Dagur - 25.01.1990, Side 6

6 - DAGUR - Fimmtudagur 25. janúar 1990
SamaðarátaMð
Dögun ’90
í Glerárkirkiu
- „Ungt fólk með hlutverk“ vinnur að uppbyggingu safnaðar-
starfs í samvinnu við sr. Pétur Þórarinsson næstu vikurnar
Um þessar mundir er
átak í uppbyggingu
safnaðarstarfs í Gler-
árkirkju að fara af
stað. Heiti átaksins er
„Dögun ’90,“ og
hreyfingin „Ungt fólk
með hlutverk“ stendur
að átakinu í samvinnu
við sóknarprestinn, sr.
Pétur Þórarinsson.
Blaðamaöur spjallaði við Þor-
stein Kristiansen, starfsmann
„Ungs fólks með hlutverk'- og
biblíuskóla sem hreyfingin rekur
á Eyjólfsstöðum á Fljótsdalshér-
aði. Hann hefur um þriggja mán-
aða skeið starfað við biblíuskól-
ann. Með honum voru tveir
nemendur skólans, Arna Ýrr Sig-
urðardóttir og Gunnar Árnason.
Nám þeirra í biblíuskólanum er
bæði verklegt og bóklegt. Þau
hafa lokið bóklega hlutanum en
verklegi þátturinn fer fram með
því að starfa við safnaðarátakið í
Glerárkirkju.
Þorsteinn varð fyrstur fyrir
svörum.
- „Ungt fólk með hlutverk" er
hreyfing sem upprunnin er í
Reykjavík.
„Já, það er rétt. Hreyfingin var
stofnuð um hvítasunnuna árið
1976. Það var gert eftir að kristi-
legur hópur ungs fólks hafði
starfað um fjögurra ára skeið.
Hluti hópsins hafði áður tekið
þátt í kristilegu starfi innan
KFUM og K, en kaus að nota
aðrar starfsaðferðir. Hópurinn
átti það sameiginlegt að vilja sjá
hlutverk kirkjunnar vaxa og
eflast. Samtökin eru stofnuð til
að boða trú og auka áhrif kristn-
innar í landinu. Hér er um boð-
unarhreyfingu að ræða.“
Biblíuskólinn
á Eyjólfsstöðum
- Hvernig var starfseminni hátt-
að fyrstu árin?
„Starfsemin var mjög öflug allt
frá upphafi. Sem dæmi get ég
nefnt að árið eftir stofnunina,
1977, voru sendir út fimm boðun-
arhópar, til Vestmannaeyja,
Siglufjarðar, Ólafsvíkur og
Egilsstaða, fyrir utan fimmta
hópinn sem ferðaðist um landið.
Upp úr þessu starfi gerðist það að
hreyfingin festi kaup á jörðinni
Eyjólfsstöðum á Fljótsdalshér-
aði. Þar var settur á fót biblíu-
skóli. Kaupin voru gerð árið 1978
og framkvæmdir hófust árið eftir.
Það tók okkur því tíu ár að
koma biblíuskólanum upp og í
rekstur.“
- Hvernig standið þið að fjár-
mögnuninni?
„Við innheimtum ekki félags-
gjöld en byggjum mikið á stuðn-
ingsaðilum sem styrkja okkur. Þá
erum við með útgáfustarfsemi;
gefum út bækur, snældur og
fleira. Það er því eðlilegt að
bygging skólans hafi tekið sinn
tíma því hreyfingin er ekki
fjársterk, eins og gefur að skilja.
Við höfum líka gengið gegnum
þrengingar og erfiða tíma vegna
þess að hluti hópsins yfirgaf hann
og myndaði söfnuði sem hafa val-
ið að starfa utan þjóðkirkjunnar.
Sá hópur sem valdi að starfa inn-
an kirkjunnar minnkaði en vonir
eru bundnar við að hann muni
stækka og eflast með tilkomu
biblíuskólans.“
Yilja byggja söfnuðina upp
í samvinnu við prestana
- Ert þú félagi í KFUM, Þor-
steinn? Það félag er einnig boð-
unarhreyfing innan kirkjunnar.
„Ég er reyndar skráður félagi
þar ennþá, já. En það sem greinir
þessar hreyfingar að er ekki
kenningalegur ágreiningur, því
þær starfa á sama grundvelli og
þjóðkirkjan þannig séð. Munur-
inn er sá að KFUM og K ákvað
að starfa í eigin húsnæði og sam-
lagast þjóðkirkjunni á allt annan
hátt en Ungt fólk með hlutverk,
sem tekur beinan þátt í starfi
þjóðkirkjunnar. Við viljum
byggja söfnuðina upp í samstarfi
við prestana.“
- Hvernig taka prestarnir því?
„Það er upp og ofan, til að
byrja með vorum við ung og
óreynd á þessu sviði og óþekkt
stærð. En ég vil segja að þau
áhrif sem við höfum komið til
leiðar með þátttöku okkar í kirkj-
unni eru mikil. Samþykkt presta-
stefnu og kirkjuþings um að ára-
tugurinn 1990 til 2000 verði helg-
aður safnaðaruppbyggingu er
dæmi um að starf okkar hefur
fengið hljómgrunn. Fólk er með-
vitaðra um að ekki er nóg að
byggja guðshús úr steinsteypu
heldur verður jafnframt að
byggja upp innra starf kirkjunn-
ar.“
Ástæður þess að fólk
sækir ekki kirkju kannaðar
- Hlýtur uppbygging safnaðar-
starfs ekki að byggja á því að fólk
almennt sæki sína kirkju?
„Já, hver er ástæða þess að
fólk sækir ekki kirkju í ríkara
mæli? Ýmsir hafa velt þessari
spurningu fyrir sér og leitað
svara. Það viljum við einnig gera
ætlum að kanna viðhorf til kirkju
og kristni. Við vitum að fólk sæk-
ir kirkju á hátíðum eða við sér-
stök tækifæri, en margir fara ekki
á öðrum tímum. Vilji okkar er að
ná til fólksins og vekja með því
áhuga á þjóðkirkjunni þannig að
boðskapur hennar nái til þess.“
- Hvernig sérð þú fyrir þær
hið æskilegasta ástand þessara
mála?
„Æskilegast væri að kirkjan og
kirkjusókn væri samnefnari dag-
legs lífs fjölskyldunnar. Eðlilegt
væri að allir færu í kirkju; pabbi
og mamma, afi og amma, börnin
og unglingarnir á heimilinu. Allir
gætu sameinast í kirkjunni.“
- En nú er ekki messað nema
einu sinni í viku.
„Já, en kirkjan getur alltaf
aukið starf sitt og boðið upp á
meiri fjölbreytni fyrir alla ald-
urshópa. Barna- og æskulýðsstarf
þarf að stórefla hér á landi, fyrir-
bænaguðsþjónustur eru dæmi um
nýbreytni í kirkjulegu starfi og
þar fyrir utan má starfrækja alla
vega hópa sem geta komið saman
í heimahúsum eða kirkjum. Slík-
ir hópar geta t.d. rætt um biblí-
una, fræðst um ákveðin atriði í
Heilagri ritningu, beðið saman,
rætt um mál eins og fjölskyldu-
mál, hjónaband, sorg o.s.frv.
í þessu sambandi vil ég benda
á að kirkjan er fyrst og fremst
boðunarafl, það er markmið
hennar að hluta til að boða
kristna trú. Ef við verðum ein-
hvern tíma svo lánsöm að
almenningur verði virku. í kirkj-
unni eru verkefni út um allan
heim, því markmið kristins
manns er að ná til allra manna
með trúna.“
- Hvernig hyggist þið vinna að
markmiðum „Ungs fólks með
hlutverk" í gegnum Biblíuskól-
ann að Eyjólfsstöðum?
„Markmiðið er að gefa ungu
fólki á öllum aldri tækifæri til að
koma og fræðast um grundvallar-
atriði Biblíunnar. Trú okkar er
sú að með því að fólk kynnist
grundvallaratriðum kristninnar
og lifir í samræmi við það muni
líf þess breytast. Fyrsta hlutverk
skólans er að hver nemandi hans
verði heilsteyptur þjóðfélags-
þegn, reiðubúinn til að takast á
við lífið. í öðru lagi er markmiðið
að fólk verið hæft til að taka þátt
í starfi kirkjunnar, í barnastarfi,
æskulýðsstarfi og öðrurn þeim
vettvangi sem kirkjan starfar á.“
- Ungt fólk með hlútverk er
hluti alþjóðlegrar hreyfingar, er
það ekki?
„Já, rétt er það, við erum hluti
alþjóðlegra samtaka sem nefnast
„Ýouth with a Mission.“ Það eru
þverkirkjuleg samtök en við
störfum algerlega innan kenn-
ingagrundvallar þjóðkirkjunnar.
Glerárkirkja á Akureyri.
Að fræðast um Biblíuna