Dagur - 02.08.1989, Blaðsíða 6
6DAGUR - Miðvikudagur 2. ágúst 1989
Hallbjörn Hjartarson söng lög af væntanlegri plötu sinni og gerði það eins og honum einum
er lagið.
- miMð iirn dýrðir
Skagstrendingar gerðu sér glaðan dag um síðustu helgi,
þegar fram fóru hátíðarhöld vegna 50 ára afmælis
Höfðahrepps, en 1. janúar sl. var liðin hálf öld frá því
Vindhælishreppi hinum forna var skipt upp í þrjá
hreppa; Skagahrepp, Höfðahrepp og Vindhælishrepp.
Hátíðarhöldin hófust sl. föstudagskvöld með því að 50
trjáplöntur voru gróðursettar í miðbæ Skagastrandar og
opnuð var listasýning í grunnskólanum úr Listasafni
ASÍ. Stanslaus dagskrá var fram á sunnudag, og endaði
með kaffisamsæti í félagsheimilinu Fellsborg.
Það voru börn og unglingar
sem gróðursettu plönturnar á
föstudagskvöldið, undir stjórn
skógræktarfélagsins, og komust
færri að en vildu, slíkur var áhug-
inn hjá krökkunum á að fá að
gróðursetja. Fjölmenni var við
opnun listasýningar úr Listasafni
ASÍ í grunnskólanum og var sýn-
ingin opin yfir hélgina. Dagskrá
föstudagsins lauk með varðeldi á
Hólatúni síðla kvölds, þar sem
um 200 manns komu saman,
aðallega yngri kynslóðin á staðn-
um. Það var sungið hástöfum við
eldinn, sem yljaði mönnum í næt-
urkuldanum.
Sönghópurinn Góló söng nokkur lög á skemmtuninni á Hólatúni við undirleik Þorvaldar Skaftasonar.
Fallegasta mark á
Skagaströnd í áraraðir!
Á laugardag hélt hátíðardag-
skráin áfram með afmælismótum
í sundi og bridds um morguninn.
Verðlaunaafhending fyrir sund-
mótið fór fram á Hólatúni síðar
um daginn. Eftir hádegi byrjaði
fjörið aftur kl. 14 með leik
úrvalsliðs USAH og 1. deildar-
iiðs Skagamanna. Heimamenn
stóðu vel í Skagamönnum og
gáfu þeim lítið eftir. Leiknum
lyktaði með 3:1 sigri ÍA og skor-
aði Skagamaðurinn í liði USAH
markið, sjálfur skólastjórinn á
Skagaströnd, Páll Leó Jónsson.
Mark Páls var afar glæsilegt og
talið fallegasta mark sem sést
hefur á Skagaströnd og þó víðar
væri að gáð.
Hallbjörn með gott
„come back“
Að loknum leik ÍA og USAH var
gengið fylktu liði í skrúðgöngu að
Hólatúni, þar sem skemmtidag-
skrá fór fram fyrir alla fjölskyld-
una. Hún hófst með stuttu ávarpi
oddvita hreppsnefndar Höfða-
hrepps, Magnúsar Jónssonar, en
síðan tók við stanslaus skemmtun
í þrjá tíma. Meðal þeirra sem
tróðu upp voru Sönghópurinn
Góló, krakkar úr leikskólanum,
Rose Mary Angus, félagar úr
Leikklúbbi Skagastrandar og síð-
ast en ekki síst, Hallbjörn Hjart-
arson, kántrýsöngvarinn góð-
kunni. Hallbjörn söng nokkur lög
af væntanlegri plötu sinni og fékk
hann góðar viðtökur frá heima-
mönnum, sem ekki hafa heyrt frá
honum um nokkra hríð. Það má
segja að Hallbjörn hafi átt þarna
gott „come back“, hann virðist
fáu hafa gleymt og voru nýju lög-
in mjög svo áheyrileg. Þau eiga
eftir að heyrast á öldum ljósvak-
ans innan tíðar.
Dansleikir fyrir alla
aldurshópa
Á Hólatúni gat yngri kynslóðin
farið í leiktæki margs konar og
brugðið sér á hestbak. Þá var
heljarinnar grillveisla fyrir alla
viðstadda, sem voru, hátt í 500,
þegar best lét. Par gátu afmælis-
gestir fengið kjöt og pylsur eins
og þeir gátu í sig látið. Að lokinni
skemmtun á Hólatúni hélt gleðin
áfram á fjölskylduballi í
Fellsborg, þar sem hljómsveitin
Skriðjöklar tróð upp. Síðar um
kvöldið var svo almennt ball í
Fellsborg, en einnig voru gömlu
dansarnir stignir í kaffisal Hóla-
ness hf. Það má því segja að nær
allir Skagstrendingar> og nær-
sveitamenn hafi farið á dansleik
þarna á laugardagskvöldið og
áreiðanlega skemmt sér konung-
lega.
Jo.".f"8,..,ngvar?son ,ý?ti leik IA °8 USAH beint á RAS-SKA af Hluti af þeim sem störfuðu við RÁS-SKA í hljóðverinu í Fcllsborg. Frá vinstri: Guðmundur Ólafsson, Óskar Þór Óskarsson, Magnús Jónsson
nukilh roggsemi. Undir lok lciksins sleppti hann míkrafóninum útvarpsstjóri og oddviti, Ragnar Jónsson og við græjurnar situr Arni Geir Ingvarsson. Á myndina vantar tæknimenn og dagskrárgerðarfólk á
og for í mark Skagamanna, þar sem hann lék á árum áður við borð við Viggó Magnússon, Halldór Ólafsson, Stefán Lárusson og Jóneyju Gylfadóttur, svo einhveriir séu nefndir.
goðan orðstlr. J