Dagur - 16.09.1989, Blaðsíða 13
Laugardagur 16. september 1989 - DAGUR - 13
i
kvikmyndarýni
Ií Umsjón: Jón Hjaltason
Eru leikarar dindilmenm?
Borgarbíó sýnir: Dansmeistarinn
(Dancers).
Leikstjóri: Herbert Ross.
Höfundur handrits: Sarah Kemochan.
Helstu leikendur: Mikhail Baryshnikov
og Julie Kent.
Cannon 1987.
Sumar bíómyndir vekja með mér
hugsanir sem ekki er augljóst að
eigi heima í kvikmyndarýni. Til
dæmis vakti Dansmeistarinn hjá
Borgarbíó
Laugard. 16. sept.
mér bollaleggingar um eðli
leikara. Hvað gerir það sálinni í
manneskju að verða sí og æ að
þykjast vera einhver annar en
hún sjálf? Kemur þetta ekki í veg
fyrir sköpun heilsteyptrar
persónu? Verður útkoman dind-
ilmenni, tómur belgur sem fyllt
er á öðru hverju en sem þess á
milli svitnar í ákafa út lyktinni af
veigunum er hann hefur geymt
einhvern tíma áður? En nú út í
aðra sálma og meira viðeigandi.
Dansmeistarinn er um ballett-
dansarann Tony (Mikhail
Baryshnikov) sem er í óða önn
að undirbúa lokadansverkefnið
sitt á ævinni. Hann ætlar að
dansa þennan dans og síðan ekki
fleiri. Og vitaskuld er honum
mikið í mun að allt verði eins gott
og nokkur kostur er, og ekki nóg
með það, hann stefnir að full-
komnun. Fyrir vikið er Tony ekki
manna umburðarlyndastur. En
það eru ekki aðeins dansfélagar
hans sem valda honum hugar-
angri, hann efast um sjálfan sig,
tæknin er að vísu óaðfinnanleg
en tilfinninguna vantar.
í ástamálum hefur Tony ekki
verið við eina fjölina felldur og
þegar Lisa (Julie Kent), ung
bandarísk ballerína kemur til að
dansa lítið hlutverk í leiknum,
vaknar hinn gamli Adam enn
einu sinni í brjósti hans. Þennan
þráð notar handritshöfundurinn
Sarah Kernochan til að tvinna
saman tvær ákaflega keimlíkar
sögur, munurinn er aðeins sá að
önnur fer fram á sviðinu en hin
utan þess. Þetta er í raun snjöll
hugmynd því að þegar maður
horfir á Tony dansa þá er maður
með hugann við ástarsögu hans
og Lisu sem gerist þó alls ekki á
leiksviðinu. A þennan hátt öðlast
hoppin og tiplið, sem leggja und-
ir sig megnið af myndinni, svo-
litla merkingu sem myndi varla
gerast að öðrum kosti.
Að lokum þetta; ef þú hefur
gaman af ballett þá skaltu skil-
yrðislaust fara og sjá Dansmeist-
arann, ef þér geðjast hins vegar
miður að þessu listformi þá
skaltu láta það vera.
Mikhail Baryshnikov leikur bailettdansarann Tony Sergeyev.
Kl. 9.00
Magnús
Kl. 9.10
Tungl yfir Parador
Kl. 11.10
Martröð í Álmstræti
Sunnud. 17. sept.
Kl. 3.00
Heiða
Kl. 9.00
Magnús
Kl. 9.10
Tungl yfir Parador
Kl. 11.10
Martröð á Álmstræti
Mánud. 18. sept.
Kl. 9.00
Magnús
Kl. 9.10
Tungl yfir Parador
HREINSIÐ UÚSKERlN
REGLULEGA.
DRÚGUM ÚR HRAÐA!
UMFERÐAR
RÁÐ