Dagur - 02.06.1989, Blaðsíða 14

14 - DAGUR - Föstudagur 2. júní 1989
Jarðartiluti til sölu
Til sölu er Vz jörðin Bláhvammur í Reykjahreppi.
Jaröarhlutanum fylgja jarðhitaréttindi og laxveiöi-
hlunnindi.
Nánari upplýsingar á skrifstofunni.
Fasteignasala-Sími 26441
Hafnarstræti 108.
Sölumaöur: Páll Halldórsson,
heimasími: 22697.
Lögmaður: Björn Jósef Arnviðarson.
ji| Laust embætti
er forseti íslands veitir.
Sýslumannsembættið í Snæfellsness- og Hnappa-
dalssýslu og bæjarfógetaembættið í Ólafsvík er
laust til umsóknar.
Umsóknarfrestur er til 18. júní 1989.
Embættið veitist frá 1. júlí 1989.
Dóms- og kirkjumálaráðuneytið, 30. maí 1989.
Íil framsóknarmenn llli
AKUREYRI I||l
Bæjarmálafundur
verður mánudaginn 5. júní kl. 20.30 að Hafnarstræti 90.
Fé/agar fjölmennið.
Stjórnin.
Harmoniku-
dansleikur
verður í Freyvangi, laugardagskvöldið 3.
júní og hefst kl. 20.30.
Félagar í Félagi harmonikuunnenda við
Eyjafjörð leika fyrir dansi.
Árroðinn.
m
Kynning
Kynnum í dag föstudag, rafmagnsvörur frá
Black & Decker.
Sérhæfðir sölumenn verða á staðnum.
Handverkfæri:
Borvélar-Sagir
Stingsagir- Hristarar
Slípirokkar-Heflar
Vinnuborðog fl.
Garðverkfæri:
Sláttuvélar
Sláttuorf
Hekkklippur
Greinasagirogfl.
'norðurfell hf.
Glerárgötu 32 • Akureyri • Sími 23565
Fædd 9. október 1958 - Dáin 26. maí 1989
Mér leist strax vel á þessa ljós-
hærðu, hógværu en jafnframt
glaðlegu stúlku sem Baldvin
bróðir kynnti fyrir okkur Birnu
er hann kom í heimsókn með
hana um sumarið 1977. Þótt hún
segði ekki margt þessa fyrstu
kvöldheimsókn en léti okkur
bræðrum eftir rausið þá hreifst ég
strax af þeim töfrúm er geisluðu
frá henni og hrifu alla er til
þekktu.
Anægjulegt var að heimsóknir
urðu tíðari og tækifæri gáfust að
kynnast þá væntanlegri mágkonu
minni enn betur sem upplýstu
mig um mannkosti þá er hún bjó
yfir.
Eva Laufey fæddist á Akranesi
dóttir hjónanna Halldóru Engil-
bertsdóttur og Rögnvaldar Þor-
steinssonar. Hún lauk verslunar-
prófi frá Verslunarskóla íslands
1977, starfsmaður Landsbanka
íslands frá 1977 til 1983, hluta árs
1984 starfaði hún hjá Hugmynd
hf., og hjá Skrifstofuvélum hf.
frá 1984 til 1987 en þá fluttust
þau til Akureyrar aftur eftir að
Baldvin hafði lokið prófi í við-
skiptafræði.
Þann 15. júní 1979 gengu þau í
hjónaband í Akraneskirkju og
það sama ár fæddist þeim sonur-
inn Bjarki Þór og tveimur árum
síðar eða 1981 fæddist þeim
sonurinn Valdimar.
Fyrir rúmum tveimur árum dró
ský fyrir sólu þegar gerði vart við
sig sjúkdómur sem hún barðist við
af einstökum dugnaði og æðruleysi
fram á síðustu stundu. Er ég
heimsótti hana fyrir skemmstu
heim til þeirra í Ásveg 27 og sett-
ist hjá henni og sagði frá spaug-
sömum uppátækjum og tilsvörum
drengjanna brosti hún sama
geislandi brosinu og hún brosti
fyrsta sinnið er ég sá hana. Nú er
hún horfin okkur yfir móðuna
miklu langt fyrir aldur fram.
Megi Almættið gefa öllum ná-
komnum styrk og huggun, þótt
svo missirinn sé mikill, er
minningin um hetjuna okkar
styrkur.
Blessuð sé minning Evu
Laufeyjar Rögnvaldsdóttur.
Hólmgeir Valdemarsson
og fjölskylda.
Eva Laufey dáin. Það kom að
vísu ekki á óvart eftir erfiða og
harða baráttu, þótt allir hafi von-
ast eftir að kraftaverk gerðisf.
Eyja, eins og hún var oftast köll-
uð af sínu fólki, var fædd á Akra-
nesi 9. október 1958. Hún var
elst þriggja barna Halldóru
Engilbertsdóttur og Rögnvalds
Þorsteinssonar. Bræður hennar
eru Hallgrímur og Ómar.
Ég vil reyna að lýsa þessari
einstöku konu, sem öllum þótti
vænt um, hvort sem þeir kynntust
henni meira eða minna. Ég
kynntist henni svo til um leið og
konu minni, en Hugrún var móð-
ursystir Eyju. Eyja var skírð í
höfuðið á móðurömmu sinni og
voru þær nöfnurnar taldar um
margt líkar, fólk laðaðist að þeim
og þær gáfu svo mikið af sjálfum
sér. Amma hennar og nafna lést
einnig úr krabbameini aðeins 39
ára gömul.
Eyja kom inn á heimili okkar 9
ára og tók hún strax ástfóstri við
fjölskyldu okkar. Hún var hjá
okkur flest sumur síðan, fyrst hér
á heimilinu og síðan þegar hún
fór út á vinnumarkaðinn aðeins
15 ára. Hún var hrifin af Akur-
eyri, eignaðist hér vini og kunn-
ingja, hitti hér mannsefni sitt,
Baldvin Valdemarsson og bjó
síðan á Akureyri að undan-
skildum þeim árum sem maður
hennar var við nám í Reykjavík.
Þau eignuðust tvo yndisíega og
hrausta drengi, Bjarka Þór á 10.
ári og Valdemar á 8. ári. Mikill er
missir þeirra þriggja að missa
yndislega eiginkonu og móður,
en ég vona að minningin um
hversu dugleg og einstaklega
sterk hún var í baráttunni við
þennan illvíga sjúkdóm, muni
hjálpa þeim og öðrum nákomn-
um ættingjum að sigrast á sorg-
inni.
Ég ætla að veikum mætti að
lýsa henni og munu þá minning-
arnar frá því hún var hér á heim-
ilinu verða sterkastar. Eins og
áður segir kom hún hingað á
heimilið og varð hún strax eins og
ein af fjölskyldunni. Hún náði
góðu sambandi við kynslóðirnar
þrjár sem hún umgekkst mest,
þ.e.a.s. börnin okkar, okkur og
foreldra mína. Er mér það sér-
staklega minnisstætt hvað hún
var einstaklega elskuleg við þau,
komin á efri ár, og vil ég hér með
þakka það. Strax frá fyrsta degi
var eins og þau hefðu alltaf
þekkst. Var þessi stórkostlegi
eiginleiki hennar mér einna
minnisstæðastur, . þ.e.a.s. að
.koma eins fram við alla, gefa öll-
am eitthvað af sér og gera það
svo áreynslulaust að unun var af.
Get ég fullyrt að við Hugrún
hefðum ekki getað hugsað okkur
neinn annan svo ungan, sem við
hefðum treyst til að sjá um börn
okkar á ungum og viðkvæmum
aldri. En þá, fyrir liðlega 21 ári,
flaug það aldrei að okkur að hún
væri ekki fullfær um þetta. Bæði
upplagið og uppeldið á Akranesi
hefur skapað þessa einstöku
stúlku og hún fengið það besta
frá foreldrum sínum og það
þekkti konan mín.
Við munum öll hér í Espi-
lundinum og dóttir okkar,
alnafna hennar, sem nú er í
Kanada og Eyja hélt undir skírn,
minnast þessarar einstöku konu
og sakna hennar sárlega. Um leið
og við færum fjölskyldunni á
Ásveginum, foreldrum, bræðr-
um, tengdamóður og afa á Akra-
nesi, svo og öðrum ættingjum og
vinum, okkar innilegustu samúð-
arkveðjur, viljum við vona að
okkur takist öllum að tileinka
okkur eitthvað af mannkostum
Eyju, sem voru svo miklir.
Stefán Gunnlaugsson.
Kaupfélag Þingeyinga:
Fjármagnskostnaður
hærrí en launakostnaður
- seinagangur stjórnvalda átalinn
Á aðalfundi Kaupfélags Þingey-
inga, haldinn á Húsavík fimmtu-
daginn 4. maí sl., var eftirfarandi
ályktun samþykkt samhljóða.
„í ársreikningi Kaupfélags
Þingeyinga fyrir árið 1988 kemur
fram að vaxtagjöld, verðbætur og
gengismunur eru 165,6 milljónir
króna og er nú svo komið að
þessi kostnaðarliður er orðinn
hærri en launakostnaður félags-
ins.
Ljóst er að núverandi vaxta-
stig, samfara auknum samdrætti,
er að sliga grundvallaratvinnu-
reksturinn í landinu, sem og ann-
an rekstur, ekki síst þann sem
snýr að vinnslu landbúnaðar- og
sjávarafurða og verslunarrekstri
út um hinar dreifðu byggðir
landsins. Þessari starfsemi hefur
alltaf fylgt birgðahald, með til-
heyrandi vaxtabyrði á hverjum
tíma og kemur til með að fylgja
henni um ókomna framtíð eigi
hún að sinna hlutverki sínu.
Aðalfundur Kaupfélags Þing-
eyinga haldinn á Húsavík
fimmtudaginn 4. maí 1989, átelur
seinagang stjórnvalda við fram-
kvæmd þeirrar yfirlýstu stefnu að
lækka fjármagnskostnaðinn í
landinu.
Einnig minnir fundurinn á þá
stefnu og fyrirheit ríkisstjórnar-
innar að koma dreifbýlisverslun-
inni til aðstoðar, en enn hefur
ekkert orðið af efndum þessa
fyrirheits.
Ef fram heldur sem horfir mun
rekstur þeirra fyrirtækja sem
slíkan rekstur stunda, sjálfkrafa
sigla í strand og lýsir fundurinn
ábyrgð á hendur stjórnvöldum ef
ekki verður gripið þegar til
aðgerða til að ná niður vaxtastig-
inu. Þar sem almennar aðgerðir
hafa ekki dugað, leggur fundur-
inn áherslu á þá skoðun sína að
stjórnvöldum beri skylda til að
grípa inn í vaxtaákvörðun með
beinum aðgerðum."
DAGIIR
Akureyri
S 96-24222
Norðlcnskt dagblað