum hjá sláturhúsinu. Hér
eru engar nýbyggingar í gangi.
Allt stopp. Hér getur enginn
framkvæmt neitt. Það er svo lítið
peningastreymi á þessu svæði.
Það fékkst ekki króna til við-
byggingar Héraðshælisins, þann-
ig að það er allt stopp.“
- Burtséð frá því, hvernig lík-
ar þér á Blönduósi?
„Mér líkar mjög vel. Að flestu
leyti, skulum við segja. Mér líkar
það ekki nógu vel hversu vöru-
úrval hér um Slóðir er takmark-
að. Ég er mjög leiður á að geta
ekki keypt nýjan fisk, þó ég búi
hér við hliðina á Skagaströnd.
Það virðist vera sem lítil áhersla
sé lögð á að vera með gott vöru-
úrval. Fólk gerir sér ferðir annað
hvort til Akureyrar eða Reykja-
víkur til að versla.“
- Hvað með menningarlífið,
bíóin, leikfélagið?
„Það er í ágætu lagi. í fyrstu
fannst mér þó sem svo til ein-
göngu væru sýndar eldgamlar
Gestur Kristinsson. Hann hefur verið
Dags í Húnaþingi.
myndir, en það hefur skánað
mikið. Þeir hafa bætt sig.
Hér er starfandi öflugt leikfé-
lag. Fyrir áramótin sýndum við
Táp og fjör eftir Jónas Árnason.
í fyrra var það Skugga-Sveinn og
við fórum með það í heilmikið
ferðalag, þannig að við þurfum
að rétta við fjárhaginn. Já, ég hef
tekið þátt í störfum leikfélagsins,
lék reyndar í fyrsta skipti í
Skugga-Sveini og þá sýslumann.
Jú, þetta er mjög gaman. Það er
fundur í kvöld hjá ieikfélaginu
þar sem rætt verður um hvaða
verkefni verður tekið fyrir næst.,
En það er hefð hér að frumsýna
leikrit síðasta vetrardag og það er
síðan sýnt á Húnavöku.
Hér á Blönduósi eru einnig
starfandi hefðbundnir klúbbar og
er þeirra starf mikið, þannig að
Blanda í vetrarbúningi.
Mynd: G.Kr.
ráðinn í hlutastarf sem blaðamaður
það geta allir fundið eitthvað að
gera ef þeir vilja.“
- Fleiri áhugamál en leikfélag-
ið?
„Það er hestamennskan númer
eitt. Ég er með sjö hesta og ætla
að taka þá á hús um næstu helgi.
Hér er mikill og vaxandi áhugi á
hestamennsku og það er verið að
byggja upp nýtt hesthúsahverfi.
Já, já, það er fjöldi góðra hesta
hér, en við höfum mikið vígi að
vinna þar sem eru Skagstrending-
ar. Þeir hafa verið með betri
hesta á síðustu rnóturn."
- Ef við víkjum að blaða-
mennskunni, hefurðu reynslu á
því sviði?
„Ekki get ég sagt það. Ég hef
skrifað greinar um pólitísk mál-
efni í blöð. Svo var ég fyrir
nokkrum árum með starfsfræðslu-
þætti í sjónvarpinu, þeir hétu
Gagn og gaman. Ég sendi inn
hugmynd að þessum þætti til Út-
varpsráðs og fékk jákvæð svör.
Þetta var mjög skemmtilegt. Var
dálítið strekktur til að byrja
með, en það vandist af. Þetta er
geysilega skemmtilegt og ég hef
verið að gæla við þá hugmynd
hvort hægt sé að fara af stað með
svæðissjónvarp, þannig að hver
sýsla fái ákveðinn tíma í sjón-
varpinu og geri sínum málum
skil. Já, ég er mikill fjölmiðla-
áhugamaður.“
- Við sláum þá botninn í þetta
samtal okkar, það er allt í góðu
gengi á Blönduósi?
„Fólkið er jákvætt og við bú-
umst við betri tíð með blóm í
haga. Hér er alltaf gott veður,
það hefur ekki komið vetur hér
síðan ég kom. Það liggur við að
hér sé hægt að ganga um allt á
blankskóm allan ársins hring.“
-mþþ