Dagur - 30.03.1987, Blaðsíða 2

2 - DAGUR - 30. mars 1987
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SfMI: 24222
ÁSKRIFT KR. 480 Á MÁNUÐI
LAUSASÖLUVERÐ 50 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
RITSTJÓRNARFULLTRÚI:
BRAGI V. BERGMANN
BLAÐAMENN:
ÁSLAUG MAGNÚSDÓTTIR, EGGERT TRYGGVASON, EGILL BRAGASON,
GESTUR E. JÓNASSON, GESTUR KRISTINSSON
(Blönduósi vs. 95-4070 hs. 95-4368),
HELGA JÓNA SVEINSDÓTTIR, INGIBJÖRG MAGNÚSDÓTTIR
(Húsavík vs. 41585 hs. 41529), KRISTJÁN KRISTJÁNSSON,
RÚNAR ÞÓR BJÖRNSSON, STEFÁN SÆMUNDSSON,
ÞÓRHALLUR ÁSMUNDSSON (Sauöárkróki vs. 95-5960 hs. 95-5729)
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
leiðari._________________________________
Misjafnt höfðust
þeir að
Núverandi ríkisstjórn var mynduð í þeim meg-
intilgangi að takast á við efnahagsvandann og
kveða niður verðbólguna, halda uppi atvinnu-
öryggi, viðunandi jafnvægi í viðskiptum við
útlönd og verndun kaupmáttar lægstu launa.
Fyrstu aðgerðir samkvæmt tillögum fram-
sóknarmanna höfðu veruleg áhrif tii lækkunar
verðbólgu. „Frjálshyggjutilhneigingar Sjálf-
stæðisflokksins, s.s. í peningamálum og kjara-
málum, stefndu árangrinum aftur í hættu á
árinu 1984 og verðbólgan fór strax upp á við.
Síðari hluta kjörtímabilsins hafa stjórnarflokk-
arnir verið sammála um nauðsyn ýmissa stjórn-
valdsaðgerða og þátttöku ríkisvaldsins í kjara-
samningum til að ráða við efnahagsmálin," seg-
ir Guðmundur Bjarnason, alþingismaður Fram-
sóknarflokksins í Norðurlandskjördæmi eystra í
grein í Degi.
Árangurinn hefur ekki látið á sér standa;
Verðbólgan hefur lækkað um meira en 100%,
kaupmáttur ráðstöfunartekna er nú hærri hér á
landi en hann hefur verið nokkru sinni fyrr, við-
skiptakjör hafa batnað og viðskiptahalli nánast
enginn, erlendar skuldir og greiðslubyrði af
þeim lækkað verulega - en halli hefur verið á
ríkissjóði.
Guðmundur Bjarnason bendir á að stjórn
efnahagsmála heyri undir forsætisráðherra, sem
hafi leitt þau af mikilli festu og einurð. Oft hafi
ákvarðanir verið erfiðar og aðgerðir harðar og
sársaukafullar um tíma. „Árangurinn hefur hins
vegar orðið sá að öllum kemur til góða þegar til
lengri tíma er litið og það er einmitt það mikil-
vægasta sem áunnist hefur við þær fórnir sem
þjóðin hefur óneitanlega fært á ýmsum
sviðum," segir Guðmundur Bjarnason í grein
sinni. Hann bendir á að því miður sé ekki hægt
að segja það sama um ráðherra Sjálfstæðis-
flokksins. Nægi í því sambandi að benda á
úrræða- og stefnuleysið við endurskoðun og ein-
földun bankakerfisins, glundroða og gerræðis-
ákvarðanir í menntamálum, óskiljanlegar
vangaveltur um kaup ríkisins á Borgarspítalan-
um og síðast en ekki síst hallarekstur ríkissjóðs
ásamt því að fjármálaráðherra treysti sér ekki til
að leggja fram neinar tillögur um úrbætur, t.d.
með stórhertu skattaeftirliti og hertum viður-
lögum við skattsvikum.
„Þarna eru taldar leynast stórar fjárupphæðir
og mín skoðun er sú, að aukin og hert skattinn-
heimta, barátta við skattsvik, verði eitt af brýn-
ustu viðfangsefnum nýrrar ríkisstjórnar," segir
Guðmundur Bjarnason í grein sinni.
viðtal dagsins.
„Það er ekki búið að ákveða
með Stálvíkina, en það gæti
orðið um hádegið á morgun.
Nei, ég er alveg hættur að
spyrja þá að því, þeir væla þó
þeir séu að rótfíska!“ Það var
Kristján Rögnvaldsson hafnar-
vörður og fyrrverandi skip-
stjóri á Siglufírði sem svaraði á
þessa leið einum bílstjóranum
á fískflutningabílnum sem
staddur var á vigtinni hjá hon-
um til að vega flutninginn.
Kristján hefur verið á sjónum
mestallt sitt líf, en fyrir 3 árum
tók hann pokann sinn og hélt í
land. Hann fór þó ekki langt
frá sjónum, þar sem hann tók
við starfí hafnarvarðar.
Aðspurður sagði Kristján
umfangið við höfnina á Siglufirði
hafa aukist mikið á síðari árum
og alltaf eitthvað þar um að vera.
Fimm togarar legðu nú upp,
loðnuskip, rækjubátar og að
sjálfsögðu hafi komum flutninga-
Það þýddi ekki að bjóða okkur
nema óheftar veiðar upp á þetta
- spjallað við Kristján Rögnvaldsson hafnarvörð
og fyrrverandi skipstjóra á Siglufirði
skipa fjölgað þessu samfara.
Honum skildist að Siglufjörður
hefði verið mesta löndunarhöfn
landsins á síðasta ári, miðað við
magn. En hvenær byrjaði Krist-
ján á sjónum?
„Ég fór fyrst á sjóinn árið
1948, þá aðeins 16 ára gamall,
sem hjálparkokkur á togaranum
Elliða frá Siglufirði. Sumrin ’49-
’50 var ég svo á síldarbát, en afla-
brögð voru léleg, um þetta leyti
var síldin fyrir Norðurlandi ein-
mitt uppurin. Ég fór því næst í
Sjómannaskólann og lauk námi
þaðan vorið 1953.“
- Hvenær tókst þú svo við
skipstjórn?
„Ég tók við skipstjórn á Elliða
árið 1957 og var með hann þang-
að til hann fórst ’62. Þessi ár og
alveg fram undir 1970 voru niður-
lægingartímabil í togaraútgerðinni
á Islandi og erfitt að manna þá.
Það gerðu sfldveiðarnar fyrir
austan land. Menn höfðu það svo
miklu betra á síldinni og það var
lítiö um að menn vildu gefa sig í
að vera á togurunum. Það er gott
dæmi um þetta að þegar ég tók
við Elliða þurfti ég að sigla til
Færeyja til að manna skipið og ná
í 19 Færeyinga. Við vorum þá að
veiða í salt.
Um þetta leyti var lítinn fisk að
fá á miðunum við landið að vetr-
inum. Menn sögðu þá fullum fet-
um að búið væri að eyðileggja
fiskimiðin við landið. En síðan er
búið að veiða margar milljónir
tonna á þessum miðum. Þetta var
ástæðan fyrir því að íslensk skip
fóru að stunda veiðar við Ný-
fundnaland, þó þangað væri 4
sólarhringa sigling.“
- Hvernig var að stunda veið-
ar svo langt í burtu?
„Þetta var hryllilegur tími. Við
hrepptum slæm veður og stað-
setningartæki voru ekki eins góð
og þau eru í dag, svo öryggið var
ekki mikið. Isingaveður voru
töluvert algeng og stundum slitn-
uðu loftnetin niður hjá okkur svo
við vorum sambandslausir svo
dögum skipti. En svo fylltist
mælirinn eftir veðrið sem Júlí
fórst í og Þorkell Máni komst í
miklar þrengingar, en slapp
naumlega. Þá átti hver nóg með
sig. Það var mikil reynsla að
lenda í því veðri. Þegar veðrið er
í þessum ham sem það var þá og
ísingin svona mikil, særok og
frost, þá er þetta eins og barátta
við eld, alla vega ekki betri.
Maður er svo varnarlaus, ekkert
hægt að gera.
En svo einn daginn eftir þetta
veður var veiðunum við Ný-
fundnaland hætt. Þá voru mörg
skip á miðunum og þau tóku að
tínast eitt og eitt heim á leið. Það
var ekki fyrir það að menn hefðu
talað sig saman, þetta var eins og
þegjandi samkomulag. Menn
létu einfaldlega ekki bjóða sér
þetta lengur. Sum skipin voru
nýkomin á miðin, menn sigldu
tómum skipum heim, svona var
samstaðan mikil.“
- Svo fórst Elliði snemma árs
1962.
„Já, það var 10. febrúar sem
mikill leki kom að skipinu og það
sökk skömmu síðar. Tveir skip-
verjar í björgunarbáti sem slitn-
aði frá skipinu fórust.“
- Mig minnir að þið hinir hafið
bjargast naumlega, var veðrið
mjög slæmt þegar þetta gerðist?
# Alþýðu-
bandalagið
Nú þegar flokkarnir klofna
hver af öðrum hefur þeirri
uggvænlegu tilgátu verið
skotið á loft að Aiþýðubanda-
lagið verði kannski stærsti
stjórnmálaflokkurinn í Norður-
landskjördæmi eystra. Þá er
nú Bleik brugðið í höfuðvígi
Framsóknar. En það er hugg-
un harmi gegn að ýmislegt
bendir til þess að fylgi all-
aballa verði ekki eins mikið og
skoðanakönnun Félagsvís-
indastofnunar sýndi. Við frétt-
um af fundi í Sólgarði á
dögunum þar sem Alþýðu-
bandalagið var með mikla bar-
áttusamkomu. Þarna voru 3
ræðumenn mættir og 1 fund-
arstjóri. Mikill hiti í mönnum.
Og fundargestir voru....já, þeir
voru ekki nema 4.
• Ær og
örvita
Þá beinum við spjótum okkar
að næsta fórnarlambi sem
sagði eitthvað á þessa leið á
dögunum. „Hvárt mun ek
ólyndi uppfrædara láta til mín
taka? Ek em ær ok örvita ok
hundleiðr á þessu hyski. Er-
at neinn manndómr í gumum
lengr? Mun-at koma þessu
nærri, en nemendr skul-at
bíða tjón. Hvörjir munu
útskript hljóta og öngvir fyr
töfum verða. Ek em mestr, ek
em bestr, ek em enginn
rugguhestr." Já, hann ætlar
að sjá til þess að stúdentar
útskrifist með eðiilegum
hætti og að verkfallið tefji
ekki nemendur. Hvernig hann
ætlar að gera það vitum við
ekki. Kannski með fjar-
kennslu eða með því að
skera allt námsefni niður eins
og hvert annað hyski. Hvern-
ig ætlar hann að halda á mál-
um þannig að verkfallið bitni
ekki á nemdendum?
• Hrærigrautur
Já, svo fer Davíð í fyrsta
sæti, eða fer Þorsteinn til
Reykjavíkur. Kannski má
finna einhvern á Suðurlandi.
Vigfús er Albertsmaður og
Egill verður að vera fyrir
vestan. Síðan er spurningin
um 8. sætið sem er baráttu-
sæti. Nei, Aðalheiður skemm-
ir það. Shit, þá verðum við að
færa Tómas upp. S-listinn
ætti að styrkja okkur fyrir
austan með því að taka frá D
og bæta við A, þannig að AD
útópían blívur. Já, það er
alveg Ijóst að þetta styrkir
flokkinn og ég finn að við
höfum byr, mikinn styr, ég
meina byr.