Dagur - 20.06.1990, Blaðsíða 7

Miðvikudagur 20. júní 1990 - DAGUR - 7
Verðlaunasjóður íslenskra barnabóka:
200 þúsund króna verðlaun
fyrir bestu bamabókina
Verðlaunasjóður íslenskra
barnabóka efnir nú í sjötta
sinn til samkeppni um handrit
að bókum fyrir börn og ung-
linga. íslensku barnabóka-
verðlaunin 1991 nema 200 þús-
und krónum, en auk þess fær
sigurvegarinn í samkeppni
sjóðsins greidd höfundarlaun
fyrir verkið samkvæmt samn-
ingi Rithöfundasambands
Islands og Félags íslenskra
bókaútgefanda. Frestur til að
skila handritum í verðlauna-
samkeppnina er til 30.
nóvember 1990, en verðlauna-
bókin inun koma út vorið 1991
á vegum Vöku-Helgafells í
tengslum við afhendingu verð-
launanna. Þess má geta að
ákveðinn hundraðshluti af
útsöluverði hverrar bókar
rennur til sjóðsins.
Verðlaunasjóður íslenskra
barnabóka var stofnaður árið
1985. Meginmarkmið sjóðsins er
að stuðla að auknu framboði á
vönduðu íslensku lesefni fyrir
æsku landsins. í þessu skyni efnir
sjóðurinn árlega til sagnakeppni
og hyggst þannig örva fólk til að
skrifa bækur fyrir börn og ung-
linga. Höfundur besta handrits-
ins að mati dómnefndar hlýtur
svo Islensku barnabókaverðlaun-
in hverju sinni.
Að verðlaunasjóði íslenskra
barnabóka standa bókaforlagið
Vaka-Helgafell, fjölskylda
Ármanns Kr. Einarssonar rit-
höfundar, Barnabókaráðið (Is-
landsdeild IBBY-samtakanna) og
Barnavinafélagið Sumargjöf.
Formaður stjórnar Verðlauna-
sjóðs íslenskra barnabóka er
Ólafur Ragnarsson bókaútgef-
andi.
Pess má geta að í öll skiptin
sem íslensku barnabókaverð-
launin hafa verið veitt hafa verð-
launabækurnar jafnframt verið
fyrstu bækur höfundanna. Árið
1986 hlaut Guðmundur Ólafsson
verðlaunin fyrir bók sína Emil og
Skundi, Kristín Steinsdóttir árið
1987 fyrir bókina Franskbrauð
með sultu, Kristín Loftsdóttir
árið 1988 fyrir bókina Fugl í búri,
Heiður Baldursdóttir hlaut verð-
launin fyrir bók sína Álagadalur-
inn árið 1989 og nú í vor hlaut
Karl Helgason verðlaunin fyrir
bókina í pokahorninu.
Væntanlegum þátttakendum í
samkeppninni unt íslensku
barnabókaverðlaunin 1991 skal
bent S að ekki eru sett nein tak-
mörk varðandi lengd sagnanna
og einungis við það miðað að efn-
ið hæfi börnum og unglingum.
Sögurnar skulu merktar dul-
nefni en rétt nafn höfundar fylgi í
lokuðu umslagi. Óskað er eftir að
handrit séu send í ábyrgðarpósti
og utanáskriftin er:
Verðlaunasjóður íslenskra
barnabóka, Vaka-Helgafell,
Síðumúla 6, 108 Reykjavík. Með
rétt höfundarnöfn innsendra
handrita verður farið með sem
trúnaðarmál.
Ljósmyndasamkeppni
í tilefni af 25 ára afmæli Pedromynda á Akureyri efnir fyrirtækið til
Ijósmyndasamkeppni í samvinnu við Dagblaðið Dag.
Takið þátt í Ijósmyndasamkeppninni!
Reglur keppninnar eru einfaldar:
ik- Öllum er heimil þátttaka.
Myndefni er þátttakendum í sjálfsvald sett.
kk Æskileg stærö mynda er 10x15 cm.
tsk Keppnin stendur yfir til 15. september nk.
' Tekið er á móti myndum í verslunum Pedromynda
í Hafnarstræti 98 og Hofsbót 4 á Akureyri.
. & Veitt veröa tvenn verðlaun: Annars vegar fyrir „lifandi
myndefni“ (menn og dýr) og hins vegar fyrir landslag eða form.
Dagur áskilur sér rétt til að birta þær myndir
sem til álita koma, sér að kostnaðarlausu.
iz Úrslit verða tilkynnt um miðjan október.
Verðlaunin fyrir bestu mynd í hvorum flokki er myndavél af gerðinni
CHINON GENESIS, með aukahlutum, að verðmæti 30 þúsund krónur.
Hafnarstræti 98, sími 23520 Hofsbót 4, sími 23324
Strandgötu 31, sími 24222