Dagur - 20.06.1990, Blaðsíða 6

6 - DAGUR - Miðvikudagur 20. júní 1990
Ármann Sverrisson framkvæmdastjóri
Glerárgötu.
dís. Flestir kaupenda eru ein-
staklingar, en mjög hefur dregið
úr kaupum verkalýðsfélaganna á
sumarhúsum á allra síðustu árum
þrátt fyrir að nokkuð stöðug
ásókn sé í að fá þau leigð.
Sumarhúsahverfí
í Lundskógi
Skipulagt hefur verið svæði undir
21 hús í landi Lundar í Lund-
skógi sunnan Vaglaskógar í
Fnjóskadal sem hefur fengið
nafnið „Höfðabyggð", en verið
er að leggja veg á svæðið og
undirbúa aðrar nauðsynlegar
framkvæmdir, en væntanlega
verður hægt að reisa fyrstu húsin
þar í haust. Skipulag svæðisins er
nú til umfjöllunar og afgreiðslu
hjá Skipulagi ríkisins og bygg-
ingarnefnd héraðsins, en fyrir
liggur samþykki hreppsnefndar,
jarðanefndar, heilbrigðisnefndar
og Náttúruverndarráðs en sam-
þykki þessara nefnda er skilyrði
þegar um byggingu sumarhúsa er
að ræða. Byggingarnefnd þarf
svo að samþykkja uppsetningu
hvers húss fyrir sig.
En hver verður þróunin í þess-
um málum í nánustu framtíð?
Ármann Sverrisson telur að með
viö dyr byggingavöruverslunarinnar i
auknum frítíma almennings muni
þessi þróun halda áfram enn um
sinn, en síðan muni markaðurinn
mettast nokkuð en á móti komi
nokkur endurnýjun, viðbót og
viðhald. Stærsti hluti viðskipta-
vina BYNOR í dag er fólk sem
m.a. hefur farið með fjölskyld-
una á suðlægar sólbaðsstrendur
en er kannski að vakna til vitund-
ar um að stundum sé leitað langt
yfir skammt og við búum í landi
sem býður upp á mjög fjölbreytta
náttúru þó að ekki sé hægt að
flatmaga í sólskini dag hvern.
Flest sumarhús sem byggð eru
í dag eru einnig svokölluð heils-
árshús, þ.e. hægt er að dvelja í
þeim á hvaða árstíma sem er, og
það nota margir sumarhúsaeig-
endur sér, sérstaklega þeir sem
um skamman veg þurfa að fara til
að komast í faðm náttúrunnar.
Dæmi eru um það að fjölskyldan
dvelji í sumarhúsinu allt sumarið
og sæki í vinnu þaðan sem ekki er
tiltökumál t.d. austan úr Fnjóska-
dal til Akureyrar.
Þó nokkrir aðilar hérlendir
framleiða sumarhús og því tals-
verð samkeppni á þessum mark-
aði eins og reyndar má sjá þegar
ekið er um Akureyri og ná-
grenni. GG
Eitt af sumarhúsum BYNOR í smíðum. Væntanlega getur kaupandinn flutt inn á næstunni í faðmi náttúrunnar.
Eimskip:
Viðskiptamönnum boðið í grillveislu
Framboð lóða undir sumarhús
meiri en eftirspumin
- „Vinsældir einkasumarhúsa aldrei meiri,“
segir Ármann Sverrisson hjá BYNOR
Eru sumarleyfisvenjur íslendinga ad breytast, eða
eru íslendingar að vakna til vitundar um að þeir
búa í fallegu landi og besta ráðstöfun á sumarleyf-
inu er kannski ekki alltaf að liggja marflatur á suð-
Iægri sólarströnd?
Á undanförnum árum hefur
það farið í vöxt að fólk kaupi sér
sumarhús og reisi það í hæfilegri
fjarlægð frá heimilinu, þannig að
akstur þangað taki ekki nema
einn til einn og hálfan tíma. Með
því móti verður nýting húsanna
miklu betri og notkun yfir vetrar-
tímann verður raunhæfur mögu-
leiki, a.m.k. um helgar, enda eru
flest þessara húsa heilsárshús,
þ.e. hægt er að búa í þeim alla
mánuði ársins.
Eitt af þeim fyrirtækjum sem
sérhæft hafa sig í því að byggja
sumarhús og skipuleggja svæði til
hagræðis fyrir væntanlega við-
skiptavini er BYNOR, sem rekur
byggingavöruverslun í Glerár-
götu og verkstæði í Sjafnarhúsinu
við Austursíðu, en við vegfar-
endum sem koma til bæjarins að
norðan blasa sumarhúsabygg-
ingar fyrirtækisins.
Fyrir tveimur árum keyptu þeir
Ármann Sverrisson og Hjörtur
Fjeldsted BYNOR (Bygginga-
þjónustu Norðurlands) af Davíð
Haraldssyni. Rekstur bygginga-
vöruverslunarinnar hefur verið
með hefðbundnu sniði, en auk
þess hefur verið aukning í inn-
flutningi á timbri frá Póllandi.
Fyrsta árið voru aðeins fram-
leiddir 2 bústaðir, en síðan hefur
verið stígandi í framleiðslunni,
og á síðasta ári má segja að fram-
leiðslan hafi verið í fullum gangi,
en það ár voru framleidd um 30
sumarhús.
Húsin eru íslensk framleiðsla,
en hluti veggeininga og gaflar
koma frá Tékkóslóvakíu. Húsin
eru framleidd í ýmsum stærðum
eða allt frá 20 upp í 100 m', og
einnig eru kröfur kaupenda um
innréttingar mjög mismunandi en
algengast er þó að þau sé afhent
fokheld og þá ýmist í einingum
eða uppsett, en í einstaka tilfell-
um verður að reisa húsin á staðn-
um þar sem ekki reynist mögu-
legt að flytja þau um byggingar-
svæðið með öðrum hætti. Verð
getur því verið mjög mismunandi
eða allt frá 2 milljónum upp í 5
milljónir króna.
Um 60% af sumarhúsunum
fara á suðvesturhorn landsins, þó
aðallega í Borgarfjörð, Þingvelli,
Grímsnes og Laugarvatn en hér
norðanlands hafa flest sumarhús-
in farið í Fnjóskadal og Bárðar-
dal. Talsvert framboð er af lóð-
um eða svæðum til að reisa
sumarhús á, sérstaklega fyrir
sunnan, og því auðvelt fyrir þá
sem hyggjast kaupa og reisa
sumarhús á því svæði að finna
blett fyrir sína einkasumarpara-
Grillveislugestir Eimskips gæða sér á grillmat með öliu tilheyrandi.
Síðdegis sl. föstudag bauð
Eimskip til móttöku fyrir
viðskiptamenn skipafélags-
ins í Oddeyrarskála, vöru-
skála félagsins á Akureyri.
Þar var gestum boðið upp á
grillmat og drykk að eigin
vali til að skola kræsingun-
um niður.
í ávarpi sem Hörður Sigur-
gestsson forstjóri Eimskips hélt
minntist hann þess að réttur ára-
tugur væri liðinn síðan Eimskip
yfirtók starfsemi umboðsmanns
félagsins á Akureyri og hóf rekst-
ur eigin vöru- og skipaafgreiðslu
og reglubundnar siglingar hófust
á ný til Norðurlandshafna.
En nú er Eimskip að taka nýtt
skref í innanlandsflutningsþjón-
ustunni, en ákveðið hefur verið
að í byrjun júlí hefji Eimskip
vikulegar siglingar frá Reykja-
vík, norður, austur og suður um
land til Reykjavíkur með skipi,
sem nú heiti ísberg, en mun fá
nafnið Stuðlafoss. Stuðlafoss
mun sigla frá Reykjavík á föstu-
dagskvöldum, hafa viðkomu á
Norðurlandi á mánudögum, og
vera á Austfjarðarhöfnum á
þriðjudögum og miðvikudögum
og mun þannig tengja saman
þessa landshluta og jafnframt
tengja Austfirði við millilanda-
siglingakerfi Eimskips. Rekstur
Mánafoss, sem hér hefur verið í
siglingum, verður óbreyttur.
í lokin sagði Hörður: „Rekstur
félagsins á fyrstu fimm mánuðum
þessa árs er í jafnvægi og í aðal-
atriðum samkvæmt áætlun, og er
því hagnaður af rekstri þess. Það
er mikil breyting frá því sem var
á liðnu ári, þegar félagið hafði
tapað hundrað milljónum á sama
tíma.“
Á palli sem komið hafði verið
upp í skálanum sérstaklega vegna
þessarar móttöku, spilaði hljóm-
sveit Ingimars Eydal, og setti sér-
stakan og skemmtilegan blæ á
þessa grillveislu.
Hörður Sigurgestsson forstjóri ávurpar viðskiptavini Eimskips í Oddeyrar-
skála.