Dagur - 26.03.1986, Page 2

2 - DAGUR - 26. mars 1986
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 420 Á MÁNUÐI
LAUSASÖLUVERÐ 40 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
RITSTJÓRNARFULLTRÚI:
GlSLI SIGURGEIRSSON
FRÉTTASTJÓRI:
GYLFI KRISTJÁNSSON
BLAÐAMENN:
ÁSLAUG MAGNÚSDÓTTIR, BRAGI V. BERGMANN,
GESTUR E. JÓNASSON, GESTUR KRISTINSSON (Blönduósi),
INGIBJÖRG MAGNÚSDÓTTIR (Húsavlk), YNGVI KJARTANSSON,
KRISTJÁN G. ARNGRlMSSON, KRISTJÁN KRISTJÁNSSON,
MARGRÉT Þ. ÞÓRSDÓTTIR,
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
rJeiðari.
Menningarlegt skítkast
Einn af okkar ágætustu rithöfundum, Guð-
laugur Arason, settist nýlega í ritstjórastól
Norðurlands, málgagns Alþýðubandalagsins
á Norðurlandi eystra. Guðlaugur hefur löng-
um þótt hvass penni og er greinilegt af for-
ystugrein þeirri, sem hann ritar í blað sitt
þann 25. mars s.l. að hann ætlar ekki að kafna
undir nafni. í forystugrein þessari, sem fjallar
um menningarmál, ræðst Guðlaugur harka-
lega að Degi og vitnar sér til fulltingis í að
hans mati ábyrgt menningarrit sem kallast
Dagskráin og er auglýsingasnepill sem dreift
er í hvert hús á Akureyri vikulega. Hann full-
yrðir að Dagur hafi enga stefnu hvað varðar
skrif um menningarmál og nefnir því til
stuðnings að Dagur hafi ekki fjallað nema
lítillega um eina ákveðna málverkasýningu
hér í bæ. Fleiri dæmi nefnir Guðlaugur um
„menningarlega lágkúru Dags“, t.d. að lögð
hafi verið heil opna undir kynningu á leiksýn-
ingu frammi á Melum í Hörgárdal og að Dag-
ur hafi verið fremstur í flokki þeirra er héldu
því fram að „Vögguvísa" Ólafs Hauks Símon-
arsonar í söngvakeppni sjónvarpsins hafi ver-
ið ólögleg. Þetta eru öll rökin um menningar-
legt sinnuleysi blaðsins.
Guðlaugi láist að geta þess að Dagur hefur
myndlistargagnrýnanda á sínum snærum
sem skrifar reglulega um þau mál enda hafa á
þessu ári birst fjölmargar greinar sem fjalla
sérstaklega um myndlist. Flestir merkustu
menningarviðburðir á Norðurlandi hafa hlotið
verðugan sess á síðum Dags hingað til og svo
mun verða um ókomna tíð. Dagur er ekki
sammála „Norðurlandi" um að umfjöllun um
menningarviðburði í dreifbýlinu flokkist undir
lágkúru. Hvað varðar umfjöllun Dags um lag-
ið „Vögguvísu", stendur hvert orð óhaggað
sem birtist í Degi. Vögguvísa var ólögleg
samkvæmt reglum keppninnar þó svo að
stjórnendur hennar kysu að líta svo á að lagið
væri gjaldgengt.
Það er ekki laust við að manni finnist Guð-
laugur sitja í glerhúsi við steinkast sitt.
Menningarskrif Norðurlands hafa hingað til
hvorki þótt tröllvaxin né ítarleg. Tilhæfulaus-
ar ásakanir og órökstuddar fullyrðingar eru
ekki nýjar af nálinni frá þessum bæ en þær
breytast ekki í staðreyndir þótt þær séu
endurteknar í sífellu. Það er yfirlýst stefna
Dags að gera öllum málaflokkum sem best
skil, hvort sem það eru menningarmál eða
eitthvað annað. Þar eru allar ábendingar vel
þegnar og umræða er til góðs, en menningar-
legu skítkasti er hafnað. BB.
viðtal dagsins.
„Fólk heldur keifið
óumflyjanleg örlög"
-Árnl Gunnarsson hjá „Nýju afli“ á Sauðárkróki í viðtaii dagsins
Nýlega bárust fregnir af nýjum
valkosti fyrir Sauðkrækinga
við bæjarstjórnarkosningarnar
í vor. Það er hópur ungs fólks
sem kallar sig „Nýtt afl“, sem
hyggst nú bjóða fram í fyrsta
skipti. Verður þetta líklega
annað af tveim þverpólitískum
framboðum í vor hér í bæ, þar
sem F-listinn, samtök óháðra
kjósenda, er að undirbúa
framboð, en sá listi hefur átt
bæjarfulltrúa undanfarin ár.
Nýtt afl efndi til borgarafundar
í safnahúsinu á Sauðárkróki
sunnud. 16. mars sl. Frummæl-
endur á fundinum voru; Árni
Gunnarsson, Sigfús Sigfússon,
Ólafur Ólafsson og Ingi V. Jón-
asson allir í „Nýju afli“. Auk
þeirra höfðu framsögu tveir
stjórnarmenn úr Samtökum milli
landshluta, þeir Pétur Valdimars-
son formaður samtakanna og
Árni Steinar Jóhannsson. Fund-
arstjóri var Hólmfríður Bjarna-
dóttir frá Hvammstanga. Pað
hlýtur að vera fundarboðendum
nokkur vonbrigði að ungt fólk lét
vart sjá sig á fundinum. U.þ.b.
þrjátíu manns komu á fundinn,
mest fólk sem tilheyrir ekki leng-
ur yngri kynslóðinni. Tveir
bæjarfulltrúar mættu, en þeirra
var sérstaklega óskað þegar fund-
urinn var auglýstur. En um fund-
inn sjálfan verður ekki fjölyrt
hér.
Sama dag og fundurinn fór
fram hitti blaðið að máli Árna
Gunnarsson aðalforsprakka hins
nýja framboðs. Árni er reyndar
ekkert unglamb lengur, verður
fimmtugur á þessu ári og vildi
hann taka fram, að hann væri
ekki að nota unga fólkið sér til
einhvers pólitísks frama. Heldur
vildi hann láta unga fólkið njóta
sín með því að standa að baki því
í þessu framboði og byggist ekki
við að verða í einu af efstu sætum
listans. „Mér finnst ég bera
ábyrgð á þessu unga fólki. Mér
finnst skelfilegt að hugsa til þess
að mín kynslóð hafi ekki verið
heppnari en svo, að skilja við
efnahagsmál þjóðarinnar í
flækju. Ég get ekki séð af vinnu-
brögðum þessarar kynslóðar að
hún sé færari að stjórna en þetta
unga fólk sem búið er að mennta
með ærnum kostnaði. Stjórnmála-
menn tala í sínum fallegu ræð-
um um hvað unga fólkið okkar sé
duglegt og glæsilegt og hvað sé
mikils af því að vænta. En þegar
ungt fólk ætlar að hasla sér völl á
hinum ýmsu sviðum, þá er því
haldið niðri og því ætlað að alast
upp í einhverjum ákveðnum
stjórnmálaflokkum og þeim
kennd þessi gömlu vinnubrögð
sem eru orðin okkur svo dýr. Pað
er síður en svo þörf að endurtaka
þau með næstu kynslóðum. Við
erum búin að veðsetja þessa
ungu kynslóð fyrir miklu meira,
en góð siðgæðisvitund býður. Ég
er viss um að þessar virkjana-
veislur og ýmislegt annað verður
orðið tímaskekkja og rugl, þegar
þetta unga fólk tekur við
skuldunum og þarf að bera
ábyrgð á þessum hlutum.
Árni kvað þennan hóp hafa
farið að stinga saman nefjum eft-
ir áramótin í vetur og nú þegar
vera kominn með nægilega með-
mælendur til að geta teflt fram
góðum lista í vor. En hver eru
aðalstefnumál Nýs afls?
„Segja má að okkar stefnumál
séu mjög svipuð þeirra í Samtök-
um milli landshluta. Við úti á
landsbyggðinni viljum fá yfirráð
yfir okkar verðmætasköpun.
Þingmennirnir okkar eiga ekki að
vera taldir einhverjir krafta-
verkamenn, þó þeir geti náð smá
fjárveitingu heim í hérað eins og
álitið er í dag. Þetta á að vera
sjálfsagt mál. Við viljum vekja
athygli fólks á hvernig komið er
málefnum landsbyggðarinnar
gagnvart höfuðborgarsvæðinu.
Hvernig vinnubrögð hafa þróast í
þá átt sem festa alla hluti í þessu
voðalega kerfi sem fólk virðist
vera farið að halda einhver óum-
flýjanleg örlög. Okkur sýnist
þessi vinnubrögð vera komin út á
landsbyggðina, í bæjar- og sveitar-
félögin, það sé farið að festa alla
hluti óþarflega mikið. Hér gilda
byggingareglugerðir, skipulags-
reglugerðir og alls konar reglu-
gerðir. Okkur finnst að þurfi að
losna um þetta, því borgarinn sé
kominn í hálfgerða spenni-
treyju. Við teljum að auk þessa,
gefi þetta reglugerðafargan
bæjarfulltrúum færi á að skjóta
sér bak við þ^ð. Þess vegna þarf
að brjóta þetta upp til að gefa
bæjarfulltrúum frjálsari hendur
og gera þá ábyrgari í ákvarðana-
töku,“ sagði Árni Gunnarsson að
lokum. -þá