Dagur - 24.05.1988, Blaðsíða 16

TEKJUBREF• KJARABREF
FJARMAL ÞIN - SERGREIN OKKAR
rFJÁRFESriNGARFÉLAGÐ
Ráðhústorgi 3, Akureyri
Maður á Húsavík:
Grunaður um
fjársvik
Maður á Húsavík er talinn
hafa svikið stórfé út úr Kaup-
félagi Þingeyinga og fleiri
fyrirtækjum með því að fram-
vísa reikningum fyrir verk sem
aldrei voru unnin og falsa
undirskriftir. Málið er til rann-
sóknar hjá Rannsóknarlög-
reglu ríkisins.
Maður þessi hefur stundað
sjálfstæðan atvinnurekstur á
Húsavík og hann er grunaður um
að hafa náð til sín umtalsverðum
fjármunum með því að framvísa
fölsuðum reikningum og fá þá
greidda.
Rannsóknarlögreglan vill ekk-
ert um málið segja en nokkrir
munu hafa verið yfirheyrðir
vegna málsins. SS
Akureyri:
Verður úti-
listaverkið
í göngugötunni?
Útilistaverkið sem staðsetja á
við suðurenda göngugötunnar
á Akureyri er ■ smíðum hjá
listamanninum en sem kunnugt
er hafa skiptar skoðanir verið
um staðsetningu verksins eftir
að Ijóst varð hve umfang þess
verður mikið. Óvíst er hvenær
verkið verður tilbúið til upp-
setningar.
Hér er um að ræða 9 metra
hátt útilistaverk og er þetta gjöf
Akureyrarbæjar til Kaupfélags
Eyfirðinga í tilefni af 100 ára
afmæli félagsins árið 1986.
Hugmyndir um aðra staði fyrir
verkið hafa komið fram og má
nefna lóðina sunnan og neðan við
Frímúrarahúsið og lóðarreit aust-
an við Bókval. Valgarður Bald-
vinsson bæjarritari staðfesti að
slíkar hugmyndir hefðu komið
fram en ákvörðun um staðsetn-
ingu verksins í göngugötunni
væri ennþá í fullu gildi og engar
breytingar verið samþykktar. SS
Á Akureyri er bílum lagt vinstra megin í einstefnuakstursgötum en breytingar kunna að vera á döfinni.
Mynd: TLV
Fellur 20 ára gamalt vígi sérstöðunnar?
Reglum um bílastöður í ein-
stefnuakstursgötum breytt
- almenn regla umferðarlaganna tekin upp
Utanbæjarmenn hafa oft átt
erfitt með að átta sig á þeim
reglum sem gilda um bifreiða-
stöður í einstefnuakstursgötum
á Akureyri. Gagnstætt megin-
reglu umferðarlaganna þá gild-
ir sú regla á Akureyri að þar á
að leggja bílum vinstra megin í
götunum. Hjá gatnamáladeild
bæjarins er nú í athugun hug-
mynd um að nema úr gildi
þessa sérreglu.
Allt frá því hægri umferð var
tekin upp á íslandi árið 1968, hef-
ur sú meginregla gilt að í ein-
stefnuakstursgötum skal leggja
bílum hægra megin. Ef hins veg-
ar á að leggja vinstra megin göt-
unnar er slíkt merkt sérstaklega.
Á Akureyri, Siglufirði, Seltjarn-
arnesi og í Kópavogi hafa hins
vegar gilt reglur um hið gagn-
stæða. í þeim götum þar sem
ætlast er til að bílar standi vinstra
megin, er slíkt ekki merkt og á
því hafa ókunnugir ekki áttað
sig.
Á Akureyri eru um 5,5 kíló-
metrar af einstefnuakstursgötum.
Gunnar Jóhannesson verkfræð-
ingur hjá gatnamáladeild er þessa
dagana að skoða hverja götu fyrir
sig með tilliti til þess hvaða
afleiðingar áðurnefndar breyting-
ar hafa.
Gunnar sagði í samtali við Dag
að víða þyrfti eftir sem áður að
leggja bílum vinstra megin. í
þeim tilfellum þyrfti að banna
bílastöður hægra megin en um
leið leyfa þær vinstra megin og
merkja slíkt sérstaklega. Dæmi
um þetta er Geislagatan en þar
myndi bílastæðum fækka veru-
lega ef þau yrðu flutt austur fyrir
götuna. ET
Skipulag raforkudreifingar í athugun:
Dreifikerfi rafveitna einfaldaö?
Athugun á skipuiagi raforku-
dreifingar á Islandi stendur nú
yfir. Að sögn Sverris Sveins-
sonar, veitustjóra á Siglufirði,
er markmið athugunar þessar-
ar að átta sig á hvort hugsan-
lega megi bæta árangur dreifi-
veitna með breyttu skipulagi
og því er verið að skoða kostn-
aðaruppbyggingu fyrirtækj-
anna sem standa að rekstri
dreifikerfa landsins.
Sverrir sagði að hér væri um að
ræða dreifikerfi RARIK og dreifi-
kerfi sjálfstæðra rafveitna á land-
inu. Kostnaðaruppbygging raf-
veitna á mismunandi svæðum
væri borin saman við dreifingu
kostnaðar á öðrum svæðum og
nefði landinu verið skipt upp í
átta rekstrarsvæði til saman-
burðar. Þau eru: höfuðborgar-
svæðið, Vesturland, Vestfirðir,
Norðurland vestra og eystra,
Austurland, Suðurland og Suður-
nes.
„Ef við tökum dæmi um Norð-
urland vestra þá eru þar tvær raf-
veitur, Rafveita Sauðárkróks og
Rafveita Siglufjarðar, auk
rekstrarsvæðis RARIK. Þegar
reksturinn á þessu svæði er
Dreifikerfi RARIK og sjálfstæöra rafveitna er í athugun.
athugaður sérstaklega og þetta
svæði borið saman við önnur
kemur í ljós að svæðin eru mis-
munandi arðgefandi miðað við
þá starfsemi sem gefur raforku-
verðinu vægi í hlutfalli við
umfang svæðanna, frá sjónarmiði
staðhátta, kostnaðar við raflínur,
ntannahalds, þjónustustigs og
rekstraröryggis," sagði Sverrir.
Samband íslenskra rafveitna
stóð fyrir þessari athugun í sam-
ráði við iðnaðarráðuneytið,
Landsvirkjun og RARIK. Sér-
stakur starfshópur vann að þess-
um málum í vetur, en nú stendur
iðnaðarráðuneytið fyrir þessu
framtaki og hefur ráðið sér-
fræðinga til sín vegna verkefn-
isins; þá Gunnar Ámundason,
verkfræðing hjá Rafhönnun hf.,
og Guðjón Guðmundsson, rekstr-
arráðgjafa. EHB
Sauðárkrókur:
Eldur í
trésmiðju
Um miðnætti aðfaranótt hvíta-
sunnudags kom upp eldur í
lakkklefa hjá Byggingafélag-
inu Hlyn á Sauðárkróki. Var
mikill hiti og reykur inni í
klefanum er slökkviliðið kom á
vettvang, en greiðlega gekk að
ráða niðurlögum eldsins sem
ekki var mjög mikill.
Talsverðar skemmdir urðu á
húsnæðinu sem er á efri hæð yfir
verkstæðinu, og einnig á tækjum
og efni. Tildrög eldsins voru þau
að neisti flaug frá pússningarvél
og læsti sig í lakkryk á gólfinu
með fyrrgreindum afleiðingum.
______________________
Forsetakosningar:
Kosið um
tvær konur
Allt bendir nú til þess að efnt
verði til forsetakosninga 25.
júní í sumar því dómsmála-
ráðuneytinu hafa borist undir-
skriftir og plögg varðandi
framboð Sigrúnar Þorsteins-
dóttur. Þau gögn eru nú í
athugun hjá ráðuneytinu og
uppfylli þau sett skilyrði verð-
ur gengið til kosninga.
Þetta er í fyrsta sinn sem
forseti íslands fær mótframboð
eftir að hafa gefið kost á sér til
endurkjörs. Einnig má það telj-
ast óvenjulegt að kosið verður
um tvær konur, Vigdísi Finnboga-
dóttur forseta og Sigrúnu Þor-
steinsdóttur húsmóður.
Sigrún er 46 ára gömul hús-
móðir úr Vestmannaeyjum og
félagi í Flokki mannsins. Hún
hefur lýst því yfir að hún sé ekki
óánægð með störf Vigdísar Finn-
bogadóttur en hins vegar telji
hún tímabært að knýja fram
breytingar á embætti forseta. SS
Dýrt að búa
utan Reykjavíkur
„Ekki höfum við orðið varir
við að varahlutirnir lækki í
verði frekar en annar varning-
ur. En hins vegar er annar lið-
ur sem okkur sýnist vera alltof
hár og ósanngjarn gagnvart
okkur sem búum hérna úti á
landsbyggðinni. Það er kostn-
aðurinn við að koma smáhlut-
um til flutningsaðila,“ sagði
Rúnar Víglundur Pétursson á
Búvéla- og vélaverkstæðinu
Nausti í Varmahlíð.
„Það er alveg gegnum gang-
andi að lægsta gjald fyrir að
skutla pakka á vöruflutnigastöðv-
arnar er 500 krónur. Jafnvel þó
að hluturinn kosti ekki nema 100-
200 krónur. Sami aðili þarf því
ekki að vera með nema 10 smá-
pakka í bílnum til að ná 5000
kallinum, hvað þá ef hann er með
fullan bíl. Það er enginn vafi á að
þennan lið hafa menn komist upp
með að smyrja óheyrilega. Menn
verða oft hissa þegar þeir fá við-
gerðareikning og við höfum þurft
að panta smá varahlut fyrir við-
komandi. Því það er oft eins og
fólk átti sig ekki á þessum lið,“
sagði Rúnar Víglundur. -þá