Dagur - 02.12.1986, Blaðsíða 15

f Valgeir Axelsson
u aðstoðarvarðstjóri
Fæddur 14. júní 1931 - Dáinn 23. nóvember 1986
Valgeir Axelsson aðstoðarvarð-
stjóri hjá lögreglunni á Akureyri,
lést þann 23. nóv. sl. eftir stutta
sjúkrahúslegu.
Hann hafði þá skömmu áður
þurft að fara heim af hálfnaðri
skylduvakt sinni hjá lögreglunni,
þegar hann kenndi sér meins af
þeim sjúkdómi sem síðan reynd-
ist honum yfirsterkari.
í þau tæp 23 ár sem hann starf-
aði hjá lögreglunni á Akureyri
voru það aðeins örfáir dagar sem
hann ekki gat sinnt vinnuskyldu
sinni vegna veikinda. Þess vegna
kom það sem reiðarslag hjá okk-
ur vinnufélögum hans þegar and-
lát hans fréttist.
Hann var aðeins 55 ára og fór
því miður langt fyrir aidur fram.
Valgeir fæddist að Holti í
Hrafnagilshreppi þann 14. júní
1931. Hann var sonur hjónanna
Axels Jóhannssonar og Þorgerð-
ar Ólafsdóttur, en hún lifir son
sinn.
Hann kvæntist Ragnheiði Sig-
urðardóttur og hófu þau búskap í
félagi við foreldra Valgeirs að
Torfum í Hrafnagilshreppi.
Þeim Valgeiri og Ragnheiði
varð fjögurra barna auðið,
Jóhönnu, Vífils, Birkis og Hjör-
dísar, en þau sjá nú á bak ástrík-
um föður.
Valgeir fluttist með fjölskyldu
sinni til Akureyrar vorið 1964 og
hóf hann þá strax störf í lögreglu-
liði Akureyrar.
Valgeir hafði þá um nokkurra
ára skeið verið héraðslögreglu-
maður í Eyjafirði og þá aðallega
starfað á samkomum hér í firðin-
um. f>að varð því snemma hans
hlutskipti að vinna þegar aðrir
voru að skemmta sér, en þessi
vinna var mest á kvöldin og á
nóttunni. Þetta kom ekki að svo
mikilli sök hjá Valgeiri því hann
var þeim gáfum gæddur að geta
skemmt sér í vinnunni ef svo bar
undir. Hans einstaka kímnigáfa
og góða skap, skemmti ekki að-
eins honum heldur ekki síður
okkur samstarfsmönnum hans.
Hann átti mjög auðvelt með að
sjá skoplegu hliðar tilverunnar,
og stytti það margar langar og
leiðinlegar næturvaktir fyrir okk-
ur samstarfsmenn hans.
Við vorum þrír sem hófum
störf á sama tíma hér hjá lögregl-
unni vorið 1964. Einar heitinn
Einarsson, Valgeir og ég undir-
ritaður. Þeir tveir fyrrnefndu sem
nú eru látnir voru þá fullorðnir
menn, en ég óharðnaður ungling-
ur. Þá hófust okkar fyrstu kynni,
sem síðan áttu eftir að verða mik-
il og náin. Með breyttri vakta-
skipan hjá lögreglunni skömmu
síðar áttum við Valgeir eftir að
verða nánir samstarfsmenn á
vöktum um nokkurra ára skeið,
og minnist ég þeirra stunda með
söknuði.
Valgeir lauk námi í Lögreglu-
skóla ríkisins eins og allir lög-
reglumenn gera, og einnig sótti
hann nokkur námskeið skólans í
hinum ýmsu þáttum löggæslunn-
ar.
Hann naut trausts og virðingar
yfirmanna sinna og árið 1971 var
hann skipaður flokksstjóri og
aðstoðarvarðstjóri 1977.
Valgeir tók virkan þátt í
félagsmálum lögreglumanna og
var um nokkurra ára skeið í
stjórn Lögreglufélags Akureyrar.
Við lögreglumenn á Akureyri
minnumst vinar okkar og sam-
starfsmanns með virðingu og
miklum söknuði. Við verðum í
þessu sem öðru að una dómi
dómarans, jafnvel þótt við ekki
alltaf skiljum tilganginn.
Ég vil að lokum fyrir mína
hönd, fjölskyldu minnar, sam-
starfsfólks á lögreglustöðinni
þakka Valgeiri góð kynni, og við
biðjum guð almáttugan að blessa
eiginkonu hans, börn, barna-
börn, aldraða móður, bræður og
aðra ástvini.
Ólafur Ásgeirsson.
Kveðja frá fyrrverandi
vaktfélögum C vaktar
Þann 23. nóv. sl. lést í Landspít-
alanum í Reykjavík einn af vakt-
félögum okkar, Valgeir Hólm
Axelsson, aðstoðarvarðstjóri,
aðeins 55 ára að aldri. Hann
mætti til vinnu sinnar á næturvakt
23. okt. sl. en er skammt var liðið
á vaktina veiktist hann og varð að
hverfa af vaktinni. Hann háði
síðan baráttu við erfiðan sjúk-
dóm í mánaðartíma þar til yfir
lauk. Ekki hvarflaði að okkur
umrætt kvöld að við ættum ekki
eftir að starfa með honum
framar.
Valgeir hóf störf í lögregluliði
Akureyrar 1. apríl 1964, en áður
hafði hann starfað sem héraðs-
lögreglumaður frá 1955. Hann
var gerður að aðstoðarvarðstjóra
1. mars 1977 og starfaði upp frá
því á vakt C.
Valgeir var einstakur starfsfé-
lagi sem gott var að starfa með.
Hann var mikill geðprýðismaður
sem leysti hin ýmsu verkefni lög-
reglumannsins með lipurð, en gat
verið fastur fyrir ef það átti við.
Það sem einkenndi Valgeir mest í
starfi var hans létta lund og
ósérhlífni til allra verka. Hann
var dulur um eigin hagi og kvart-
aði ekki, en undanfarið mun
hann ekki hafa gengið heill heilsu
til starfa en um það vissum við
ekki fyrr en síðar. Um hann má
segja að hann stóð meðan stætt
var.
Nú að leiðarlokum viljum við
þakka honum samstarfið sem var
með þeim ágætum að á betra
verður ekki kosið. Þar bar aldrei
nokkurn skugga á.
Eiginkonu, börnum, barna-
börnum, aldraðri móður, ættingj-
um og vinum sendum við samúð-
arkveðjur. Góðs drengs er gott
að minnast. Megi það vera hugg-
un og styrkur þessa myrku
skammdegisdaga. Eftir myrkrið
birtir á ný.
Með kveðju og þökk fyrir allt.
Ámi Magnússon.
2. desember 1986 - DAGUR - 15
i.órlnKoAh ... 'tllfnrti't .. ht
ifc Hjúkrunar-
Hm fræðingar
Staða hjúkrunarfræðings við Heilsugæslustöð
Miðbæjar Reykjavík er laus til umsóknar nú
þegar.
Umsóknir, ásamt upplýsingum um menntun og fyrri
störf við hjúkrun, sendist Heilbrigðis- og trygginga-
málaráðuneytinu.
Heilbrigðis- og tryggingamálaráðuneytið.
26. nóvember 1986.
Viðtalstímar
bæjarfulltrúa
Fimmtudaginn 4. desember 1986 kl. 20-22 verða
bæjarfulltrúarnir Bergljót Rafnar og Sigurður
Jóhannesson til viðtals í fundarstofu bæjarráðs í
Geislagötu 9, 2. hæð. Bæjarstjóri.
AKI IDPVDADRf R
Ertu ung(ur) og hress,
með ferskar hugmyndir?
Ef svo er, gætir þú verið sá/sú sem okkur vantar til að
sjá um unglingasíðuna í Degi.
Umsóknarfrestur er til 15. des.
Nánari upplýsingar gefur Bragi V. Bergmann, sími
24222.
Það hemst
tilskilaTDegi
Áskrift og auglýsingar S (96) 24222^^
AEG j
eldavélar
Alveg einstök gæði
Öll tæki í eldhúsið.
Smákökur — jjöíbreytt úrvaí
★ Piparkökwr
★ Makkarónur
★ Smákökur
i mj ög
smMíegum
öskjum.
Eimúg
tartaíettur í
fimtugum
pcáímingum.

v-.~ ..
Piparkökur - Mokkarómr - Smákökur