Dagur - 27.01.1986, Blaðsíða 2

2 - DAGUR - 27. janúar 1986
mmm
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 420 Á MÁNUÐI
LAUSASÖLUVERÐ 40 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
RITSTJÓRNARFULLTRÚI:
GÍSLI SIGURGEIRSSON
FRÉTTASTJÓRI:
GYLFI KRISTJÁNSSON
BLAÐAMENN:
ÁSLAUG MAGNÚSDÓTTIR, BRAGI V. BERGMANN,
GESTUR E. JÓNASSON, INGIBJÖRG MAGNÚSDÓTTIR (Húsavík),
YNGVI KJARTANSSON, KRISTJÁN G. ARNGRlMSSON,
KRISTJÁN KRISTJÁNSSON, MARGRÉT Þ. ÞÓRSDÓTTIR,
AUGLÝSINGASTJÓRI: FRÍMANN FRÍMANNSSON
ÚTBREIÐSLUSTJÓRI:
HAFDÍS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF
í—leiðarí__________________________
í átt til nýrra
atvinnuhátta
Aðgerðir í byggðamálum eiga sér langa sögu
á Norðurlöndunum og töluverður áhugi er á
rannsóknum sem skýra áhrifaþætti byggða-
þróunar og meta áhrif opinberra aðgerða á
hana. Norræna rannsóknastofnunin í
byggðamálum, NordREFO, hefur það verk-
efni að sjá um norræna samvinnu á þessu
sviði.
Á síðasta vori lauk umfangsmesta rann-
sóknatímabili stofnunarinnar með ráðstefnu
í Danmörku. Viðfangsefni þessa tímabils
voru af ýmsum toga þó ef til vill megi segja
að þau hafi að nokkru leyti endurspeglað þá
miklu stöðnun efnahagslífs, sem einkennt
hefur umheiminn undanfarin ár.
Á Norðurlöndunum sjá menn nú fyrir
stöðnun í vexti opinbera geirans, en hann
hefur séð nágrannaþjóðum okkar fyrir nær öll-
um nýjum störfum undanfarin ár. Vafalítið
eru nágrannar okkar lengra komnir í þessari
þróun en íslenska þjóðin, en varasamt hlýtur
að teljast að gera ráð fyrir verulegri aukn-
ingu í opinberri þjónustu. Líklegast er að
þróunin verði sú sama og á hinum Norður-
löndunum.
Meðal Norðurlandaþjóðanna hafa risið
nýjar hugmyndir í kjölfar þeirrar kreppu sem
verið hefur í efnahags- og atvinnumálum -
nýjar hugmyndir um möguleika til framfara,
nýjar vinnuaðferðir og nýjar aðgerðir af opin-
berri hálfu. Þessum hugmyndum hefur verið
sameiginlegt að þær snúast um eflingu stað-
bundins framtaks í hinum dreifðu byggðum.
Þær snúast um það hvernig hægt er að virkja
þann mikla sköpunarkraft og sjálfsbjargar-
viðleitni sem athuganir hafa sýnt fram á að
jafnvel minnstu samfélög búa yfir.
Segja má að ýmsar aðgerðir til eflingar at-
vinnustarfsemi hér á landi miðist að sama
marki — að efla staðbundið framtak. Má þar
nefna aðgerðir í fiskeldismálum og loðdýra-
rækt. Á Norðurlöndunum er mikill áhugi á
þætti rafeindatækni í mótun byggðarinnar.
Notkun rafeindatækni felur í sér gífurlega
möguleika til þess að bæta lífsskilyrði í jafn-
vel afskekktasta dreifbýli.
Þróunin til nýrra atvinnuhátta á eftir að
vera mjög ör um allan heim og mikilvægt að
íslendingar verði ekki eftirbátar annarra í
þeirri þróun.
_viðtal dagsins.
1 ! m IUI
g CD i kl CD & i 6Í
- segir Júlíus Tryggvason sem leikur með
21 árs landsliði íslands í Qatar
„Ég var smápolli þegar ég
byrjaði í fótboltanum, svona
se\ sjö ára. Já, ég hef alltaf
verið Þórsari. Byrjaði í sjötta
flokki og síðan fikrað mig upp
og spila í meistaraflokki í
sumar,“ sagði Júlíus Tryggva-
son, en hann hefur verið valinn
til að spila með unglingalands-
liðinu í knattspyrnu í Qatar
nú alveg á næstunni.
Júlíus sagði að Þórsararnir
væru rétt að byrja að æfa, „við
erum byrjaðir að hlaupa úti og
svo erum við líka dálítið í lyfting-
um.“
Þetta er í fyrsta sinn sem Júlíus
er valinn í 21 árs landsliðið.
„Þjálfarinn hafði samband við
formann knattspyrnudeildar og
bað um okkur þrjá, mig, Halldór
Áskelsson og Siguróla Kristjáns-
son. Það var tuttugu og fimm
manna hópur sem mætti á æfingu
á gervigrasvöllinn í Laugardaln-
um úr þeim hópi voru sextán
valdir, við vorum allir valdir til
að spila með héðan að norðan."
- Kom það þér á óvart að
verða valinn?
„Ég hugsaði lítið um það. Eig-
inlega hvarflaði það ekki að mér.
Hins vegar eru margir þessara
stráka í liðinu að verða tuttugu
og eins árs, en þetta er landslið
tuttugu og eins árs og yngri. Þeir
sem verða orðnir tuttugu og eins
eftir 1. ágúst falla þá út. Þannig að
það verður valið aftur í sumar.'
- Hvenær leggið þið upp í
ferðina til Qatar og hvar er
þetta land?
„Qatar er við Persaflóann, ég
bara hreinlega veit ekki hvar ná-
kvæmlega. En við leggjum af
stað á föstudaginn, þann 24.
Fljúgum til London og stoppum
þar yfir daginn. Getum notað
tímann og verslað. Um kvöldið
verður flogið til Bahrain og það-
an verður ekið til borgarinnar
Doha, en þar verðum við.“
- Þú varst að koma úr sprautu,
voru þær margar?
„Nei, þetta var bara ein
sprauta. Það var hringt í okkur
og tilkynnt að við ættum að mæta
í þessa sprautu. Ég spurði nú
ekki fyrir hverju verið væri að
sprauta.“
Á minnisblaði er Júlíus hafði
meðferðis er strákunum sem fara
í þessa ferð tekinn vari fyrir því
að hafa hvorki með sér alkóhól né
klámblöð. Af hverju það?
„Þetta er bannað í landinu,
skilst mér. Ég held mönnum sé
bara stungið í steininn ef þeir eru
að þvælast með þessa hluti.“
- Er þetta sterkt lið sem þið
eruð að fara að keppa við?
„Já, það er mjög sterkt, hefur
unnið bæði Englendinga og Vest-
ur-Þjóðverja en bæði þessi lið eru
mjög góð.“
- Eigið þið möguleika á að
vinna?
„Ég hef litla trú á því. Við
erum í lítilli æfingu, rétt nýbyrj-
aðir og höfum því lítið þrek. En
við reynum okkar besta. Við spil-
um tvo leiki og svo er meiningin
að við reynum að æfa dálítið. “
- Hvað gerirðu annars fyrir
utan að spila fótbolta?
„Ég er í Verkmenntaskólan-
um, í bakaraiðn. Er búinn með
þrjá bekki í skólanum og er að
bíða eftir að komast á samning.
Hef loforð um samning hjá
kaupfélaginu og bíð eftir að
komast að.“
- Að lokum. Orðinn
spenntur?
„Já, óneitanlega. Þetta er
spennandi. Gaman að fá að vera
með. Svo er ekki á hverjum degi
sem maður fer til útlanda, hvað
þá til svona fjarlægra landa.“
-mþþ
Júlíus Tryggvason.