Dagur - 20.04.1989, Blaðsíða 5

FÍmmtucfágur2Ö.' apriDÁÓíLPFt - 5'
60 ár frá upphafi skátastarfs á Sauðárkróki:
Tímamótanna minnst
- í afmælishófi sem Skátafélagið Eilífsbúar stóð fyrir
Á afmælishófínu voru mætfir 7 fclagsforingjar af 11, scm verió hafa frá upp-
hafí skátastarfsins á Saudárkróki. Það eru, frá vinstri: Franch Michclsen,
1931-35 og 1940-43, Sigmundur Pálsson, 1959, Sigurður Hclgi Guðmunds-
son, 1960, Valur Ingólfsson, 1961, 1969-72, 1973-74 og 1981-84, Sigurður
Jónsson, 1972-73, Gunnar Guðjónsson, 1974-81 og Inga H. Andreasscn,
sem verið hefur fclagsforingi frá 1985. Tveir félagsforingjar eru látnir, þeir
Kristján C. Mugnússon, fyrsti félagsforinginn, frá 1929-30, og sr. Helgi
Konráðsson, en hann var foringi 1935-40, 1946-49 og 1957-59. Tveir félags-
foringjar gátu ekki verið viðstaddir hófíð, þeir Lúðvig Halldórsson, sem var
foringi 1949 og Hreinn Hreinsson, sem var foringi á undan Ingu, frá 1984-85.
Fyrir skömmu voru liðin 60 ár
frá upphafi skátastarfs á Sauð-
árkróki og 16. apríl sl. hélt
Skátafélagið Eilífsbúar upp á
þau tímamót. Það var Jónas
Kristjánsson, héraðslæknir,
sem stóð að stofnun Skátafé-
lagsins Andvara 22. mars 1929
og var það eingöngu fyrir
drengi. Síðar var stofnað kven-
skátafélag og hét það Asynjur.
Nokkru síðar voru þessi tvö
félög sameinuð. Félagið óx og
dafnaði, en á stundum var erf-
itt að halda starfinu gangandi
og að því kom að það lagðist
niður í nokkur ár. Félagið var
svo endurreist árið 1972 undir
nafninu Eilífsbúar og hefur
það starfað síðan.
Afmælisins var minnst, eins og
áður sagði, 16. apríl sl. Skátafé-
lagið Eilífsbúar var með opið hús
í Gúttó, félagsheimili sfnu, og
þar gátu allir komið og kynnst
starfsemi skátanna og litið í
myndabækur, gamlar fundar-
gerðir og fleira sem tengist sögu
skátastarfs á Sauðárkróki.
Franch Michelsen
gerður að fyrsta
heiðursfélaga Eilífsbúa
Að loknu opnu húsi í Gúttó var
haldið afmælishóf í Naustinu, þar
sem um 100 velunnarar skáta-
starfs voru mættir. Þar hittust
gamlir skátar, burtfluttir sem
heimamenn, og voru miklir fagn-
aðarfundir. Boðið var uppá dýr-
indis kaffiveitingar og yfir borð-
haldi voru fluttar ræður og skátar
sýndu skemmtiatriði. Veislustjóri
var Björn Björnsson.
í afmælishófinu var Franch
Michelsen gerður að fyrsta heið-
ursfélaga Eilífsbúa, fyrir braut-
ryðjendastarf hans í þágu skáta-
hreyfingar á Sauðárkróki, og það
var Inga H. Andreassen, félags-
foringi Eilífsbúa, sem afhenti
Franch skjöld og blóm í viður-
kenningarskyni. Franch er einn
af stofnendum Andvara og var
félagsforingi á árunum 1931-35
og 1940-43. Hann ritstýrði fyrsta
félagsblaðinu, Hegranum, og
stofnaði og ritstýrði Skátablað-
inu. Franch hefur setið í stjórn
BÍS og verið ötull í starfi sem
Gildisskáti og m.a. verið lands-
gildismeistari. Frá því hann flutti
frá Sauðárkróki hefur hann haft
vakandi auga með skátastarfi á
Sauðárkróki og veitt Eilífsbúum
ómælda aðstoð.
Bærinn gaf 100 þúsund
krónur í skálasjóð
Franch hélt ræðu í afmælishóf-
inu, þar sem hann minntist skáta-
starfsins fyrir 60 árum. Þar fengu
gestir að heyra hvernig það gekk
að halda uppi skátastarfi á þeim
tímum, oft við erfiðar aðstæður,
sér í lagi á stríðstímum.
Kristín Bjarnadóttir, aðstoðar-
skátahöföingi, var í hófinu og
hún afhenti Ingu H. Andreassen
félagsforingja viðurkenningu,
Þórshamarinn, fyrir góð störf í
þágu skátahreyfingarinnar. Þá
steig í ræðustól Þorbjörn Árna-
son, forseti bæjarstjórnar Sauð-
árkróks, og afhenti fyrir liönd
bæjarstjórnar Eilífsbúum 100
þúsund krónur í skálasjóð, til
styrktar byggingu skála fyrir
félagið. Það var Inga sem tók við
þessari gjöf úr hendi Þorbjörns.
Fleiri gáfu í þennan sjóð, rn.a.
þeir bræður Franch og Ottó Mic-
helsen. Franch gaf Eilífsbúum
einnig skátahatt, sem Kristján C.
Magnússon, fyrsti félagsforingi
Andvara, hafði gefið honum og
Franch sagðist nú ætla að gefa
hann áfram til skátafélagsins.
Inga veitti hattinum viðtöku og
sagði að hann yrði hengdur upp á
góðum stað í Gúttó.
„ . . . samvera með
krökkum sem púður er í.“
Einnig má geta þess að Óskar
Magnússon frá Brekku, einn af
stofnendum Andvara fyrir 60
árum, gaf Eilífsbúum trjáplönt-
ur, jafn margar og stofnendur
Andvara voru. Plönturnar eru
teknar úr lundi í Reykjarhóli við
Varmahlíð, einmitt þar sem
stofnendur komu saman fyrir 60
árum. Trjánum verður plantað
niður á Sauðárkróki, og ætlar
Óskar að aðstoða skátana við
það.
Þá flutti Andrés H. Valberg, sá
kunni hagyrðingur og gamall
Andvari, ræðu eins og honum
einum er lagið og kom með eina
og eina vísu. Hann rifjaði upp
nokkrar skátaútilegur, sem voru
farnar viö hinar ýmsu aðstæður,
og vakti ræða hans mikla kátínu
afmælisgesta.
Inga H. Andreasson, félagsfor-
ingi, flutti yfirgripsmikla ræðu
um stöðu skátastarfs á Sauðár-
króki og sagði að lokum: „í lokin
langar mig til að beina orðum
mínum til þeirra gömlu skáta sem
eru hér inni. Hugleiðið í alvöru
hvort þið getið ekki komið til
starfa á einhvcrn hátt fyrir ykkar
gamla félagsskap. Ekki segja nei
strax við ykkur sjálf, því þar með
eruö þið aö neita ykkur um mjög
skemmtilegan hlut, nefnilega
samveru með krökkum sem púð-
ur er í.“
90 skátar í
Skátafélaginu Eiiífsbúar
í Skátafélaginu Eilífsbúar eru nú
rúmlega 90 skátar á aldrinum 10-
16 ára, stelpur og strákar, en
stelpur í miklum meirihluta.
Flokkarnir eru 7, auk dróttskáta-
sveitar. Flokksforingjar cru 15,
en engir sveitar- eða deildarfor-
ingjar eru í félaginu, vegna þess
að eldri skátar hafa ekki fengist
til starfa. Sem dæmi um þetta
varð að vísa öllum 9 ára krökkum
frá sl. haust, þar sem ekki tókst
að fá foringja. Það þarf því ekki
að undra orð Ingu hér að ofan.
Auk Ingu Andreassen félagsfor-
ingja eru aðrir í stjórn Eilífsbúa,
þær Vala Bára Valsdóttir,
aðstoðarfélagsforingi, Sigríður
Sigmundsdóttir, ritari, Inga Jóna
Sigmundsdóttir, gjaldkeri og
Arnheiður Njálsdóttir, með-
stjórnandi.
Afmælishófið í Naustinu hélt
áfram næsta dag, en þá var öllum
starfandi skátum boðið til veislu.
Um 80 skátar sátu þarna að
snæðingi og þáðu veitingarnar
með þökkum, enda allir í afmæl-
isskapi. -bjb
/5=
»

/
\,
Óskum viðskiptavinum okkar
gleðilegs sumars
með þökk fyrir veturinn.
^PeáíSinyndir
Hafnarstræti 98 • Sími 23520
Hofsbót 4 • Sími 23324
W
/F=
*
/

Óskum viðskiptavinum okkar
gleðilegs sumars
mcð þökk fyrir veturinn.
Blómaskálinn

við Hrafnagil
m
W
/V3I

Oskum viðskiptavinum okkar
gleðilegs sumars
með þökk fyrir veturinn.
JAPISð
AKUTOI
Skipagötu 1, sími 96-2561
w
/F
f
Óskum starfsfólki okkar
og viðskiptavinum
gleðilegs sumars
með þökk fyrir veturinn
sem er að líða.

HAGKAUP
Akureyri
Norðurgötu 62. ^

/
Óskum starfsfólki okkar
og viðskiptavinum

gleðilegs sumars
með þökk fyrir veturinn.
Mjólkursamlag <»
\i
w

«\
Eimskip óskar viðskiptavinum sínum
gleðilegs suinars
EIMSKIP
*
£