Dagur - 26.03.1986, Blaðsíða 9
8 - DAGUR - 26. mars 1986
Texti: Helga Kristjánsdóttir — Myndir: Gísli Tryggvason og Helga Ingibjörg Kristjánsdóttir
Flest göngum við til prests og fermumst á fjórtán ára aldrinum, hvort sem ástæðan er nú vegna
eigin sannfæringar, vilja pabba og mömmu eða einhvers annars. Þar sem páskarnir fara nú í
hönd og fermingarnar eru rétt að byrja, fannst okkur tilvalið að helga þennan þátt fermingunni
og öllu því sem henni fylgir. Við náðum tali af séra Birgi Snæbjörnssyni og þremur nýfermdum
fermingarbörnum.
Birgir Snæbjörnsson
sóknarprestur
í Akureyrarprestakalli
- Hvað hefur þú starfað lengi
sem prestur?
„Síðan 1953 - ég var fyrst
prestur vestur í Húnavatnssýslu,
á Æsustöðum í Langadal, þá eitt
og hálft ár í Laufási og síðan hef
ég starfað sem prestur hér á
Akureyri frá því 1960.“
- Hvernig er að þjóna Akur-
eyrarprestakalli?
„Mér hefur fundist Ijómandi að
vera hér. Þetta er minn fæðingar-
bær sem ég hef unað mér ákaf-
lega vel í. Hér er fjöldamargt af
góðum kirkjuvinum sem Ijúft hef-
ur verið að starfa með.“
- Var það vegna áhrifa frá
umhverfinu sem þú gerðist prest-
ur eða hefur þetta verið þín „innri
köllun" frá upphafi?
„Ja, ég man nú aldrei eftir mér
öðruvísi en að ég hafi beðið mín-
ar bænir, ég læröi það alveg um
leið og ég lærði að tala, sótti
einnig mikið kirkju með afa
mínum. Svoleiðis að þetta kom
eins og af sjálfu sér- það stefndi
alltaf í þessa átt. Að vísu var ég
nú að hugsa um náttúrufræði
framan af í menntaskóla en svo
held ég að það hafi verið í 5.
bekk sem ég tók þessa ákvörð-
un.“
- Þú sérð ekkert eftir þessu
vali?
„Nei, síður en svo.“
- Er ekki erfitt að vera prestur
og þurfa alltaf að vera jákvæður
og geta séð hlutina í björtu Ijósi?
„Það er náttúrlega ákaflega
mismunandi. Maður verður að
reyna að taka þátt í öllum kjörum
og aðstæðum sóknarbarnanna
sem útheimtir það að gleðjast
með glöðum og hryggjast með
hryggum að heita má á sömu
stundum. - Maður kemur
kannski beint úr kirkjugarðinum
frá því að jarðsetja til þess að
skíra eða gifta og verður þá aftur
að taka þátt í gleði fólksins."
- Þar sem þessi þáttur er
helgaður fermingunum langar
mig að spyrja þig nokkurra
spurninga í tilefni þess. - Heldur
þú að unglingar í dag fermist af
innri sannfæringu eða bara
vegna þess að „allir hinir“ ferm-
ast á þessum aldri?
„Ja, ég held nú að þau, að
langmestu leyti, sýni þessu fulla
alvöru og taki þátt í þessu. Ég
finn það t.d. á fermingarstundun-
um að það býr mikil alvara á bak
við en auðvitað veit ég að þau
hafa ekki á móti því að fá gjafirn-
ar. Það er bara að verða þannig í
öllu að þetta gjafaflóð er farið að
fylgja með.“
Magnús Karlsson
Nanna Skúladóttir
Birgir Snæbjörnsson
Geir Gíslason
- Finnst þér kannski að það
ætti að breyta fermingunni þann-
ig að ekki skapist allt þetta gjafa-
flóð og tilstand í kringum athöfn-
ina sjálfa?
„Það má aldrei verða svo að
gjafirnar fari að skyggja á tilgang
sjálfrar fermingarinnar, það nær
ekki nokkurri átt. Mér finnst
margar þessar auglýsingar í
sambandi við fermingargjafir
vera farnar að ganga algjörlega
út fyrir öll takmörk. En hvernig er
hægt að breyta þessu, þetta fær-
ist allt út í það að gjafir fylgi
merkisatburðum - er það ekki
orðið svipað í kringum stúdents-
prófið? Það eru einmitt vandræð-
in þegar það kemur upp metingur
og þetta verður allt of mikið mál.
Það er ekki við kirkjuna að sakast
og ekki sjálf fermingarbörnin."
- Er fermingaraldurinn ekki of
lágur í dag?
„Það má nú kannski segja, ég
býst við að það væri æskilegra
að hafa þau aöeins eldri. Þetta
hefur t.d. oft verið rætt á presta-
stefnum og þá hefur það verið
viðbáran að allir sveitaprestarnir
missa börnin burt frá sér
skömmu eftir þennan aldur - ná
þá ekki til þeirra. Að sumu leyti
tel ég að þau séu móttækilegri á
þessum aldri en næstu ár á eftir
þá er oft eins og það komi upp-
reisnartímabil, þau vilja fara að
slíta bönd og reyna að komast
undan áhrifavaldi hinna full-
orðnu. Það gæti vel verið að ekki
næðist til allra. Hins vegar held
ég að áhrifin frá fermingunni lifi
áfram með þeim ungu, þó þau
sýni kirkjunni ekki mikla ræktar-
semi á því tímabili sem fer í
hönd, ég held að þetta komi fram
seinna."
- Hvernig var það þegar þú
fermdist hafa ekki orðið miklar
breytingar á fermingarsniðinu
síðan þá?
„Þetta hefur náttúrlega breyst
26. mars 1986 - DAGUR - 9
geysilega mikið síðan. Ég hugsa
nú að í eðli okkar höfum viö verið
alveg eins og börnin núna. Þá
voru fermingargjafir ákaflega
fáskrúðugar - við fengum t.d.
ekki úr, nema rétt einstaka ferm-
ingarbarn. Alltaf eftir því sem ég
verð eldri þá þykir mér vænna
um þennan undirbúningstíma og
prestinn sem bjó mig undir ferm-
inguna. Hann hafði mikil áhrif á
okkur, séra Friðrik J. Rafnar.“
- Hvernig er fermingarundir-
búningi ykkar prestanna hér við
Akureyrarkirkju háttað?
„Við séra Þórhallur Höskulds-
son höfum unnið saman að öllum
þessum undirbúningi. Við erum
hvor með sína vikuna og fermum
allt saman - erum báðir í öllum
fermingarathöfnum og líka í alt-
arisgöngunni."
- Hvað þurfa krakkarnir að
kunna fyrir ferminguna?
„Ja, viö látum þau læra tíu
sálma og lesa bók sem heitir
Kristin trúfræði (eitthvað um 118
bls.). í henni eru kaflar sem þau
þurfa að læra utanbókar."
- Og læra þau þetta sam-
viskusamlega?
„Ja, það er sjálfsagt misbrest-
ur á hjá sumum."
- Er þeim þá hlýtt yfir?
„Já, við tölum við þau. í þeim
tuttugu og fimm tímum sem þau
eru hér reynum við að spyrja þau
öll í flestum tímum. Við vorum nú
með smá próf núna - sendum
þau heim með blöð sem þau eiga
að vinna."
- Á þeim aldri sem krakkar
læra kristinfræði í grunnskólan-
um eru þau yfirleitt ekki frædd
um annað en kristna trú - þjóð-
kirkjuna - hver er ástæðan?
„Já, það er nú fyrst og fremst
af því að kirkjan hérna er þjóð-
kirkja og ríkið ber að verulegu
leyti ábyrgð á kirkjunni og kirkj-
unnar málum. Mér finnst það
ekki óeðlilegt þó að í skólanum,
sem ríkið rekur og stendur á bak
við, að þar komi kirkjan inn í.
Hins vegar er trúfrelsi og það
hefur komið fyrir að foreldrar
hafa óskað eftir því að taka börn-
in úr tímum hjá okkur prestun-
um.“
- Er frjáls mæting í kristin-
fræði?
„Nei, en þau hafa getað fengið
undanþágu frá þessu.“
- Að síðustu er hérna ein
spurning sem er ættuð frá henni
vinkonu minni: Lestu oft í Biblí-
unni eða notar þú hana bara sem
„flettirit"?
„Ég les oft í henni, kannski
ekki alveg alla daga en lang-
flesta."
Og þá höfum við það!
Magnús Halldór Karlsson og
Geir Gíslason
- Hvernig líður ykkur eftir
ferminguna?
G.: „Ágætlega.”
M. : „Bara vel. - Hann Geir, er
veikur með hita og svona."
- Hvers vegna fermdust þið?
„Til þess að játa trúna.“
- Þannig að þið eruð alveg
sannfærðir um að hún sé sú eina
og sanna?
- Eruð þið búnir að læra vel
fyrir ferminguna?
„Já, já, alveg svakalega. - alla
sálma og allt.“
- Finnst ykkurfermingaraldur-
inn of lágur í dag?
„Nei, alls ekki - hann er á mjög
heppilegum aldri."
- Hvað þurftuð þið að læra
fyrir ferminguna?
„Helling af sálmum og lesa
alveg ákaflega mikið. Við erum
búnir að eyða miklum tíma í
þetta.“
- Lesið þið oft í kristnum bók-
um - Biblíunni og svoleiðis?
M.: „Nei, ekkert voðalega oft.“
G. : „Ja, alltaf þegar ég fer að
sofa.“
- Láta flestir jafnaldrar ykkar
ferma sig núna?
„Já, allir sem við þekkjum."
- Nú er veðrið mjög vont, -
hefur það nokkuð haft áhrif á allt
umstangið í kringum ferming-
una?
G. : „Nei, nei.“
M. : „Jú, það kemst enginn í
veisluna mína.“
- Bjóðið þið mörgum í veislu
nú á eftir?
„Svona þrjátíu manns."
Nanna Skúladóttir
- Hvernig líður þér eftir ferm-
inguna?
„Bara vel.“
- Var hún nokkuð öðruvísi en
þú bjóst við?
„Nei.“
- Hvers vegna léstu ferma
þig?
„Nú, ég játa kristna trú.“
- Er búið að vera mikið
umstang í kringum þína ferm-
ingu?
„Já, frekar."
- Verðurveislahjáþéráeftir?
„Já.“
- Er þetta ekki mikið álag fyrir
aðstandendur?
„Ég veit það ekki, ætli það
ekki.“
- Hefur þetta vonda veður
sem nú er nokkuð haft áhrif á
þína fermingu?
„Nei, það held ég ekki.“
- Hvað kostar að láta ferma
sig í dag?
„Það kostar 1.700 kr., fyrir
utan fötin, matinn og annað.
Fermingarfötin kosta svona um
9.000.“
- Hafa allir efni á þessu öllu
saman?
„Já, ég held nú að flestir hafi
það, - alla vega hef ég ekki orðið
vör við neinn sem ekki hefur haft
efni á fermingu."
Takk fyrir og til hamingju.
Páskaferðalög
fyrirhyggju
með
Nú sem endranær hyggja ugg-
laust margir á ferðalög innan-
lands um páskana. Því er hyggi-
legt að huga að þeim búnaði
sem hæfir ferðalögum á þessum
árstíma.
Mikilvægt er að þeir sem ætla á
fjöll eða aka um fjallvegi, séu
þess meðvitaðir að nú er allra
veðra von og færð getur spillst
fljótt. Hlýjan fatnað og teppi er
sjálfsagt að hafa meðferðis.
Einnig keðjur, skóflu, dráttar-
taug og nauðsynlega varahluti.
Aður en lagt er af stað í fjalla-
ferðir þarf að kanna veðurútlit og
færð. Nauðsynlegt er að tíma-
setja ferðina og gefa einhverjum
upp fyrirhugaða leið og hvenær á
að koma til byggða. Slíkt getur
komið í veg fyrir áhyggjur skyld-
menna, og jafnvel óþarfa leit.
Notkun ökuljósa hefur aukist
mikið og sannað ágæti sitt. Á
blautum og forugum vegum verð-
ur bíllinn oft samlitur umhverf-
inu og sést illa. Ökuljósin eru því
oft það eina sem við sjáum þegar
bíll nálgast. Þegar for sest á
ljósker dofna ljósin, og verður
því að þurrka af þeim eða þvo
reglulega. Stöðuljós má aldrei
nota í akstri.
Væntanlega verður rnikii
umferð við skíðastaði landsins.
Förum ekki á vanbúnum bílum í
skíðalöndin því það veldur erfið-
leikum og óþægindum í umferð-
inni. Ganga verður þannig frá
bílum í bílastæði að þeir trufli
ekki eða tefji aðra umferð.
Vélsleðamenn sem verða þar
sem skíða- og göngufólk er á ferð
verða að sýna tillitssemi.
Um leið og Umferðarráð óskar
öllum ferðalöngum góðrar ferðar
minnir það á að í páskaumferð-
inni höfurn við tillitssemi við
samferðarmenn að leiðarljósi.
Bílbeltin spennt, ökuljósin
kveikt og ökum á jöfnum hraða.
Það sparar bensín og veldur
minni streitu. Vart þarf að minna
á að akstur og ölvun eiga ekki
saman. Kæruleysi í þeim efnunt
getur eyðilagt helgina fyrir fullt
og allt - jafnvel framtíð ótalinna
aðila.
Stórdansleikur Sólarsal.
Hljómsveitin Áning leikur.
Matur framreiddur
í Mánasal til kl. 22.00.
Miðvikudagur 26. mars
Sunnudag — páskadagur
Annar í páskum
Kjallarinn er opinn
miðvikudag 26. mars.
Big-Band
Rafns Sveinssonar
skemmtir.
Kjallarinn Opið laugardag til kl. 23.30.
er opinn Sunnudag til kl. 23.30
fimmtudag og annan páskadag til kl. 01.00.
til kl. 23.30.