Dagur - 26.08.1986, Blaðsíða 2
2 - DAGUR - 26. ágúst 1986
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 420 Á MÁNUÐI
LAUSASÖLUVERÐ 40 KR.
RITSTJÓRI OG ÁBYRGÐARMAÐUR:
HERMANN SVEINBJÓRNSSON
FRÉTTASTJÓRI:
GYLFI KRISTJÁNSSON
RITSTJÓRNARFULLTRÚI:
BRAGI V. BERGMANN
BLAÐAMENN:
ÁSLAUG MAGNÚSDÓTTIR, GESTUR E. JÓNASSON,
GESTUR KRISTINSSON (Blönduósi vs. 95-4070 hs. 95-4368),
HELGA JÓNA SVEINSDÓTTIR, INGIBJÖRG MAGNÚSDÓTTIR
(Húsavík vs. 41585 hs. 41529), KRISTJÁN KRISTJÁNSSON,
MARGRÉT Þ. ÞÓRSDÓTTIR, RÚNAR ÞÓR BJÖRNSSON,
ÞÓRHALLUR ÁSMUNDSSON (Sauöárkróki vs. 95-5960 hs. 95-5729)
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Jeidari.
íslenska vegakerfið
íslendingar hafa verið mjög iðnir við að fjár-
festa í bifreiðum á undanförnum árum og allt
bendir til þess að nýtt íslandsmet í bílainn-
flutningi verði sett á þessu ári. Aukinn bíla-
innflutningur leiðir hugann að ástandi ís-
lenska vegakerfisins.
Enn vantar talsvert á að helstu samgöngu-
leiðir séu þesslegar að hægt sé að aka þær á
nýjum eða nýlegum bíl með góðri samvisku.
Ómögulegt er að reikna út hvað það er dýrt í
raun að hafa vegina í slæmu ásigkomulagi.
Farartækin slitna mun fyrr en ella og ending-
artími þeirra styttist að sama skapi. Þá eru
slæmir vegir slysagildrur og eru oft á tíðum
orsök tjóna sem eru óbætanleg með öllu.
Þótt enn sé langt í að við stöndum jafnfætis
öðrum þjóðum Evrópu í vegamálum, hefur
mikið áunnist á síðasta áratug. Á 8 ára tíma-
bili, frá 1976—1984 hefur gatnakerfi þéttbýl-
isstaða utan Reykjavíkur lengst úr 622 kíló-
metrum í 771. Á sama tíma hefur hlutur
gatna með bundnu slitlagi meira en tvöfald-
ast og eftir framkvæmdir sumarsins er nærri
lagi að áætla að um 75% gatna í þéttbýli séu
með bundnu slitlagi.
Upphaf þessara öru breytinga má rekja til
aukinnar umfjöllunar um gatnagerð með
bundnu slitlagi hjá einstökum sveitarfélögum
og samtökum þeirra á árunum 1973 og 1974.
í samræmi við mikinn áhuga sveitarfélaganna
samþykkti Alþingi ný lög um fjáröflun í þessu
skyni árið 1974. Um svipað leyti var meðferð
þéttbýlisvegafjár breytt í vegalögum og fram-
lög til bundins slitlags aukin úr 10% í 25%,
jafnframt því sem Lánasjóður íslenskra sveit-
arfélaga jók lánveitingar til gatnagerðar.
Framkvæmdastofnun ríkisins fékk fram-
komnar hugmyndir um úrbætur í gatnagerð
til úrvinnslu í samvinnu við Vegagerð ríkis-
ins. í framhaldi af því samþykkti stjórn Fram-
kvæmdastofnunar reglur um lánveitingar úr
Byggðasjóði til sveitarfélaga vegna gatna-
gerðar. Þær reglur hafa síðan verið í stöðugri
endurskoðun í þeim tilgangi að koma eins
mikið til móts við sveitarfélögin og mögulegt
er.
Þannig hefur margt lagst á eitt með að
vekja áhuga almennings og ráðamanna á
úrbætum í vegagerð hér á landi. Brýnasta
verkefnið nú er að koma þjóðvegum utan
þéttbýliskjarna í viðunandi horf og auka
hlutfall bundins slitlags. Það kostar umtals-
verðar fjárhæðir en fullyrða má að þeim pen-
ingum sé skynsamlega varið. BB.
-viðtal dagsina
Haukur Sigurðsson er nýtek-
inn við starfí sveitarstjóra á
Blönduósi, og eins og forvit-
inna er siður þá fór blaðamað-
ur Dags til fundar við Hauk og
bað hann að segja svolítið af
sjálfum sér.
„Ég er Vestfirðingur í aðra
ættina en Þingeyingur í hina og
átti lengst af heima á ísafirði, en
á meðan ég átti heima þar var ég
alltaf í sveit á sumrin í Mývatns-
sveit. Þá fór maður með gömlu
Esjunni frá ísafirði til Akureyrar
og svo áfram austur landveginn.
Ég var tvo fyrstu veturna í MA
en tók svo seinni tvo í MR. Þá
voru foreldrar mínir fluttir í
Kópavoginn þar sem pabbi var
kennari."
- Og á sumrin, við hvað
vannstu þá?
„Það má eiginlega segja að ég
hafi alltaf verið á flakki um
landið. Fyrst þegar ég fór alltaf í
Mývatnssveitina á sumrin og svo
eftir að ég var orðinn 16 ára fór ég
að vinna hjá verkfræðistofu og
var við landmælingar víðs vegar
um landið. Ég var í landmæl-
ingunum fram undir það að ég
lauk námi utan eitt sumar. Pá fór
ég á síld í Norðursjónum, það
„Finnst ég hafa sest
hér í mjög gott bú“
- Haukur Sigurðsson, nýráðinn sveitarstjóri á Blönduósi í
viðtali dagsins
var gríðarlega gaman.“
- Nú höfum við talað um það
tímabil fram að því að þú laukst
námi, en það hefur alveg gleymst
að minnast á hvað þú varst að
læra.
„Já, ég lauk stúdentsprófi ’69
og fór síðan beint í viðskipta-
fræðina. Ég hélt uppteknum
hætti eftir að ég kom í Háskól-
ann. Ég vann meira og minna
með skólanum enda var ég byrj-
aður að búa eftir eitt ár í
háskóla. Svo útskrifaðist ég
1975.“
- Og hvað tók þá við?
„Þegar ég útskrifaðist var ég
nýfluttur til Vestmannaeyja og
ætlaði að setjast þar að. Konan
mín er Vestmanneyingur og
heitir Ásta Kjartansdóttir. Við
ætluðum sem sé að búa þar eins
og segir í vísunni, til æviloka. En
það æxlaðist nú þannig að við
vorum þar ekki nema í tvö ár, þá
bauðst mér starf á Akranesi í eitt
ár sem bæjarritari. Bæjarritarinn
þar ætlaði í frí í eitt ár, en hann
kom ekki aftur og ég hélt áfram
þarna í þrjú og hálft ár. Síðan var
ég ráðinn til Akureyrarbæjar um
mitt ár 1980 og þar var ég til árs-
loka ‘82 sem fulltrúi bæjarstjóra
eða aðstoðarmaður, þetta var
svona eitthvað á reiki hvað starf-
ið var kallað. Eftir það fór ég svo
til byggingafyrirtækisins Híbýlis
hf. og kem sem sagt þaðan í þetta
starf hér. Þá held ég nú að þú
hafir söguna svona í stórum
dráttum."
- En hvað kom svo til að þú
ákvaðst að sækja um hér en ekki
einhvers staðar annars staðar?
„Nú við hjónin höfðum rætt um
það að breyta til og þegar í vor
fór ég að fylgjast með í blöðum
og sjá svona hvar yrðu einhverjar
breytingar. Ég hef farið hér um
Blönduós ótal sinnum í gegnum
árin og þetta er staður sem ég gat
vel hugsað mér að stoppa á. Bær-
inn er af þeirri stærð sem ég get
hugsað mér að sé ósköp gott að
búa á. Ég þekki litla bæi af
reynslunni og við slógum til með
að láta fara inn umsókn.“
- Hvað er fjölskyldan stór?
„Við erum sex, börnin eru á
aldrinum frá átján og niður í
tveggja ára. Tvö þeirra fara hér í
skóla þau eru níu ára og fjórtán
ára, elsta stelpan okkar verður í
Menntaskólanum á Akureyri og
svo fáum við pláss fyrir þennan
tveggja ára hálfan daginn á leik-
skólanum.
Fjölskyldan kemur hingað í
byrjun september og konan mín
fer ekki í neina vinnu utan heim-
ilis að minnsta kosti ekki svona
fyrst í stað, en hún hefur unnið
undanfarið á verðlagsskrifstof-
unni á Akureyri.“
- Og hvernig líst þér svo á
aðkomuna hjá hreppnum, bæði
peningastöðuna og annað er lýtur
að rekstrinum?
„Mér líst afskaplega vel á
aðkomuna hérna, að öllu leyti.
Þá undanskil ég ekkert. Ég kom
hérna á miðju sumri og á miðjum
framkvæmdatíma, kannski held-
ur farið að halla á hann, og mér
finnst staðan afskaplega eðlileg.
Hún er sem sagt í samræmi við
það sem ég vænti og eðlilegt er að
hún sé. Ég hins vegar get ekki né
vil, eftir þessa örfáu daga sem ég
hef setið í þessum stól, farið að
gefa yfirlýsingar um nánari stöðu
mála. Mér hefur verið ákaflega
vel tekið af öllum þeim sem ég
hef hitt, og þarf að hafa sam-
vinnu við í mínu starfi, mér fellur
það fólk vel. Ég varð að vísu fyrir
því að þegar ég hafði verið hér í
nokkra daga, þá kom það upp á
að skrifstofustjórinn hér ætlar að
fara að stinga af austur í Skútu-
staðahrepp þar sem hann verður
sveitarstjóri. Mér þykir það
bölvað, en svona er nú gangur
lífsins og alltaf kemur maður í
manns stað.“
- Eru einhverjir verkþættir
sem þú hefur komið auga á sem
þér finnst að þyrfti að leggja
meiri áherslu á en gert hefur
verið, eða einhver óska verkefni?
„Það eru nú flestir hlutir þann-
ig að það má gera þá öðruvísi og
jafnvel betur, en ég get ekki núna
á þessari stundu sagt að hér séu
neinir sérstakir hlutir sem ég
hefði hugsað mér að væru gerðir
öðruvísi en eins og þeir hafa ver-
ið gerðir og eins og ég sagði þá
finnst mér að ég hafi sest hér í
mjög gott bú.
En það er kannski annað sem
gjarnan mætti koma fram. Ég hef
ákaflega gaman af gróðri og það
var ekki fyrr en ég fór að vera
hérna og fara um bæinn að ég átt-
aði mig á því að það væri bara
töluvert af trjám í bænum. En
þegar maður kemur hingað sem
ferðamaður annað hvort að sunn-
an eða norðan þá sést þetta lítið.
Ég held að það væri ákaflega
gaman þegar maður kæmi að
bænum ef maður kæmi þá inn í
svona fallega byggð sem sæist í
gegnum trjágróður meðfram
þjóðveginum. Það væri ákaflega
gaman ef þessi spotti af þjóðvegi
eitt sem liggur hér í gegn væri
umvafinn gróðri, það væri ótví-
rætt merki um að þarna væri
byggð og hún bara þó nokkur.“
- En hvað gerir svo nýi sveitar-
stjórinn á B'lönd'uósi þegar hann
þarf ekki að vera í vinnunni?
„Hann hefur nú gert allan
skrambann. Ég hef verið talsvert
í félagsmálum, ég hef starfað
talsvert undanfarin ár í Kiwanis-
hreyfingunni, verið í lúðrasveit,
verið í Big Band, svo hérna áður
fyrr var ég í kórum. Ég hef ver-
ið að væflast svona ýmislegt í
kringum þetta og lent í störfum
sem þessu tengjast, lent í stjórn-
um þessara félaga og svoleiöis.
Nú síðustu árin hef ég verið í
sóknarnefnd Lögmannshlíðar-
sóknar. Síðustu árin hef ég reynt
að láta ekki dag líða án þess að
ég færi í sund. Nú og svo er ég í
veiðiskap, bæði lax, gæs og
rjúpu, svona eins og ég get.“
- Að lokum Haukur, ertu
bjartsýnn á framtíðina?
„Já ég er bjartsýnn og ég vænti
mér alls hins besta hér og vona
bara að framhaldið verði eins og
byrjunin." G.Kr.