Dagur - 19.03.1986, Page 11

19. mars 1986 - DAGUR - 11
Prófastarnir sem sóttu prófastafundinn á Akureyri í síðustu viku. Mynd: KGA
Fyrsti prófastafundurinn utan Reykjavíkur á Akureyri:
Félagsleg vandamál
verða ekki leyst
með fóstureyðingu
- Ákaflega hrifinn af kirkjubyggingarframkvæmdunum í Glerár-
hverfi, segir sr. Pétur Sigurgeirsson, biskup
Prófastar íslensku þjóðkirkj-
unnar funduðu á Akureyri í
síðustu viku. Slíkir fundir eru
haldnir árlega og í þetta sinn
var hugað að því að halda
fundinn utan Reykjavíkur og
þá kom enginn annar staður
en Akureyri til greina, að
sögn Péturs Sigurgeirssonar,
biskups. AIIs eru 15 prófastar
á Islandi og mættu þeir allir
til fundarins. Sr. Pétur var
spurður um málefni og sam-
þykktir fundarins.
„Á fundinum voru rædd
margs konar mál, sem varða
kirkjuna,“ sagði sr. Pétur. „Við
ræddum m.a. um framkvæmd
nýrra laga, sem Alþingi hefur
samþykkt; annars vegar um
sóknarnefndir, en hins vegar
um héraðssjóði. Lögin um
sóknarnefndirnar gera ráð fyrir
að fjölgað verði í sóknarnefnd-
um í samræmi við fólksfjölda í
sóknum. Lögin um héraðssjóði
gera ráð fyrir að sóknir innan
hvers prófastsdæmis leggi vissa
prósentu í sameiginlegan sjóð,
sem ætlað er að styðja og
styrkja frjálsa kirkjulega starf-
semi í prófastsdæminu.
Á fundinum var einnig tekin
ákvörðun um að kalla saman
svonefnda „leikmannastefnu“,
þar sem leikmenn úr hverju
prófastsdæmi munu kama til
fundar, sem er alger nýjung í
kirkjulegu starfi hérlendis. Pað
var ekki ákveðið hvenær þessi
leikmannastefna verður, en það
er gert ráð fyrir henni í frum-
varpi til laga, sem liggur fyrir
Alþingi núna, um starfsemi
kirkjunnar, og upphaflega er
komið frá svonefndri starfs-
háttanefnd. Sú nefnd var mjög
starfsöm á sínum tíma og hún
tók skipulagsmál kirkjunnar til
gagngerðrar endurskoðunar.
Á prófastafundinum var lýst
yfir stuðningi við framkomið
frumvarp Þorvaldar Garðars
Kristjánssonar og fleiri, sem nú
er endurflutt á Alþingi og fjallar
um fóstureyðingar og fleira. Par
er m.a. gert ráð fyrir því, að
afnumm verði heimild til fóstur-
eyðinga af félagslegum ástæð-
um. Við teljum að það sé
réttara að leysa þessi félagslegu
vandamál með öðrum hætti.
Nú er starfandi nefnd, sem
fjallar um mögulegar breytingar
á skiptum prestakalla og pró-
fastsdæma, miðað við þær
breytingar sem orðið hafa á
þjóðfélaginu. Þessi mál voru
rædd á fundinum og einnig ný
löggjöf um kirkjugarða, sem er
í undirbúningi. Pað voru því
mörg mál, sem fjallað var um á
fundinum.11
- Endurreisn Hólastóls sem
biskupsseturs hefur verið til
umræðu. Hafa einhverjar
ákvarðanir verið teknar í því
sambandi?
„Nei, en það prestakall hefur
verið auglýst laust til umsóknar,
ásamt 10 öðrum prestaköllum.
Pað kemur síðan í ljós, þegar
umsóknarfrestur er útrunninn,
hverjir sækja um. Það má einn-
ig geta þess, að nú verður ráðið
í embætti sjúkrahússprests. Það
hefur verið heimild fyrir því í
lögum, allt frá 1970, en það hef-
ur aldrei fengist fjárveiting fyrr
en nú. Reyndar er starfandi
einn sjúkrahússprestur, sr. Sig-
finnur Þorleifsson, en hann er
eingöngu starfandi við Borgar-
spítalann. En þessi nýi sjúkra-
hússprestur verður starfandi á
vegum kirkjunnar og á að þjóna
öllum ríkissjúkrahúsunum.'1
- Áttu ekki von á að sr.
Sigurður Guðmundsson, vígslu-
biskup, sæki um Hóla?
„Jú, ég býst við því, en það
kemur í ljós þegar umsóknar-
frestur rennur út.“
- Ertu ánægður með próf-
astafundinn?
„Já, það er ég, og ég vil nota
tækifærið til að þakka heima-
mönnum fyrir gestrisnina. Það
var okkur hjónunum sérstök
ánægja, að fá tækifæri til að
koma hingað og heilsa upp á
gamla vini. Það er líka ánægju-
legt að sjá þær breytingar sem
hér hafa átt sér stað. Og mér
finnst einkenni bæjarins vera
mikil menning. Það vil ég undir-
strika."
- Nú hafa verið gerðar ýmsar
breytingar á næsta umhverfi
Akureyrarkirkju; nýjar bygg-
ingar hafa risið frá grunni í Mið-
bænum og öðrum hefur verið
breytt. Finnst þér þessar breyt-
ingar til lýta?
„Það sem komið er truflar
mig ekki, en frekari hækkanir á
húsum gætu skyggt á kirkjuna.
Akureyrarkirkja verður ævin-
lega þetta rnikla og fagra tákn
þessa bæjar og á það má ekki
skyggja. Mér þykir vænt um
þær hugmyndir um safnaðarsal
við kirkjuna, sem komnar eru
fram. Það yrði mjög mikil lyfti-
stöng fyrir allt safnaðarstarf, að
fá þennan sal sem fyrst. Eins er
ég ákaflega hrifinn af þeim
kirkj ubyggingarframkvæmdum
sem standa yfir í Glerárhverfi
og þeim samhug sem þar ríkir
um bygginguna," sagði sr. Pétur
Sigurgeirsson, biskup, í lok
samtalsins. - GS.
Húseignir Haga hf.
Óseyri 4, Akureyri eru til sölu.
Húsin eru samtals 1760 fm og seljast í einu lagi
eða í hlutum.
Mikil lán geta fylgt.
Nánari upplýsingar gefur Haukur Árnason, sími
96-21488 og 96-23308 heima.
Sjúkraliðar
Dvalarheimilið Hlíð vill ráða sjúkraliða á hjúkrun-
ardeild.
Til greina koma fastar næturvaktir og vaktir kl.
8-12 virka daga. Einnig vantar til sumarafleysinga.
í Skjaldarvík vantar sjúkraliða á allar vaktir og
einnig til sumarafleysinga.
Upplýsingar gefur hjúkrunarforstjóri í símum
23174 og 21640.
JimiY
HEILSUGÆSLUSTÖÐIN Á AKUREYRI
Hjúkrunarfræðingar
Heimahjúkrun - Sumarafleysingar
Laus er hálf eða heil staða hjúkrunarfræðings við
heimahjúkrun.
Hafið samband við hjúkrunarforstjóra í síma: 24052
eða 22311 kl. 11-12 daglega og fáið nánari upplýsing-
ar.
Hjúkrunarforstjóri.
Barnaleikvellir
Starf eftirlitsmanns leikvalla á komandi sumri er
laust til umsóknar. Æskilegt er að umsækjandi
hafi fóstrumenntun eða reynslu á hliðstæðu sviði.
Umsækjandi þarf að hafa bifreið til afnota.
Umsóknarfrestur er til 15. apríl nk.
Nánari upplýsingar um starfið gefur umsjónar-
maður leikvalla í síma 21281 milli kl. 10 og 12 f.h.
Leikvallanefnd.

AKUREYRARBÆR |g|

Akureyrarbær -
barnaleikvellir
Störf gæslufólks við barnaleikvelli Akureyrar á
komandi sumri eru laus til umsóknar.
Umsækjendur þurfa að hafa náð 18 ára aldri og
sótt námskeið í uppeldisfræðum eða hafa hald-
góða reynslu í barnauppeldi.
Umsóknareyðublöð liggja frammi á skrifstofu
Akureyrarbæjar.
Umsóknir skal senda til leikvallanefndar skrifstofu
Akureyrarbæjar fyrir 15. apríl nk.
Nánari upplýsingar um starfið gefur umsjónar-
maður leikvalla í síma 21281 milli kl. 10 og 12 f.h.
Leikvallanefnd.