Dagur - 20.04.1989, Blaðsíða 13

töftMiftfegtfr m'>ráþrtlTY9B% -EMféAft -%
„Við eigum eitt af bestu landsliðum
heims, á því er enginn vafi“ segir
Jón.
knattleikinn út um landið. En þarf
ekki að kynda undir með því að
leyfa landsbyggðarfólkinu einnig
að njóta þess að sjá landsliðið
spila úti á landi? Hvað með að fá
landsleiki t.d. á Norðurlandið?
„Við höfum farið með mjög
marga landsleiki norður á undan-
förnum árum og þessir leikir hafa
yfirleitt verið vel sóttir. En við
urðum fyrir talsverðum von-
brigðum með Flugleiðamótið
sem haldið var á Norðurlandi í
ágúst á síðasta ári þar sem við
buðum upp á ólympíumeistara
Sovétmanna og fleiri af bestu
landsliðum heims. Það er
skemmst frá því að segja að
aðsókn var dræm að þessu móti
sem urðu- okkur sár vonbrigði
vegna þess að við vorum á þess-
um tíma að undirbúa okkur undir
að fá heimsmeistarakeppnina
1995 og töldum að Akureyringar
hefðu mikinn áhuga á að fá einn
riðil í þeirri keppni."
Með leik eins og
í Frakklandi hefðum við
getað náð bronsi í Seoul
Mikil vinna er nú fyrir höndum
hjá HSÍ við að undirbúa heims-
meistarakeppnina hér á landi
árið 1985. Jón Hjaltalín segir að
innan skamms verði farið að
huga að skipulagi á þessari
keppni en mikið verði lagt upp úr
því að í tengslum við hana verði
ísland kynnt kröftuglega erlendis
sem ferðamannaland.
„Það er erfitt að segja um
hvaða áhrif þessi sigur í Frakk-
landi hefur haft á kynningu á ís-
landi erlendis. Það er mjög dýrt
að stunda kynningarstarfsemi er-
lendis og þess vegna er mjög
mikilvægt að komast inn í
erlcnda þætti með íslenska
íþróttamenn sem standa sig vel.
Gott dæmi um þetta er úrslita-
leikurinn í Frakklandi sem sýnd-
ur var í beinni útsendingu um alla
Evrópu. Þessi leikur vakti mikla
athygli og um leið vekur hann
áhuga fólks á landi, menningu og
þjóð. Við höfum fengið mjög góð
viðbrögð eftir þennan sigur og
mér sýnist hann ekki hafa komið
þeim mönnum á óvart sem fylgst
höfðu með liði okkar undanfarin
ár. Við eigum eitt af bestu lands-
liðum heims, á því er enginn vafi
og hefðum við leikið svona í Seo-
ul þá hefðum við keppt um
bronsið og sennilega náð því,“
segir Jón.
- Nú velta því margir fyrir sér
hvort raunhæft sé að ætla að við
getum náð lengra á handbolta-
sviðinu, þ.e.a.s. hvað varðar A-
karlalandsliðið, með óbreyttu
fyrirkomulagi. Er betri árangurs
að vænta af áhugamönnum í
handknattleik, eins og stór hluti
íslenska liðsins er?
„Við höfum reynt að gera eins
mikið og hægt er, þ.e. leika
mikið af æfingaleikjum og slíku.
Við höfum leikið yfir 200 lands-
leiki á síðustu 5 árum, bæði hér
heima og erlendis, og einnig hafa
strákarnir stundað mjög stífar
æfingar. Til að þeir beri ekki
skaða af þessum miklu æfingum
höfum við reynt eftir megni að
aðstoða þá fjárhagslega en það
þarf að sjálfsögðu að tryggja það
að hægt sé að bjóða þeim upp á
viðunandi aðstæður til þess að
þeir leggi sig alla fram."
- Hvert væri þitt óskafyrir-
komulag í þessum efnum?
„Mitt óskafyrirkomulag er
ósköp einfalt. Það er að gerð
verði stefnumótun í afreksíþrótt-
um og að handknattleikurinn
verði skilgreindur sem þjóðar-
íþrótt okkar íslendinga þar sem
við höfum náð frábærum árangri
og eigum að geta gert það. Þessu
til viðbótar að við fáum meiri
stuöning fólksins í landinu og
ríkisstjórnar til að geta stundað
afreksíþrótt á heimsmæli-
kvarða."
Treystum því að fólk
vilji sjá ísland spila um
efsta sæti í Tékkoslóvakíu
- Svona í lokin. Hvaða vonir
gerirðu þér með þetta fjáröfl-
unarátak?
„Við treystum á að fólk vilji sjá
ísland keppa um eitt af efstu sæt-
unum í Tékkóslóvakíu á næsta
ári og komast á Olympíuleikana í
Barcelona 1992 og heimsmeist-
arakeppnina í Svíþjóð 1993. Fólk
veit það mjög vel að því betri
sem undirbúningurinn er þeim
mun betri verður árangurinn. Og
þetta kostar peninga. Við feng-
um ekki krónu fyrir sjónvarps-
sendingarnar frá Frakklandi og
það er von okkar að fólk sem
fylgdist með þeim sendingum
hafi haft gaman af og vil ji styðja
við landsliðið. Án fjármagns
verður ekki hægt að gera stóra
hluti.
Fyrstu viðbrögðin lofa góðu.
Það hafa fjölmargir einstakling-
ar, ekki síst úti á landsbyggðinni,
sent okkur háar upphæðir og þar
get ég nefnt bónda í Mývatns-
sveit sem sendi okkur 50.000 kr.
Það munar um állt og við vonum
sannarlega að fólk sjá sér fært að
styðja við landsliðið því margt
smátt gcrir eitt stórt," segir Jón
Hjaltalín Magnússon. JÓH
Gott kaffi
Reyndzi það
næst
Heildverslun Gunnars
Hjaltasonar Reyðarfirði
Sími 97-41224