Dagur - 21.04.1987, Blaðsíða 7

21. apríl 1987 - DAGUR - 7
Kartöfluframleiðendur á villigötum?
„Bintjé-afbrigðið
er viðkvæmt
- fyrir þurrki og sjúkdómum“
segir Olafur G. Vagnsson ráðunautur
„Þetta er nú kannski fulldjúpt
í árinni tekið en það er fyrst og
fremst einn ókostur sem
premíere-kartaflan hefur
umfram bintjé en það er að
hún dökknar við suðu. Það er
vissulega stór galli og það er
því spurning hvort hún verður
gjaldgeng hérna í framtíðinni
ef ekki finnst lausn á því,“
sagði Ólafur G. Vagnsson,
ráðunautur, vegna ummæla
Brynjólfs Brynjólfssonar,
matreiðslumeistara, í Degi 15.
aprfl.
Brynjólfur segir í grein sinni að
kartöfluframleiðendur séu á villi-
götum því þeir hafi að mestu hætt
að rækta bintjé-tegundina, en sú
tegund sé best fallin til ræktunar
sem iðnaðarkartafla. Þá hvetur
hann bændur til að hætta að
rækta premíere-kartöflur og
byrja í staðinn aftur með bintjé,
en nefnir einnig að hann viti ekki
hvers vegna þeirri ræktun var að
mestu hætt á sínum tíma.
Ólafur G. Vagnsson sagði að
hægt væri að losna við stærsta
ókostinn við premíere-kartöií-
urnar, þ.e. dökknun við suðu,
með sérstakri meðferð við
vinnslu þeirra. „Framleiðendur
drógu úr framleiðslu á bintjé-
kartöflum vegna þess að þær eru
mjög viðkvæmar fyrir sjúkdóm-
um, einkum vissum sveppasjúk-
dómum. I öðru lagi eru þær við-
kvæmar fyrir þurrki á sprettutím-
anum og springa í moldinni á
löngum þurrktímabilum. Þá vill
koma jarðvegskláði á bintjé-
afbrigðið sem veldur því að kart-
öflurnar verða allar hrjúfar og
mórauðar. í sumum árum hafa
orðið stórkostleg afföll vegna
þessa.
„Það er hægt að komast fyrir
þessi vandkvæði með talsverðum
kostnaði og þá getur vel verið að
bintjé verði vinsælt aftur. Ég er
sammála Brynjólfi í því að bintjé
er nothæfari en premíer með til-
liti til fjölbreyttari vinnslu. í dag
er premíere fyrst og fremst notað
í franskar kartöflur en ekki í aðr-
ar vinnsluvörur,“ sagði Ólafur.
Sveinberg Laxdal, bóndi á
Túnsbergi á Svalbarðsströnd,
sagði um þetta: „Þegar við skipt-
um úr bintjé í premíere þá gerð-
um við það vegna styttri sprettu-
tíma og upplýsinga um að hún
hentaði bæði sem almenn matar-
kartafla og iðnaðarkartafla. í
meðalsumri gefur premíere
gullauga ekkert eftir í gæðum en
bintjé þolir illa þurrka og bændur
verða helst að vökva þá tegund á
þurrum sumrum. Premíere þolir
líka betur svöl sumur en aðrar
tegundir. Ég er sammála Brynj-
ólfi að sumu leyti og hann hefur
nokkuð til síns máls en ég tel að
langt sé frá að full reynsla sé
komin á premíere-kartöflur,
einkum hvað varðar meðferð
þeirra í vinnslunni.“ EHB
Ungherjakofi ASV í Naustaborgum, myndin er tekin um 1930. Margrét
Magnúsdóttir er hægra megin á myndinni, Ingibjörg Eiríksdóttir er fyrir
miðju og Hrafnhildur Ingólfsdóttir er lengst til vinstri.
(Úr myndasafni Steingríms Eggertssonar).
peninga en vorum tilbúnir til að
vinna að svona málefnum. Það
fylgdi land með þessu, um tveir
hektarar a.m.k., og ég var með
kú og heyjaði þarna fyrir hana.
Ingibjörg Eiríksdóttir var for-
stöðukona þarna og stundaði hún
það starf af miklum myndarskap
um skeið en hún var orðin rosk-
in kona og varð að hætta þessu
starfi af ýmsum ástæðum. Með
henni var Margrét Magnúsdóttir,
kona Ingólfs Árnasonar frá Auð-
brekku," sagði Steingrímur Egg-
ertsson að lokum.
Blaðamaður hafði samband
við Margréti Magnúsdóttur, en
hún dvelur nú á Davalarheimil-
inu Hlíð á Akureyri og bað hana
að segja frá starfseminni á þess-
um stað. Ingibjörg sagði að langt
væri um liðið eða hálf öld, frá því
hún starfaði við Ungherjakofa
A.S.V. Við gefum henni orðið:
„Þarna dvöldu - fátæk verka-
mannabörn og systurnar Elísabet
og Ingibjörg Eiríksdætur sáu
aðallega um þau. Þetta var lítið
hús og börnin fengu að vera í því
á sumrin til að hafa það gott og
leika sér. Þau voru ósköp ánægð
þarna en hópurinn var ekki stór
því húsið var svo lítið. Börnin
sváfu þarna og ég var alltaf hissa
á því hvað húsið rúmaði mikið af
börnum þrátt fyrir smæðina. Þeg-
ar kofinn var rifinn voru börnin
send austur í Laugahlíð í Aðal-
dal.
Vistunin í Ungherjakofanum
var foreldrum að kostnaðarlausu
því á vetrum voru haldnar smá-
skemmtanir og peningarnir sem
þannig söfnuðust geymdir og not-
aðir til rekstrarins. Það var erfitt
að fá pláss fyrir börn á þessum
árum og fátæktin var mikil. Fólk-
ið var ánægt með að koma börn-
unum fyrir á þessum stað tima og
tíma, sérstaklega vegna þess að
landið í kring bauð upp á nægi-
legt pláss fyrir leiki barnanna. Eg
vann úti á þessum árum og var
ekki í vinnu þarna nema þá dag
og dag ef mín var þörf.“ EHB
Kosningaskrifetofur
Framsóknarflokksins í
Norðurlandskjördæmi eystra
Aðalskrifstofa
Hafnarstræti 90, Akureyri.
Opin alla virka daga kl. 9-22.
Símar 21180 og 27406.
Kosningastjóri:
Sigurður Haraldsson.
Dalvík: JÓNÍNUBÚÐ.
Opin virka daga
kl. 20-23 og 14-16 um
helgar. Sími 61884.
Húsavík: GARÐARÍ.
Opin kl. 17-22 virka
daga og kl. 15-17 um
helgar. Sími 41225.
Ólafsfirði: ÓLAFSVEGI 2. Sírni 62327.
Þórshöfn: Sími 81175.
Við minnum á að utankjörstaðaatkvæðagreiðslan er hafin.
Stuðningsmenn B-listans:
Kjósið tímanlega ef þið hafið ekki tök á að kjósa á
kjördag. Hafið samband við skrifstofuna ef þið vítið um
einhverja stuðningsmenn sem ekki verða heima á
kjördag.
Hanna B. Jónsdóttir og Dóróthea Bergs sjá um utan-
kjörstaðaatkvæðagreiðsluna. Sími 27405.
Sjálf boðal i ðar
Stuðningsmenn Framsóknarflokksins eru beðnir um
að hafa samband við skrifstofurnar og taka þátt í
kosningastarfinu.
Frambjóðendur B-listans eru tilbúnir til
að koma í heimsóknir og ræða stjórn-
málaviðhorfið og baráttumál Framsókn-
arflokksins á næsta kjörtímabili.
★ Vinnustaðir ★ Klúbbfundir
★ Starfshópar ★Heimahús
★ Félagasamtök
Ef þið hafið áhuga á að ræða við okkur, kynnast
skoðunum okkar eða koma ykkar sjónarmiðum á fram-
færi, þá hafið samband við kosningaskrifstofuna að
Hafnarstræti 90, sími 21180.
Frambjóðendur.
Frmsófmrfbkkmm