Dagur - 17.03.1988, Blaðsíða 6
6 - DAGUR - VI. 'mars 1988
Kennarar á skólabekk. Frá vinstri, Herdís Brynjólfsdóttir Laugabakka, Kristín Baldursdóttir Hvammstanga, Ing-
unn Sigurðardóttir Sauðárkróki, Sigríður Guðjónsdóttir Sauðárkróki og Helena Pálsdóttir Blönduósi.
Blönduós:
Kennslugagnamiðstöð starfrækt í tengslum
við Fræðsluskrifetofu Norðurlands vestra
Á síðastliðnu hausti tók til
starfa kennslugagnamiðstöð í
húsnæði Fræðsluskrifstofunn-
ar á Blönduósi, í gamla
kvennaskólanum. Stofnunin er
í tengslum við fræðsluskrifstof-
una og forstöðumaður er Elín
Einarsdóttir. Árið 1983 var
flutt á Alþingi þingsályktunar-
tillaga þess efnis að komið yrði
á fót kennslugagnamiðstöðv-
um í öllum fræðsluumdæmum,
í tengslum við fræðsluskrifstof-
urnar. Tillagan hlaut þó ekki
afgreiðslu á Alþingi það árið
en var endurflutt ári síðar og
svo aftur 1985 en þá var sam-
þykkt að fela ríkisstjórninni að
kanna með hvaða hætti best
yrði staðið að dreifingu
kennslugagna. Niðurstöður
könnunarinnar liggja nú fyrir
og hefur menntamálaráðherra
skipað nefnd til að vinna að
uppbyggingu kennslugagna-
miðstöðva, í tengslum við
fræðsluskrifstofurnar. Að sögn
Guðmundar Inga Leifssonar,
fræðslustjóra í Norðurlands-
kjördæmi vestra, var ákveðið
að fara af stað, þrátt fyrir að
engar sérstakar fjárveitingar
væru til verkefnisins. Taldi
hann að um svo mikið nauð-
synjainál væri að ræða, fyrir
skólana í umdæminu og fyrir
kennarana að ekki yrði lengur
beðið.
Kennslugagnamiðstöðin á að
koma öllu kjördæminu til góða
og þar eru haldnir fundir þar sem
kennarar úr kjördæminu koma
saman til að samræma kennslu-
aðferðir og leita nýjunga sem
hafa komið fram á þessum vett-
vangi.
Kennslugagnamiðstöðinni er
ætlað að styðja við bakið á skóla-
söfnunum og vera leiðbeinandi
við val og útvegun námsefnis.
Þar verður vinnuaðstaða fyrir
kennara sem vinna að sérverk-
efnum og einnig geta þeir kynnt
sér námsgögn og fengið þau lán-
uð hjá kennslugagnamiðstöðinni.
Blaðamaður Dags leit inn í
kennslugagnamiðstöðina þegar
þar stóð yfir fundur kennara 6
ára barna, víðs vegar úr kjör-
dæminu.
Starfsmenn fræðsluskrifstof-
unnar, Elín Einarsdóttir, sér-
kennari og Sigríður Sigurjóns-
dóttir, sálfræðingur miðluðu
ýmsum fróðleik til kennaranna.
Elín sagði að síðastliðið ár
hefði farið í að undirbúa opnun-
ina og húsnæðið sem kennslu-
gagnamiðstöðinni hefði verið val-
ið væri mjög rúmgott og góð
aðstaða þar til að vinna mikið
starf. Elín sagði að stofnunin
hefði verið kynnt á haustþingi
kennara í Norðurlandskjördæmi
vestra sem haldið var í sept. á sl.
Sigríður Sigurjónsdóttir og Elín
Einarsdóttir.
hausti. Hún sagði að starfsemin
væri fjórþætt. I fyrsta lagi yrðu
þarna fræðslufundir og námskeið
tyrir kennara. í öðru lagi yrðu
haldnir samstarfsfundir til að
tengja saman og samræma störf
kennara í ákveðnum bekkjar-
deildum. Þarna yrði starfræktur
hugmyndabanki og dreifing á
námsefni, bæði aðfengnu og eins
á góðu efni sem kennarar hefðu
sjálfir unnið heima í skólunum.
Einnig yrðu útlán á námsgögn-
um, bæði frá Námsgagnastofnun
og eins á heimatilbúnu efni.
Mikill munur er á aðstöðu
kennara á Reykjavíkursvæðinu
og úti á landsbyggðinni við að
leita sér fræðslu og eins til að
vinna saman og kynna sér hvers
annars störf. I Reykjavík geta
kennarar með lítilli fyrirhöfn far-
ið inn í Námsgagnastofnun, þar
sem þeir hafa aðgang að góðu
fræðsluefni.
Ef litið er á sama dæmi frá hin-
um sjónarhólnum, þá verða
kennarar frá Siglufirði að fara
150 km leið til að sækja sams
konar fræðslu og fundi á Blöndu-
ósi. Til að koma til móts við þá
kennara, sem um lengstan veg
þurfa að fara, til að sækja fundi í
kennslugagnamiðstöðinni á
Blönduósi, kvaðst Elín halda
suma fundina á Hofsósi. Hún
sagði að mjög misjafnt væri hvað
hin ýmsu sveitarfélög legðu mik-
ið af mörkum til að kosta ferðir
kennaranna og iðulega sæktu
kennarar fræðslufundina á eigin
kostnað.
Elín kvaðst stundum fá sér-
menntaða kennara að sunnan til
að mæta á fræðslufundina og
væru ferðir þeirra þá alfarið kost-
aðar af Kennaraháskóla íslands.
Einn þeirra kennara sem sátu
fundinn í kennslugagnamiðstöð-
inni þegar blaðamaður Dags leit
þar inn var Ingunn Sigurðardóttir
sem kennir 6 ára börnum við
Grunnskólan á Sauðárkróki.
Hún kvaðst sækja fræðslufund-
ina eins mikið og hún hefði tök á.
Mjög gott væri að koma í kennslu-
gagnamiðstöðina, til að afla sér
fræðslu og upplýsinga. Hún sagði
að Sauðárkróksbær greiddi
kostnað af þessum ferðum
hennar. Hitt væri svo annað mál
að hún ætti ekki heimangengt
nema því aðeins að aðrir kennar-
ar bættu á sig vinnu vegna fjar-
veru hennar. Hún sagði að 6 ára
börn hefðu fræðsluskyldu en ekki
skólaskyldu og námskrá fyrir þau
væri ekki til. Vegna þess væri
mjög mikil nauðsyn fyrir
kennara, sem kenna 6 ára
börnum, að fá aðstoð til að viða
að sér nýju námsefni og að geta
unnið saman að gerð kennslu-
efnis.
Ingunn sagði að mikill styrkur
væri að því að geta leitað til
kennslumiðstöðvarinnar en að
sjálfsögðu nýttist hún best þeim
sem næst henni byggju. Hún
kvaðst vilja koma á framfæri
þakklæti til þeirra, sem unnu að
stofnun kennslugagnamiðstöðv-
arinnar. fli
Aöalfundur Útflutningsráðs
Mánudaginn 14. mars sl. var
haldinn aðalfundur Útflutnings-
ráðs íslands. Utanríkisráðherra,
Steingrímur Hermannsson, flutti
ávarp og stýrði fundi. Formaður
Útflutningsráðs, Magnús Gunn-
arsson, flutti ávarp og Ingjaldur
Hannibalsson, framkvæmdastjóri,
gaf skýrslu um starfsemi ráðsins
og reikninga áranna 1986 og
1987.
A fundinum greindi utanríkis-
ráðherra frá tilnefningu 7 manna
í stjórn ráðsins, en á fundinum
var 8. stjórnarmaður kosinn.
í stjórn Útflutningsráðs til
næstu tveggja ára eiga sæti:
Tilnefndir af Sölusambandi
íslenskra fiskframleiðenda:
Magnús Gunnarsson, formaður,
varamaður Sigurður Haraldsson.
Tilnefndir af Félagi íslenskra iðn-
rekenda: Ragnar S. Halldórsson,
varaformaður, varamaður Þór-
leifur Jónsson. Tilnefndir af
Sölumiðstöð hraðfrystihúsanna:
Friðrik Pálsson, varamaður Gylfi
Þ. Magnússon. Tilnefndir af
Sambandi ísl. samvinnufélaga:
Jón Sigurðarson, varamaður
Sigurður Markússon. Tilnefndir
af Flugleiðum hf.: Sigurður
Helgason, varamaður Sigfús
Erlingsson. Tilnefndur af utan-
ríkisráðherra: Valgeir Ársælsson,
varamaður tilnefndur af sjávar-
útvegsráðherra: Árni Kolbeins-
son. Tilnefndur af viðskiptaráð-
herra: Þórhallur Ásgeirsson,
varamaður tilnefndur af iðnaðar-
ráðherra: Árni Þ. Árnason.
Kosnir á fundi: Haraldur Haralds-
son, varamaður Ágúst Einars-
son.
Þjóðarflokkurinn:
Ályktar um kjaramál
Fundur haldinn í málefnanefnd
Þjóðarflokksins 12. og 13. mars
1988 sendir frá sér svohljóðandi
ályktun.
„Þar sem ekki eru fyrirsjáan-
legar neinar verðhækkanir er-
lendis á afurðum okkar, teljum
við lausn kjaramála alfarið felast
í tilfærslu fjármuna innan þjóð-
félagsins.
Við styðjum heils hugar bar-
áttu láglaunahópanna fyrir bætt-
um kjörum. Við vekjum athygli á
tvískinnungshætti þeim er fram
kemur hjá verkalýðsforystunni,
þar sem hún annars vegar semur
um lágmarkslaun sem á engan
hátt geta framfært einstaklingi í
okkar þjóðfélagi, á sama tíma og
framfærsluvísitala samþykkt af
þeim sjálfum mælir framfærslu-
kostnað einstaklings rúmar
60.000 krónur á mánuði.
Við viljum enn fremur vekja
sérstaka athygli fólks í kjarabar-
áttu á þeirri staðreynd, að þar
sem ekki eru horfur á auknum
tekjum útflutningsgreina, eru
miklar launahækkanir í krónum,
bein ávísun á verðbólgu.
Kjarabót láglaunafólks verður
fyrst og fremst að felast í veru-
legri lækkun á daglegum rekstr-
arvörum og tilkostnaði heimil-
anna.
Þessu markmiði má ná með því
að leiðrétta Iánskjaravísitöluna.
Reikna til baka of mikla hækkun
undanfarinna ára, og binda svo
lánskjör við gjaldeyrisvog Seðla-
bankans.
Þessi aðgerð hefði tvennt í för
með sér. í fyrsta lagi mundi þetta
lækka fjármagnskostnað atvinnu-
veganna, og um leið gera þeim
kleift að þola lækkun þá sem
nauðsynlegt er að framkvæma.
I öðru lagi, mundi þetta virka
sem veruleg kjarabót fyrir mik-
inn þorra launafólks þar sem
fjármagnskostnaður skulda þess
yrði reiknaður af réttrí upphæð
höfuðstóls.
Þá bendum við á að fjármagns-
austur í óarðbærar framkvæmdir
eins og verslunar- og þjónustu-
hallir kemur niður á öllum þjóð-
félagsþegnum, fjármagni þessu
væri betur varið til uppbyggingar
og þróunar atvinnuveganna.
Áð undanförnu hefur málefna-
hópur á vegum Þjóðarflokksins
verið að störfum. Við erum að
skoða raunhæfar leiðir til betri
lífskjara og streituminna samfé-
lags. Við höfum þá trú. Að með
samstilltu átaki, nógu margra,
sem hafa raunverulegan vilja til
þess að breyta ástandinu, þá sé
það vel framkvæmanlegt."
(Fréttatilkynning)
1 U| Vinsældalisti linfthv/lnii inn^K
1 n ■juuuyiujui n icii - vikuna 10/3-17/3 1988
Sæti Síðast Lag Flytjandi
1. (1) Donna Los Lobos
2. (3) Come on lets go
3. (2) Turn back the clock Johnny hates jazz
4. (6) Satillite Hooters
5. (5) Here I go again Whitesnake
6. (4) La bamba Los Lobos
7. 0) When your heart is weak Cock Robin
8. (7) Sign your name Terence Trent’Darby
9. (8) Always on my mind Pet shop boys
10. (10) China in your hand T’pau
11. (12) Father figure George Michael
12. (23) Heart of gold Johnny hates jazz
13. (11) Heaven is a place on earth Belinda Carlisle
14. (14) Just like Paradise David Lee Roth
15. (13) Wonderful life Black
16. ( ) Valentine T’pau
17. (15) Manstu Bubbi
18. (16) Horfðu á björtu hliðarnar Sverrir Stormsker
19. (18) Hungryeyes Eric Carmen
20. (20) Faith George Michael
21. (17) Cold sweat Sykurmolarnir
22. (19) Crazy nights Kizz
23. (24) Need you tonight INXS
24. (22) Time of my life Bill Medley/Jennifer Warnes
25. ( ) I get weak
Listinn er valinn á fimmtudögum frá kl. 16-19, sími 27715. Listinn er leikinn á laugar-
dögum frákl. 17.30-19.00.