Dagur - 13.12.1988, Blaðsíða 5

13. desember 1988 - DAGUR - 5
Neytandinn og tannlæknirinn: i. grein
Pistill með orðsendingu
til Ragnhildar Helgadóttur
Þann 17. nóvember sl. sendu
Neytendasamtökin Helga V.
Jónssyni formanni samninga-
nefndar Tryggingastofnunar
ríkisins bréf varðandi þjónustu
og gjaldskrá tannlækna. Hann
hefur nú svarað þessu bréfi með
greinargerð og gögnum upp á 48
síður. Svo margar athyglisverðar
upplýsingar koma fram í svari
Helga, að þessi pistill verður að-
eins sá fyrsti sem fjalla mun.um
efni þess.
Neytendasamtökin beindu
spurningum sínum til Helga m.a.
vegna þess að þau töldu hann
sem formann, vera oddvita neyt-
enda í samningum við hagsmuna-
hópa hinna ýmsu heilbrigðis-
stétta. Helgi segist hins vegar
ekki semja við tannlækna fyrir
hinn almenna neytanda, heldur
fyrir Tryggingastofnun ríkisins
samkvæmt almannatryggingalög-
um.
Það er alvarlegt umhugsunar-
efni fyrir almenning, og á ég þar
við hinn almenna neytanda, ef
embættismenn sem vinna hjá
ríkisstofnunum, sem að sjálf-
sögðu eru eign almennings í land-
inu, telja sig ekki vera að vinna í
þágu eigenda sinna, heldur vera
eins konar ríki í ríkinu óháðir
þeim sem greiða launin þeirra
með sköttum í sameiginlegan
sjóð þjóðfélagsins.
Helgi! Mundu það næst þegar
þú sest að samningaborðinu, að
þú ert fulltrúi hins almenna neyt-
anda, þú ert jafnvel fulltrúi sjálfs
þín og hagaðu þér nú samkvæmt
því.
„Æðri stjórnvöld“
hækka laun sérfræðinga
Helgi upplýsir í bréfinu, að
samninganefndinni sé ekki alls
varnað. jafnvel henni var ljóst að
sérfræðingar fengju of há laun,
einkum og sér í lagi þóttu henni
taxtar tannréttingarmanna vera
of háir. (Það liggur fyrir að þeir
gátu haft yfir 12.000 í laun á
tímann.) Samninganefndin hafði
þá ábyrgðartilfinningu og bein í
nefinu að neita að samþykja 40%
sérfræðiáfag á reikninga, þessi
ákvörðun nefndarinnar var kynnt
Tannlæknafélagi Islands.
En hvað gerist? Helgi segir
ósköp hógværlega: „. . . en til-
kynning þessi var afturkölluð af
æðri stjórnvöldum"!!! Gagnvart
svona upplýsingum stendur mað-
ur agndofa, og neyðist til að fara
að geta sér til og spá í eyðurnar.
Hvaða hvatir lágu til þess að
þetta æðra stjórnvald lagðist á
sveif með tannlæknasérfræðing-
unum? Var þrvstingi beitt til þess
að það gengi gegn vilja samn-
inganefndarinnar?
Tryggingastofnun var um þetta
leyti undir ráðuneyti Ragnhildar
Helgadóttur, og hún því æðsta
stjórnvald í þessum málaflokki,
fyrir utan Alþingi og ríkisstjórn.
Ef Ragnhildur hefði áður verið
forseti sameinaðs þings eða
Hæstaréttar, gæti ég skilið að
hugsanlega hel'ði einhver tangar-
hald á henni og gæti mögulega
þvingað hana til að breyta gegp.
betri vitund, fyrir að leka ekki
óþægilegum upplýsingum. Nú er
því ekki til að dreifa, svo ég spyr
þig beint Ragnhildur Helgadóttir
fyrrverandi heilbrigðis- og trygg-
ingamálaráðherra. Varst þú þetta
æðra stjórnvald? Ef svo er, hvað
gekk þér til? Varstu beitt fortöl-
um og þrýstingi frá hagsmunaað-
ilum? Svaraðu nú Ragnhildur
mín, ef þú ert nokkurs staðar á
landi hér.
Þegar botn hefur fcngist í þetta
atriði, mun ég snúa mér að þeim
upplýsingum Helga, að neytend-
ur geta samið eða („prúttað") unt
verð á þeirri þjónustu tannlækna
sem Tryggingastofnun tekur ekki
þátt í greiðslum á.
Vilhjálmur Ingi,
stjórnarmaður í
Neytendasamtökunum.
Athugasemd frá Neytendafélagi
Akureyrar og nágrennis
- vegna verðkönnunar, sem birtist í Degi,
miðvikudaginn 7. des. sl.
Rétt eftir að þessi könnun var
birt var haft samband við okkur
hjá NAN og okkur sagt að
aligæsir, sem til sölu voru í Mat-
vörumarkaðinum Kaupangi,
væru í ómerktum umbúðum
(slátrað í sláturhúsi sem ekki hef-
ur löggildingu til slátrunar). Við
gerðum Valdimar Brynjólfssyni,
heilbrigðisfulltrúa, strax grein
fyrir þessu. Valdimar fór á stað-
inn og sagðist hann hafa fundið 1
aligæs í ómerktum umbúðum.
Gæsina lét hann fjarlægja strax.
Að sögn Valdimars var þarna urn
vanþekkingu og misskilning af
hálfu verslunarinnar að ræða.
Samkvæmt lögum ber að slátra
aligæsum í samþykktum slátur-
húsum en villigæsir eru ekki
skoðunarskyldar.
Neytendafélag Akureyrar og
nágrennis harmar að þetta óhapp
skuli hafa orðið í þessari könnun,
en við getum ekki við aðra sakast
en okkur sjálf. Að þessu sinni var
kjötið ekki skoðað, heldur var
verðið tekið upp í versluninni
samkvæmt upplýsingum verslun-
armanns. Við tókum það sem
gefið að um löglega vöru væri að
ræða.
Verðkannanir NAN
Verðkannanir NAN eru ein-
göngu gerðar með það í huga, að
veita neytendum hlutlausar upp-
lýsingar um verð á ýmsum
vörum. Við ákveðum það alltaf
sjálf hvaða könnun er gerð
hverju sinni og reynum að gæta
þess að um sambærilega vöru sé
að ræða, en mistök geta alltaf átt
sér stað, bæði af okkar hálfu og
verslananna. Ef um óeðlilegan
verðmun er að ræða, að okkar
mati, erum við vön að athuga
málið betur. Við lítum verðkann-
anir mjög alvarlegum augum,
það gera kaupmenn líka, þess
vegna reynum við að vanda
hverja könnun eins og okkur er
mögulegt. Síðastliðin 2 ár höfurn
við gert könnun aðra hverja viku
að meðaltali. Þessar kannanir
hafa verið án allra stórra áfalla,
við höfum líka lært mikið af
hverri þeirra og vonandi lærum
við af mistökunum til þess eru
þau.
Við sendum öllum, okkar
bestu jóla- og nýársóskir og
þökkum gott samstarf.
F.h. Neytendafélags
Akureyrar og nágr.
Sigfríður Þorsteinsdóttir, form.
Saga Ólafsfjarðar
Annað bindi ritsins Hundrað
ár í Horninu eftir Friðrik G.
Olgeirsson sagnfræðing sem
Ólafsfjarðarbær gefur út í til-
efni 100 ára byggðar í Ólafs-
fjarðarhorni. Fæst í mörgum
stærstu bókabúðunum.
Dreifingar- og pöntunarsími á
höfuðborgarsvæðinu er (91)
666229 og á Norðurlandi (96)
62151.
Ódýrt
Frá lager, Olíufélagsins í
Reykjavík bjóðum við
jólavörurnar á
hlægilegu verði:
Sjónaukar 7x35 kr. 1.990.-
Brauðristar . kr. 2.310,-
Baðvogir .....kr. 2.980,-
Gufustraujám ... kr. 2.820,-
Símar ........kr. 1.750.-
Kirkjur m/ljósi .. kr. 1.580,-
Kertastjakar .kr. 380,-
Aðventuljós ★ Stjörnur m/ljósi
Ljósaseríur ★ Jólatré
Toppar og kúlur
Veganesti
v/Hörgárbraut, sími 22880
v/Leiruveg, sími 21440
Tryggvabraut 14,
sími 21715
Getum bætt við
okkur verkefnum
Mýlagniry viðhald og
viðgerðir.
Raforka hf.
Sími 23257
Jólagþfimar
sem allt útilífsfólk, skátar
vélsleða- og hjólakappar
vilja helst fá:
Hjálmar
Margar tegundir. Verð frá kr. 4.400.-
Vandaðir hanskar
Fóðraðar uppháar
lúffur
„Moon Boots“
Vafnsþétfir kuldaskór
Dúnstakkar
Fóðraðir
vinnugallar
Vélsleðagallar
Svefnpokar ★ Bakpokar ★Töskur
nestin m
Tryggvabraut 14
v/Leiruveg
Veganesti
Ath! Nýtt greiðslukortatímabil hafið