Dagur - 02.12.1986, Blaðsíða 16
Akureyri, þriðjudagur 2. desember 1986
KA-heimilið
Sauna - Ljósabekkir - Nud^p^tiu..
: Mánud.-föstud. frá kl. 8,00-12,00 og
Laugard. og sunnud. kl. 10,00-19,00.
Tímapantanir í síma 23482.
Akureyri:
Erfiöleikar
sakir fannferais
Fannfergi er með mesta móti á
Akureyri miðað við árstíma og
tölur frá manni á Suður-Brekk-
unni herma að þar sé nú rúm-
lega 90 cm jafnfallinn snjór.
Hægur vindur hefur komið í
veg fyrir að ófremdarástand
skapaðist, en lítið þarf til þess
að allt verði ófært.
Þó ekki þyki ástæða til þess að
geta þess í ríkisfjölmiðlum þá
hafa margir lent í erfiðleikum við
að komast áfram í snjóalögum
Akureyrarbæjar. Gangandi veg-
farendur sjást skondrandi eftir
miðjurn götunum því gangstéttir
eru víða ófærar. Gangstéttir og
hliðargötur sitja á hakanum með-
an vart hefst undan að halda fjöl-
förnustu götum greiðum.
Aðspurður sagði vanur öku-
kennari á Akureyri það nokkrum
erfiðleikum bundið að kenna
nemendum í þessari færð. „Þeir
eiga sérstaklega erfitt með það að
taka af stað í brekkum og sumir
átta sig varla lengur á breidd
gatnanna, en þær mjókka
stöðugt. Yfirborðsmerkingar
sjást auðvitað ekki og víða er
útsýni bágborið á gatnamótum.
Einnig hættir mönnum til að aka
of hratt niður í móti, treysta um
of á nagladekkin, en aftaná-
keyrslur eru einmitt nijög algeng-
ar i þessari færð.“
Ökumenn eru hvattir til þess
Skagafjörður:
Kvótinn
verður
nýttur
Að sögn Arna Guðmundsson-
ar framkvæmdastjóra hrað-
frystihússins Skjaldar og
stjórnarmanns í Útgerðarfélagi
Skagfirðinga er líklega búið að
koma í lóg þeim kvóta togara
félagsins sem útlit var fyrir að
ekki nýttist á árinu. Tæplega
1000 tonn eru nú eftir af kvót-
anum og má flytja um 500 tonn
af því magni til næsta árs.
Tekist hafa samningar við
Granda í Reykjavík um að togari
félagsins Ásgeir RE landi úr
tveim veiðiferðum og er vonast
til að skipið skili 250 tonnum til
hafnar á Sauðárkróki. Til að
þessi samningur við Granda tæk-
ist þurfti að láta 100 tonna þorsk-
kvóta. Þá hefur 300 tonna kvóti
verið seldur til Grundarfjarðar
og 100 tonn til Húsavíkur. Von
var á Skafta til löndunar á þriðju-
dag og Hegranesinu seinna í vik-
unni. Drangey sem fór á veiðar
um miðja síðustu viku er ekki
væntanleg fyrr en um helgi.
Slæmt veður á miðunum hefur
torveldað veiðar skipanna upp á
síðkastjð. -þá.
að sýna varúð. Bílarnir þurfa að
vera vel útbúnir, en það er ekki
nóg því menn þurfa að haga
akstri eftir aðstæðum og sýna
gangandi vegfarendum tillits-
semi. Sérstaka aðgát ber að sýna
þar sem börn eru að leik. SS
Bonnie
Tyler
kemur ekki
- Hægt að fá miða á
tónleikana í Reykjavík
„í upphafi skyldi endinn skoða
og við aðra umhugsun þá urðu
menn hreinlega hræddir enda
tíðarfarið ekki til ferðalaga
undanfarið,“ sagði Ragnar
Gunnarsson Skriðjökull en
hann ætlaði að vera milli-
göngumaður um tónleika með
hinni heimsfrægu rokksöng-
konu Bonnie Tyler hér á
Akureyri næstkomandi laugar-
dagskvöld.
Fyrir utan veðurguðina sagði
Ragnar að fyrirtæki sem hefðu
ætlað að „sponsorera“ tónleikana
og tryggja þá þannig fyrir tapi,
hefðu brugðist.
Tónleikunum hér á Akureyri
var aflýst en á föstudagskvöldið
verða þó haldnir tónleikar í
Reykjavík eins og ætlað var. Að-
spurður um það hvort eitthvað
yrði gert til þess að auðvelda
Norðlendingum að fara á þá
sagði Ragnar að miðar væru til
sölu í Myndbandahöllinni í
Skipagötu og hugsanlega yrði
boðið upp á einhverjar ódýrar
„pakkaferðir“ suður.
Þegar Ragnar var spurður
hvort Akureyringar mættu síðar
eiga von á einhverjum tónleikum
af þessu tagi sagði hann að það
gæti orðið ef þetta fyrirtæki gengi
vel. ET
I tilefni af 10 ára afmæli verslunar KEA í Hrísalundi var gestum og gangandi boðið upp á kalTi og meððí. Mynd rþb.
Kjörmarkaðurinn Hrísalundi 10 ára:
„Þykir vænt um
gömlu búðina mína“
- segir Sigurbjörg Ellertsdóttir sem var fyrsti viðskiptavinurinn
Kjörmarkaður KEA í Hrísa-
lundi varð 10 ára í gær. Sigur-
björg Ellertsdóttir var fyrsti
viðskiptavinur verslunarinnar
þegar hún var opnuð fyrir tíu
árum. Hún lýsir nú þessu
atviki sem gerðist þegar hún
var aðeins átta ára gömul.
„Þetta var dálítið sérstakt. Ég
var í Lundarskóla og þennan dag
máttum við koma með sælgæti
með okkur í skólann til að borða
í nestistímanum. Einhvern veg-
inn hafði ég misst af þessu og
kennaranum fannst það ómögu-
legt og vildi endilega senda mig í
búðina. Ég var heldur snemma á
ferðinni og kom að versluninni
við Hrísalund nokkrum mínútum
fyrir kl. níu og beið fyrir utan. Ég
man eftir blaðamanni sem var að
mynda þarna og það var tekin
mynd af mér. Það voru fleiri
krakkar úr skólanum sem stóðu
þarna en ég var fyrst.“
Aðspurð um hvað hún hefði
keypt sem fyrsti viðskiptavinur-
inn sagði Sigurbjörg: „Ætli það
hafi ekki verið tópas og lakkrís
eða eitthvað svoleiðis. Mér
fannst þetta afskaplega spenn-
andi. Þessi mynd af mér kom í
blöðunum hér á Akureyri. Ég var
fastur viðskiptavinur í Hrísalundi
þar til ég flutti neðar á Brekkuna
en ég versla þar samt í hverri
viku. Mér þykir alltaf vænt um
gömlu búðina mína. Þetta rifjast
allt upp fyrir mér núna. EHB
Raforkumál á Norðurlandi:
Astand gott
- að sögn Ingólfs Árnasonar rafveitustjóra
Fréttir af ótryggu ástandi í
raforkumálum á Siglufirði gáfu
ástæöu til að athuga stöðu
þessara mála á Norðurlandi.
Ingólfur Árnason, rafveitu-
stjóri hjá Rafmagnsveitum
Ný þjónusta á Akureyri:
Dagvistun fyrir aldraða
Ákveðið hefur verið að hefja
dagvistun fyrir aldraða frá og
með næstu mánaðamótum á
Dvalarheimilinu Hlíð á Akur-
eyri. Ekki hefur verið boðið
upp á þessa þjónustu áður en
fyrst í stað a.m.k. verður hún í
litlum mæli.
Hugmyndin er sú að aldrað
fólk sem að öllu jöfnu dvelst í
heimahúsum, geti kornið í Hlíð
og fengið þar viðurværi hluta úr
degi. Þeir sem koma í þessa dag-
vistun geta þá tekið þátt í þeirri
starfsemi sem fram fer á dvalar-
heimilinu.
„Við komum til með að verða
með 3ja manna hóp á morgnana,
sem tekur þátt í þeirri dagskrá
sem í gangi er. Þessi hópur mun
dvelja á Hlíð fram yfir hádegi, fá
morgun- og hádegisverð en fara
síðan heim. Annar hópur kemur
svo seinni hluta dags og verður
fram að kvöldmat," sagði Cecil
Haraldsson forstöðumaður öldr-
unarráðs.
Á Hlíð er m.a. boðið upp á
föndur og leikfimi, auk ýmissa
sameiginlegra stunda. Þá grípur
fólk gjarnan í spil.
Cecil sagðist vonast til að þessu
yrði vel tekið. Eflaust vantaði
margt aldrað fólk umönnun
ákveðinn hluta dagsins. Margir
aldraðir byggju með einstaklingi
sem væri burtu vegna vinnu hluta
dagsins. Eins væru margir bundn-
ir yfir öldruðu fólki allan daginn
og gæfist þarna tækifæri til að
losa um sig hluta úr degi.
Hugmyndin er sú að semja við
Strætisvagna Akureyrar um að fá
afnot af „skólabílnum" svo kall-
aða til þess að flytja fólk heiman
og heim. BB.
ríkisins, gaf þau svör að
ástandið væri nokkuð gott á
þessu svæði.
„Austurlínan frá Kröflu bilaði
smávegis um daginn, en það kom
ekki að sök. En það er rétt að
kerfið er dálítið viðkvæmt fyrir
slyddu og vondum veðrum. Við
eigum eftir að lagfæra smávegis
eftir síðustu bilun, en það verður
bara gert við tækifæri, jafnvel um
helgina þegar ekki er unnið í
frystihúsum. En það má segja að
ástandið sé gott,“ sagði Ingólfur.
Ef við lítum aðeins á raforku-
verð hjá rafveitunum á landinu
þá kemur í ljós að það er lægst á
Akureyri 14.116 kr. en hæst hjá
Rafmagnsveitum ríkisins og
Orkubúi Vestfjarða 18.998 kr.
Þetta eru tölur frá Orkustofnun
1. október og er miðað við 4.016
kwh notkun á ári. Næst lægst er
verðið hjá Rafmagnsveitu
Reykjavíkur 14.533 kr. en yfir-
leitt er kostnaðurinn á bilinu 15-
18.000 kr. Þess má geta að um
400 íbúar fá rafmagn beint frá
virkjunum eða frá einkastöðvum.
SS