Dagur - 02.06.1989, Blaðsíða 5

Föstudagur 2. júní 1989 - DAGUR - 5
Edda kyiuiir skrifstofiitæki
Bókabúðin Edda á Akureyri hefur tekið að sér umboð fyrir sölu á skrifstofutækjum sem Magnús
Kjaran hf. í Reykjavík er með á boðstólum og mun Edda annast söluna á Norðurlandi. Af þessu
tilefni var efnt til kynningar á Hótel KEA og meðal þeirra tækja sem kynnt voru má nefna Minolta
ljósritunarvélar og telefax, Olympia ritvinnsluvélar, EBA pappírstætara, Frama frímerkingarvélar
og Copyfax myndvarpa. Sérstaka athygli vakti t.d. Simul-colour tvílita ljósritun, en auk áður-
nefndra tækja verða ýmsar aðrar vörur frá Kjaran til sölu í Bókabúðinni Eddu. SS/Mynd: KL
Landeigendur takið eftir!
Óska eftir 1-3 hektara landi til leigu eða kaups undir
sumarbústað ca. 11/2-2 tíma keyrslu frá Akureyri.
Ekki væri verra ef landsvæðið lægi að vatni, ekki þó nauð-
synlegt.
Þeir sem hafa áhuga vinsamlegast hafið samband eftir kl. 9
á kvöldin í síma 96-22855.
HRISALUNDUR
BREYTTUR
VERSLUNARTÍMI
Frá 1. juní verður opið í
KEA Hrísalundi:
Mánudaga,
Þriöj udaga og
Miðvikudaga kl. 09-18
Fimmtudaga og
Föstudaga kl. 09-19
Laugardaga kl. 09-14
Skemmtilegir tónleikar
Karlakórsins Geysis
Karlakórinn Geysir hélt vortón-
leika föstudaginn 26. maí sl. í
íþróttaskemmunni á Akureyri.
Söngstjóri kórsins er Michael Jón
Clarke og hefur hann stjórnað
kórnum sl. tvö ár og raunar líka
áður.
Michael Jón Clarke stundaði
nám í söng og fiðluleik bæði í
London og Bandaríkjunum og
hefur komið víða fram sem ein-
söngvari og getið sér hið besta
orð. Það er því mikils virði fyrir
Karlakórinn Geysi að hafa slíkan
söngstjóra, mann sem getur leið-
beint við raddbeitingu og beinlín-
is kennt söng, auk venjulegrar
stjórnunar. Undirleikari kórsins
er Guðrún Kristinsdóttir, sem
lengi hefur verið í allra fremstu
röð á því sviði og þarf ekki að
hafa um það fleiri orð, svo þekkt
sem Guðrún er fyrir sinn frábæra
píónóleik. Það má því teljast
sérstakt lán fyrir kórinn að mega
njóta hæfiléika Guðrúnar, bæði á
æfingum og tónleikum sínum.
Söngmenn kórsins eru 34 sem
þarna komu fram.
Einsöngvarar voru: Michael
Jón Clarke og Örn Birgisson.
Áheyrendur mun hafa verið á
fjórða hundrað.
Söngurinn hófst með ísland
farsælda frón, og það var þegar
auðheyrt á undirtektum að hlust-
endum líkaði söngurinn vel. Þá
söng kórinn Siglingavísur eftir
Jón Leifs og Sé ég eftir sauðun-
um, íslenska þjóðlagið sem Emil
Thoroddsen útsetti svo skemmti-
lega. Bæði þessi lög voru vel flutt
og gott samræmi milli radda.
Næst var: Út ert þú við eyjar
blár, íslenskt þjóðlag sem Páll
ísólfsson raddsetti. Einsöngvari í
laginu var Örn Birgisson, og
hann hreif hlustendur með sinni
björtu og hljómfögru tenórrödd.
Hann var klappaður upp og söng
lagið aftur við mikla hrifningu
áheyrenda. Kirkjuhvoll Bjarna
Porsteinssonar hefði mátt takast
betur. Þá söng kórinn Fyrstu vor-
dægur eftir Árna Thorsteinsson
og má segja að það ætti vel við
miðað við tíðarfarið.
Þessu næst söng kórinn: Sumar
er í sveitum eftir Jóhann Ó.
Haraldsson, Sefur sól hjá ægi eft-
ir Sigfús Einarsson og Suður-
nesjamenn eftir Sigvalda Kalda-
lóns sem var síðasta lagið fyrir
hlé. Af þessum 9 íslensku lögum,
fundust mér - auk einsöngslags-
ins - best sungin: Sumar er í
sveitum, Sefur sól hjá ægi og
Suðurnesjamenn, sem var sér-
staklega vel flutt, enda fagnað
mjög og klappað upp, þó söng-
stjórinn sinnti því ekki fyrir hlé.
Eftir hléið hljómuðu um salinn
þrjú lög eftir Edvard Gríeg, fyrst
var Norröna folket, þar sem Örn
Birgisson söng sóló, sem hann
skilaði með miklum ágætum og
glæsibrag, enda var auðheyrt á
hlustendum að þeir hrifust af
hans fögru rödd og flutningi ekki
síður en af fyrri sóló hans. Kór-
inn átti þarna líka góðan hlut að,
með mjúkum röddum á bak við
einsöngvarann. Næst var Konge-
kvadet og síðan Landkjending. í
báðum þessum lögum söng
söngstjórinn sólóna og skilaði
þeim báðum með miklum sóma,
einkum fannst mér sóló hans í
Landkjending vera mjög vel
sungin. Michael Jón Clarke hefur
háa og þróttmikla barintónrödd,
sem hann beitir af mikilli
nákvæmni, enda hreif hann hlust-
endur og þá einkum í síðara lag-
inu.
Þessu næst söng kórinn; Pví er
hljóðnuð, eftir J. Síbelíus. Það
tókst varla nógu vel. Lagið var
viðkvæmt og nokkuð vant með
farið. Söngstjórinn lét syngja það
aftur og þá tókst kórnum að skila
því vel til hiustenda.
Næst síðast á söngskránni var
svo: í loved a lass enskt lag eftir
John Clements. Það var vel sung-
ið og gott á að hlýða. Síðasta lag-
ið var svo Hava Nageela, ísraelskt
þjóðlag, sungið á hebresku. Um
hebreskuna get ég ekki dæmt, en
lagið er skemmtilegt og var vel
sungið. Þar með var söngskráin
tæmd. Kórinn var klappaður
upp, og lét söngstjórinn þá
syngja Suðurnesjamenn eftir Sig-
valda Kaldalóns og . vakti það
hrifningu eins og þegar það var
sungið fyrir hlé. Aftur var klapp-
að og beðið um meira og þá var
Hava Nageela sungið aftur við
mikla ánægju hlustenda. Enn var
kórinn klappaður upp, og þá
söng kórinn þýska þjóðlagið: Þú
komst í hlaðið, gamlan og
skemmtilegan kunningja sem
flestir kunna og virtist falla hlust-
endum vel. Þetta var síðasta lag-
ið sem kórinn söng að þessu
sinni.
Söngstjórinn nær mjög góðum
og samræmdum hljómum úr sínu
þrjátíu og fjögurra radda hljóð-
færi, og undirleikarinn á líka
mjög góðan hlut í flutningi þess-
ara tónleika. Ég tel að þetta hafi
verið bestu tónleikar sem kórinn
hefur haldið í allmörg ár.
Ég þakka Karlakórnum Geysi
fyrir góðan söng og óska honumn
alls hins besta á komandi tímum.
Árni J. Haraldsson.